أضحك كـركـر اوعى تـفكـر ههههههههه
احبائى اخوتى واخواتى
السلام عليكم ورحمه الله وبركاته
أضحك كركر اوعى تفكر ههههههه ههههههه
حلوه الدنيا مش كده علشان كده قلت لازم اتكلم معاكم بجد بعيد عن الكلمات المنمقه
يعنى اعتبر الموضوع فضفضه شقاوه نصيحه بس المهم اوعى تسمع كلامى لازم تفكر
اضحك كركر شعار لازم ترفعه وعيش ايامك عيش لياليك وخلى شبابك يفرح بيك
اوعى تفكر فى تفاهات مالهاش اى قيمه افرح بدنيتك تصفو ضحكتك اركب الدباب تبعك او الموتوسيكل
او حتى السياره وحمل احدث الالحان على جوالك والبس جينز وروح ماكدونالز واهبر من كنتاكى
واحبس بكوكاكولا او بيبسى اوعى تشيل هم ارمى وراء ظهرك كل شىء المهم انت وبس
شوف نعم ربنا عليك واحمده وعيش بتاكل كويس عندك كومبيوتر وكمان انترنيت خلاص عيش حياتك
ليه تفكر فى اللى يجرى فى العراق العراقيين اصلا يستاهلوا يا اخى ما يجرى لهم ليه حابب تتفلسف انت وتشغل مخك وعقلك وتفكيرك بيهم الفلسطينين اصلا اتعودوا ومش غريبه انك تعرف انهم من باع قضيتهم من الاصل عايز دليل اقولك دى بسيطه خالص مين دل اليهود على الشهداء امثال الشيخ ياسين والرنتيسى مش مهم مش قولت لك خليك فى نفسك واضحك كركر تقولى طيب واللى يحصل فى العراق دول برده اخوتنا يا عم الف مره قلت لك انت هاتعرف احسن من اؤلياء امورك انت مالك دع الملك للمالك ثم ان كل راع مسؤل عن رعيته ما تخافش انت مش هاتتحاسب هما اللى هايتحاسبوا وبعدين هما مش موفرين لك حياه كريمه عظيمه بتخليك تتكبر على الخلق عايز ايه تانى انت فى نعمة يبقى احسن حل صدقنى اضحك كركر وكبر وعيش تاكل احلى قراقيش لا تقول عراق ولا شيشان ولا فلسطين
خليك هنا فى نفسك فى وطنك العظيم فى الاعداء المتربصين بينا من كل ناحيه مالك زعلت ليه من كلامى ..... تانى هاترجع تانى تقولى الدين يا عم مش قولنا صبرا آل ياسر انت مش شايف بعينك ضعف الامه والحاله اللى هى فيها ليه عايز ترمى نفسك فى التهلكه حرام عليك يا اخى انت ايه عدو نفسك
حاجه غريبه والله نقول احنا ضعاف تقول عزة الاسلام انت هاتعرف اكتر من الكبار يا سيدى علشان خاطرى انا اضحك كركر وواعى تفكر,,,,,
نعم بتقول ايه انت بتفكر فى صحوه اسلاميه يا عم روح يعنى ايه صحوه اصلا تقصد ايه ومين هائيدك فى كده ايه نفسك فى وحده اسلاميه هههههههه ضحكتنى ,,,, ليه بتسئل انا بضحك اقولك
لانك غلبان مش عايز تفهم وحده ايه يا عم اصحى مين الاهبل اللى هايوافق على الوحده طيب اسمع
بلد غلبانه فقيره عدمانه زى السودان لو اتحدت معانا مش هاتاكل اكلنا وتشرب الكوكا بتاعتنا
ويمكن كمان يخلصوا على الماكدونلز كله ها هاتقدر تعيش من غير ماكدونلز :vereymad: وبتزاهت
مش ممكن انت مجنون انت اكيد اتجننت يا عم الله يهديك انت هاتصلح الكون ولا فكرت نفسك صلاح الدين ولا يمكن نابليون .... ايه مالك مش عايز تبقى نابليون يا شيخ عيب عليك ليه ماله نابليون
مش مسلم ,,,, ههههههههه مش بقولك انت بضحكنى هو انت مش شايف وسامع اخواتك بيقولوا على بوش بطل ومحرر ومبشر بالديمقراطيه لا انت اكيد متاثر بالزرقاوى والخضراوى والحمراوى كمان
اقولك انت لازم تشوف دكتور بس يكون امريكانى فى مستشفى بريطانى باستثمار يهودى
اكيد اكيد تلاقى لنفسك هناك حل ولو ممعاكشى فلوس ممكن تشوف اى فرع من فروعهم المنتشره فى دولنا العربيه اقولك اقراء اى صحيفه قوميه فى الوطن العربى وانت تخف على طول
او اسمع كلام اخوك واضحك كركر واوعى تفكر
____________________
اخوتى الاحبه اعتذر ان مقالتى هذه بالعاميه ومش عارف اذا كانت مظبوطه ام لا
وصدقونى اننى لم اعيد قراءتها وليس لدى استعداد لاعيده لكى لا اصلح بها خطاء املائى او لغوى
ولا اعدل فيها شىء فانها من لحظات السخريه الصريحه مع النفس والحزن والكمد الذى اصابنا جميعا
لذا هى بين ايديكم لا تعلقوا عليها ان لم تلمس شىء ما داخل قلوبكم وصدوركم
واسئل كل من يفهمها ان يضيف عليها ربما فهمت انا نفسى ما كنت فيه من حاله جعلتنى اكتب ما كتبت
وربما رجعت لها وكتبت شىء اخر
اخوكم المحب للجميع ابوخالد
المشاركة الأصلية كتبت بواسطة ::MoNa::
إنما إيه !!! تاكل صوابعك وراه 
مين دول اصلاً !! 