Cash U

[KING DART]

عندي سؤالين عن بطاقة كاش يو:

الأول: شباب وين يبيعون بطاقة كاش يو مع العلم أنا ساكن في الرياض ورحت لأرامكس إلي في طريق الملك عبدالعزيز

وقالولي تحصل في السليمانية رحت هناك وضيعت فيا ريت واحد يدليني من وين أشتريها

الثاني: هل في بطاقات الكاش يو عيوب

[Hi-nu gundam]

الموقع والله مدري

بس عن البطاقة عيوبها
1 يمكن يحصل فيها خطأ يضيع فلوسك (نادر جد)
2 يمكن تخلص من عند ارامكس وتحتاج فترى حتى يجيبون غيرها (انا لي اسبوع مستني -_-)

اعتقد ما في غير هذي العيوب

تحياتي

[H.e.a.T.e.R]

الأول: شباب وين يبيعون بطاقة كاش يو مع العلم أنا ساكن في الرياض

شارع المعذر....معروف ا لشارع....

الثاني: هل في بطاقات الكاش يو عيوب

ما فيه عيووب ...الا انه تجيهم حالات يقولون ما عندنا كاش يو كارد...خلص شحن...وتخلص في اوقات ماله داعي...يعني انا كنت باشحن قبل شهر ...اضطريت انتظر شهر...لانه منقطعة عن الرياض!!
بس

وللعلم ...اصلا ما فيه غيره عشان تسأل عنه...اذا تبي تدفع لهم ما فيه الا طريقين
1-تفتح حساب في احد البنوك ... وتحط حوالي 5-10 الاف ريال...مع العلم ان حساب الطالب ما يمشي
2-كاش يو
3-كاش يو
4-كاش يو

وانت اختار احد الاربعة :P

[KING DART]

مشكوووووووووووووووور أخ(H.e.a.T.e.R)

[KING DART]

يا جماعة ملييييييييييت ما البطاقة مفقودة من السوق وصارلي ثلاث أسابيع وأنا جايب FFXI إيش الحل

[Theif_xi]

اصبر فان الصبر مفتاح الفرج

[H.e.a.T.e.R]

يا جماعة ملييييييييييت ما البطاقة مفقودة من السوق وصارلي ثلاث أسابيع وأنا جايب FFXI إيش الحل

مفقودة....؟!

انت ما دليت ولا يقولون مفقودة؟

اذا كان الاول فهي مصيبة...واذا كان الثاني فهي مصيبة اعظم!>.<

هذي ارامكس والله فاشلة...يعني يشوفون الطلب عليها..,لا يقولون نجيب كمية كبيرة.
الحين بعض دول الخليج عندهم مثل مكاين الببسي...تكون خاصة للكاش يو...وحنا شركة توصيل مثل ارامكس...والمفروض للمنازل تجيب البطاقة..ما نلقى عندهم.
أخخخخخخ بس...متى اليوم الي اروح لأبو ريالين القى عندهم كاش يو

[MoaeD]

فيه بطاقة الأهلي ماستركارد 200 ريال سنتين اشتراك وتقدر تودع بالحساب المبلغ اللي تبيه


مريحه ولا يحتاج تنتظر كاش يو ولا خلصت كاش يو ولا دق مشوار عشان تشتري كاش يو

[H.e.a.T.e.R]

فيه بطاقة الأهلي ماستركارد 200 ريال سنتين اشتراك وتقدر تودع بالحساب المبلغ اللي تبيه


مريحه ولا يحتاج تنتظر كاش يو ولا خلصت كاش يو ولا دق مشوار عشان تشتري كاش يو

كم يعني الحد الادنى....لان البنك البريطاني يقولون لازم اقل شي 5 الاف
الشي الثاني الطلاب(الي زيي) يقدرون يطلعونه ولا لأ؟

[MoaeD]

كم يعني الحد الادنى....لان البنك البريطاني يقولون لازم اقل شي 5 الاف
الشي الثاني الطلاب(الي زيي) يقدرون يطلعونه ولا لأ؟

ما فيه حد ادنى ولا يحتاج ان يكون لك دخل..


كل اللي تحتاجه 200 ريال وشي تودعه بالحساب لو مية ريال وبطاقة احوالك

[H.e.a.T.e.R]

اشكرك اخوي مؤيد..

من جد راح تفك ازمة الفكرة هذي.

عاد اشتراكي مع الكاش يو ما بقى فيه الا شهرين..تصبرنا

[D0WN~T0WN]

بلا كاش يو بلا بطاقة الاهلي

احسن بطاقة
ارامكس ماستر كارد
وتعبي باي مبلغ تبيه بدون ماتنتظر كوبونات توصل ولا شي
يعني زي الماستر كارد الصدقية

وانا مجربها لي حول سنتين ومشتري بها بفوق 3000 ريال ونادرا مايرفضونها
حتى مستخدمها في اشتراك الاكس بوكس لايف
و تقدر تحط لك عنوان (صندوق) بامريكا ويصير هو عنوان الدفع

والتجديد سنويا بحدود 135 ريال

محلهم بالسليمانية قدام DHL

[H.e.a.T.e.R]

وش ذي بعد ؟

الظاهر قصدك كاش يو لان الي يبيعه ارامكس

تأكد اخوي

[D0WN~T0WN]

لا
ذي تختلف عن الكاش يو تماما
هذي خاصة بارامكس فقط

عموما عشان لاينلحس مخك
خلك على بطاقة الاهلي

[KING DART]

الحمد لله الحين لقيت حلين مو واحد: :shock22: :shock22: :shock22:

الأول عند الأخ(MoaeD) :بس عندي سؤال وهو: هل بطاقة الماستر كارد يعطونها للسعوديين فقط أو لأي أحد

الثاني عند الأخ(D0WN~T0WN) : بس طلب منه وهو: شرح زيادة عن البطاقة وشلون خذيتها