Sports

[Trapped Inside]

احم احم ..


الجو بصراحه خيال ^_^ .. وفتح نفسي .. وقلت لازم اكتب موزوع ..


Sports ?!

Sports Ur Good At ? ..

Kinda Sports U Use To Play ?

Sports U Still Play ..

Moe

- عالم الرياضه عالم واسع وشاسع .. واكيد لعبنا رياضات كثير ( الا الدببه ) ..

طبعا SoCCeR .. اكثر الرياضات شعبية في العالم .. اغلبنا ان لم نكن جميعنا قد لعبنها ..
انواع الادمان من اول .. ما يمر يوم من دون ما اتشوت من كم كوره -___- ..
مع الاهل .. عيال عمي وعيال خوالي ..
عيال عمي ذكرياتي معهم بالكوره كثير .. اذكر بيوم ربوع كنا نلعب .. وتمطر .. يووووووووه ولله ما انسى ذاك اليوم .. فله من جد .. كل واحد يتبطح عالارض .. ونتزحلق وانواع التكسير .. بس ولد عمي راسه وجعه وخرب اللعب من دونه ووقفنا المباراه ذاك اليوم ( سوحقن لك يا عزوز ) ..

عيال خوالي .. كنا نلعب انا وولد خالي ( محمد ) بفريق .. واخته الكبيره فريق ! .. خخخخخ البنت الوحيده الي اعرفها تحب الرياضه .. كانت تموت بالكوره .. ودايم تلعب معنا .. اكبر مني بكم سنه هي .. يعني حنا تقريبا كنا بثالث ابتدائي .. وهي بسادس .. بس استمرينا الى المتوسطه .. حتى انها كانت تلعب معنا Winning Eleven .. اذكر على ايام الجزء الثالث .. بس من جد كنت فنان فيه .. ما عمرهم فازوا علي .. ودايم افوز بنتيجه ساحقه .. يمكن 11 - 2 !! ..

وبعد كنت العب مع عيال خالتي ( هشوم وحسونه ) .. وعندهم هو كان اللعب الحقيقي .. كانوا من جد قلق -__- .. يتحمسون لابعد درجه .. واذا ضيعت كوره او شي تزق معهم -_- .. انا وحسن كنا فريق .. وهشام لحاله ( حسن كبري وهشام اكبر منا بسنتين ) .. هشام كان فنان ماشاءلله .. يدبل كثير ويسحب ... حسن سريييع .. وانا ورجلي اليسار :icon6: ..

طحت فتره اجيهم كل اسبوع وانام عندهم .. سبحان لله ما عمرنا سهرنا ابدا .. تجي عشر وحنا هالكانين .. ما نقدر نتحرك -___- .. ايام حلوه ^^ ..

- Basket Ball .. للاسف السله ما لعبتها كثير .. بس بالمتوسطه طحنا فيها طيحه مؤقته .. كنت العبها كثير مع هشوم وحسونه .. في البدايه كنت الافضل .. بس مع الوقت قل حماسي لها .. وحسن زاد حماسه لها .. وصار يتدرب كل يوم .. الى ما وصل الى مستوى جيد .. كنا نسوي مباريات .. كل واحد له عشر فرص بالشوت .. ونشوف من اكثر واحد يجيب اقوال .. كثير كنت افوز :icon6: ..

- NHL ! .. نعم فعلا كنا نلعب هوكي ! .. بس هوكي شوارع طبعا .. يعني Skating .. وعصيان جولف وكورة تنس .. >>>> يلعن ام الخلطه ..

بس هذي كنت العبها مع عيال وبنات عمي بس .. كل ربوع كنا نجتمع ببيب جدي الله يحفظه .. ونلعب .. انواع الفله ولله .. يمكن اكثر رياضه استانست فيها من بعد الكوره .. من جد متعه خياليه .. اذكر كنا نلعب 3 ضد 3 ..
وكثير تجينا اصابات منها -__- .. بس الحمدلله ما اذكر قد صار لاحد شي خطير ^^ ..

- Tennis .. نرجع لهشوم وحسونه .. خخخخخخخخخخ .. اما لعبنا بالتنس كان تحفه من جد .. امنية حياتي اني اوريكم كيف كان لعبنا .. ولله زلايب من جد .. ما عمرنا شتنا الكوره حول الشبك .. دايم نطيرها فوق .. مثل الـLob Shot ( التسقيطه ) .. كل لعبنا كذا .. انواع الضحك .. وياما تهاوشنا على كورات الـOut .. الخطوط من جمبها .. ما يبان شي -__- .. الغريب اننا ما عمرنا صكينا احد براسه ..

- NFL .. .. حتى ال،NFL لم تسلم منا .. مره كنت باليورماشيه .. احوس بالمحلات وخشيت محل رياضه .. ولقيت كورة NFL .. كانت بـ100 .. شكلها بصراحه يشهي .. وشريتها .. ورحت لعيال عمي وصرنا نلعب فيها .. خخخخخخخخ بس شوفوا اللعب عاد .. كنا ثلاثه بس -__- .. واحد يمسك الكوره ببداية الـGame .. ( هو الي تكون وضعيته مثل الركوع ببداية المباراة ) .. والثاني وراه ( اغلب الاحيان يكون انا ) .. والثالث الي يركض .. وانا اناوله ..
خخخخخخخخخخ .. وبس كذا لعبنا .. وطبعا نغير بالادوار كثير .. بس كانت فله ولله ^_^ .. حماس .. احلي شي لما اقول " Hut Hut " :icon6: .. وطبعا الـTouch Down .. خخخخخ الي يركض يكون متحمس .. من رغم ان مافيه دفاع وولا شي .. بس لازم ينقز ومسوي انا الفاهم NFL .. واذكر دايم نسوي حركات الفرح اذا سوينا Touch Down ( رقص .. وتصوير .. وحركات جمبازيه .. وغيرها ) ..

- BaseBall ! .. للاسف هذي ما لعبناها .. بس حاول كم مره انا وعيال وبنات عمي نلعبها .. من دون فايده .. دايم هواش ولخبطه اذا جنا نفرق وكل واحد ياخذ مركزه -__- .. غير كذا كنا زلايب من جد .. مافيه الا يمكن فردين من 7 يعرف كيف يشوت الكوره بيده زين .. او يردها .. فـ للاسف البيسبول كانت Off Limit >< ..

- Pool .. اوه .. من اطلق الاشياء .. الرياضه الوحيده الي للحين امارسها .. طحت فيه مو الصيف الي راح .. الي قبله .. مع عيال خوالي .. كنا كل يوم تقريبا لمدة شهرين نروح نلعب .. كنا خمسه .. وافننا كان هشوم .. الوحيد الي قد لعبها مننا .. اثنين مننا كانوا اصلا ساكنين بالشرقيه .. بعد ما رجعوا الدمام .. ما صرت العب مع هشوم وحسونه ..

بعدها قلت لمحمد ( ولد خالي ) عنها .. وقالي هو ايه يلعبها .. استانست انا وقلت لازم نلعب .. اذكر اول Game هو فاز .. ولله يعرف يلعب تفاجات انا .. كنت احسبه بمستواي " Newbie " .. بس طلع " Beginner " ..
وصرنا انواع الادمان .. يوميا لنهاية الاجازه كنا نلعب .. ( اذكر انواع الصرف ذيك الايام .. كل يوم يمكن 100 ريال -_- ) ..
ويوم جت الدراسه صرنا كل اسبوع ..
بس شوي شوي .. وتركناها ..

وحاليا العب انا واعز اخوياي ( فراس وزياد " ايه هو نفسه الي اكلمه بالتلفون -_- " ) ..
وطبعا انا افننهم الحين :icon6: .. ويجي بعدي زياد .. قريب جدا من مستواي .. والاخير الزلابه فراس ..


- وكانت فيه كم رياضه غيرهم .. بس لعبناها مدة قصيره جدا .. مثل .. الـGolf .. بولينغ .. كرة اليد .. الطائره ..





بالنسبه للرياضات الي العبها الحين .. للاسف مثل ما قلت .. البلياردو فقط .. ومره ودي ارجع للكرة القدم .. وان شاء لله برجع ^_^ ..



والرياضات الي اجيدها : بلياردو .. وكرة القدم ..



So What About U ^^

Jana ^_^ ..

[wario2002]

قسما بآيات الله انك مبدع ،، الله عليك بس << تراه يمزح لاتصدق


يعني يوم صار الجو فله كتبت موضوع طووول بعرض ،، صراحتن ابدااااع لابعد الحدود يامحجور جوا << خخخخخ الله يعينك


يوووه ذكرتني بايااااام الكوره مع المطر ،، اذكر يوم ولد خالتي مسوي بيسحب فيني ويسفط على جبهته ،، وانا اقول دقوا عالاسعاف ،، وربي طلعت له صعروره تجيب الهم ياشيخ


خخخخخ كل الرياضات الي قلتها حلوه الا التنس ،،،،،،، هذي ماهضمتهااااااا ابدددددددددد بياخه ياشيخ


بس تصدق موضوع شيق جدا ياحلو ذكرياتك هالي ماتخلص ابد



عالعموم مشكووووور وماقصرت على هالموضوع الفلللله

[Da S.O.S]

بالنسبه لي...
الاجريسف سكيت والاكس جيمز بشكل عام..
يمكن مافي اهتمام كثير منها هنا بالسعوديه..
بس باديه تنتشر والله..
صراحه رياضه ولا اروع.. ما اقولك انواع التكسير والاصابات.. بس احسن وسيله بالنسبه لي لتطليع الطاقات..
انا العب مع فريق والفريق هذا شلتنا المحترمه الموقره
لعبه روعه بكل معنى الكلمه.. فيها مهارة وابداع رائع جدا.. ومجالها مفتوح مو منحصر ابدا..
سلايدات وجرايندات على درابزينات.. والمواصير.. والحواف

طبعا التميز فيها بالوضعيات والسويتشات.. والسويتش عباره عن تحويل من وضعيه انت عليها الى وضعيه ثانيه.. وشوف الابدااااااااع...


وعندك الحركات الهوائية والـ air jumps من اروع الحركات في السكيت لكن مافيها ذاك التنويع خصوصا ببلدنا الحبيبه مافيها ولا بارك واحد للسكيت..

رياضيه انتريستنغ جدا جدا وانصح اي واحد بايع عمره يجربها بس ويجرب يجازف ما راح يقدر يتركها ثانية وحده

المشكله بأسعار السكيتات الاجريسف لانها غاليه نوعا ما
من 800 ريال تقريبا وانت طالع بحسب الماركات والنوع والحواف حق الجرايندز وغيرها من الاشياء..
طولت عليكم والساعه 11 ولازم اروح انام :icon6:
والف شكر على طرحك للموضوع مستر
سلملم وتصبحو على خير

[Prince Of Darkness]

ما ادري ليش لما أشارك بالقسم ذا تلاقيني متوتر ويصير قلبي يدق ،، يمكن لأني مو متعود أشارك كثير هون ..

بعدين الشباب هنا يخوفون مثقفين و طلاب جامعات .. ويستخدمون مصطلحات انجليزية بعد خخخخ

المهم .. بالنسبة لي ::

أرفع حديد .. لكن حاليا توقفت عن هذي الرياضة بسبب الدراسة ،، لكن ألعب تمارين رياضية مختلفة "Push up مثلا " عشان أحافظ على اللي بنيته وما أصير دب

وألعب كرة قدم طبعا في كل المراكز لعبي جيد .. لكن في حراسة المرمى ممتاز

وبحب السباحة ..لكن مش مداوم على هذي الرياضة .. يعني أحيانا كل أسبوع أسبح .. وأحيانا ما أسبح غير مرة وحده بالأربعة أشهر ( في فصل الشتاء ما بحب )

في كرة السلة ما أعرف حتى القوانين

و أحب ألعب تنس طاولة وأحيانا كرة طائرة ..

،، ولعبت كثير أنواع من الرياضة في حياتي لكن تركتها مثل الكاراتيه " وصلت الحزام الأخضر" و لعبت حوالي 5أشهر KickBoxing و تركتها

-----

ومشكووور أخونا Trapped Inside على الموضوع ،، سلمت يداك ^_^

[Trapped Inside]

Wario


هلا ولله وغلا .. ارحب ..

يوه كل ذا تمديح .. غريبه عاد انت من جمبها تمديح .. ما غير طناز >>>> لا عمرك تمدحه ثانيه ..

يوووه ذكرتني بايااااام الكوره مع المطر ،، اذكر يوم ولد خالتي مسوي بيسحب فيني ويسفط على جبهته ،، وانا اقول دقوا عالاسعاف ،، وربي طلعت له صعروره تجيب الهم ياشيخ

لووووووووووول .. يا حليله ولد خالتك .. بيني وبينك هذي فلته .. واحد يصفط والبقيه يضحكون .. ما يشوف شر ان شاء لله ^_^ ..

خخخخخ كل الرياضات الي قلتها حلوه الا التنس ،،،،،،، هذي ماهضمتهااااااا ابدددددددددد بياخه ياشيخ

حرام عليك .. انا اعتبرها من جد صعبه .. وحقت فنانين .. ولو تبي رايي .. اعتبرها اكثر رياضه تستهلك فيها طاقه ..
تخيل احيانا تقعد المباراة 3 ساعات وانا ما غير تراكض وتشوت بيدك .. لو تفكر فيها صح .. من جد تعب كبير ..

على كل الناس اراء ^_^ ..

بس تصدق موضوع شيق جدا ياحلو ذكرياتك هالي ماتخلص ابد

خخخخخخخخخخخ .. تسلم ولله ^^ .. خخخخخخخ شفت شلون .. ولا لسا .. ما شفتش حاقه

عالعموم مشكووووور وماقصرت على هالموضوع الفلللله

العفو خيو ^_^ .. والف شكر على مرورك الطيب ^^ ..



Da S.o.S

هلالالالالالالالالاع وسهلالالالالالالاع ^_^ ..

اخبارك ^^ .. بشرنا عنك .. ياخي ما تنشاف كثير بالمنتدى -__- .. كثر من دخلاتك ولا تحرمنا من مشاركاتك ^^ ..

الاجريسف سكيت والاكس جيمز بشكل عام

انت كذا .. من جد هذي الرياضه احسها كشخه :icon6: .. فله يشوفونك الناس وانت تلعبها .. تحسك كوول :icon6:

العام كان في واحد بفصلي يلعبها .. ومحترف يسوي 360 و Flip ومدري ايش وخرابيطكم ذي .. بس من جد تحس فله .. وكان له بعد Crew .. ويقولي انهم كانوا يلعبون عند العقاريه ( لا تصير واحد منهم ) ..

ولهم موقع .. ومصورين انفسهم .. فله من جد ..


ودي اتعلمها .. بس ياخي من جد من زمان عن اخر مره لعبت فيها Skating ..ومالي خلق ابدا من اول -_- ..

طولت عليكم والساعه 11 ولازم اروح انام

وش دعوه .. ما طولت ولا شي ^_^ ..

نوم العوافي ^^ ..

والف شكر على طرحك للموضوع مستر

العفو والف شكر عالرد حوب ^^ ..



Prince Of Darkness

هلا ولله ^_____^ ..

بعدين الشباب هنا يخوفون مثقفين و طلاب جامعات .. ويستخدمون مصطلحات انجليزية بعد خخخخ

لوووووووووول .. " :icon6: " ..

أرفع حديد .. لكن حاليا توقفت عن هذي الرياضة بسبب الدراسة ،، لكن ألعب تمارين رياضية مختلفة "Push up مثلا " عشان أحافظ على اللي بنيته وما أصير دب

واااو .. رياضه جدا رائعه وصحيه .. الاحظ كثير صاروا يخشون محلات كمال اجسام .. انا ولله افكر .. بس مو الحين طبعا .. ان شاء الله بالجامعه ^^ ..

وألعب كرة قدم طبعا في كل المراكز لعبي جيد .. لكن في حراسة المرمى ممتاز

اجل مثل لاعب الـJoker :icon6: .. حارس ؟ -_________- .. طول عمري اكره هذا المركز .. وللحين اشوفهم ما يعطونه حقه الكافي ..

،، ولعبت كثير أنواع من الرياضة في حياتي لكن تركتها مثل الكاراتيه " وصلت الحزام الأخضر" و لعبت حوالي 5أشهر KickBoxing و تركتها

شي جميل ..

حلو تنويعك للرياضات ^_^ ..

ومشكووور أخونا Trapped Inside على الموضوع ،، سلمت يداك ^_^

العفو ^^ .. الله يسلمك ^^ ..

الشكر لك حبيبي ^^ ..

وخلنا نشوفك اكثر هنا ^_^ ..

[Lena]

يؤ مشالله العيال تحمسوا في الردود

ايه طبعا رياضه ما ينلامون

مالي في الرياضه كثير..
اذكر يومني صغيره احب العب كورة مع العيال..دايم حارس المرمى الي تتشوت في وجهه الكور

[Trapped Inside]

Lena

هههههههههه ^_^ ..

اذكر يومني صغيره احب العب كورة مع العيال..دايم حارس المرمى الي تتشوت في وجهه الكور

خخخخخخخخخخخخخ XD .. يا حليلس


مشكوره عالمرور ^^ ..

[Snake Eyes]

طول عمرك مبدع ماشاء الله

انا العب كرة قدم و سلة بس

[Trapped Inside]

طول عمرك مبدع ماشاء الله

لا مبدع ولا شي .. كل الي اسويه اكتب ذكريات ^_^ ..

انا العب كرة قدم و سلة بس

لازم تجرب تلعب اكثر -___- .. عاد ان كنت محترف فيهم مب لازم :icon6: ..

Thx For Stopping By ^^

[Lucky guy]

ما شاء الله عليك ..

موضوع ممتلىء بروح الرياضيه -____- ما خليت رياضة الا جربتها ما شاء الله ..

بالنسبه لي على ايام المتوسطه الين ثاني ثانوي وانا لاعب كورة قدم محترف بالدوري حق المدارس ..

والحين ما غير احب المشي والهروله ..

ولا ننسى المطارح والمكاسر -__________- بالمخيم مع عيال الجماعة كل واحد يطلع قوته على الثاني ..

[Trapped Inside]

Lucky guy

هلا ولله بـ-____- Guy

ما خليت رياضة الا جربتها ما شاء الله

:icon6: ..

بالنسبه لي على ايام المتوسطه الين ثاني ثانوي وانا لاعب كورة قدم محترف بالدوري حق المدارس

ووش الي خلاك تتركها ؟ ...

والحين ما غير احب المشي والهروله

شيء جميل ^_^ .. قليل اعرفهم يحبون هذي الرياضه

ولا ننسى المطارح والمكاسر -__________- بالمخيم مع عيال الجماعة كل واحد يطلع قوته على الثاني

لووووووووووووول

مشكور على مرورك الكريم .. وياخي انت بعد ساحب عالمنتدى -_- .. خلك من جراندايزر واقعد شوي هنا

[Angel whisper]

ما احب الرياضه

تعب وعرق .. صدق ew

[Trapped Inside]

Angel Whisper

-__________________- ..

[Mista Koo]

انا امارس رياضات كثير اهمها الاكل والنت ^_^ مافي احسن منهم

غير كذا العب كورة في المدرسة وكنت العبها ايام المتوسط مع اقاربي واخويائي بس انواع الفشل تمر مباريات ما ألمس فيها الكورة ×_×
مرة لعبنا امريكان فوت بول بس على ارض سمنت وتفقع وجهي ×_×

كنت العب بولنغ و تنس طاولة واحد ازفت من الثاني ×_×
وبلياردو امشي حالي بس ستل فاشل ×_×

كنت العب حديد الصيف اللي راح بس حسيته ما يفيدني من كثر الشحوم ^_^ الله يجيركم

والاخ Da Sos زهقتني كل يوم والثاني ليش ما تتعلم سكيت عشان تصير تلعب معنا <<<<<لازم افضحك 0_×
ومن كثر ما زهقني بهالموضوع صرت نوعا ما اكرهها

[Trapped Inside]

Mista Koo

هههههههه .. شكلك منت رياضي ابدا -___- ..

يا رجال وسع صدرك .. انت ما تلعب عشان تكون احسن واحد .. انت تلعب عشان تنبسط ^_^ ..

مشكور عالرد ^^ ..