Devil May Cry 3 رسميا مع أول المعلومات وأول صورة!

[ash 90]

الموضع صار عن أراء ننجا جايدن بعد التجربه + أسرارها بعد

صراحه الموضوع صار ممل السبب ننجا جايدن .. فرجاء وقفوا الكلام و الصور عنها علشان لا يتسكر الموضوع

اضافه :

موعد صدور اللعبه 2004 بأمريكا !! >> أشك فيها

اضافة أفضل سكان ظهر للعبه الى الان .. يوضح قائممة الأدوات و القتال مع رئيس و بعض الوحوش و دانتي يعرزف على الجيتارا !!

[We6fe]

شكرآ للجميع على الصور و المعلومات


اخي مشاري
اخوتي الظاهر ان العبة اسمها ديفيل مي كراي زيرو

اخوي دقق اكثر باللوقو هي 3 مو زيرو .. شوف الجانب الايمن والايسر .

دانتي يعرزف على الجيتارا !!

هه لاحظ شلون يطلع شرار من حولين الجيتار الظاهر بيكون سلاح سري او ما شابه .

وفي ميزة ما تكلم عنها احد وهي انك تقدر تصد هجوم الاعداء وتسوي هجومات مضاده .

[Ninja_BoY]

مشكوووور أخوي .. على المعلومات بسس عندي ملاحظه متى موعد نزولها .. ؟؟ يعني بيطول ولا ولاء ... همم ولا لو بيطول بيكون الأمر ممل لأنه شكلها عجييييييييب مره

[Mohmmed A]

اخوي دقق اكثر باللوقو هي 3 مو زيرو .. شوف الجانب الايمن والايسر .

اخي العزيز We6fe

الشي الي اتقول عنة على يمين الشعار هو دانتي نفسة قاعد وشايل سيفة الى الخلف كأنة توة ذابح حد
لاكن دقق على البياض الي خلف الشعار على شكل صفر 0

[miss.sugar]

مشكووور اخوي

[Riddick00]

اهلا يا شباب ....
اشوف الموضوع انقلب Ninja Gaiden VS Devil May Cry
المهم بدون تعصب ...
اللعبتين هم قمة الأكشن صراحة ..
وبوصفي ان ختمت اللعبتين ... اقول ان المقارنة مستحيلة ...
بتقولوا كيف !!!

نينجا جايدن لعبة نينجا اي بستايل نينجا وبيئات عادية ....
ديفيل مي كراي شياطين و دماء بستايل شيطاني ان صح التعبير ...
واما مسألة من الأفضل او من الأحلى ..... صعبة ذي ..
في ناس تحب الدماء او ستايل و طريقة ديفيل مي كراي ....
وفي بعد ناس تحب ستايل نينجا جايدن و اساليب النينجا وغيره ...

المهم انا بقول لكم مميزات اللعبتين دون النظر الى العيوب ..
لأني اذا دخلت في العيوب راح تصير فوضى ويمكن ان اشوف شي
في عيب غيري يعتبره شيء عادي ..... لذلك خلنا على المميزات ::.
بدون تعصب ولا شيء ...

Devil May Cry
1 - الشخصية مرحة و محبوبة وتمتلك روح الدعابة ان صح التعبير ..
والكل يعرف من خلال العروض وخصوصا في هذا الجزء ...
الشخصية افضل شخصية في عالم العاب الأكشن ...
ديفيل مي كراي سحرت كل عشاق الفيديو جيمز ....
وخصوصا بالبطل دانتي ... صدقني ما راح تلقى بطل
مهبول و مغرور مثل دانتي " شخصيته رهيبة رهيبة و خيالية "
والله ما راح تشوف شخصية لها معجبين مثل دانتي ....
لدرجة ان العبض يقول ان ديفيل مر كراي افضل لعبة على الأرض ...
وصدق من قال " الشخصية نص اللعبة "
2 - القصة رائعة وهي افضل قصة لعبة اكشن شفتها ...
خصوصا الجزء الثالث .... القصة ممتعة و العروض تأكد الشي هذا ...
يمكن تيأل روحك دايما العاب الأكشن قصتها الله لا يوريك ...
لك ديفيل مي كراي شيء ثاني ....
3 - عمر اللعبة و الرسوم و غير ذلك رائعة ....
يعني اللعبة ما فيها خلل .... الرسوم مناسبة على مستوى الألعاب
العمر مناسب " 12 ساعة " .
وانا اقول ان عمرها 1000000000 ساعة
بتقولي ليش " لأنها لعبة ما تمل منها ابدا "
تعيد و تزيد في فيها وانت تقول ياليت في جزء جديد بس ..
4 - الجيم بلاي قوي واللعبة من افضل العاب الأكشن في هذا المجال ..
طريقة الستايلات قمة اللعبة و توفر للاعب طرق عديدة ....
في ستايل مسدسات و في ستايل عادي ...
شيء رهيب صح ...
وهذي طرقة جديدة في العاب الأكشن ......
5 - ولا تنسوا ان اللعبة اصلها من مصمم غني عن التعريف ..
ما اقصد التنكا " اقصد مصمم RE السيد Shinji Mikami
ولو لاه لما وصلت الألعاب للمستوى هذا ....
بس حتى تناكا ابدع في الجزء الثالث ..
حلو ان الواحد يتعلم من اخطائه .... وهذا ما فعله تناكا
والدليل انه ابدع في الجزء الثالث ..
5 - اللعبة تمتلك مقاطع سينمائية قوية من ناحية الأخراج ....
خصوصا العرض الأولي .... الحركات الفنية و الأخراج رهيب
يخليك تعيد اللعبة عشان بس عروضها .... خصوصا ان اللي قام
بالأخراج هو مخرج MGS TWIN SNAKES

Ninja Gaiden
1- اللعبة تمتلك طريقة قتال رائعة و يمكنك اختيار الأسلوب اللي يعجبك .
وهذا حلو وكل سلاح له اكثر من 20 طريقة ... لدرجة انك ما تقدر تسوي
كل الحركات .... كأنك في لعبة قتال .
2- اللعبة تمتلك جرافيكس اقرب الى الخيال ... اكرر جبار ..
جرافيكس متقن وهي تستقل قدرة الأكس بوكس استغلالا قويا ...
بتسأل روحك ليش استغلت قدرات الأكس ....
بقولك لأنها لعبة اكشن ....يعني سرعة ...
ومن المعروف ان العاب الأكشن تحتاج سرعة ....
الكل يحلم ان يشوف لعبة اكشن برسوم لعبة قتال صح ولا لا ..
هذا ما سوف تجده في Ninja Gaiden ... ورسومها راح تبهرك وما راح تصدق ..
انا اول ماشفتها ما صدقت عيوني ... اللعبة ناعمة بشكل عجيب ...
حتى المنتج قال ان صنعها كان صعب علينا خصوصا انها تتحرك في 60 اطار ..
يعني لو تلاحظوا الألعاب الجبارة رسوميا دائما تصير بطيئة .....
او تصير ما تحتاج فريمات فيكون صنعها سهل ....
اما لعبة تمشي في 60 اطار و تحتاج سرعة و برسوم عالية .... صعبة
وتصميم الوحوش قوي وجودته مثل العاب القتال DOA3 ويمكن افضل ...
بالعربي اذا كنت مدمن جرافيكس فنينجا جايدن خيارك ^^
4 - عروض سينمائية قوية تصل الى درجة FINAL FANTASY ....
تقريبا تنقصها اللمسة الأخيرة ... ولو كانت موجودة ما راح تشوف
فرق بينها وبين العروض في فاينل فانتاسي ...
5 - عمر لعب طويل جدا يصل الى 20 ساعة ..
... اللعبة طويلة ... يمكن تاخذها في 30 ساعة في اول مرة
لا تستغرب .. بسبب الصعوبة و المراحل طويلة ومليانة الغاز
يعني تقريبا شبيهة بديفيل مي كراي .....
6 - واخيرا المراحل متنوعة ...
ثلج - ماء - نار - قصور نينجا - كهوف - متحف - ومدينة
وكل ما تتخيله موجود في نينجا جايدن .... الا الغابة للأسف *__*.
واللعبة صعبة صعبة ... يعني اذا كنت محترف جرب نينجا جايدن ....
صعبة و صعوبتها خيالية في بعض الشباتر ..


الكلمة الخيرة >>>> وووووو صارت هذي مراجعة ^^
الناس اذواق ورجاء من دون تعصب ولا احد يقول ان هذي افضل من هذي .
مثل ما قلت انت تحب هذي غيرك يحب هذي ....
انت تحب الببسي غيرك يحب الميرندا ^^ نفس الطريقة بالضبط ...
انت تحب الكتكات غيرك يحب المارس .... وهكذا ..
وفي نقطة : العبتين من تصنيف واحد Mature ...
مو واحد يقول هذي للكبار و هذي للصغار ..... ^^
والنقاش ترى ما يجيب نتيجة .... لأنك مهما سويت ما راح تأثر على اللي يحب اللعبة ...
سواء كانت اي لعبة ....
سلام ...