تخاريف .... من جديد

[Mista Koo]

انا كان عندي مشاكل بس الحين لا الحمدلله ^_^ الله يعينك
بس تصدق خوفتني شكلي رح أبدا أفرش -_-
مشكلتي الوحيدة أسناني الصفراء الجميلة
بس حلها اني أنزع النظارة أشوفها بيضاء لامعة ~_^
كمشور دويل في انتظار القادم

[Doel]

جوفو... مب فاضي أكتب لكل واحد منكم شكرا على مشاركته ... كل واحد يفهمها.. ترا والله تعب نشكركم واحد واحد

تعليقات بسيطه قبل ما نبدأ في القصه الثانيه ...

اقول دويل تبى تقولنا قصة حياتك

ياخي محسب نفسي هتلر .. أكتب كفاحي

إذا ما عايبنك ترا لا تقرا .. بيوفر عليك وقت هالشي

بس تصدق اني احب اروح للعيادة .. لانه غالباً تكون اختي هي الي تروح .. ودايم تصيح وانواع الضحك عليه انا وابوي .. وامي ترفع معنوياتها XD ..

انتوا كلكم ما شاء الله رايحين ... مدينة ملاهي هي؟

ووقتها كان طالب في جامعة عجمان

وانت رايح عيمان عشان طبيب أسنان بس؟

لكن انا بتفكيري المنحرف

والله الكل بينحرف تفكيره ... اسم يبعث فيك الـ ... أمل

انا دوم اسوي الحشو بدون بنج لان الـ pain threshold عندي شي ..

يعني هذا Smart talk للي كنتي بتقولينه و هو ان الناس اللي مثلج يعطونهم الوصف "لوح" ؟؟؟

قمت آكل معجون السنان <<< الخوف وماسوي

بدون خوف ياخي ... اعترف .. طعمه مب حلو؟ .. أذكر لما طلع معجون الفراوله مال اليهال .. و انا آكل فيه طعمه رهيب

شو إلي سويته يا دول الحين تخسي أروح له -__-

جوف .. ترا دكتور الأسنان مثل الموت .... كلنا لازم نمر عليه

أحسن لك تروح له و انت مرتاح قبل لا تروح له و انت ترقص


الخروفه اليديده اليوم ان شاء الله ..

Doel desu

[Angel whisper]

لوح

اسحب تعليقي بانك غمضيتني ..

وhopefully .. next time will be even more brutal ..

With my love ..

ANGELmod ..

[antonio]

›.‹' dude im really sorry for you .. thats really hurts

صراحه مارحت لبتاع الاسنان اخر مره تقريبا من 7 سنوات على ماظن علشان تسوس بسيط وبس

الحمدلله مواظب افرشي اسناني مره بالاسبوع وكل شي ماشي تمام ˆˆ !!

[Tokimeki]

اكره اكره اكره اكره اكره طبيب الاسنااااااااان

دويل مفروض يعطونك جايزت نوبل للشجاعه !! انا عادي عندي اقعد في الwaiting room ...و على اعصابي و طبعا العده تكون معاي و هي مكونه من IPOD و تكون السماعات حدها اوكي و ما في مانع نسمع Heavy Metal بس علشان ما اسمع صوت الاجهزه و يعني طبيعي لما اشوف ويووه الاوادم كل واحد متفخ و يكسرون الخاطر تنحاش بهدوء من العياده HELL NOT !!! +_+

بس انا الي مو فاهمته درجة حبك و عشقك و اخلاصك لضرسك الي تقول فيه ثقب الامازون يعني شيله و فك عمرك

[Doel]

لوح

اسحب تعليقي بانك غمضيتني ..

وhopefully .. next time will be even more brutal ..

With my love ..

ANGELmod ..

Gomeeeen ... hontoni gomen nasai

والله كنت أمزح بس ... تطلعين لي اينجل مود .. مب نازي مود .. يعني السالفه جد

اسمحيلي مره ثانيه

اكره اكره اكره اكره اكره طبيب الاسنااااااااان

دويل مفروض يعطونك جايزت نوبل للشجاعه !! انا عادي عندي اقعد في الwaiting room ...و على اعصابي و طبعا العده تكون معاي و هي مكونه من IPOD و تكون السماعات حدها اوكي و ما في مانع نسمع Heavy Metal بس علشان ما اسمع صوت الاجهزه و يعني طبيعي لما اشوف ويووه الاوادم كل واحد متفخ و يكسرون الخاطر تنحاش بهدوء من العياده HELL NOT !!! +_+

بس انا الي مو فاهمته درجة حبك و عشقك و اخلاصك لضرسك الي تقول فيه ثقب الامازون يعني شيله و فك عمرك

ما أقدر ... كل الـ Chewing activity مالي على هالضرس .. اذا راح انا ما باكل الا السيريلاك


بعدين بكمل .. مزاجي ما يسمح بالكتابه الحين

Doel desu

[Angel whisper]

I was kidding too ><

عادي يسموني لوح IRL

فعادي ×_×

and my knowledge in Japanese is like my knowledge in Ancient Greek ..
so type in Arabic or English !!

[Doel]

هيهي ...there and back again

بعد عودتي المظفره للمنتدى ... و حصولي على التابلت الحلو مالي ...بنرجع نكتب خراريف

اللي حسبو ان الموضوع كان عن دكتور الأسنان .. you were wrong



Nostalgia
و العنوان مب مسروق من أودن

مثل ما تعرفون ... أنا مسكين ادرس Mechanical Engineering في بلاد واق الواق ...

و مره لما رجعت قبل .. إذا حد فيكم ترجع ذاكرته لهذاك اليوم ..

كتبت موضوع عن اعلان الفياجرا على الجزيره .. و سويت شوية حشره

بس when I look back هذاك الإعلان كان بريئ مقارنة باللي جفته لما رجعت ..

يعني وصل بيينا الـ Sophistication .. و وصلت بينا الثقافه ان اعلان صبغ الشعر صار يحتاج نحط فيه حرمه لابسه بكيني

أو اعلانات الفياجرا اللي صارت ما شاء الله كل خمس دقايق في التلفزيون ..

ولا الجرايد اللي أخيرا استسلموا للواقع و بدو هم بعد يحطون مقابلات ويا ممثلات "عربيات" و الممثله لابسه قميص أبيض و لاعبه بالفوتوشوب ماله و مخليه الـ Opacity على الـ 30%

الواحد لما يشوف هالأشياء ... لا يسعه الا انه يتذكر الأيام الحلوه ..

لما كنا صغار ... و لما كان الإعلام محترم

لما كان اعلان الشامبو ... اللي أهم شي فيه الشعر ما يحطون فيه الا وحده محجبه

و طبعا الذاكره مثل السلسله .. من تمسك شي فيها ما توقف ... و أنا بمشيكم مع سلسلتي ..

أول شي أذكره و انا صغير هو جدي الله يرحمه، من نسمعه دخل البيت و هو راجع من الصلاه ... نعرف كلنا شو نسوي ... نتوزع يمين و يسار قبل لا ايينا واحد من الكبار و يقول لنا سووا درب حق يدكم ... و يمكن نحصل لنا "لكزه" بالعصا

ثاني شي .. الرسوم المتحركه ..... كانت هذيك الأيام الذهبيه .. التوقيت معروف من 10 لين 11 الصبح على قنوات أبوظبي و دبي .. و من 11-12 على السعوديه ... و الله يرحم أيام القناوت الأرضيه.. طبعا العصر نفس الشي .. 4-5 .. و من 5 لين 6 .. اما قناة الكويت أو قطر او البحرين ... على حسب الرطوبه في الجو
على ذكر قناة قطر .. تعرفنا عن طريقها على النمر المقنع .. و كونان ..

شوي بعد في الذاكره ... نشرات الأخبار و اللحن الشهير لها ... و طبعا بعد فقرة حالة الجو .. كان المذيع أو المذيعه تقول "هذا والله أعلم" .. اللي الظاهر تخلوا عنها بحجة التطور

أي نتذكر الأذان لكل صلاه عالتلفزيون ... و الشاشه اللي تنحط عقب الأذان لمدة خمس دقايق عشان الناس يقدرون يصلون بدل ما اللي نجوفه الحين .... حتى الأذان ما يحطونه

من ذكريات الزمن الغابر أيضا ألعابنا ... كنا نلعب ميت و شرطي حرامي .. اللي كانت شي جديد علينا و طبعا كرة قدم و كل هالسوالف اللي تخلو عنها اخوانا الصغار عشان ينتقلون للبلاايستيشن و الإكس بوكس و الجيم كيوب

واحد من الأشياء اللي بعد أتذكرها هو "الصيدليات المناوبه" .. الشاشه الزرقاء في تلفزيون أبوظبي اللي كانت تطلع الساعه 10 الليل و يكون فيها أسماء و أرقام الصيدليات المناوبه لهذه الليله في الإمارات كلها ... حد يعرف شو صار لصيدلية القاضي؟

حادثه أتذكرها لما كنت صغير ... كنت في بيت خالتي في الشارقه .. و كنا نتابع المسلسل الرهيب يومها "نصف بطل" .. و كان على الحلقات الأخيره.. و على القناه "الإسلاميه" ... قناة الشارقه العزيزه.. حطوا بطلنا الصغير رامي و هو يفكر بصديقته و لا ما ادري شو كانت .. و شوي و لا يحوطنه يتخيلها و هي تتسبح في الحمام .. و طبعا بكل التفاصيل...و صادف هذيك اللحظه مرور خالتي .. و شافت المشهد . و أنا و عيال خوالي يالسين نتابع بكل براءه .. طبعا كلنا ضرب لين شبعنا

شي واحد نادم عليه .... كنت صغير هذيك الأيام و ما كان المشهد يفرق معاي وايد
طبعا المسلسل توقف عرضه بناء على تلفون عاضب من خالتي ....

شو تتذكرون انتو؟

Doel

[Angel whisper]

اع اعلان الفياجرا يفشل الصراحه -__-
احيد انا واميه واخويه كنا نطالع وبكل براءة فلم Little Women ونشرب كرك ونسولف ..
ويقومون ويحطونه :|
من الصدمه محد تجرأ يطوف عن القناة -__-
وبعدين يا ريال لازم ترى ممثلاتنا يمشون عالموضه .. والحين صيف لازم الـ see through ... مشكله انته بعد -__-
شرطي حرامي .. واسم حيوان نبات وملك جلاد .. وكوك وشي بعد لعبة مالت الذيب ..
ولا خوصة بوصة؟؟
الصيدليات المناوبة ×_× ما تذكريتها الا يوم انته طريتها الحين ههههههههههههه
هالمشهد مال نصف بطل احيد يطلعونه مرتين .. ومره هو بعد يكون يتسبح .. غريبه انهم ما كانو يقطعونه ..
وحلقة بعد من مسلسل الهداف اذا تذكره .. يوم يلعبون ضد فريق البنات
corruption
شيبة.

[Y a z e e d]

الله يرحم أيام البراءة .. فعلاً ..

أتذكر أول مرة رحت لندن و انا واعي بنفسي .. كانت يمكن بـسادس ابتدائي ربما .. فلما كنت أشوف إعلانات الدعارة بكباين التلفون في الإجواررود ، أصرّف الموضوع و ينقلب وجهي أسود و التفت على ابوي " وش رايك بسيارات التاكسي هنا ؟"
.

حتى التلفيزيون .. كان قمة في النظافة .. حتى لما كنت مرات أجيب افلام .. كنت أقطّع نصف الفيلم .. أوقفه .. ولما جاء الستالايت .. كنت أخاف اشوفه لا تطيح عيني على شيء ( يتكلم عن الأفلام المصرية بس ترى ! ) ..
.
فيه إعلان فظيع بقوة .. حقّ علب البيبسي الكرتونية و المصاصات اللي كلها طويلة و مايلة -_- ، ما عدا واحد برتقالي .. -_- ، هذا سبب أزمة .. صحيح ما ينفهم ببساطة .. بس ياخي ماله داعي يعني كل هالوقاحة .. لو فكرت بالكنايات .. بتحس بوقاحة شديدة فعلاً .. -__-
.

ههههه أتذكر انا عاد كنت متقدم شوي .. لاحق على الـART .. منها تعرفت على النمر المقنع .. بطل طفولتي المفضّل ( كنت أقول بصير مصارع لا كبرت ) ، و .. بعد على كرتون قديم ما أتذكر صراحة تفاصيله ،، أتذكر أغنيته بس .. " صراع العمالقة "يمكن .. عن آليات كبار و فلة .. ههه ونصف البطل .. هذا كان داخل م زاجي بقوة .. حطيت براسي أني بتعلم بيسبول عشانه ومن اول يوم جبت العصى كسرتها ( لاعبين علي بعصى غبية انكسرت على الشجرة ) .
.

أمّا اللعب ذاك الوقت .. فـ شيء ثاني !
.

تخاريفك جميلة عزيزي ، مرة جميلة و مشبعة ببراءة الذكريات و بياض الحديث ..

شكراً لمشاركتك إيانا بها ^_^ ..

[DMC]

اخوي دويل ايام زمان ايام ذهبية بكل معناه الكلمة
وانا اتذكر لما كنت استنى ان يجيبوا الرسوم على قناة دبي وابوظبي وشارجة وعجمان المحلية طبعا
وعادة اقدر اشوف قناة سعودية لارضيه بصعوبة
بس الي اذكره نصف البطل و طموطم ولابطال العشرة والهداف ورعد العملاق والكثير يعني ايام مغبرة وجميلة
حتى كنت العب ويا لاولاد الحارة كرة القدم وقتها حطوني دفاع وانا احب الهجوم
وكنت اصغر واحد يلعب وياهم كان كل واحد منهم في الصف السادس او الرابع
انا كنت في الصف لاول ولاالثاني بس اكيد ايام ماحد يقدر يشيلها مين ذهني
بخصوص اسوء موقف مرة عليه ممممممممممممممممممم
ماني مذكره
صذج ايام زمان افضل بكثير مين ايامنا هاذي الي فيها بلاستيشن وغيره مين لاجهزة لالعاب
النهاية

[Van Fanel]

...

أيام كنت صغير كنا طبعا مسوي فريق مسمينه فريق التاج ..

نلعب كورة بالحاره طبعا .. ولازم بعد المباراه يجيني كفين لاسباب اجهلها ..

اعتزلت الكوره بعد التصفيق اليومي وصرت العب بالسيكل وصرنا نسوي موكب مصغر

سياكل اشكالنا وصياح وحوسه ومايمر يوم الا نضيع وخذ دموع وصياح .. << من الدلاخه

اذكر كان عندنا دكان وكان واحد يبيع فيه اسمه ( أبو عيدو )

كنت بعد مااضيع واصيح وارجع اروح له واشتري ايس كريم ( كان على شكل السنافر)

واروح اشغل الفيديو واتفرج على بيبيرو (النسر الذهبي).. و صراع الجبابره

وبعض الاحيان اروح لاولاد خالتي .طبعا كانو قريبين .. علشان اشوف خماسي ..

وكان فيه مسلسل اموت فيه اسمه الرجل الحديدي .. كان فيه داينصورات

تقدمو وقامو وهاجمو واتحدو .. تيت تيت .. الديناصور ببابنا .. يالميس وياكمال << اغنيه البدايه

باختصار

لدرجه لمى امي تفقد الامل اني اقوم للمدرسه تحط اغنيه البدايه ولاتشوف الحماس الي يصير

بالنسبه للمواقف المحرجه ...

كان فيه مسلسل مدبلج اسمه ( شله سبعه )للصغار لو تذكرونه كان يجي على ام بي سي زماااااااان ..

الي كان فيه كنز له راس يتكلم ماادري كيف

اتفرج عليه يوميا وكان ابوي يجي من الدوام وفي يوم منحوس وحلقه منحوسه وكان ابوي

wrong guy in wrong place at wrong time

صار في حدث مشين بين بطل القصه والبطله ( مع العلم انهم صغار )

ياسلام هذا الي تتفرج عليه يوميا . طبعا ايام صيف .. و(طرااخ) ماصحيت الا على نهايه الشتاء ..

و أسف على الإطاله ..

[asf4ever]

وكان فيه مسلسل اموت فيه اسمه الرجل الحديدي .. كان فيه داينصورات



تقدمو وقامو وهاجمو واتحدو .. تيت تيت .. الديناصور ببابنا .. يالميس وياكمال << اغنيه البدايه



باختصار

أبي أشوفه T_T

هذا كان مسلسلي المفضل وأنا صغير
طبعا قبله كان كاليميرو >.>

أنا إلي قاهرني الحين إنه اليهال ما عندهم غير ألعاب الفيديو هذي...ما يطلعون ما يصيعون ما يضيعون ._.
ولا إحنا كان فيه تجمع صغير لحوالي خمس أشخاص أو أكثر في حوي البيت وقت العصر
ونلعب"كوك" XD
وبعدين صرنا نلعب كورة وسلة وسياكل وفضايح إلى ان شيبنا ..أقصد بلغنا..
موضوعك عن الفياغرا أذكره بس الإعلان أنا ما شفته ياخي ويييين يطلع>.>
المووهم
أذكر على أيام الأريل جيرانا مركبين دش أوربيت والحبيب"الأريل" يلقط لنا الشي إلي أهم يطالعونه
ومرة كانت يمكن قناة الكويت مطلعة فلم أجنبي ...نص خليع-__->>>وإحنا نتابع
وإذا تعرف قناة إسمها سوبر موفيز كانت أفلامها بعد نفس الحالة
بس إحنا هدفنا نبيل...كنا نصبرهم يسوون قناة ديزني
كشخة لما تسترجع ذكرياتك >>>تقول واحد في الستين

Ja Ne

[Van Fanel]

بالنسبه لاشرطه الرجل الحديدي عندي لكنها Beta اشرطه صغيره وصعب تلقى

لها فيديو هاليومين << دورت قبلك ..



لكن عندي اغنيه البدايه اذا تبيها ..