حادثة حصة الأحياء
بصراحة ما كنت فاضية
وما عندي أسلوب أدبي في سرد القصص
فتقبلوا ما عندي
نبدأ
السلام عليكم ورحمة الله وبركاته
مثل العادة ما أطول عليكم
هذه الحادثة حدثت عندما كنت في الصف الثاني الثانوي
معلمة الأحياء (الأساسية) أخذت إجازة
جابولنا معلمة (مندوبة) لمادة الأحياء<<<أكيد أحياء لكان يجيبوا معلمة نحو
المهم كانت المعلمة المندوبة (لاتطاق ) بمعنى الكلمة
كنا ناخذ دروس عن الخلايا ...أنا حسيت إن عندها عقدة
تقول إرسموا كل خلية لوحدها (خير فاضين إحنا )
في يوم ( ما أتذكر إيش هو) خربت لمبة (مصباح) فصلنا
شمينا ريحة حريق (مو حريق ورق لا... كما لو أن البلاستيك يحترق أو كبريت )
لا حظنا إن الريحة تطلع من اللمبة ومعاها دخان كمان
روحنا وطفيناها فـفصلنا صار ظلمة
دخلت معلمة الأحياء وشافت الفصل مظلم قالت
المعلمة: ليش مو فاتحين اللمبة؟
الطالبات: اللمبة خربانة راح تحترق لو فتحناها
المعلمة: لا أنا ماأحسن أشرح إلا في النور إفتحوا اللمبة
الطالبات لازم يطيعوا المعلمة
رحنا وفتحنا اللمبة
أثناء الدرس إحترقت اللمبة (طلع صوت إنفجااااااااااااااااااااار)
أنا ماعرفت إيش أسوي بقيت في مكاني ما تحركت
بس المفاجأة كانت يوم لفينا للمعلمة نشوفها مشان تعطينا التعليمات
في حالات الطوارئ
ما لاقيناها في الفصل
أنا وبعض البنات شفناها تهرب (كانت أول وحده)
مثل مايقولون مثل (البرق- لمح البصر...إلخ)
بعدها البنات إنتبهوا عليها وصاور يطلعوا وحدة ورا وحدة
وأنا ما إنتبهت إلا لما وحدة قالت لي (إيش فيكي جالسة إطلعي؟ )
فكنت تقريباً آخر وحدة تطلع من الفصل
بعدها طلبت المعلمة من بنت إنها تروح وتنادي الإدارية
لما أجت الإدارية
الإدارية: إيش صار؟
المعلمة: ماأدري شكلها اللمبة إحترقت (الطالبات...تكذب عليها كمان)
الإدارية: طيب بسيطة لا تدخلوا الفصل وبكرة نجيب عمال يصلحون اللمبة
المعلمة(أعوذ بالله منها): مايصير هيك أنا ما كملت شرح درسي ؟
الإدارية: طيب....طيب.... عطيهم الدرس في الساحة
(طيب يا جماعة إحنا الطالبات لسة مصدومات لا تعطونا الدرس عييييييييييب)
المعلمة: في رسمة في الدرس
الإدارية: بسيطة إشرحيها في الساحة
المعلمة: طيب وأنا وين أرسم في الهواء الطلق (هذه هي العبارة بحذافيرها ماأنساها ماحييت)
وبعدين أخذنا الدرس في معمل الفيزياء
يعني مثل ما أنتوا شايفين ما كنت فاضية فما حطيت الإبتسامات
المشاركة الأصلية كتبت بواسطة ...nada...
