سوكودين 4 انجليزي كوبي

[Lumina]

السلام عليكم ورحمه الله و بركاته قبل كل شي

اليحن يا جماعة سوكودين 4 النسخة الانجليزية نازلة لها تقريبا ثلاث أسابيع و من يوم نزلت الى الحين و أنا أدورها كوبي مالقيتها ، مابقي مكان ما دورتها فيه فياليت اذا أحد يعرف مكان يبيع اللعبة كوبي في الرياض يقولي الله يرضي عليكم تراي تعبت من كثر الدوران.

[squall 911]

أنا عندي نفس الحالة

ما خليت محل بالرياض ما دخلته

و كلهم يقولولي ما في

[Lumina]

طيب و الحل أنا صارت فيني حاله هستيريه ، صرت يوميا أروح لنفس المحلات و أسألهم عن اللعبة
الهنود في المحلات ملو مني و من خشتي من كثر ما أروح لمهم
المشكله اني ودي أخلصها قبل لا تنزل زينوساجا 2
شباب تكفون الي يلقى اللعبة لا يبخل علينا يعلمنا من وين شراه
و مشكور على مرورك يا سكوال

[ShadoW]

سلام

ترى هي نازله من زمان وشريتها من محل بالعليا جمب اسواق طيبه والله مدري وشسمه اظاهر خط الانتحار او شي زي كذا كوبي ب 15 ريال الحقوا عليها بس

[Itachy]

أنا فتحت الموضوع لأني حسبت أنكم اشتريتوها
بس طلع حالكم من حالي
أنا رحت على محل قالي تعال بعد اسبوع (يصرفني)
على العموم أول مايصير معكم شي خبرونا

[squall 911]

أنا لقيت اللعبة في محل جنب البيت

تقاطع شارع العروبة مع شارع المهندس مساعد العنقري (( ليلى الأخيلية سابقاً ))

عند الماسة الزرقاء

[Lumina]

مشكور يا شباب على المرور و أنا كنت رايح للمحل الي قاله شادو و أنا رايح شفت محل سوني نزلت ولقيت اللعبة عنده

واكتشفت ان اللعبة نزلت بكل المحلات بنفس اليوم الي شريت اللعبة فيه