مهزله ملعب الملز !

[J o e y]

السلام عليكم ..

اما اليوم في الملعب مهزله مابعدها مهزله

يوم اوصل للملز اشوف الحشود والزحمه الجماهيرية عند البوابات !! واشتري التذاكر ياطويل العمر انا واخوياي واخرتها البوابات مسكره .. وتستمر الجماهير وهي تجي !! ومازال بيع التذاكر مستمر !!!!!!!!!!!!!!!!!!!!!!!!!!!!!!!!!!!!!!
والبوابات مسكره.. يعني تخيلوا يبيعون تذاكر على ايش ؟ !!

واخرتها بعت تذكرتي انا واخوياي على 15 ريال .. خخخخخخ

وللعلم خلف المرمى من جهة جمهور النصر شبه فارغه !!!

اكثر من الف واحد برى مسكره عليهم البوابات .. وللي يطمر من السور

مفروض مثل هالمباريات تصير في استاد الملك فهد .. مدري وش القصد يوم حطوها في الملز ! ؟

وهذي لقطات من تصوير جوال خويي العزيز مشاري .. وشوفوا المهزله بعينكم !؟ وفيه عندي مقطع يوم يكسرون الشبك بس حجمه 2 ميقا .. وفيه الي يرقون السور بس برضو 2 ميقا ..

[TORNADO]

ويقولون جماهير الانديه لا تساند انديتها
ومثل هذي المباريات الكبيره المفروض تكون بملعب الملك فهد الدولي
عموما مشكور على الفيديو

[Scorpion KING-911]

لا ويجي النمشان مدير استاد الملك فهد يقول (الملعب وضع للمباريات الدولية) قمممممممممممممة في الجهل

يا اخي والله ما عندنا سالفة
مع العلم ان هالشي دايم يصير في مباريات ديربي جدة بس ما باليد حيله ما فيه ملعب كبير زي الرياض

[The Captive]

أكيد بيكون الملعب في مثل هذه المباريات ..


جاري التحميل .. ..

[J o e y]

ياهلا والله فيكم ومشكورين على الردود ..

[DE NILSON]

والله اللي بيسير في جمهور الهلال لازم يشوفون له حل
والله امس الملعب فل في الجهة الهلالية 100% حتى الجمهور الهلالي وصل لمدرج النصر


اما مدرج النصر خلف الخوجلي فااااااااااضي وراح اجيب لكم صور


والله عدد كبير من جمهور الهلال اشترى تذاكر ومادخل والله قهر

[غالي الساهر]

أذا صار عندنا ------ قناة رياضية ------- !!! فالماذا لانطور ملاعبنا ونجد حل لجماهيرنا !!!؟؟؟؟؟؟؟؟

مباراة مثل الهلال و النصر .. المفروض يحسب لها الف حساب ... ويكسبون الجمهور بطريقة ما !!


ووووووووالله ووووووووالله مباراة بدون جمهور كبير ماماماما تسوى ؟؟؟؟؟



تحيات غالي الساهر عاشق الهلال

[:: Snake ::]

صراحه هذا سوء تنظيم....

ياخي فعلا صادقين انه مفروض اللعب في الاستاد....

ويبيعوا تذاكر والبيبان مسكره.....

ياخي ليش تشتروها....

واخرتها بعت تذكرتي انا واخوياي على 15 ريال ..

[Dark Cemetery]

والله من جد مهزلة ..

ياخي شعب متخلف ما أدري متى يتطورون ..

خلاص أصلا ً ملعب الملز قدييييم من عهد جدي ..

استاد الملك فهد يوسع مليون جمل !!

والله ناس غريبين .. !

مشكور على مقاطع الفيديو ..

[( m3an )]

يعني في الرياض عنكم ملعب كبييييير ملعب الملك فهد وتلعبون الديربي في الملز

خخخخخخخخخخخخ

( من جد وجه فقر )

اما هنا في جدة ملعب عبد الله الفيصل اكبر ملعب (اسي ميلان لعبوا عندنا يعيني على الفضائح0)