السلام عليكم أخواني واخواتي
كل واحد فينا أكيد عنده عقدة أو متعقد من حاجه معينه ومش لاقيلها حل
ايه رأيكم كل واحد يقول عقدته
وأنا هابتدي بنفسي
أنا عندي عقده من سواقين التاكسيات
وهاحكيلكم ليه
مرة كنت راجعه ومعايا والدتي وأختي وأنا سايقة عربيتي :drive:
وكنت للأسف بحط الموبيل بتاعي في جراب متعلق في المفاتيح
وغلبوا الناس كلهم يقولوا لي يا بنتي غلط الموبيل كده تقيل على الكونتاكت وأنا ما فيش فايدة فيا ابدا
......... دماغي ناشفه
المهم حرارة العربية لقيتها عليت قوي فوقفت علشان أزود ميه ......... دايما أنسى
فوقفلي تاكسي ونزل السواق بمنتهى الأدب وقال لي
أي خدمه يا فندم .............. عن اذن حضرتك انتي :shakehand
دي أعمال ما يفهمش فيها الا الرجال............ قلت في نفسي والله الدنيا لسه بخير
وراح فاتح الكبوت وقعد يبص فيه ويفتح الريداتير ولا كأنه خبير ومستشار في اصلاح السيارات
وراح باصيصلي وقال لي احنا محتاجيين دلوقتي سلك علشان المروحه فاصلة
قمت انا قلتله آه معايا في شنطة العربية ورحت فتحتها له ........... طلع السلك وقعد يعمل فيه حاجات غريبه بسكينه كانت معاه وراح عامل المروحه وتمام التمام ......... وقال لي تسمحيلي أجربها
قلتله ........ أكيييييييييييد ........... جرب لي العربيه ........ ووراني ان الحرارة نزلت
رحت شكرته واديته اللي فيه النصيب
وبعدين مشي ووالدتي قاعده تقوله ربنا يباركلك يا بني يارب
ومشيت أنا كمان وبصيتلقيت الموبيل مش في الميداليه :shock22:
رحت بصيت لماما ووقلتلها بتدعيله بتدعيله علشان سرق موبيلي الجديد :vereymad:
ومن ساعتها بحاول أفك في العقدة مش عايزه تتفك أبدا
__________________
المشاركة الأصلية كتبت بواسطة Sander
