السلام عليكم
أمس الأربعاء كنت بمجمع الرحاب بالكويت و وجدت مجموعه من العاب السيارات واشتريتها لأجربها وآخذ انطباع عنها
اللعبه الأولى : جران توريسمو 4 النسخه الامريكية الكوبي نزلت اخيرا نسخة الخارج لونها ذهبي ويبيعونها بدينارين.انتظروا كم يوم وسيصبح سعرها دينار.او فاصلوهم بالسعر يمكن ينزلونه
اللعبه الثانية:Enthusia Professional Racing :اللعبه نزلت نزجة الخارج وسعرها دينار ونص والنسخه ذهبية لكن اللغه يابانية..مو مثل جران توريسمو كلها ياباني بحت،لكن في الكثير من المفردات الانجليزية اللي تساعدك على فهم اللعبه
الرسوم حلوة لكنها ما تنافس جران توريسمو...لكنها واقعية ورائعه
نظام السباقات فيها جيد.لكن احلى شي فيه انك اذا خلصت السباق..يعطونك خيار انك تضغط اكس وفي مثل دولاب الحظ...تضغط اكس علشان يوقف واذا وقف على سيارة معينة يعطونك اياها بلاش..مرات يقولك No Cars Unlocked
انا فتحتلي فورد ثندر بيرد حمراء تقدرون تغيرون لونها لما تبون تختارون السيارة للسباق
بعض السلبيات من اللعب أول مرة :
العدادات ماهي واقعية مثل جران توريسمو.يعني هي عداد واحد للضغط.عداد السرعة يكون رقمي وليس نظام الإبره مثل جران توريسمو4
كمية السيارات اتوقع انها اقل من جران
توجد طاقه للسياره لما تصدم تروح شوي شوي شوي من الطاقه واذا خلصت الطاقه يكون عقابك ان النقاط تكون قليلة..إلى الآن ما اعرف شنو فائدة النقاط اللي تاخذها بعد السباق
التفحيط مو ذاك الزود..لكن اثناء السباق لما تسوي drift اللي هي الإزاحه..فعملها في انثوسيا اسهل من جران..كما ان القياده اسهل من جران
اللعبه الثالثة : IHRA Professional Drag Racing
هذي لعبة مقاوم وسباقات الربع ميل.صعبه وتافهه ورسومها غايه في القبح
التقدير اللي حصلت عليه من موقع آي جي إن هو 3.1 من 10 :>
اللعبه الرابعة : MX vs. ATV Unleashed
اللعبه ما اشتغلت عندي واليوم راح ارجعها واستبدلها
لكنها اخذت تقدير من موقع آي جي إن وهو 9.3 من 10
اللعبه مشتركة بين السيارات الكبيرة والبقيات (دباب) و السياكل (دباب بو كفرين) والبقيات الكبيرة الطويله كأنها سيارات
اللعبة الخامسة : American Chopper
لعبة السياكل الأمريكية الشبيهه بنوعية هارلي ديفيدسون
القصه شوي تعبانه..المهمات سهله نسبياً لكن أحلى شي فيها انك تقدر تتمشى على الخطوط السريعة وتقدر تظبط و تزيّن سيكلك.
التقييم اللي حصلت عليه من جيم سبوت هو 5.2 من 10 واللعبه نازله بأمريكا من 4 اشهر لكنها نزلت هالاسبوع بالكويت.
اضغط هنا لمشاهدة ألبوم صور هذي اللعبه
في النهاية ارجو ان يعجبكم الموضوع والاخبار عن الالعاب الجديده
في حفظ الله ورعايته.
