معنى الكلام المكاوي

[هيتومي سان]

أول شيء انا مكسوفه من الموضوع بس ياويل احد يتريق ولا أحد يقول إنوا منقول لأنوا أمي ماجابت توأم مني وهادي أسئله خاصه

وبس أبغى أجوبه باللغه العربيه الفصحى

المهم أمي كانت تقولي كلمات (وهي زعلانه) مني عارفه معناها ومن فين جات

سألتها ماقالت لي وبس ضحكت واستحي اسال ابويا

المهم هي جوزتني واستراحت وعشين تتأكد إني ماأتعبها بعد الجواز خليتني اتغرب مع زوجي في الشرقيه وهما في الغربيه

والكلمات هي كالآتي:

أنخمدي (تهديد)

مثلا :انخمدي خمده تخمدك



الله يشقول فيك(دعاء)

مثلا يابنت الله يشقول فيك سيبي الولد



أهجدي(وعيد)

مثلا:يابنت أهجدي



أفتري(برضوا تهديد)

مثلا:خلاص أفتري



قوري(بضم الأول وشد ماقبل الأخير)

مثلا: قوري في مكانك



أهبطي(وعيد)

مثلا:يااااااااااااااااااااابنت أهبطي



أنطقي(أمر صارم)

مثلا :أنطقي في مكانك



مجغنه

مثلا :لاتتمجغاني



مرقعه (زي مجغنه)



تلطيش(حركه تدعم التهديد)

مثلا:تهبطي والا ألطشك



قرش(برضوا حركه داعمه)

مثلا :لمن أفرشك تعرفي الدلع هادا



اللي (أداه )

مثلا: جيب اللي ياواد



الباكوره(أداه برضو)

مثلا :نزل الباكوره



الباسطون (أداه خطيره جدا )

لم أجد مثال لأني كنت أهرب وأطلق ساقي للريح





هادي بعض الأشياء

أما أبويا شيء تاني (لأنو إنسان سريع يحدف باللي جنبوا)





ملاحظه هامه جداااااااااااااااا

اولا لاتسوي فيها رضى والدين خلينا ساكتين كلكم مسمرين وجوهكم في النت

تانيا ابغى الأصل العربي للكلمه

تالتا امي وابويا انا مرررررررررررررره احبكم و مررررررررره وحشتوني وهادا ليس اهانه لكم لامن قريب اومن بعيد لأن تربيتكم لي كانت شرفا لي













ايوه

رابعا بالله سلموالي عل البييييييييييييييييييييك ولمن تروحوا أطلبوا لي1 مسحب و1سندويتش مسحب ونص حبه حراق و1حمص و4كوكتيل وخلي يكتر توم طيب





وسلامتكم

[THE KILLER]

اخهخعخاخعههعاععخههخا<<<ضحكة جديدة

فعلاً كلام غريب لكن مب أول مرة أسمعه بعض الكلمات سمعتها من أقارب لي في الغربية و سأحاول تفسيرها على حسب فهمي<<< يعني منب متأكد

أنخمدي: يعني إسكتي

أهجدي: وا ضحة ولا يبغلها لكن بأفسرها يعني إسكني و (السكون هو عدم الحركة)

وبس هذولي الثنتين هم إلي أعرفهم

[Dark Matey]

إضافة لما قال ابو الشباب (THE KILLER)


اقول :


أنطقي : انا اتوقع انها بتشديد القاف ومعناها اقعدي في مكانك



تلطيش: انا اظن معناها تكفيخ يعني تصفيق يعني ضرب



والباقي اول مرة اسمعه ........

سلام :icon6:

[Macho Man]

كلامي مثل الاخوان اللي قبلي ^^

[black goast]

خخخخخ

كلامي مثل الي قبليا

مشكورة خيتو

سلملم

[المكاويه]

خخخخخخخخخخخخخخخخخخخخخخخ
الله
احلى كلام
و احلى مصطلحات
تصدقي اني دخلت بس عشان الموضوع ده
مرررررررررررررررررررره مشغوله
الجامعه و التزاماتها و الحاله حاله
بس لما شفت الموضوع ده قلت لازم ادخل و ارد
خخخخخخخخخخ
و الله اني مهويه
مشي حالك

والكلمات هي كالآتي:

أنخمدي (تهديد)

مثلا :انخمدي خمده تخمدك

انخمدي يعني نامي او ارقدي
بس لما الواحد يكون معصب ما يقول نام نوم العوافي
يقول انخمد
خخخخخخخخخخ




الله يشقول فيك(دعاء)

مثلا يابنت الله يشقول فيك سيبي الولد

ما اعرف الكلمه دي




أهجدي(وعيد)

مثلا:يابنت أهجدي

اهجدي يعني روقي او اهدائي
مثل ما قال احد الاخوان



أفتري(برضوا تهديد)

مثلا:خلاص أفتري

افتري يعني انهدي
يعني جعل حيلك ينهد
يتهيأ لي الكلمه دي اقرب شي لها



قوري(بضم الأول وشد ماقبل الأخير)

مثلا: قوري في مكانك

ما اعرفها برضه



أهبطي(وعيد)

مثلا:يااااااااااااااااااااابنت أهبطي

خخخخخخخ
حلوه اهبطي
يعني اهجدي ,, روقي,, اقعدي
شي زي كده




أنطقي(أمر صارم)
مثلا :أنطقي في مكانك


انرزعي في مكانك؟؟
زي انثبري بالبدوي
او انقبري بالسوري



مجغنه
مثلا :لاتتمجغاني


او مجاغه
يعني لا تتمجغي
بمعنى... لا تتلكعي او لا تتدلعي
يعني بطلي حركات المياصه




مرقعه (زي مجغنه)

نفس المعنى



تلطيش(حركه تدعم التهديد)
مثلا:تهبطي والا ألطشك


يعني ضرب و تكفيخ و تسطير << هذي الكلمه الاخيره عمري ما استخدمها
خخخخخ



فرش(برضوا حركه داعمه)
مثلا :لمن أفرشك تعرفي الدلع هادا

يعني ضرب برضه
بس ضرب مبرح اعتقد



اللي (أداه )
مثلا: جيب اللي ياواد

لي المويه
زي الانبوب البلاستيك او النايلون
يستخدم في مد المويه من الصنبور للحوش او غيره
خخخخخخخخخخ



الباكوره(أداه برضو)
مثلا :نزل الباكوره

اوف
اعوذ بالله من ذكرى الباكورة
مع اني عمري ما انضربت بها
لكنها مررررره تخوف بالذات بالنسبه للاطفال
هي حاجه زي السوط
بس انها متينه و قويه
يعني فيها من السوط و من العصايه
و اعتقد اذا ماني غلطانه انها مظفره او ملويه
اممممممممم
اهم شي انها تخووووووف و خلاص



الباسطون (أداه خطيره جدا )
لم أجد مثال لأني كنت أهرب وأطلق ساقي للريح


ما اعرفها ابداااااااااااااااا









تانيا ابغى الأصل العربي للكلمه

ما اعرف الاصل العربي للكلمه
خخخخخخخخخخخ







ايوه

رابعا بالله سلموالي عل البييييييييييييييييييييك ولمن تروحوا أطلبوا لي1 مسحب و1سندويتش مسحب ونص حبه حراق و1حمص و4كوكتيل وخلي يكتر توم طيب

خخخخخخخخخخخخخخخخخخخخخ
قد كده واحشك البيك
حتأكلي ده كله ما شاء الله
يسلم عليكي يا ستي
لووووووووووول
سلااااااااااااااااااااااااام

[هيتومي سان]

شكرا لكTHE KILLER على تعاونك

شكراDark Matey

black goastوMacho Man
لمن يجيكم سؤال في الإمتحان قولوا زي اللي جاوب السنه اللي فاتت



شوكرررررررررررررررررن يالمكاويه على الترجمه والله ينجحك وبشرينا
وانا احب البيك وحاكلوا كلو

[R.A.E.F]

هذي المعاني اللي اعرفها

أنخمدي : نامي

أهجدي او اهجد : روقنا او استرييح

أفتري : نفس معنى اهجدي

مجغنه : هذي تنطلي على حزب البراتا المدمور كلهم مجغين

رابعا بالله سلموالي عل البييييييييييييييييييييك ولمن تروحوا أطلبوا لي1 مسحب و1سندويتش مسحب ونص حبه حراق و1حمص و4كوكتيل وخلي يكتر توم طيب

ههههههههههههههههههههههههههههههههههههههههههههههههههههههههههههههههههههههه

يوصل يوصل

[Sander]

ههههه يييي شو ظريفة انتي ! مابتفهمي حكيات امك!
لا انا بخير اذا,, على الأقل بفهم كل حكيات أمي

المهم,, ليك بحكي لك شو معناهن:

أنحمدي: أنطبي,, يعني نامي
التانية مابعرف بس شكلها نابعة من القلب
أهجدي: أركدي,, يهني إهدأي
أفتري: مابعرفها,, اول مره اسمعها, <احم! أقراها>
قوري: @_@ كمان مابعرفها
أنطقي: يعني ارتزي مكانك
مجغنه: مابعرفها,, اساسا مش عارف انطقها ,,
تلطيش: تصطير ضرب يعني
قرش: شو هيي قرش!؟
اللي: @_@
الباكوره: لا خلاص كفاية لحديت هون,, كلمالا عم تتعقد زيادة
الباسطون: نعم!؟

انا شو جابني لحتى اشرح لك معانيهون مابعرف <ءال يعني >
ماتضحكي,, سلام

[Van Google]

كفيتي ووفيتي يا المكاوية

مشكور على الموضوع ..............................

[Pinkoo]

رمستكم حلوة.......

رابعا بالله سلموالي عل البييييييييييييييييييييك ولمن تروحوا أطلبوا لي1 مسحب و1سندويتش مسحب ونص حبه حراق و1حمص و4كوكتيل وخلي يكتر توم طيب

واااااااااااااااااااااااااااااو انا ابا اروح السعودية بسسسسسسسسسسس عشان اطعم آكل من البيك مرة ثانية......

[هيتومي سان]

أول شيء شكرا للمشاركه
شكرا للأستاد رائف
وSander المشكله أمي ماترضى تقول المعنى
يعني أسأل مييييييييييييين
لوسألت أصير تريقه ومطنزه

المهم نظرا لأنكم مافهمتوا حوضح شويا

الله يشقول فيك(امي تقولها كده)

قوري زي أجلسي

البسطون اللي هو العكاز حق العجايز بس نحن نقولوا بسطون



والمكاويه شكلك ماتسطرت عشين كده ماتعرفي البسطون
والرائف كل عني في البيك
Sander فرش مو قرش(هادي فلوس) المهم زي الضرب :smashfrea
van google ليش تعبت أصابيعك تكتب كل هادا كلام
Pinkoo أنا في السعوديه أتخيل!
بس مالو فرع عندنا






أنا بسأل؟
أهلنا من فين جايبن هادا الكلام

[~ SoKo ~]

مع اني مب سعودي الا اني افهم كل لهجات و لغات العالم ..

ان میں ?یش کردہ ان میں ?یش کردہ << اوردو

احم احم .. نبدا في التفسير بس لحظة بجيب المعجم

.
.
.
.
.
.

لحظة ما لقيته .. بطلب من المطعم

.
.
.
.
.

وصل و تفضلو التفسير بس أول شي لازم تعرفون اشياء مهمة :
1- نرجع الكلمة الى اصلها الثلاثي
2- نفتح على الحرف الأول ثم الثاني فالثالث

أنخمدي : خمد ، أي سكت و نام و صك حلجه على الآخر
و المراد في الجملة : انطمي و اسكتي و ما عاد اسمع كلمة

أهجدي :
و المراد في الجملة : انتي مالك دخل ابقي في مكانك و بس

انطقي : نطق
و انطقي : قولي لا اله الا الله

الباكوره :
نحن عدنا اكه هندية اسمها باكورة ..

هذا اللي اعرفه او سمعت عنه ..

SuIkOdEn

[R.A.E.F]

الباكوره :
نحن عدنا اكه هندية اسمها باكورة ..

حلوة المعلومة منك اخ سولكدودين

بس بقولك شي عندكم الباكورة معناها اكلة حارة ( بحكم انها هندية) لكن عندنا الباكورة معناه

علقة حارة لأنه الباكورة هي الخيزرانة

بمجرد ما نسمع سيرتها تشوف قلبي فرقة روك

[pEc!al $wEetY$]

مررررررررره كوووووووول

اعجبتني .... اغلبها مو جديده علي...

ثااانكيتووو.....