تكفون Big Trick يناشدكم عن الX5 4.4

[Big Trick]

السلام عليكم

الصراحة انا اليوم تقيردت على عمري كنت حاجز vxr 2006 ودخلت وكالة الفردان ...


وطاح عيني على الاكس فايف 4.4 وعجبني



خصوصا ان سعره قريب من الفي اكس ار


هل بيتغير الاكس فايف عن قريب ؟؟

ووش قولكم فيه ؟؟

عملي ؟

ثابت ؟

[Mercedes-Benz]

هذا شكل X5 الجديد 2006








وهذا الشكل القديم يعني 2004 2005




بالنسبة للعملية والثبات فشكل الأقدم أحسن وأعرض وأطول من الجديد

[Big Trick]

جزاك الله الف خير اخوي مرسيدس بنز



للأسف اللشكل الجديد تحس انه اقصر من القديم واضيق

[Dark Watch]

الأكس فايف اعطاله كثيرة وشكله مو حلو

لو تبي فورويل شكله خطير مالك غير البورش كاين الستة سلندر او ثمانية سلندر

وعلى فكرة هاذي الأكس ثري مو الأكس فايف

وعندك خيار الفولكس فاجين طوارق او الأنفنتي

طبعا الخيار راجع لك

[Big Trick]

البورش كاين الستة سلندر او ثمانية سلندر

حرام عليك اخوي المراقب ... وانا ليش متظرر غير اني طلعت لي s وذبحني على الخط ( مش عملي )

والتيربو لازم كل الف كيلو تبدل آيل ( يعني ماتقدر تسافر به )

الطوارق والانفنتي مااعلم بها .... باشوفها انشاء الله

لأن في واحد مدحها لي الـ X5

وشكرا

[Dark Watch]

والله الخيار راجع لك بس اعرف ناس يقولون ان الاكس فايف مو عمليه

انت تبي سيارة خط هههههههه خلك من الاكس فايف كم واحد انا شفتة موقف في الشارع ومبند على صاحبة

في الخط وكم وكم

الاكس فايف موتر خوان اخوي

[Big Trick]

والله الخيار راجع لك بس اعرف ناس يقولون ان الاكس فايف مو عمليه

انت تبي سيارة خط هههههههه خلك من الاكس فايف كم واحد انا شفتة موقف في الشارع ومبند على صاحبة

في الخط وكم وكم

الاكس فايف موتر خوان اخوي

بل اخوي راك مان لهالدرجة


راكب بيجو مب اكس فايف



يالله

شورك وهداية الله

[Dark Watch]

الأكس فايف اعرف واحد من الأهل شارنها

هههه كنا رايحين معاه مسافة خط ممكن 120 كلم

بدا يقطع الريس علينا والحرارة ارتفعت ووقف في الدرب ^_( ^)

اقولك انا اخوي هالسيارات خوانه

[QataR NighTMarE]

بيج تريك
انت تدري بقطر وبأهل قطر كونك واحد منا وفينا
بالعربي تبي موتر يتحمل ورزه وشكل
مالك الا التويوتا والنيسان ولووو بتكثر اللكزس
اما المواتر الألمانيه مع احترامي ماتصلح الا لواحد طلعاته خفيفه وماله بالسرعه ولا شئ لأنه موتر دلع مب كرف

[Big Trick]

بيج تريك
انت تدري بقطر وبأهل قطر كونك واحد منا وفينا
بالعربي تبي موتر يتحمل ورزه وشكل
مالك الا التويوتا والنيسان ولووو بتكثر اللكزس
اما المواتر الألمانيه مع احترامي ماتصلح الا لواحد طلعاته خفيفه وماله بالسرعه ولا شئ لأنه موتر دلع مب كرف

صادق أخوي ...

بكرة بيجي الشتا وبتحسف .... حق البر والكراف ( نعيرية -الحفر -الاردن -سوريا )

مالك الا عبدالغني ( التضامن عند صبري ) في اكس ار وفك عمرك

ومشكور على النصيحة