الببسي ذبحنـي ...@@

[Macho Man]

هلا فيكم ..


شباب بصراحة انا ودي اترك الببسي .....

لاني اخاف على نفسي وما ابي اعرض نفسي للخطــر لان وبكل صراحـة متمادي في شرب الببسي في كل وقت لازم ببسي واخاف يضرني ودي اتركــة بس تخبرون الواحـد اذا شافة بارد ما يتحمل على طول يشربـة وهذا اللي يحصلي لدرجـة اني افضلة احيانـا على شرب الماء ......

ابي حل بسيط علشان اقدر اتركـة بالتدريـج , لاني والله العظيـم اشرب في اليوم اكثر من 3 وجـاء يوم من الايام تقريبا قبل اسبوع شربت 6 في يوم واحــد والله على ما ااقول شهيــد ...

[..كايري..]

انا مثلك اعشق الببسي مووووت..

انا ودي اتركه بس ماقدرت..

و سوري ماعندي الحل!!

لأني أنا مثل حالتك "^^

[Modi]

انا مثلك كنت مجنون بيبسي ... بس مع الوقت خففت منه ...

الطريقه سهله جدا .. حاول تشرب بداله عصير اللي تفضله ( برتقال - منجا - تفالح - كوكتيل ... الخ )

بس انصحك ... بعصير برتقال طبيعي ( بالبيت تسويه ) عاد تشوفه باااارد ... احححح وش حلاته .. ^_^
او عصير ( ليمون + نعناع ) ترا روعه خاصه وقت الظهر يعطيك انتعاش مو طبيعي ^.^
حاول تشربه يمويا .. مع الوقت بيخف عليك البيبسي ...


على فكره البيبسي مضر جدا خاصه اذا تشربه يوميا ... خاصه بالعظام .. ما ادري ما تحس سيقانك توجعك !؟

[demha160]

والله كلامك صح اخوي million انا كنت اول مداوم على الببسي كل يوم لازم اشرب وحدة لين ما احسيت بالالم في

كل انحاء جسدي وخاصة سيقاني ومن ذاك اليوم قاطعت الببسي للابد والحمد لله

[C.RONALDO]

اي والله السفن اب احسن عندي من البيبسي صرااحة اذا كنت تحب المشروبات الغازية اشري سفن اب

والعصير احسن والحليب انا اموووت فيه خخخخخخخخخخخخخخخخ

[Macho Man]

المشكلة ان العصاير ما احبهـا بقدر المشروبات الغازيــة ..

اما بالنسبة للأوجاع ما احس بهـا يمكن لاني العب كورة كثير فـ أحرق السكر الموجود اللي في الجسم بسبب الببسـي ..

[..{ شيخة بمعانيها }..]

انزين لا تشتري بيبسي اشتري مشروبات
طبيعية .....
انزين اشرب بيبسي بس مب اكثر عن ثلاث يعني واااحد او نصه
ويكفي ....

[ToUaReG]

اتجه للعصاير الطبيعيه و اترك المشروبات العازيه تدريجيا ...

يعني الحمدالله انا صرت ما اشرب بيبسي الا بالاسبوع مرتين او ثلاث ...

و المااااي اهم شي ... لازم تشرب عالاقل 5 لتر مااااي يوميا ...

و اذا الجو حااار حط ثلج مع العصير او الماااي يصير بارد و منعش .....



و ما تشوووف شر ...

[Nnoshah]

أحسن حل تدري شو هو :
قول حق امك ما تشتري بيبسي ابد
في البدايه بتصارخ وبتتذمر من الوضع مثلي
بس بعدين بتتعود
أحسن حل هذي الطريقه
صج اتكلم ,,,
امي اتسوي فيا جي
وانا كل يوم كنت جي :vereymad:
بس بعدين صرت جي
يعني اتعودت عالوضع
الحمدالله
سوي انت بعد مثلي
وان شاء الله ينجح معاك ,,,
بس هااا

لا اتسيييير الدكاكين وتشتري من اهناك

[Gentleman]

اشرب دايت : )

[مفجرهم]

أنا مثلك او يمكن اعظم منك بس الحين خففت منه تدري كيف

إذا عندك كرتون بيبسي في البيت حط لك في الثلاجه اثنين واحد العصر وواحد بليل وبعدين

إذا تبي بيبسي مافي بارد بتقول خلاص انا سويت كذا

وانا صرت مو بس بيبسي باور هورس الي ذابحني الحين (من شاف مصيبه غيره تهون عليه مصيبته)




تحياتي (مــفـــــجــــــرهــــــم)

[Khalidksa]

انت ماتحتاج اني اذكر لك اضرار الببسي والكوكا كولا والسفن اب والمشروبات المشابهة .انت تشرب ببسي مو عشان نكهته وطعمه ...الخ انت تشربه لانك تحس بالعطش فاقتراحي لك :متى ما رغبت بشرب الببسي اشرب مويه كاسين على الاقل وبتسد نفسك عن الببسي.

[الهوفي]

الاقتناع والهمة تفعل المستحيل ...

لاتجل اهواك وشهاوتك تتحكم بك .. وكن انت متحكما بنفسك ..

هي ليست متعلقة فقط بالبيسي ولكن سوف تستفيد منها بجميع شؤون حياتك وخاصة المستقبلية .

لا تكبر الموضوع وخذه ببساطة .... فلا تخذه بهم حتى تكون في حرب بنفسك ..

اول خطوة ... لا تجعله قريبا لمتناول يدك اي افرغ البيت منه ، حتى تتثاقل نفسك باتيانه ..
كلما شعرت ان لك رغبة به اذهب واشرب شيء اخر , وعبء ثلاجتك بانواع المشروبات الاخرى كالعصائر وغيرها المفيدة او لاسبب ضررا .

اصدقائك ... لهم دور كبير في اعانتك لتركه وحاول ان تقنعهم بالفكرة -اذا كانو مثلك- او يحالوا ان يتركوا اذا كنت معهم .

حاول ان تبعده عن تفكيرك فالمسألة نفسية اكثر من هي عادة ، واشغل نفسك باشياء اخرى لان ايضا الفراغ سيلين نفسك اليه ..

بالنسبة لي ... ليس مهم عندي ، فان قدم لي شربته والا لم ابحث عنه .واحيانا تمر اسابيع من دون ان اشربه ..
فالامر ليس مستحيل اذا ..
اتمنى اني افدك بكلامي ... وكان الله بعونك

[فان دام]

وانا ايضا مثلكم ..
متعلق بالببسي بشكل غير طبيعي ..
لدرجه اني كنت قبل فتره اشرب علبتين حجم عائلي يوميا ..
لكن بعد كثره النصائح والتحذيرات ..
خففت منه ..
كونه تسبب لي بمشاكل كبيره ..

[DE NILSON]

الله يعينكم ياجماعة
الحمدلله انا لست مدمن للببسي