.. طقطقة I..

[Pr.Game]

سلامٌ على من دش الموضوع .. وعلى من نظر إليه من ( برة ) ..
قديمة ترى .. العب غيرها .. ادخل واقرا الموضوع من جوة ..
المهم .. ندش في الموضوع عرض .. طوالي ..
أحب أول حاجة في بداية موضوعي .. إني أطقطق على اللغة الصعبة .. الديفكلت بالانجلش ..
اللغة الصعبة منتشرة بشكل جبار في كثير من المنتديات .. طبعا ما أقصد بها الأدب ..
لكن في مواضيع أخرى .. تدخلها وإنت يالله تلم عقلك حتى تفهم كلمة ..
أنا كنت من عشاق اللغة الصعبة .. البلاغي يعني .. تقدرون تقولون ( تنطع ) << كلمة صعبة يجهل معناها الكثير ..
معناها ( تشدد ) .. المهم .. أنا كنت أكتب بهذا الأسلوب الصعب المتشدد .. وألملم كلمات من مخي .. حتى أسوي بيها موضوع متكامل ..
يتماشى مع الحياة العصرية اللي احنا عايشينها .. لكن كنت أشوف ما في إقبال ..
شي يبكي .. فكنت ألجأ للمسنجر وأسوي دعايات للموضوع ..
عاد كانت هذي هي الطريقة الوحيدة .. حتى يتحرك الموضوع ..
لكن يوم أدخل الموضوع ألقى الموضوع كله مشكور وجزاك الله خير .. وكلام أدبي طويل مدري من وين راصينه ..
وما فيش أي مناقشة .. ولا أخذ و عطا .. حتى كلام فاضي ينرص مافيش ..
الصراحة بدأت أمل بعد فترة من الأسلوب هذا .. ليل نهار أكتب وبالنهاية مشكور .. أو واحد يجي يرص لي كلام مدري من فين طلعه من تلابيب مخه .. ويكتب ( يا من أسرني بكلماته وسرني بكتاباته .. إلخ ) .. كلام طويل ماله داعي ..
ملخصه جزاك الله خير وفكنا من البلاهة دي والسلام .. قديمة ترا مو علينا ..
من هنا شفت إني أغير المجرى إلى الكلام السهل .. يعني العامي بالعربي ..
لأنو الصراحة شباب هذي الأيام إذا جيتهم .. وقلت لهم ( شدوا الهمة إلى العلا فهي الطريق .. وشمروا عن سواعدكم لتصلوا إلى أعالي العز والرفعة .. ) لو قلت لهم هذا الكلام بهذي الطريقة لكان كل واحد أعطاك أشكل ..
وقال أعوذ بالله هذا مين سلطه علينا ..
كان عندنا أستاذ أدب أعوذ بالله كل يوم يقرفنا بسيرة فلان الأدبي أو المتنبي .. ويهرج هرج جامد ما تفهم منه كلمة ..
يوم من الأيام وفي سنة ربنا أكرمنا وما جانا فيها .. جانا بحصة فراغ ..
وهاتك من الشغل حقه والرجال بدأ يهرج .. وما تشوف لك إلا الفصل قلب الموجة عليه ..
آخرتها قال تبغوا الحصة ولا لأ .. طبعاً الجواب كان لاااااااااااااااااااااااا .. الله يخلي فصلنا نشمي ما يهزه ريح ..
بس وفكنا من حشرته هذا المدرس وطلع ..
ليش محد رضي يسمع له .. ؟! لغته الصعبة طبعا .. اللي أصبحت لا تطاق ..
لكن تعال لشباب .. وخش معاهم عرض .. وانصحهم بلغتهم اللي يفهموها ..
طبعاً بتشوفهم كلهم اترصوا حولك .. لأنو الكلام اللي بتهرجه يشدهم .. شي إيزي .. يدخل المخ ويرسخ ..
زي عندنا مدرس حق الفيزيكس .. واحد فرندلي بقوة .. خطير .. كان العام أسلوبه زفت والسنة أسلوبه ماس سبحان مغير الأحوال .. صار يحشش وينكت لكن الصراحة محبتنا له زادت .. لأنه بيكلم عقول تحتاج أن تخاطب بصيغة أخرى غير الصيغة الصعبة اللي يستخدمها البعض ..
المهم طولت عليكم بالموضوع جالس أنزل حري فيه بعد اختبار الوطنية .. الله يكافي الأستاذ بس
المهم نشوفكم على خير ..
GOOOOOOD Byee ................
آه ..
نسيت شي ..
برنامج طقطقة مستمر هذا الجزء الأول .. لسه ما شفتوا شي .. استنونا .. :cloud:
أيواه حاجة تانية .. اللي ما يشارك بالموضوع ينفرش :vereymad:
سلملم ..
هامشي :- ( الحسام المهند لا تملك الصلاحيات للوصول للصفحة ) .. اش ده ما تبوني أعدل في الموضوع ولاّ كيف ..
.

[Yamato]

اه.. يعني اللي انا فهمته منك يا فتى انك بتهجر ماما لانغويج وبترمسنا بالفصحى... والله زين...

بس كسرت خاطري.. شي حقيقي... يعني حتى هالموضوع اللي ناوي تفتح فيه صفحة جديدة.. محد عطاك وجه فيه يا فتى.. بس انا احبك في الله ياخي.. علشانك وعلشان انه موضوعك حلو رديت...

خلني اعطيك شي بالعملة الصعبة..

هلم يا فتى الى امخاخ الشباب.. ان امخاخهم كانت مقفلة بالمفتاح.. وابحث عن المفتاح لكي تفتحها..

شو رايك..

[detective]

وعليكم السلام ورحمــة الــله وبركــاته ,,
أهـــلاً بأصحـــاب ثالـــث ثــانوي .. كيــف المذاكرة ..؟ إن شاء الــله تمام

مــا شـــاء الله الناس في الاختبارات تطلع المواضيع مــعهم ,,

عــموما ً كلامك صحيح فعلاً , الواحــد المفروض يتكلم ببساطة ,

مثلاً من فنون الإلقاء أن يتكلم الشخص في خطبته ببساطه وكأنه يتكلم مع مجموعة من أصحابه ,,

وتلاحظ بــعض الدعاة يتميز بــاسلوب لطيف محــبب للجميع ,, ويكون ناجح في مسيرته ,,

أعانكم الله يا أصحـــاب ثالث ثانــوي

الــله يوفقــكـ أخوي مصطفى وجميع الاخوان في الدنيــا والآخرة ,,

[Justine]

ايه مشاركتي الطويلة العريضة اختفت .. ليش المنتدى حاقد علي T.T

يتماشى مع الحياة العصرية اللي احنا عايشينها .. لكن كنت أشوف ما في إقبال ..
شي يبكي .. فكنت ألجأ للمسنجر وأسوي دعايات للموضوع ..

Indeed Indeed ..

لكن يوم أدخل الموضوع ألقى الموضوع كله مشكور وجزاك الله خير .. وكلام أدبي طويل مدري من وين راصينه ..
وما فيش أي مناقشة .. ولا أخذ و عطا .. حتى كلام فاضي ينرص مافيش ..

اكيد .. تلاقي موضوع نقاش حاد و دموي .. يطلع فيه بزر يبي يزود مشاركاته بكلمة : شكرا ..

مو هنا اللي يفقع مرارتي .. اللي يمضغها لي صح الناس اللي تحس كلامهم يقطر نفاق .. زي قبل فترة شفت موضوع من سطرين عن من تحب ان تكون .. احد الردود كانت 3 سطور تمدح صاحب على افكاره الخلاقة اللي راح تغير وجه العالم .. و هو واضح انه منافق يبي يطلع على اكتاف الموضوع .. ما علينا

لأنو الصراحة شباب هذي الأيام إذا جيتهم .. وقلت لهم ( شدوا الهمة إلى العلا فهي الطريق .. وشمروا عن سواعدكم لتصلوا إلى أعالي العز والرفعة .. ) لو قلت لهم هذا الكلام بهذي الطريقة لكان كل واحد أعطاك أشكل ..

بصراحة لو جاني واحد زي كذا اقيد على وجهه و اخذ أحلى 26 نقطة من تحت ضرسه << بلوت

لكن تعال لشباب .. وخش معاهم عرض .. وانصحهم بلغتهم اللي يفهموها ..
طبعاً بتشوفهم كلهم اترصوا حولك .. لأنو الكلام اللي بتهرجه يشدهم .. شي إيزي .. يدخل المخ ويرسخ ..

كيف طيب نجح عمرو خالد و الداعية الاسمر اللي يجي على يللا شباب و غيرهم من الداعين على استمالة قلوب الشباب .. بالكلمة الحلوة .. و الاهم الابتسامة.

كان عندنا أستاذ أدب أعوذ بالله كل يوم يقرفنا بسيرة فلان الأدبي أو المتنبي .. ويهرج هرج جامد ما تفهم منه كلمة ..

ما اعتقد المشكلة في اللغة خيو مصطفى .. يمكن أسلوبه بيض ما عجبكم .. شوفوا استاذ الفيزيا من يوم ما غير اسلوبه كلكم حبيتوه .. أذكر في ثانويتنا كان في استاذ زي .. صح انه لغته صعبة ( في الحصص الفاضية و حصص حل الواجب) .. إلا انك تسمع له و انت ما تدري عن نفسك .. تضحم لنكته و تنبسط لاشعاره .. و لو انك موش فاهم شي..

في الغالب غير أسلوبه يعني صار يعطي درجات من غير حساب أ

[smigle]

مشكور أخوي جزيل الشكر

وجزاك الله خير

وأنا أشد على نقطتك المهمه في هذا الموضوع المهم كل الأهميه.

وفي آخر ردي أكتب لكك من تلابيب مخي

يا من أسرني بكتاباته وسحرني بعباراته

وخلاني كالقلم تبريه مبراته

[Darkness withiN]

~الســلام عليكم ورحمة الله وبركاتــه~
-موضوع يماشي الحياة العصرية يامصطفى بك فعلاً ..في الحقيقه كلامك صحيح ببعض الجوانب,وعايشناها-

عندك مثلاً المدرس الي لغته صعبه,ويتكلم معك بالفصحى وهو مدرس العربي عندنا ومصري..لكن يجذبك بأسلوبه ويخليك غصب تسمع له,عليه أشعار وحافظ قصص وغيره ماشاء الله,وصبور وطيب ويعطي درجات بدون حساب
مع هذا معقدينه الشباب لإن ولا واحد فاهم له,فتلقى يطبلون بالحصه ويغنون :أووووه ستاااذ *** حلوو أووه ستاذ *** حلو <فاكرين إغنية صبوحه خطبها مدري مين> ,رجونا الله يرجهم..وواحد زيّر عندنا والثاني إنصرع فوق الطاوله,والمدرس ينتف بلحيته >رجّه

-وإحمد ربك يامصطفى أحد رد عليك وقدر جهدك حتى لو رص لك كلام متطنع طويل ,بعض المرات هذا النوع من الردود يسبب مشكله,وبعض المرات يحمسك جداً ويخليك تدخل جو من ناحيتي وترد عليه بذات الأسلوب...هذا لو كان الموضوع أدبي...أما غير ذلك ففعلاً مشكله,لكن كل شخص حر بطريقة تعبيره وعلينا إحترام رغباتهم...وبإنتظار طقطقاتك وفشات خلقك التانيه عمو -



P.S:سميقل..الحمدلله على السلامة,أقول ليه منور المنتدى

~مــع كل إحترامي وتقديري..في أمان الله عزوجــل~

[Angel whisper]

حياك الله يالحسام ^^
انا الصراحه اصعب ما عليي انه حد يكلمني او يعطيني شي بعربية فصحى تشتمل على معاني صعبه .. او على الاقل بلغة صعبه ما تنفهم .. احس اني غبيه .. او انه اللي يكلمني يبغي يحسسني اني غبيه .. وانا اعرف اني مستحيل افهم اللي يقولونه وبالتالي اتجاهلهم ..
حلاتها يوم الواحد يعلم الاخرين بانه يخليهم يحسون انهم مب مختلفين عنه وانهم قادرين على انهم يستوون مثله واحسن ..
مشكور يالحسام

[asf4ever]

وعليكم السلام حبيبنا مصطفى
يا ريال أنا شو يكرهني بكتابة المواضيع غير هالردود

كان عندنا أستاذ أدب أعوذ بالله كل يوم يقرفنا بسيرة فلان الأدبي أو المتنبي .. ويهرج هرج جامد ما تفهم منه كلمة ..

هذا كنه وصف أستاذنا
من بين كل أساتذة العربي إلي درسوني كان أمل واحد والوحيد إلي قالب الحصة عربية فصحى ما عدا يوم يعصب تنقع الفيوزات
حصته كئيبة لدرجة إنه يا الطلاب رقود يا إنه يسوون أصوات عجيبة...

ويا عيني على أستاذ الأحياء يكلمك بأسلوب شبابي وحلو ولا يخلو الأمر من ألفاظ نظيفة تنشط عقول الشباب
أريد أكمل حش بكل الاساتذة بس معلش اليوم مكتئب حبتين...

أقول
كيف حال الخروف؟؟؟

[Trapped Inside]

هلا ولله بحسومه ^^ .. اخبارك يا فتى .. بشرنا عنك ^^ ..

همممم .. هو على حسب الموضوع والمكان الي بكتب فيه الموضوع ..

يعني لو الموضوع ادبي ولا شي مثلها .. يكتبها فصحى طبعاً ..والمكانيعني القسم .. الاقسام الادبيه وغيرها ..

اما لو كنت تقصد عن مواضيع السواليف بس .. فأنا بصراحه من النوع الي يحب يقرا اللهجة العاميه .. واسحب على الفصحى .. اصلا ما احس ينفع كذا موضوع بذا اللهجه .. بيطلع جاد >.> ..

ومنتظرين باقي الاجزاء ^^ ..

[Pr.Game]

woow ..
wonderful ..
I see ردوداً قد أينعت وحان الرد عليها ..

خلني اعطيك شي بالعملة الصعبة..

معلش .. تعاملي دولار فقط ..

هلم يا فتى الى امخاخ الشباب.. ان امخاخهم كانت مقفلة بالمفتاح.. وابحث عن المفتاح لكي تفتحها..

معلش والله .. ضاع المفتاح .. ما عندك استبنة ..؟

أهـــلاً بأصحـــاب ثالـــث ثــانوي .. كيــف المذاكرة ..؟ إن شاء الــله تمام

مــا شـــاء الله الناس في الاختبارات تطلع المواضيع مــعهم ,,

مشي حالك يا عمي, مع المذاكرة .. صار لي يومين ما قربت من كتاب ..
آخذين إجازة .. ومضيع يومي قدام الام بي سي أفلام ومسلسلات ..
تيك ات إيزي يا عمي ..

عــموما ً كلامك صحيح فعلاً , الواحــد المفروض يتكلم ببساطة ,

مثلاً من فنون الإلقاء أن يتكلم الشخص في خطبته ببساطه وكأنه يتكلم مع مجموعة من أصحابه ,,

وتلاحظ بــعض الدعاة يتميز بــاسلوب لطيف محــبب للجميع ,, ويكون ناجح في مسيرته ,,

يس .. صراحة فنون الخطابة والإلقاء يغلب عليها الطابع الصعب ..
يعني يالله الواحد يحول الخطبة من فصيح لعامي ..
لازم يكون اسبشل شبابي محترف .. يعرف كيف يوزن كلمته أو خطبته على وزن عامي
وفي كثيرين من الدعاة بهذي الطريقة .. والواحد تنفتح نفسه يوم يتكلم ..
مش مثل بعضهم .. داخل عرض .. ويرص لك كلام مدري من وين جابه ويالله تفهم هذا وش يقول أو وش يتكلم ..

Indeed Indeed ..

ما حصل لي الشرف يالتعرف على الكلمة دي

مو هنا اللي يفقع مرارتي .. اللي يمضغها لي صح الناس اللي تحس كلامهم يقطر نفاق .. زي قبل فترة شفت موضوع من سطرين عن من تحب ان تكون .. احد الردود كانت 3 سطور تمدح صاحب على افكاره الخلاقة اللي راح تغير وجه العالم .. و هو واضح انه منافق يبي يطلع على اكتاف الموضوع .. ما علينا

هههههه هذي حدث منها ولا حرج ..
مرة من المرات شفت موضوع من واحد سطر .. وجاي واحد كاتب رد صفحة ..
النفاق في كل مكان موجود .. الله يخارجنا بس .. :raincloud

ما اعتقد المشكلة في اللغة خيو مصطفى .. يمكن أسلوبه بيض ما عجبكم .. شوفوا استاذ الفيزيا من يوم ما غير اسلوبه كلكم حبيتوه .. أذكر في ثانويتنا كان في استاذ زي .. صح انه لغته صعبة ( في الحصص الفاضية و حصص حل الواجب) .. إلا انك تسمع له و انت ما تدري عن نفسك .. تضحم لنكته و تنبسط لاشعاره .. و لو انك موش فاهم شي..

الأسلوب مرتبط بطريقة الكلام .. مش معقول واحد يهرج فصيح .. ويتغير أسلوبه يعني كيف تصير هذي ..
معادلة ما تخش المخ الصراحة ..
عشان تغير أسلوبك لازم تغير كلامك .. وإلا ما بيصحش ..
أما استاذكم .. إذا كان يتكلم بالفصيح .. وإنتم تضحكون له .. معناتو مممم .. بلاش نهرج ونتورط

في الغالب غير أسلوبه يعني صار يعطي درجات من غير حساب

مشكور أخوي جزيل الشكر

وجزاك الله خير

وأنا أشد على نقطتك المهمه في هذا الموضوع المهم كل الأهميه.

وفي آخر ردي أكتب لكك من تلابيب مخي

يا من أسرني بكتاباته وسحرني بعباراته

وخلاني كالقلم تبريه مبراته

داخل غلط ..!

-موضوع يماشي الحياة العصرية يامصطفى بك فعلاً ..في الحقيقه كلامك صحيح ببعض الجوانب,وعايشناها-

معلش ما نستقبل ألفاظ صعبة

مع هذا معقدينه الشباب لإن ولا واحد فاهم له,فتلقى يطبلون بالحصه ويغنون :أووووه ستاااذ *** حلوو أووه ستاذ *** حلو <فاكرين إغنية صبوحه خطبها مدري مين> ,رجونا الله يرجهم..وواحد زيّر عندنا والثاني إنصرع فوق الطاوله,والمدرس ينتف بلحيته >رجّه

نفاق ..!!
بقية الكلام صعب .. ما دخلش موخي .. انتظر بنجيب قاموس بنفك الباقي

آخخخخخخخخخخخخخخخـ تعبت .. البقية بالرد اللي بعدوا ..
seeya ..


.

[smigle]

P.S:سميقل..الحمدلله على السلامة,أقول ليه منور المنتدى

أنا مادري بس أشم ريحة غدر أو شماته أو أو في سؤالك؟؟؟

بس عموماً راح أكون آز يوجول و آي ول تيك ات بوزيتيفلي.

إذا كان سؤالك عن وحشهه شوق و وله، فردي هو: الله يسلمك حبيبي أنا دايماً أقول لنفسي أن المنتدى منور بالحلوين اللي أنت أولهم.......... ما عليك منه منافق.

أما إذا كان مثل ما على بالي فردي هو : الله يسلمني آمين، أنا اليوم منور المنتدى لأنه مظلم من غيري.

[Pr.Game]

حياك الله يالحسام ^^

أح الدورية وصلت

انا الصراحه اصعب ما عليي انه حد يكلمني او يعطيني شي بعربية فصحى تشتمل على معاني صعبه .. او على الاقل بلغة صعبه ما تنفهم .. احس اني غبيه .. او انه اللي يكلمني يبغي يحسسني اني غبيه .. وانا اعرف اني مستحيل افهم اللي يقولونه وبالتالي اتجاهلهم ..

same same here
كلنا كذا .. شي يبكي الصراحة .. يجي واحد ويرص الكلام رص .. كأنه مسجل ..
وأنا ما أفهم كلمة .. هذي هي العادة ..الله يخارجنا إذا رحنا الجامعة .. شكلوا بنواجه حروب وعواصف رعدية ..

خاصة الدكاترة اللي عندنا مسجلات ..

حلاتها يوم الواحد يعلم الاخرين بانه يخليهم يحسون انهم مب مختلفين عنه وانهم قادرين على انهم يستوون مثله واحسن ..

هذي مهي موجودة إلا عند أصحاب الإن إل بي
والصراحة بدأت أشك بمقدراتهم .. وأعتقد إنو الكلام البسيط والأسلوب الحلو موهبة من الله مهي بالتعلم والوسائل الأخرى ..

مشكور يالحسام

يور ولكم ..

وعليكم السلام حبيبنا مصطفى
يا ريال أنا شو يكرهني بكتابة المواضيع غير هالردود

هلا عمي حياك .. اقلط شاهي قهوة ..

هذا كنه وصف أستاذنا
من بين كل أساتذة العربي إلي درسوني كان أمل واحد والوحيد إلي قالب الحصة عربية فصحى ما عدا يوم يعصب تنقع الفيوزات
حصته كئيبة لدرجة إنه يا الطلاب رقود يا إنه يسوون أصوات عجيبة...

ههههههههه الظاهر إننا مبتلين بأستاذة الأدب
هذي حال الدنيا

ويا عيني على أستاذ الأحياء يكلمك بأسلوب شبابي وحلو ولا يخلو الأمر من ألفاظ نظيفة تنشط عقول الشباب
أريد أكمل حش بكل الاساتذة بس معلش اليوم مكتئب حبتين...

سيم سيم عندنا ..
أستاذ الأحياء حقنا مصري 30 سنة .. لسه شباب ينكت وياخذ ويعطي .. الله يحفظه

أقول
كيف حال الخروف؟؟؟

يسلم عليك ...

هلا ولله بحسومه ^^ .. اخبارك يا فتى .. بشرنا عنك ^^ ..

هلا عمي .. نحنا بخير .. انتوا كيف .. شمسوي وايا المذاكرة

همممم .. هو على حسب الموضوع والمكان الي بكتب فيه الموضوع ..

يعني لو الموضوع ادبي ولا شي مثلها .. يكتبها فصحى طبعاً ..والمكانيعني القسم .. الاقسام الادبيه وغيرها ..

صارحة أنا أكره المواضيع الأدبية .. بالرغم من إنو الكتابة الأدبية عندي شي إيزي ..
لكن بدي أواكب التطور يا عزيزي .. نيو ستايل .. يعني ..

اما لو كنت تقصد عن مواضيع السواليف بس .. فأنا بصراحه من النوع الي يحب يقرا اللهجة العاميه .. واسحب على الفصحى .. اصلا ما احس ينفع كذا موضوع بذا اللهجه .. بيطلع جاد >.> ..

الشاات
كلام غريب .. ما فهمت .. بجيب العدة .. واشوف حل

ومنتظرين باقي الاجزاء ^^ ..

في التريق ............ ..
sميغل داخل غلط للمرة التانية يا خوي ..


.

[BOiND]

شكرا جزاك الله خير

كثر الله من امثالك

مشكوووووور وما قصرت

يا من سرني بكلماته وسرني وبكتاباته..انت تعرف الباقي

لووووووووول ، تذكرني يوم الواحد يكتب موضوع طويل عريض واخر شيء "مشكور" "ما قصرت" "تسلم" بس تخليك تشك في نفسك اذا كان الموضوع مفيد او لا واذا كنت مراقب متشكك تحذفه بكبره وتقعد تفكر فيه يومين ، وتنسى

صراحة موضوع اخر ممتاز من شخص قدير مميز بمنتدانا و ... ممم...شكلك مليت من ذا الكلام انا بعد والله

نبعد شوي عن " " و " " ونبدأ في ال " "

من هنا شفت إني أغير المجرى إلى الكلام السهل .. يعني العامي بالعربي ..
لأنو الصراحة شباب هذي الأيام إذا جيتهم .. وقلت لهم ( شدوا الهمة إلى العلا فهي الطريق .. وشمروا عن سواعدكم لتصلوا إلى أعالي العز والرفعة .. ) لو قلت لهم هذا الكلام بهذي الطريقة لكان كل واحد أعطاك أشكل ..

على رايك والله ، ما تقدر تقول كلام مفيد لشباب اصلا .. خلنا ندبر حالنا مع العجايز اصلا تراهم يفهمون بالحياة
على فكرة ، شو معنى أشكل؟

كان عندنا أستاذ أدب أعوذ بالله كل يوم يقرفنا بسيرة فلان الأدبي أو المتنبي .. ويهرج هرج جامد ما تفهم منه كلمة ..
يوم من الأيام وفي سنة ربنا أكرمنا وما جانا فيها .. جانا بحصة فراغ ..
وهاتك من الشغل حقه والرجال بدأ يهرج .. وما تشوف لك إلا الفصل قلب الموجة عليه ..

احنا كان عندنا استاذ شرشبيل (تعرف السنافر ؟ ذا اللي يلاحقهم) ... سالفته الله يسلمك "انا أعرف أبوك" ..جاء عندنا شهرين كاملين يدرسنا عربي بعد ما ودينا استاذ العربية واصبناه بنوبة قلبية في رمضان ..>>دليل على اخلاق الصف والتزامهم<< ... سالفته أنه اول ما يدش "يا ولد لا تتحرك ترى يمكن اعرف ابوك" "يا ولد انا اعرف ابوك ، لا تسوي كذا" .. "يا ولد انا اعرف ابوووووووووووووك" ..طبعا نص الكلام كان موجه لي بسبب بسيط

كنت مزفت في امتحان الجغرافيا ... واقنعت الاستاذ بانه يعيد لي الامتحان ... وقال لي تعال بحصة العربي ... اذكر انها كانت الحصة السادسة والله اعلم .. الموهم ، رحت له بغرفته قال لي اسف خالد ، انا الحين مب فاضي ، ما حصلت لك ورقة الامتحان الجديدة..ارجع لي بالحصة السابعة...رجعت لحصة العربي وما تأخرت اكثر من دقيقة >.>...قال لي " يا ولد ، انا اعرف ابوك ، ليش تأخرت؟ " بعد الشرح قال لي "يا ولد ، تراني اعرف ابوك ، ما بدخلك الا اذا رحت تجيب لي ورقة من استاذ الجغرافيا"...وارجع لك لين غرفة الجغرافيا..ورجلي تعورني مب قادرة تشيلني..يوم دشيت غرفة الجغرافيا قال لي الاستاذ تعال خالد ، لقيت لك الورقة .. وامتحنت في حزتها وما خلصت الورقة الا ببداية السابعة .. رجعت..وكملت الدوام بدون ما اشوف استاذ العربي ...

اول ما ركبت السيارة عشان ارجع البيت قال لي الوالد الله يطول في عمره"خالد ، ترى مدرس العربي اتصل فيي ويقول انك شردت من الحصة ، وين كنت" ؟
طبعا انا تصلبت ، من وين ذا حصل رقم الوالد واتصل له بذي السرعة ؟
سالت الوالد تعرفه ؟ قال لا والله
رجعت اليوم الثاني ولقيت شرشبيل قلب اوراق غرفة الاخصائي كلها يدور عن رقم الوالد..ومن ساعتها هو ماخذ فكرة سيئة عني..وتأكدت خلاص انه"يعرف ابوي من اليوم ورايح"

بس افتكينا منه ولله الحمدXD

واسف طولت عليك

[faisal_rpg_1]

موضوع حلووو ويشرح الصدر <= هذي النوعيه من الكلام وش سببها

اعرف ان الموضوع ما عجبه بس فقط عشان يرفع المعنويات هذا شيء

وفيه بعض الناس تركيبه مخه الداخليه ((نضرب مثال )) تعشق شيء اسمه ار بي جي مثلي يعني

وفيه ناس والهل لو تجلس تقنع فيه من هنا لين يوم الدين مستحيل

my point <--- عسى الاسبيلنق صح

ان الناس اذواق واللي بيعجبه الموضوع راح يناقشك واللي ما راح يعجبه راح يقولك مشكور وباي

وعلى فكره يا الحسام!!

يعني بصراحه انا يعجبني اللي متمسك باللغه العربيه ب في نفس الوقت لا ينفرط فيها (( عشان لا نشكل فيه ))

حصل وشفت لقاء في قناه المجد بين عائض القرني وعبدالرحمن العشماوي

بصراحه انا ملت الى عائض القرني لانه يتحدث تاره فصحى وتاره بالعامي اما العشماوي

يموت في اللغه العربيه حتى انه وبحسب كلامه يتكلم فيه بيته بالطريقه ذي

تخيل ابوك يقولك (( اريد كأسا من الماء )) يا شيخ ابي ارجفه برجولي واقوله اعقل بس (عربجي)

my goal = هدفي <=== يسمع واحد يقول بالله عليك

ان الوسطيه مطلوبه بكل شيء

ونقولك مشكور وموضوعك حلوووو وشدني مع اني كنت بسحب عليك <= طلبناك يا العضو القدير

خخخخخخخخخ
والىىىى الملتقىىىىى

[Pr.Game]

شكرا جزاك الله خير

كثر الله من امثالك

مشكوووووور وما قصرت

يا من سرني بكلماته وسرني وبكتاباته..انت تعرف الباقي

هلاااع بويند .. ظلم الموضوع بوجودك ..
نورت والله .. .

لووووووووول ، تذكرني يوم الواحد يكتب موضوع طويل عريض واخر شيء "مشكور" "ما قصرت" "تسلم" بس تخليك تشك في نفسك اذا كان الموضوع مفيد او لا واذا كنت مراقب متشكك تحذفه بكبره وتقعد تفكر فيه يومين ، وتنسى

سيم سيم ..
كثير تمر علي هذي الحالة ..
الله يخارجنا بس .. .

صراحة موضوع اخر ممتاز من شخص قدير مميز بمنتدانا و ... ممم...شكلك مليت من ذا الكلام انا بعد والله

تراني ما أطيق الـــــ (( )) ..
لابد من القضاء على هذه الابتسامة واستبدالها بهذه .. (( ))
.

على رايك والله ، ما تقدر تقول كلام مفيد لشباب اصلا .. خلنا ندبر حالنا مع العجايز اصلا تراهم يفهمون بالحياة
على فكرة ، شو معنى أشكل؟

داخل غلط ...

احنا كان عندنا استاذ شرشبيل (تعرف السنافر ؟ ذا اللي يلاحقهم) ... سالفته الله يسلمك "انا أعرف أبوك" ..جاء عندنا شهرين كاملين يدرسنا عربي بعد ما ودينا استاذ العربية واصبناه بنوبة قلبية في رمضان ..>>دليل على اخلاق الصف والتزامهم<< ... سالفته أنه اول ما يدش "يا ولد لا تتحرك ترى يمكن اعرف ابوك" "يا ولد انا اعرف ابوك ، لا تسوي كذا" .. "يا ولد انا اعرف ابوووووووووووووك" ..طبعا نص الكلام كان موجه لي بسبب بسيط

كنت مزفت في امتحان الجغرافيا ... واقنعت الاستاذ بانه يعيد لي الامتحان ... وقال لي تعال بحصة العربي ... اذكر انها كانت الحصة السادسة والله اعلم .. الموهم ، رحت له بغرفته قال لي اسف خالد ، انا الحين مب فاضي ، ما حصلت لك ورقة الامتحان الجديدة..ارجع لي بالحصة السابعة...رجعت لحصة العربي وما تأخرت اكثر من دقيقة >.>...قال لي " يا ولد ، انا اعرف ابوك ، ليش تأخرت؟ " بعد الشرح قال لي "يا ولد ، تراني اعرف ابوك ، ما بدخلك الا اذا رحت تجيب لي ورقة من استاذ الجغرافيا"...وارجع لك لين غرفة الجغرافيا..ورجلي تعورني مب قادرة تشيلني..يوم دشيت غرفة الجغرافيا قال لي الاستاذ تعال خالد ، لقيت لك الورقة .. وامتحنت في حزتها وما خلصت الورقة الا ببداية السابعة .. رجعت..وكملت الدوام بدون ما اشوف استاذ العربي ...

اول ما ركبت السيارة عشان ارجع البيت قال لي الوالد الله يطول في عمره"خالد ، ترى مدرس العربي اتصل فيي ويقول انك شردت من الحصة ، وين كنت؟
طبعا انا تصلبت ، من وين ذا حصل رقم الوالد واتصل له بذي السرعة؟
سالت الوالد تعرفه ؟ قال لا والله
رجعت اليوم الثاني ولقيت شرشبيل قلب اوراق غرفة الاخصائي كلها يدور عن رقم الوالد..ومن ساعتها هو ماخذ فكرة سيئة عني..وتأكدت خلاص انه"يعرف ابوي من اليوم ورايح

ههههههههههههه .. مستقوي عليكم بقوة ..
الحمد لله ماكو نوعيات بهذا الشكل عندنا ..
بس عندنا مدرس عجوز .. تقوله الوكيل ناداني على طول يتركك تروح ولا يسألك عن حاجة..
الله يعينكم .. .

واسف طولت عليك

في اختراع اسمه ( اختصار ) .

ان الناس اذواق واللي بيعجبه الموضوع راح يناقشك واللي ما راح يعجبه راح يقولك مشكور وباي

الناس عقولها وأساليبها تختلف ..
لكن ما أعتقد جمال الموضوع ياخذ نصيب أكبر ..
وإنما عقلية القاريء المشكلة العقليات اللي هنا تبع سوني واكس بوكس والكلام الفاضي هذا
يعني لازم الواحد يستخدم لهجة على قدر عقولهم ..
لكن إذا كان في منتدى مختص بالأدب أعتقد راح نقلب الطاولة رأس على عقب ونهرج أفصح من المتنبي واللي زيه ..
.

يعني بصراحه انا يعجبني اللي متمسك باللغه العربيه ب في نفس الوقت لا ينفرط فيها (( عشان لا نشكل فيه ))

حصل وشفت لقاء في قناه المجد بين عائض القرني وعبدالرحمن العشماوي

بصراحه انا ملت الى عائض القرني لانه يتحدث تاره فصحى وتاره بالعامي اما العشماوي

يموت في اللغه العربيه حتى انه وبحسب كلامه يتكلم فيه بيته بالطريقه ذي

هو شيء جميل الواحد يجمع بين الاثنين ..
لكن هذا يصلح في أساليب معينة ..
مناقشة داعية لداعية .. مش مثل مناقشة داعية لشاب عادي ..
يعني أكيد بيختلف كل شي .. حتى يمكن الهيئة والمنظر .. وطريقة الكلام .

my goal = هدفي <=== يسمع واحد يقول بالله عليك

ان الوسطيه مطلوبه بكل شيء

ونقولك مشكور وموضوعك حلوووو وشدني مع اني كنت بسحب عليك <= طلبناك يا العضو القدير

فهمي ثقيل .. .. ممكن قاموس لحتي نفك هذي الألغاز ..
الموهم .. أسعدنا بوجودكم ..
ننتظر بقية التعليقات ..
سلملم
.