يا أخ An_onther أنا لقيت نهاية مختلفة للقصة!
أنا القصة اللي عندي فيها تكملة بعد هاي الجزء! و فيها جزء أسمه ما بعد النهاية!
و هاي شوية أشياء حبيت أشاركها مع الأعضاء...
خلف الكواليس..
-فكره كتابه قصه كانت في بالي كثير .. وتشجعت يوم شفت قصص الاعضاء .. كانت لى محاولات بسيطه خارج النت .. وكلها بالعربي الفصحه .. بس قصه خوف من الحب هي اول قصه عاميه طويله لى ..
- بدت تتمحور لى الفكره وانا بالمحاضره .. ومن زود التركيز قاعده اتخيل قصه .. رجعت البيت وقلت لاختى وشجعتنى .. فكتبتها .. بعدين قريتها ولا عجبتنى وحذفتها .. وعلى طول ندمت .. ورجعت اكتب قصه ثانيه بفكره ثانيه..
- قصتى الاولى البطل فيها كانت شخصيه عمر .. وهذا الي كنت ناويه اسويه من اول .. رجل فاقد زوجته الي كان يحبها بعدين يتزوج عشان يرضى اهله وعشان العيال .. ومع الوقت يحب زوجته .. مادري ليه انقلبت الاحداث وصار عبدالعزيز البطل وعمر شخصيه من الشخصيات ..
- ترددت كثير قبل لا انشر قصتى في هذا المجلس .. بسبب افتقاده للمواضيع ونومه .. ولان اختى عينوها مشرفه عليه اصرت علي وطلبت منى .. فما قدرت ارفض لها .. والحين اشكرها كثير .. لولا الله ثم هي ما تعرفت على عليكم .. وتشرفت بمعرفتهم
- اختى مهيب للبيع .. ساندتنى المجلس والبيت .. كان تشجيعها لي كبير .. تناقشنى في ادق تفاصيل القصه .. ونقرر ايش يصير فيها .. والاحداث الجايه ..
- القصه كانت احداثها سعيده .. وكنت مقرر ما ادخل الحزن فيها ابدا ...وبيوم كان عندي اختبار مرره صعب ويعقد الواحد .. حامت كبدي وانا ادرس.. فرجعت افكر بالقصه وجاتنى فكره الحادث .. قررت احطها بس ما عرفت اموت مين .. كنت ناويه اخلى عمر هو الي يوصلهم بعدين يموت .. بعدين قلت حرام مين يبقى لمي .. كنت جالسه مع خواتى بالمجلس ونفكر .. انتقل تفكيرنا لمنيره انها هي الي تموت .. ما قدرت اتقبل هالفكره .. شلون قصه من غير منيره .. ماراح يتعدون موتها الا بعد سنين .. فطاح الضحيه سالم مع انه هو بعد غالي ... وقررت اشلل منيره .. ويوم قلت لصديقتى قالت لى ليه ما تشوهينها شفتوا هي الشريره مو انا ...
- ومن الافكار الي غيرتها ردت فعل طلال .. كنت ناويه اخليه يتمسك بمنيره مره ولا يقبل يتركها وهي الي تصر على رفضها له لين يياس.. بعدين قالت لى نفس الصديقه الي شوهت منيره ليه .. مين قال لك كل الناس طيبين ... وشولن تبين من شاب توه في مقتبل العمر يرتبط بانسانه معاقه .. وهو مابعد يكون بينهم أي علاقه حميمه ..وكان معها حق ..
- مواقف ومشاهد في القصه .. استمديت بعد المشاهد من الواقع الحالى .. مواقف صارت لى او صارت لغيري.. منها لبابه من سارا .. صارت لنا نفس القصه وحنا في فرنسا .. والجزائريه الله يهديها ماعرفنا نتفاهم باي لغه معها ... بس لو جينا الصدق ماكان اسمها لبابه ... ومثل موقف منيره بعد ما رجعت من الكوفيرا وغسلت وجهها من المكياج .. اخذته من اختى .. نفس الشي رجعت ولا عجبها وضيعت الفلوس على الفضاي .. وفي النهايه هي الي حطت مكياجها ... موقف فوزيه من بناتها وسالم .. دايما تقول لا تدلعهم .. بناتك مدلعات .. هذا السيناريو دايما يصير لنا مع الوالد والوالده اللله يخليهم .. وعلى قوله ابوي .. بناتى هم نقطه ضعفي ..وقف الام .. اكيد الي بالشرقيه يعرفونه كثير .. عجبتنى الفكره ودخلها بالقصه .. ومثلها مثل مقاطعه المنتجات الامريكيه ...
- مشاهد اضيفت من اجل القراء.. اولها مشهد منيره وعبدالله .. يوم شافها بالغلط .. كنت متعمده عشان اضللكم .. واخليكم تشكون بالموضوع .. وشكلى نجحت كثير ..... وبعد مشهد دخول رهف لغرفه سلمان ... وسلمان وهو يمسك ايد رهف بالمستشفى .. وصوره رهف الي وصلت ه ... والسهره الي جهزتها سارا لعبدالعزيز ولا جا لها ...
- مشاهد حذفت ... اولها رحله للبر كانوا بيروحون لها بالربيع .. بيروحون للسافنيه او شي زي كذا .. ولانى بغيت انهي القصه حذفت هذا المشهد ... احتمال ادخله بقصتى الجديده لانه داخل مزاجي مرره ...
- مشاهد ندمت عليها ... خساره عبدالله .. لانى ما عرفت اكملها او ايش اذكر بالضبط .. كل الي خلانى اذكر هذا الشي.. ابي ابين حنيه محمد ومساعدته لاخوه بعدين انكبت .. والاخير انهيت الموضوع ...
- عنوان القصه حيرنى كثير .. ما حبيت انزل قصه من غير عنوان .. كنت ادور على عنوان يشد القراء.. مابقى قصه بالبيت الا وطلعتها وقريت عنونها .. وفي النهايه حبكت هذا العنوان وكتبته .. وحاولت اخلى الفكره عليه عشان يتناسبون .. المشكله انه عنوان خاص .. والقصه بدوا الابطال الثانين ياخذون حيز كبير منها .. ويقل دور الابطال الرئسيين .. وهالشي خلانى اندم على العنوان كثير.. بس خلاص ما كان بايدي عيله ولا اقدر اغيره ...
- لاقيت تشجيع كبييير من اهلى .. خصوصا اختى الصغيره 16 سنه .. ما كنت اقدر اكتب صفحه الا لازم تقراها وتعلق عليها .. واذا قالت كل شي تمام اكمل الي كتبته .. ماعمري نزلت جزء الا بعد ما تخلص قرايته وتصحح الاخطاء الي فيه لانى ما احب اقرى شي كتبته ... ولا اراجع حتى اوراق الاختبار.. فمهمه المراجعه كانت عليها هي .. يعنى بو نوره وجود البدليات بسببها والله ...
- بنت عمتى ... امم مشكوره يا قلبي على كل مساعده منك .. حبت تكون في موقع القراء.. وكانت تقرى قصتى عن طريق النت .. وتقولى رايها وتشجعنى كثييير ... مع انها الدبه بالبدايه ما كانت متشجعه تقراها ..
- وحده من صديقاتى @m&m@ تدخل المنتدى كثير وتقرى قصص.. حبيت اعرف رايها من غير ما تعرف انى انا الكاتبه .. فسالتها ايش القصص الي تقراهم وطلعت تقرى قصتى .. وحاولت اسالها بطريقه غير مباشره عنها وما كانت حاسه ابد .. بس الله يهديها قبل الجزء الاخير بشهر اشتغلت لنا تشارلز هولمز وقدرت تعرف مين انها .. ومن غير سابق انذار تدق علي وتقول لى .. اهلين بنت امها .. انا انصدمت وجلست جامده مو عارفه بايش ارد عليها .. كان ودي ما تعرفنى الا اذا قلت خلف الكاوليس.. واعرف رايها من غير أي مجامله ...
- ناس كثير قالوا انى اخذت افكار من قصص ثانيه .. وهالشي ما انكر انه ضايقنى .. وخلانى اتعقد ولا افكر اقرى قصه الا بعد ما انهي قصتى عشان عقلي الباطن ما ياخذ افكار غيري ...
- مقطع الحفله يوم تشوف رهف الرجال وتحسبه ابوها .. ترددت كثير وانا احطه خصوصا ان اختى تقول ما يدخل العقل ولا يصير في الواقع ويجي بس في المسلسلات .. وبالفعل قررت احذفه .. وفي نفس اليوم كنا انا واختى امي راجعين من مشوار .. وحنا بالطريق امي شافت واحد بالسياره الي جنبنا يشبه اخوي .. قالت لنا انها بعد فتره من وفاة ابوها كانت تشوف رجال كثير يشبهونه .. وتقول ما عمر مرت جنبهم سياره جمس الا لازم تشوف السايق.. لان بوها كان عنده سياره جمس.. تقول كل على بالي ان الي يسوق هو ابوي .. ولا يرتاح قلبي الا بعد ما اشوف وجهه الرجال واتاكد انه مو الوالد .. تقول ان العقل الباطن ما يتقبل الفكره على طول .. فهالشي خلانى ارجع لفكرتى الاولى واذكر هالموقف...
احب اشكركم كلهم من غير استثاء على الشجيع وكل شي ...
انتظرونى في قصتى الجديده " خطايا الماضي"
طبعاً منقول من ؟؟؟؟؟