<=== ناوي حرش بعد اختبار اليوم الي جاب فيه العيد
العنصرية كلنا يعرف معناها. و هو التحيز لشيء ما لسبب من الاسباب مثل العرقية او لون البشرة - و هو المنتشر عالميا - او القبلية - و هو المنتشر عندنا - او نوع الجنس - هذا في كل مكان و هو اساس الموضوع- او غيرها من الاسباب.
العرقية و القبلية الكل يعرفها و مل من الحديث فيها. لكن نوع الجنس و الاشياء اللي راح اتكلم عنها في الموضوع هي اشياء نتعامل معها يوميا و بشكل دائم و لا شعوريا ايضا داخل المجتمع النتي .
نوع الجنس - ذكر او انثى - في المنتديات له تاثير كبير و واضح و ما ينكره الا جاهل بصراحة . طبعا الجنس الي يكون الميل له هو الغالب الجنس اللطيف او الانثى من حيث اهتمام اكثر اعضاء المنتديات فيهم و اللي هم طبعا غالبيتهم من الذكور.
فمثلا ... انشر موضوع تطلب فيه مساعدة صعبة شوي في احد الامور باسم ذكوري .... الردود بتكون بالكثير عددها ما يتجاوز ال3 في احسن الاحوال.
الرد الاول يقول لك :
ياخي متعيجز اعلمك و الا تراي اعرف
الثاني :
شفت الموضوع ما فيه الا رد واحد و حبيت ارفع من معنوياتك فرديت عشان اقول لك ما اعرف
الثالث من مراقب :
المشكلة تم مناقشتها سابقا رح سو بحث قبل ما تزعجنا بمواضيع مكررة على غير سنع ... تم تقفيله بالشمع الاحمر مالت عليك!
بينما انشر نفس الموضوع و نفس الفكرة لكن هالمرة باسم انثوي ... الردود بتكون لا ما ينفع هالمقياس الصفحات بتتجاوز على الاقل صفحة كاملة و الردود من نوعية :
تامرين امر اختي العزيزة) هذا الحل بالتفصيل .....
و الثاني يقول :
اي خدمة ثانية تراني حاظر 24/7 متى ما بغيتي ... نورتي المنتدى و الله
و الثالث مخربها :
اذا ما نفع هالحل اللي حطه الاخ اللي فوق ترا انا عندي حل سريع و فعال بس ما ينفع على النت لازم اكلمك على الماسنجر و هذا ايميلي :
Mosa7eb_abo_al7elawt@hotcrap.com
و يحط لها بيتين شعر على الطاير.
و على هالمنوال.
هذا طبعا بخصوص المساعدات و الطلبات .
ايضا بخصوص المخالفات بجميع انواعها و هالمرة بدق على المراقبين لان هم المسؤولين عن هالشي.
لما يشوف مثلا توقيع فيه كلمات غزل و الا صورة فيها شوية كيف الحال - يعني بنت منبطحة و الا مطلعة سيقانها على خفيف (اموت على السيقان انا
صاحب التوقيع ذكر = تم ايقافك اسبوع يا قليليل الحيا مع الاعمال الشاقة !
صاحب التوقيع انثى = يتجاهله بكل بساطة و ان كان عنده شوية ضمير ارسل لها رسالة خاصة يقول لها لو سمحتي و تكرمتي غيري التوقيعترى هذا موب كلامي هذا كلام المشرف و الا لو علي ما كان ازعجتك
و لا احد يقول اني ابالغ دور في المنتديات كلها و بتلقى بعض البنات حاطين انواع التواقيع الي من هالنوع و محد يقول لهم شي.
النقطة الثانية اعتقد ان الاغلبية من هالنوع والي هي انه يتردد في الدخول على مواضيع الاعضاء اللي ما يعرفهم بينما ما يتاخر في الدخول على مواضيع الاعضاء المشهورين.
و هالشي واضح و ما يبيله امثلة, بغض النظر عن نوعية الموضوع ومدى جودته يمكن ما تدخل لموضوع عضو غير معروف الا لما تشوف ان الردود كثرت فيه او ان في احد من الاعضاء المشهورين رد فيه.
طبعا هالنقطة خاصة باصحاب الاسماء الذكورية بينما الانثوية ما يدخلون ضمن هالقائمة للاسف لانه مواضيعهم يتم الدخول لها اليا و بدون اي تأخير
زبدة الموضوع :
توي طالع من اختبار و شكلي جايب العيد فيه فحبيت افضفض شوي و حطيت حرتي في البنات لانهم الطف الكائنات - امحق الطف- .
ما اقول الا رضينا بالهم و الهم ما رضي فينا
ملحوظة :
باركولي توني ادري ان Angel whisper بنت <== خربها
ما شاء الله عليها عن عشرة رجال
, يلا ما عليه على قولتك اصلا الاشياء الي قلتها صحيحة وتحس فيها عبط 
}
؟
المشاركة الأصلية كتبت بواسطة Angel whisper
