تنبيه هام ...

**عماد 18** · 23-10-2001, 10:14 PM

الله يعين ...
الظاهر ان المراقب لازم يتعامل معكم زي الاطفال يجيب عصى و يضربكم فيها ؟!
وش هالخربطة اللي انتم مسوينها عشان تومب رايدر ؟
يعني الحين مسوين فيها احرجتونا ؟؟!
خلاص من هنا و رايح اي موضوع عن منتدى تومب رايدر راح يوقف صاحبه و المشاركين في الموضوع ...
و اي واحد يروح لمنتدى تحت الرماد و يخربط فيه زي الاطفال راح يوقف ..
موضوع منتدى تومب رايدر عندك مكانين لكتابته ..
الاول منتدى الشكاوى و الاقتراحات ...
و الثاني الرسائل الخاصة ..
و قد اعذر من انذر ...
و الاعضاء المرشحون للايقاف و بقوة :
maz1000000
gran ..

**M7MOOOD** · 23-10-2001, 10:25 PM

لالالالالالالالالا ...

الله يخليك يا أخ ( عماد 18 ) ...

خلالالالالالاص ... وعد مني ... ماراح أزعج أحد .... وعد ...

المهم ممكن تكتب مواضيع عن تومب رايدر في منتدى العام للبلاي ستيشن ...

ممكن :": :": :":

الله يخليك ... خلنا نكتب مواضيع عنها في منتدى العام للبلاي ستيشن ... منها من أي لعبة ثانية ...

و خصوصا و أن الجزء السادس قادم على الأبواب .

أوكي ...

و مرة ثانية أقولك ( وعد أني ما أزعج أحد مرة ثانية ) .

:": :": :": :":

بس أنت بعد يا أخ ( عماد 18 ) هدئ أعصابك ... ترى أحنا ما سوينا جريمة !!

أحنا كل اللي قلناه أننا نطالب بمنتدى للعبتنا ( توةمب رايدر و شخصيتها لارا ) ... و بس .

لا زيادة و لا نقصان .

و اله يخليك لا تقوم بأيقاف العزيزين ( maz1000000 ) و ( gran ) ...

لأن فكرة أفتتاح منتدى لتومب رايدر هي فكرتي أنا ( و اذا كنت تبي توقفهم ... أوقفني أنا بعد معاهم ) ...

و بعدين لما شافوا باقي عشاق هذه اللعبة اللي صار ... عصبوا ( و اللي يعصب و ينقهر يعمل أي شي ) ...

مو كلامي عدل !!

فيا العزيز ( عماد 18 ) ...

احنا نوعدك بأننا مرة ثانية ماراح نييب طاري منتدى ( تحت الرماد على لسانا ) ...

بس خلنا نكتب موضوع نطالب فيه بمنتدى لتومب رايدر في المنتدى العام للبلاي ستيشن ... لأن الرسائل

الخاصة ما تنفع ... و منتدى الشكاوي و الأقتراحات ناااااايم ... و مافي تفاعل هناك ...

فيا ( عماد 18 ) ...

هئ أعصابك ... ترى و الله اللي بدر منا كان سببه القهر اللي فينا .

**عماد 18** · 23-10-2001, 10:28 PM

انا ما تكلمت عن اللعبة ..
انا اتكلم عن لعب البزران اللي سويتوه ..
سوف نهجم و سنحتل و جاسوس ؟!
تلعبون انتم ؟؟

**M7MOOOD** · 23-10-2001, 10:35 PM

و الله يخليك يا ( عماد 18 ) لا تقوم بأيقاف العزيزين ( maz1000000 ) و ( gran ) ...

لأن فكرة أفتتاح منتدى لتومب رايدر هي فكرتي أنا ( و اذا كنت تبي توقفهم ... أوقفني أنا بعد معاهم ) ...

و بعدين لما شافوا باقي عشاق هذه اللعبة اللي صار ... عصبوا ( و اللي يعصب و ينقهر يعمل أي شي ) ...

مو كلامي عدل !!

فيا العزيز ( عماد 18 ) ...

احنا نوعدك بأننا مرة ثانية ماراح نييب طاري منتدى ( تحت الرماد على لسانا ) ...

بس خلنا نكتب موضوع نطالب فيه بمنتدى لتومب رايدر في المنتدى العام للبلاي ستيشن ... لأن الرسائل

الخاصة ما تنفع ... و منتدى الشكاوي و الأقتراحات ناااااايم ... و مافي تفاعل هناك ...

فيا ( عماد 18 ) ...

هئ أعصابك ... ترى و الله اللي بدر منا كان سببه القهر اللي فينا .

**عماد 18** · 23-10-2001, 10:43 PM

اظن كلامي واضح بخصوص المنتدى ..
يعني المشرف طنش الرسايل الخاصة تبيه ينتبه للمواضيع ؟!
و بعدين وين كانت المواضيع اللي تتكلم عن اللعبة ؟؟
ما في الا كم موضوع و يعدون على الاصابع و حتى ما في احد يسال عن حلول مراحلها ..
كلمة و رد غطاها موضوع جديد عن منتدى تومب رايدر ايقاف ..
و سالفة يعصب و يسوي اي شي هذه يسويها في بيته هنا منتدى للمحترمين فقط ..

**M7MOOOD** · 23-10-2001, 10:59 PM

حاااااااااااضرين ...

و أن شاءالله راح أبلغ الباقين بالأمر ...

و أن شاءالله راح ندز لمشرف الألعاب رسالة جديدي ...

و أن شاءالله يرد عليها ... و يفتحلنا المنتدى ...

آآآآآآآآآآآمين يا رب العالمين ...

**عماد 18** · 23-10-2001, 11:11 PM

الحلف بغير الله شرك ..
انتبه لكلامك و خاصة لما تقول بحق جاه النبي و غيره من الالفاظ الشركية ..

**M7MOOOD** · 23-10-2001, 11:15 PM

يا أخ ( عماد 18 ) ...

من قال لك بأن هاذا يسمونه شرك بالله ... أو حلف شركي !!

أنا أول مرة أسمع بهالشي ?: ?:

**gran** · 23-10-2001, 11:19 PM

هيا محبي tomb raider خلاص لقد سمعتم الكلام من المراقب
انسو المنتدى انسوه :": خلاص .......
ماهو الحل يا M7MOOOD
قلت لكم نعمل اعلان لجص النبض اولا

**Nemesis** · 24-10-2001, 08:35 AM

بسم الله الرحمن الرحيم
في الحقيقة انا مستغرب في تصرفاتك يا(عماد18) مادري لش تمنع الشباب من كتابت مواضيعهم
امس منعت كتبه عن رزدينت ايفل واليوم تمنع اشباب من الكتابة في موضوع منتديtomb raider .
انا خايف تمنع المواضيع كلها في المنتدي وتخلي مواضيعك (اتمشي الناس على كيفك)
انا اخبرك راجع نفسك... كذا تخلي الشباب يكرهوك وتقتل المنتدي.
وبعد اذكر انك قبل ماتصبح مراقب .. اخد تكتب في مواضيع مثل ان تاديوس كذاب وماله علاقه بشركة سكوير سفت... وحين تريد تمشي النتدي علي كيفك. انا شخصين اعتب كل من يكتب في هذا المنتدي محترمين وحمدلله
ولسنا بحاجه تخبرنا ان هذا(منتدى للمحترمين فقط ..)

وشكرا :غضب: :غضب:

**maz1000000** · 24-10-2001, 09:48 AM

اسفين يا عماد 18

بس ممكن تتوسط لنا عند المشرف علشان يفتح لنا منتدى

هذا اخر كلام ممكن اني اوجهه مني الى اخ غزيز يا عماد18

يا جران و يا محمود ...........سوف نكتب مواضيعنا في المنتدى العام للبلاي ستيشن

لكن زيدوا الكمية

علشان المشرف يحس اننا نريد منتدى خاص لنا

و اتأسف لما سببناه من ازعاج

الرجاء من المراقب الرد - عماد 18

و دمتم

**عماد 18** · 24-10-2001, 12:02 PM

Nemesis
انت لو تقرى كلامي زين ..
الحين انا قلت في منتدى ريزدنت ايفل لحد يكتب مواضيع تهاني و تبريكات و صياح و نياح لانها ما تتعلق باللعبة ...
اما مواضيع منتدى تومب رايدر فبسبب المشاكل اللي صارت ..
و اما سالفة تايدوس فاظنها تتعلق بالمنتدى لانه كان يتكلم عن اخبار للعبة فيها شوية تاليف و اذا بغيت تشبه شبه صح ...

maz1000000
اخ ماز المشرف ما لي عليه كلمة اللي يبيه ينفذه و اللي ما يبيه ينفذه و هو اذا شاف مواضيع تتكلم عن اللعبة و حلول لمراحلها يصير لكم حق تطالبون فيها ..

**جيم سنتر** · 24-10-2001, 01:04 PM

هدي عماد هدي

تومب رايدر ؟؟؟؟ منتدى هاهاهاهاها

ريلاكس اخواني يا شباب سمعتو الكلام خلاص قولو امرك سيدي
وتوكلو على الله وبلاش تسولنا دربكه مع عماد

عماد يليت لو تخص بكلامك ولا تعم لانه راح يسوي سوء فهم من بعض الاعضاء

**bo-s3ood** · 24-10-2001, 03:08 PM

اهلين شباب والله من زمان ما دخلت المنتدى وهذا اول مشاركه لي من اسبوع

انا اظن ان اخوي وحبيبي عــــماد على حق ....... واتو يا عشاق لعبة توامب رايدر ما الومكم على حبكم لهذي اللعبه وانشاله اذا نزلت حلول كامله او قرب نزول تومب رايدر 6 راح تطيب نفوسكم واقترح انكم ترسلون رسايل خاصه مره اخرى

اخوي حاول انك ما تنفعل على اي شي

(ماتوقعتك عصبي

)
":" ":"

**SOLID SNAK** · 24-10-2001, 03:51 PM

السلام
يا اخ عماد18 انا لي دخل:": :":

الموضوع: تنبيه هام ...

أدوات الموضوع

تنبيه هام ...

خلاص المنتدى العام خير من لاشي

ضوابط المشاركة