عندي قلم كلكم تتمنونه
هييييييييييييييييييييييييييييييييه هيييييييييييييييييييييييييييييه
وييييييييييي وييييييييييييييييييي واخيرا حصلت شي من اللي اتمناه
ادريبكم بتقولون عني خبيل
بس اسمعو سالفتي ويا احلى واغلى قلم امتلكته لين الحين
رحت ويا ربعي اليوم لمعرض جيتكس ويلسنا نلف وندور ونيمع من هالاشياء المجانيه
المهم مابطول عليكم السالفه رحنا لقسم شركة ( مايكروسوفت ) فالمعرض
وهناك كنت اسالهم عند وندوز اكس بي ومتى بينزل ( على فكره وندوز اكس بي النسخه النهائيه بينزل بتاريخ 25 من الشهر الحالي )
المهم قالولنا انه في عرض ( ديمو ) لوندوز اكس بي في الفندق اللي حذا المعرض ( ما اذكر اسم الفندق )
المهم سرنا وحضرنا العرض ويوم طلعنا كانو يوزعون اقلام عليهن ختم مايكروسوفت وكان فيه طابورين واحد عليه زحمه والثاني زحمته اقل
ربعي كلهم دارو فاللي مافيه زحمه انا درت فاللي فيه زحمه لاني قلت اكيد في شي ورا السالفه
المهم يوم وصل دوري كانن الاقلام مخلصه وقالتلي اللي توزع الاقلام سير صف فالطابور الثاني
ربعي بدو يضحكون علي
في واحد كان واقف ورا الحرمه اللي كلمتني ( هالشخص هو اللي شرح لنا الديمو مال الاكس بي )
المهم ( هالشخص انجليزي ) زقرني وسرتله وبطل قلم من جاكيته يشبه اللي كانو يوزعونهن بش شوي شكله غير عنهن وعطاني اياه
شكرت الريال وسار عني
يوم سالت الحرمه اللي توزع القلامه عنه
تدرون شو قالتلي
والله للحين مب مصدق من الفرحه
قالتلي انه مدير قسم التسويق في شركة مايكروسوفت
وعطاني قلم
قلمه الخاص
منو قدي
شرايكم ؟
أنا و ليلى
http://www.montada.com/games4arab/showthread.php?s=&threadid=103668
