تكفون تعبت ردو علي بخصوص ( صقور الارض )

[h_almalak]

شباب تكفون ابي اي واحد يتكرم ويقول لي قصة هذا المسلسل

شسالفته
من الاشرار
من الطيبين

من مات ومن حيا

يعني بختصار يقول القصة من اولها

او على الاقل يفهمني الزبده

واذا احد يعرف موقع عربي يفيدني يقولي او انجليزي


تكفون ردو علي

[الذئب الأسود]

والله انا نفس الحكاية
يوم شفت الشخصيات كثرت بطلت اتابعها وريحت راسي

[ryu_2004]

القصة ان في عصر من العصور القديمة في اليابان تحركت أطماع الكثير من القواد للوصول للسلطة و ذلك بعد ما أثار مجموعة من المجرمين ( عصابة القبعات الصفر ) أول فتنة في اليابان فكانت هذي الفتنة بداية عصر الفوضى و الدمار ...

و طبعا كل القواد كانت أهدافهم شخصية و أحلامهم الوصول للسلطة فقط و لكن في نفس الوقت كانت هناك مجموعة نبيلة و طيبة هدفها نشر السلام و أن الناس تحيا بسلام و أمان و هؤلاء هم ( عبدالرحمن و حمزة و حكمت و ربعهم ) و طبعا في البداية ما كان عبدالرحمن يفكر أنه يقود جيش و ينشر السلام لين ما وصل حمزة و حكمت و شجعوه و أقنعوه بضرورة التحرك .. بعد وصول حمزة و حكمت بفترة وجيزة هجمت العصابات على قرية عبدالرحمن و شاف بام عينه حجم الدمار و الخراب فتشجع و التهب فقرر انه يتحرك لنشر الخير و السلام ..

و طبعا نفس ما قلت لك أن هناك في شخصيات كثيرة و قواد كبار يطمعو بالحكم فعلشان هالشي راح تشوف شخصيات كثيرة و لكن أهم هذي الشخصيات هو القائد ( تسو تسو ) و اللي راح كون الصراع بالمسلسل كله بينه و بين عبدالرحمن ..

و طبعا تتوالى الأحداث و يروح قائد و را قائد من دون ما يحقق شي لين ما يستولي تسوتسو على نصف البلاد تحت اسم الامبراطور و يسيطر عبدالرحمن على النصف الآخر و تبدأ و كان هناك حليف قوي نسيت اسمه و يحاول تسوتسو و عبدالرحمن استمالة هذا الطرف القوي لصالحه و لكن ينجح عبدالرحمن بهذا الشي .. و في نهاية المسلسل تكون المواجهة الأخيرة بين جيش عبدالرحمن و تسوتسو و ينتصر الخير ( عبدالرحمن ) على الشر ( تسوتسو ) بس تسوتسو ما راح يموت .. و طبعا نهاية أي مسلسل ( في العادة ) أن الخير ينتصر على الشر ..

و ان شاء الله أكون عطيتك ملخص واضح و اي سؤال تراني حاضر ..

[باهاموث]

السلام عليكم

الاخ ريو ما قصر بس ابي انبهك ان القصة صارت بالصين مو باليابان

وهذا هو تاريخ الصين قبل الميلاد والمعروف بـ Romance of the three kingdoms
اذا حبيت تعرف اي شي عنه تقدر تلعب Dynistey warriors المشهوره على البلاي ستيشن 2
او في لعبة اسمها romance of the three kingdoms 7 او دور عليها بالنت وابحث بذا الاسم

بدايتاً
الصين كانت في زمن حروب وظلم وقتل وسفك بالدماء واكل القوي على الضعيف وكان امبراطور الصين وقتها جاهل بالحال في بلاده واستغل هذي الفرصة احد المشعوذين اللي اخذ يحرض الشعب ويستميلهم في صفه حتى يحارب الدولة فصدقه الناس الماسكين وساعدوه واستطاع انه يكون جيش كبيير جدا لمحاربه الامبراطوريه (ما ابي ادخل بالتفاصيل لأني نسيتها اعذرني ) وبدا الحرب او بدأ الثورة المسمى عصابه القبعات الصفر . اما من جهة الامبراطوريه جهز القائد الاعلى للجيش الامبراطوري النظامي (يعني الجنود مدربين ولهم رواتبهم واللي يعملون تحت الدوله) لمحاربتهم وكان من المحاربين قائد اسمه Cao Cao <<<<< تسو تسو بالانيمي و قائد اسمه Sun Jian وكان في نفس الوقت رجل ذو نسب معروف يرجع للأسره الحاكمه لكنه عاش مع القروين اسمه Liu Bei <<<<<عبدالرحمن
اللي استطاع ان يكون مع Guan Yu <<<<<< حمزه و Zhang Fei <<<<< حكمت , جيش بسيط مكون من القروين وسكان القرى وذهب ليساعد الدوله في محاربه الثوار وبعد الانتصار اللي كان السبب فيه جيش Liu Bei ترقى كاو كاو وبعض القواد اما Lui Bei ما عطوهم شي



صارت احداث كثيرة بعدها مثل حرب Hu lao Gate المشهوره ضد اقوى رجل عرفته الصين Lu Bu وحصانه الاحمر
ومعركه ضد yuan shao اظن كذا اسمه وبعدها استطاع كاو كاو ان يحتل القطاع الشمالي من الصين Wei
وسن جيان <<<مسكين ما طول مات بدري لكن اولاده من بعده حكموا Wu القطاع الشرقي و لو بي القطاع الجنوبي Shu وصارت الصين تحت حكم هذي الدول الثلاثه Wie , Wu , Shu

الانيمي يتكلم عن خير وشر ويعتبرونهم انصار الخير وشويه تبهير من المترجمين عندنا ما قصروا XD

ادخل على هذا الموقع فيه معلومات حلو كثيرة وصور وقصص واشياء كثيرة عن القصة طبعا انا قلت لك شي بسيط
في كتاب مدري لمين واحد صيني معروف يعتبر المرجع الاساسي لتاريخ الصين
الموقع

لا يكون ثقلت عليك انا ما استحمل اشوف موضوع عن هذي القصة الا ولازم اتلقف :X

[Arnegrim]

المعلومات يا ryu_2004 الى عطاك إياها الأخ باهاموث صحيحة و الأحداث كانت في الصين موب اليابان و لوبو كان بطل قومي عندهم ^^
و تكملة المسلسل بتحصلها في الفيلم و الباقي في كتب XD

[ryu_2004]

الاخ ريو ما قصر بس ابي انبهك ان القصة صارت بالصين مو باليابان

مشكور اخوي على تصحيح المعلومة .. و صراحة كفيت و وفيت مرة ..

و أشكر الأخ Arnegrim على مساندة الأخ باهاموث ضدي و التأكيد على صحة المعلومة ..

مع اني اشوف الصين و لا اليابان كله واحد عيونهم شذي ...

[Arnegrim]

و أشكر الأخ Arnegrim على مساندة الأخ باهاموث ضدي و التأكيد على صحة المعلومة ..

مع اني اشوف الصين و لا اليابان كله واحد عيونهم شذي ...

انا ما وقفت ضدك ^^ انا صححت المعلومات XD

و ترا اليابان مختلفة عن الصين

[الكونت*]

بالنسبة لي لا أحب مشاهدة المسلسل ولكنني لا أمل من مشاهدة الفيلم الأسطوري "صراع الجبابرة " والذي يعتبر ملخص لكامل المسلسل وربسم غاية في الجمال وموسيقى ولا اروع


صراع الجبابرة (1)

[Thundark]

السلام عليكم...

ترى سلسلة الممالك الثلاثة حلوة وترى عندي قصتهم كاملة لو تبون لكن بالإنجليزي طبعا

يالله أشوفكم

[Arnegrim]

بالنسبة لي لا أحب مشاهدة المسلسل ولكنني لا أمل من مشاهدة الفيلم الأسطوري "صراع الجبابرة " والذي يعتبر ملخص لكامل المسلسل وربسم غاية في الجمال وموسيقى ولا اروع


صراع الجبابرة (1)

صراع الجبابرة حلو و المسلسل بعد ولكن مشكلة المسلسل انة وايد مقطع XD

[King OF heavin]

والله أنا ما عندي أي معلومات عن صقور الأرض بس يمديك تشتريه وتتفرجه كامل وأتوقع إنه مو مكلفك