ساحة المناقشة للانمي Gundam SEED Destiny

[ShinGundam]

اصلا لو عليها كان قتلت لاكوس شر قتله ( حلوة هذي شر قتله..اعجبتني )
هي باين عليها انها من زمان نفسها تكون مكانها وماصدقت خبر واستلمت مكانها
فشي طبيعي انه تحاول تاخذ كل شي
بس حلوة منك اخوي شين يوم قلت حتى اثرن^^
انا جلست اضحك على جملتك هذي كأن اثرن اثاث غرفة ينقل من هنا الى هناك
او لعبة يتعاندون عليها

تتذكرون كيف ماتت من القهر والغيظ يوم عرفت ان لاكوس بالقاعدة في الحلقة 26
بصراحة انا تمنيت لو ينسف كيرا ذاك المبنى اللي كانت ميا فيه
انا خلاص قلت كيرا حبيب قلبي بينسف المبنى ويريحنا من المتعجرفة هذي
ولكن واسفااااااااااااااااااااااااااااااااااااااااااااااااااااااااااااااه ياكيرا
مر مرور الكرام الاخ ولا سوى شي
عاد ذاك اليوم انا اللي شعللت من القهر والغيظ..الله لايوريكم

بس الحمدلله ربي عوض علي لانها فعلا كانت معصبة في الحلقة 27
مستحييل انسى وجهها ابدا
الله ياسلااااااااام شوفوا كيف


عاد انا مرررررررة فرحت لانها مقهورة ومعصبة
طبعا لازم تعصب اكيد الاخت خايفة على مصالحها
شكلها تفكر تمحي لاكوس من الوجود علشان تتربع على عرش الشهرة والغناء

صراحة أحس أن دور هذي شخصية أنتهى في الحلقة 27 شرايك ؟؟

طبعا اكيد لازم يتخلصون من لاكوس علشان ماتفضحهم او تعارضهم
او توقف الحرب
ايه صح والله انا كنت مرة فرحانه لاني شفتها مقهووووووووورة
احسن احسن احسن
وهذي الصور


وهنا شوفوا تحسون كأن لاكوس تسخر من ميا واللي معها ( شمتانه فيهم من حقها والله )
كأنها تقول لامثيل للشخص الاصيل



وهنا الاخت مقهورة وخايفة ومعصبة وخليط من المشاعر المختلفة
دووووووووووووووووووووووووووووووووم ياربي هالعصبية والقهر :naughty2:
( كأنها تقول للاكوس عساك الموت ياشيخة خربتي علي كل شي :vereymad: )


---------------------
بس انا اللي قاهرني ومشعلل النار فيني هو آثرن
يعني من يوم ماعرف حقيقتها ماقال شي او اعترض او حتى قال لكيرا
يعني على الاقل يسوي اي شي لو بس يعترض بالكلام
اسمها كانت خطيبته سابقا مفروض سمعتها تهمه
او على الاقل علشان صديقه كيرا
بس بصراحة خيب املي ومن الحلقة 10 انا كرهته مثل مااكره ميا:rocketwho

مشكورة على الصور ^^ و الحلقة 26 و لا أروع الموقف الي مر على ميا كامبيل ^^ حده
يضحك و لا تنكر أندرييو ^^ حدة مو راكب عليه الشعر ^^

بالنسبه ل Freedomما اعتقد انه طاقته تتجاوز 10000 وبنشوف هذا عنما قريب بسوبر روبوت وور الفا 3 اما Destroy فأعتقد انها تصك 60000

صراحة Destroy يصك و يعدي 60000 ، بس صج يبيله model Destroy 1/144 , 1/100 ^^

هذا مشهد من الحلقة 31

أول ظهور لــDestroy


وهذا الرابط
http://dragon.ms11.net/Destroy.zip

اتمنى يعجبكم^^

تحياتي
ReLeNa

شنوا هذا موبيل سوت مدمر بكل معنى الكلمة أتمنى من الكل يحمل مشهد أول ظهور لــDestroy
على الأقل يعطونى رايهم و مشكورة أخت **Relena** ^^

ادري اني ما استحي على و يهي داشه مناقشه حق انمي ولا مره شفتا بس بعرف الانمي كاندام سييييد فيه لقطات مش ولا بد و لا لأ
لأني شفتلا انمي ميوزك فيديو و كان مش ولا بد
و بعرف بعد لو امكن كاندام سيييد يشبه حيل كاندم وينج ولا مختلف

من ناحية مشاهد مش ولابد فيه و أنتي تدرين ، و جاندام سييد يختلف في الكثير إذا ما كان كل
شي عن جاندام وينج و إذا تبين تشوفين فرق شوفي مقطع أول ظهور لــDestroy

ادري مسختها بس بعرف شي اخير بعد .... انا قاعده اطوف على نفسي مسلسل رائع و لا لأ
و شكرا و اسفه على الطواااااااااااله

لا على العكس أحنا نبي نشوف كل الأعضاء يتفاعلون مع الموضوع و راح أحاول أثبت لج و للأعضاء
أنكم قاعدين تفتون مسلسل رائع...و أنا ما عندي الى دليل واحد وراح أحطه في الرد الثاني
و مع السلامة ^^

[**Relena**]

صراحة أحس أن دور هذي شخصية أنتهى في الحلقة 27 شرايك ؟؟

لا ,لامااتوقع
ببساطة شديدة لان امرها ماحسم حتى الان ولم يتم النظر فيه
(حلوة لم يتم النظر فيه وين احنا في وزارات )
لان اتوقع تتواجه مع لاكوس بالاضافة الى انها ضروري ترجع لـPLANT
عند القائد جلبيرت....ماادري ايش ممكن يصير
بس متأكدة تماما ان دورها لسى ماانتهى

مشكورة على الصور ^^ و الحلقة 26 و لا أروع الموقف الي مر على ميا كامبيل ^^ حده
يضحك

العفو اخوي يسعدني انها اعجبتك وان شاء الله تعجب باقي الاخوان ^^
اما بالنسبة للحلقة 26 فهي روووعة كل يوم اعيد وازيد فيها واحلى شي
النظرة الغبية لميا كامبيل يوم شافت Freedom يتجه للقاعدة اللي هي فيها
وشكله لايبشر بالخير :naughty2:
http://sokoon.com/uploader/pic/376.jpg

و لا تنكر أندرييو ^^ حدة مو راكب عليه الشعر ^^

لا لا عاد حرام عليك^^
اخوي شين مايصير تقول يضحك هذا احلى مشهد بالحلقة كلها
بالله عليك مو سيم لا لا يغطي حتى على آثرن وكيرا بعد
http://sokoon.com/uploader/pic/298.jpg
ولا هنا...الله ياعيني على الوسامة بس...ولاكوس ياحرام شكلها فرحانه مرة
من زمان ماوقعت لاحد...تسترجع الايام الخوالي
http://sokoon.com/uploader/pic/306.jpg

شنوا هذا موبيل سوت مدمر بكل معنى الكلمة أتمنى من الكل يحمل مشهد أول ظهور لــDestroy
على الأقل يعطونى رايهم و مشكورة أخت **Relena** ^^

مدمر بكل معنى الكلمة؟؟
قصدك يسحق كل شي سحقا بكل معنى الكلمة
من جد Destroy هذا طفرة في عالم الموبيل سوت
انا عن نفسي خفت اول ماشفته...من جد مرعب
لانه حجمه هو اهم عامل فيه...كأنه مبالغ فيه حبتين
ثم اسلحته شي فظيع بصراحة..واحيانا احاول افكر هذا كيف يدمر ؟؟
ومين راح يدمره؟؟ بصراحة اسئلة صعبة الحل
لانه حتى لو هجم من غير مساعدة النصر مضمون له 1000000000%
----------
العفو اخوي شين يسعدني ان المشهد نال اعجابك ^^

[**Relena**]

السلام عليكم مشكوره اختي على الموضوع

وعليكم السلام والرحمة هلا والله باختي فلورا
العفو هذا الواجب ^^

ادري اني ما استحي على و يهي داشه مناقشه حق انمي ولا مره شفتا بس بعرف الانمي كاندام سييييد فيه لقطات مش ولا بد و لا لأ
لأني شفتلا انمي ميوزك فيديو و كان مش ولا بد

اعيييييييييد واكررررررررررررررررررر وازيييييييييييييييييييييييييد
الموضوع للجمييييييييييييييييييييييييييييييييييييييييييع فحياك الله يااختي في اي وقت ^^
وبالنسبة للقطات اللي مش ولابد فكل انمي فيه نفس الشي لكنها تنعد على الاصابع
يعني مو مبالغ فيها فلا يروح فكرك بعيد ^^

و بعرف بعد لو امكن كاندام سيييد يشبه حيل كاندم وينج ولا مختلف

لاااااااااااا وييييييييييييييييييييييييييييين
مافيه مجال للمقارنة اصلا
هذا الشمال وذاك الجنوب
Gundam Wing يختلف تماااااااااااااااااااااااااام الاختلاف عن Gundam SEED

ادري مسختها بس بعرف شي اخير بعد .... انا قاعده اطوف على نفسي مسلسل رائع و لا لأ
و شكرا و اسفه على الطواااااااااااله

ابد مامسختيها ولا هم يحزنون غالية وتمونين بعد ^^
وانا مع اخوي شين في كلامه

لا على العكس أحنا نبي نشوف كل الأعضاء يتفاعلون مع الموضوع و راح أحاول أثبت لج و للأعضاء
أنكم قاعدين تفتون مسلسل رائع...

وبالنسبة لي اقولك انتي من جد تتطوفين عليك مسلسل ولااروع
نصيحة تتابعين Gundam SEED
وانا اقولك نصيحة لاااااااااايفووووووووووووووووووووووووووووووووووووتك
والعفو يالغالية ان شاء الله نشوفك معنا بعد ماتتابعين المسلسل ^^

[floooora]

مشكوووووووووووووووووووووووووووووووره اختي على الرد الحلو
و انا من باجر رايحا اشتريه
تقولون إنا عجيب 100% و ما اشتريه عز الله شاريتيا من الحين
عاد الحين نطرواااا علي اشوي عشان اشوفه و اشارك معاكم من غير لا اكون ضايعة بالطوشه
و شكرا

[**Relena**]

مشكوووووووووووووووووووووووووووووووره اختي على الرد الحلو

العفووووووووووووووووووووووووووووو انتي الاحلى ^^
حياك الله في اي وقت عزيزة وغالية
و

انا من باجر رايحا اشتريه
تقولون إنا عجيب 100% و ما اشتريه عز الله شاريتيا من الحين

وانا اقولك بإذن الله ماراح تندمين
لانه انمي رهيييييييييييييييييييييييييييب بشكل مايوصف ابدا
مايحتاج اقولك انتي تابعيه واحكمي بنفسك

عاد الحين نطرواااا علي اشوي عشان اشوفه و اشارك معاكم من غير لا اكون ضايعة بالطوشه
و شكرا

اكيد ان شاء الله راح ننتظرك
واتمنى من كل قلبي تستمتعين
بمشاهدة Gundam SEED و GundamSEED Destiny
لانه ابدااااااااااااع × ابداااااااااااااااااااااااع

تحياتي

اختك
ReLeNa

[**Relena**]

مرحبا اخواني من جديد ^^

عندي سؤال وهو

الحين معقولة ان طيار

ZGMF-X666S Legend Gundam


هو Rey Za Burrel ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[finaldream]

ما شاء الله عليك يا **Relena** ماسكة الموضوع

انا اتفرجت المسلسل من قريب وبصراحة مسلسل رائع
لكن شخصيتين مني طايقهم هم كيرا وكاجالي
واحسن واحد بالمسلسل هو شين هو اللي يخليني اتابعه


الحرب الاولى اللي انتهت في اشياء كثيرة مني فاهمها
زي ابو كاجالي الرئيس هو فجر نفسه والا zaft فجروهم؟

وابوا اثرن مين قتله؟ وايش منصبه ؟

ولاكس ابنة مين ؟ وايش منصبها ؟
وبعدين هذا اللي لابس للقناع مو كان في zaft ! ليش هو الحين يحارب ضدهم؟

وبعدين كيرا واثرن كل شوية يجيبوا ذكريات عنهم هو اثرن قتل زميل لكيرا؟ وكيرا قتل زميل لاثرن؟

ومين الحرمة اللي شعرها احمر طويل اللي كانت تبكي لما ابوها مات وقالت لكيرا انك ما دافعت عن ابي عشانك من الcoordinator ؟

واسئلة كثيروة
ان شاء الله ما كون ثقلت عليك

[3shiro]

صراحة Destroy يصك و يعدي 60000 ، بس صج يبيله model Destroy 1/144 , 1/100 ^^

اي والله مو بعيدة..بعد اللي شفت..يمشي عالروبوتات ويفجرهم تحت ريلة..

[**Relena**]

ما شاء الله عليك يا **Relena** ماسكة الموضوع

ماسكة الموضوع؟؟ يعني مثل كذا ...............امزح معك^^
في الواقع اخوي ان الموضوع نجح بفضل ربي ثم بفضل اخواني الاعضاء
اللي شرفوني بمشاركتي النقاش^^ هم اساس نجاح الموضوع جزاهم الله كل خير

انا اتفرجت المسلسل من قريب وبصراحة مسلسل رائع
لكن شخصيتين مني طايقهم هم كيرا وكاجالي

يؤيؤيؤيؤيؤيؤيؤيؤيؤيؤيؤيؤيؤيؤ كيرا وكاجالي؟؟
ليه بس الله يهديك...اوكي كاجالي يمكن لكن كيرا؟؟
عموما الناس اذواق^^

واحسن واحد بالمسلسل هو شين هو اللي يخليني اتابعه

بالنسبة لي يعجبني كيرا اكثر من شين.....شين عصبي بالمرة^^"

الحرب الاولى اللي انتهت في اشياء كثيرة مني فاهمها
زي ابو كاجالي الرئيس هو فجر نفسه والا zaft فجروهم؟

لا هو اللي فجر بنفسه لانه رفض التعاون مع الكل
رفض التعاون مع ZAFT ومع تحالف الارض
يعني يبغى يكون محايد مايبغى الحرب
وبعدين شن تحالف الارض الحرب على دولة ORB
فقام رئيس الدولة Uzumi Nara Athha
بتفجير اماكن الاسلحة والطاقة حتى مايستفيدون منها
في تدمير الارض بحربهم لان الاسلحة هي هدفهم من البداية

وابوا اثرن مين قتله؟ وايش منصبه ؟

ابو آثرن Patrick Zala
هو الرئيس الاعلى لمجلس ZAFT و PLANT ( يعني الـBig BOSS ^^ )
قتله احد مساعديه لانه اصر على اطلاق
المدفع ( Genesis ) على الارض وتدميرها تماما

ولاكس ابنة مين ؟ وايش منصبها ؟

Lacus Clyne ( لاكوس كلاين ) هي ابنة Siegel Clyne
الرئيس السابق لـPLANT واحد اعضاء مجلس ZAFT
تعمل كمغنية..تغني من اجل السلام ونشر الهدوء بين الناس وتهدئتهم اثناء الحرب

وبعدين هذا اللي لابس للقناع مو كان في zaft ! ليش هو الحين يحارب ضدهم؟

لا اخوي انت اختلط عليك الموضوع
المقنع في الجزء الاول اسمه Rau Le Creuset مات في الحرب
في الجزء الاول
وهذي صورته

---------------------------------------

اما المقنع في الجزء الثاني فهو شخص مختلف تماما واسمه Neo Lorrnoke
وهذي الصورة

وبعدين كيرا واثرن كل شوية يجيبوا ذكريات عنهم هو اثرن قتل زميل لكيرا؟ وكيرا قتل زميل لاثرن؟

كيرا قتل صديق آثرن بالخطأ ( نيكول Nicol Amalfi )
ماكان يقصد انه يقتله

----------------------------------

اما آثرن فقتل صديق كيرا ( تول Tolle Koenig )



----------------------------

ملاحظة: كيرا قتل نيكول بس ماكان يعرف ان نيكول صديق آثرن
نفس الشي مع آثرن ماكان يعرف ان تول هو صديق كيرا
علشان كذا كيرا سامح آثرن وآثرن سامح كيرا ^^

ومين الحرمة اللي شعرها احمر طويل اللي كانت تبكي لما ابوها مات وقالت لكيرا انك ما دافعت عن ابي عشانك من الcoordinator ؟

البنت هذي اسمها Fllay Allster فلاي
هي ابنة نائب الوزير في تحالف الارض

كانت موجودة في مستعمرة Heliopolis التي دمرها جنود ZAFT
ونجت من الموت عن طريق سفينة الانقاذ التي تم حملها الى السفينة Archangel
واثناء ذلك يقوم نائب الوزير ( والد فلاي ) بالتوجه الى سفينه Archangel لتقديم
المساعدات التي تحتاجها السفينة لكن جنود ZAFT يهجمون عليهم فيخرج كيرا
محاولا المساعدة لكن فلاي تطالبه ان يعدها بانقاذ والدها فوعدها كيرا وخرج للقتال
لكن المعركة لم تكن في صالح كيرا ابدا حيث انه شخص واحد ضد 4 اشخاص
اقوياء بالاضافة الى باقي جيش ZAFT
فيقوم جنود ZAFT بتدمير السفينة التي كان نائب الوزير على متنها
ويقتلون نائب الوزير
وهكذا تغضب فلاي غضبا شديد وتتهم كيرا بانه لم يفي بوعده لها بانقاذ والدها لانه مايزال
موالي للـCoordinators

------------------

واسئلة كثيروة
ان شاء الله ما كون ثقلت عليك

انا في الخدمة بكل اللي اقدر عليه في اي وقت ^^

اتمنى يكون الموضوع توضح بالنسبة لك

تحياتي

اختك
ReLeNa

[ShinGundam]

ما شاء الله عليك يا **Relena** ماسكة الموضوع

انا اتفرجت المسلسل من قريب وبصراحة مسلسل رائع
لكن شخصيتين مني طايقهم هم كيرا وكاجالي
واحسن واحد بالمسلسل هو شين هو اللي يخليني اتابعه


الحرب الاولى اللي انتهت في اشياء كثيرة مني فاهمها
زي ابو كاجالي الرئيس هو فجر نفسه والا zaft فجروهم؟

وابوا اثرن مين قتله؟ وايش منصبه ؟

ولاكس ابنة مين ؟ وايش منصبها ؟
وبعدين هذا اللي لابس للقناع مو كان في zaft ! ليش هو الحين يحارب ضدهم؟

وبعدين كيرا واثرن كل شوية يجيبوا ذكريات عنهم هو اثرن قتل زميل لكيرا؟ وكيرا قتل زميل لاثرن؟

ومين الحرمة اللي شعرها احمر طويل اللي كانت تبكي لما ابوها مات وقالت لكيرا انك ما دافعت عن ابي عشانك من الcoordinator ؟

واسئلة كثيروة
ان شاء الله ما كون ثقلت عليك

كيف الحال أخوي finaldream ^^..... عساك بخير
أخوي واضح من أسئلتك أنك ما شفت سييد معظم الأسئلة تكون أجوبتها في سييد ... و أحسن لك طالع
سييد عشان ما يخترب عليك سييد ديستيني

[**Relena**]

مرحبا اخواني من جديد ^^

عندي سؤال وهو

الحين معقولة ان طيار

ZGMF-X666S Legend Gundam



هو Rey Za Burrel ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعني مافيه اجابة؟؟

[ShinGundam]

لا تعليق
هنا >> Spoiler
See you tomorrow ^^

[Thunder Strike]

Spoiler = المخرب
حسبيالهلعليهم
ادري وشفتها بأنمي سوزوكي
بس راح يتواجحهون وينهزم كيرا

وكيرا حزتها كان آلته فريدوم متأثره من destroy ويمكن استغل هالشي shin

[باريس]

صراحه Gundam SEED Destiny

هو الانمي الوحيد اللي مادش مخي
مادري وش اللي عاجبكم فيه او عاجب العالم فيه ؟؟؟؟؟؟؟؟؟؟

حاولت اتابعه بس ما اعجبني ابدددددددددددددددددددددددددددددددددددددددددددددددددد

[ShinGundam]

صراحه Gundam SEED Destiny

هو الانمي الوحيد اللي مادش مخي
مادري وش اللي عاجبكم فيه او عاجب العالم فيه ؟؟؟؟؟؟؟؟؟؟

حاولت اتابعه بس ما اعجبني ابدددددددددددددددددددددددددددددددددددددددددددددددددد

أشياء كثيرة تعجبني في سييد ديستيني أولها دراما حرب بمعنى الكلمة أكو كثير من المواقف الي
ما توقعتها مثل موت Heine ، ثانيا عدم وجود خير مطلق و شر مطلق و لكن نحكم على المواقف
ثالثا تصميم الموبيل سوت و الأكشن وايد قوي و الغموض في القصة و القدرة على رؤية الأنمي
من منظور أكثر من شخصية و بالإضافة الى الأكشن و تتابع قصصي قوي ..... و غيرها ^^

عيوب سييد ديستني :
- لازم تشوف سييد قبل سييد ديستيني
- إفتقاره الى الكوميديا بشكل واضح
- لاااااازم تقرا الترجمة و إطالع بأمانة(( مثل ما يقول صاحبي^^))

أخوي أنت شنو موعاجبك في سييد ديستني ؟؟؟ و كم حلقة طالعتها ؟؟
الصراحة غريبة ... بدايت الأنمي قوية وايد ^^