هاااااااي شبااااب .. وبناااات ...
شلووونكم شخباااركم ...
رجعت لكم مع قصه يديده مع شلتنا المصرقعه ...
ارجوووا انها تعجبكم ...
-------------------------------------
** فريج المصرقعين **
كالعااده مثل كل يووم في فريج المصرقعين ... يصيح الديج (ديك ) معلن عن يووم يديد >>
كاانوا 3 ديااجه .. شلوون صاروا 1 ...
_________________
** بيت طويرق ( بيتنا ) **
طبعا انا ناايم ... والمخده لاازقه بخدي من النووم ... ومسعبل عليها ... و الشخير وااصل اخر الفريج ...
ابووي : طويرقووووو ... بسك نوووم ... يلااا قووم للمدرسه ...
انا : انجييين ... Z.z.Z.z.Z.z.z.z ...
ابووي : شنو انجيين يا الهندي ... يلا قووووووووووووووووووم ...
انا : اوكيك ... بس اغسل هدوومي ...
ابووي : قوووووووم لا اغسلك غساااال ...
انا : اوكي ... بس سااعه و اقووم ...
ابووي : طويرقوووو ذبحتني .. بتقووم و لا لا ...
انا : لااااااا ما ني قاايم ...
ابووي : اوكي تحمل اللي بييك ؟؟؟
و يرووح ابوي و اييب كووب الماي >> كووب خصيصا لي ... مو للشرب ...
و يرجع لغرفتي ...
ابووي : طويرق .. حبيبي .. يلا قووم .. بتقووم ولا ما تبي ترووح المدرسه ...
انا : اي عليييييك نوور .. ما ابي ارووح المدرسه ...
ابووي : يلااااا قوووووووووووووم ... (( و يسبحني بالماااي )) ...
انا : وااااااااااااااااااااااي .. بررررررررد .. انشالله كاني قمت وين المدرسه خلصت >> من الصدمه قمت اخربط ...
و اقووم وانا زااحف للحماام .. ما اعرف يميني عن شماالي .. كأني سكراان .. من كثر مااني داايخ دعمت باب الحماام .. صرت انا والباب وااحد .. دخلت غسلت ويهي >> ويهي نااشف .. مادري شلوون غسلت ويهي ... رديت غرفتي .. شفت محد موجوود بالغرفه .. جاان احط راسي بالفرااش و انام .. كلها دقيقه .. و لا اللي راافعني من الفرااش و صاكني كفين و طرااق عالعين ...
ابووي : يلاااااا قووووم بتتأخر عن الباااااااااص ...
رحت اتريق ( اتفطر ) و اشووف الطاوله .. الا فااضيه .. اخوااني شفطوا كل شي و راحوا المدرسه >> لا بالله من زيين الريووق ...
كليت تووست بهواا وطلعت ... طلعت قعدت على الرصيف انطر كوومار (( سايق البااص )) ...
__________________
** بيت هيرو **
هيرو ناايم .. يحلم انه يغاازل وحده ..
هيرو : انتي يا غزاال .. يا فيل >> صج حلم ...
ابو هيرو : هيرو ؟؟؟ هييييييرووو ؟؟؟ هييييييييييييييرووووووووو ؟؟؟
هيرو : هلا عمري ...
ابو هيرو : شنووو ؟؟؟ عمري ؟؟؟ اقوول قووم لا الحين البس الجووتي بويهك !!!! ...
هيرو : احبج ...
ابو هيرو : هيييييييييييييييييييرووووووووووووووووو !!!!
و يشووت ابو هيرو هيرو شووته يلزقه بالطووفه .. وطبعا هيرو قاام و رااح الحماام >> غصبن عليه الحكومه وراه ...ويطلع هيرو من الحماام .. شااف اخته الطالبه المجتهده لابسه هدوومها و جااهزه ...
هيرو الطيب : يحليلها اختي .. صج شااطره ...
هيرو الشرير : نياهاهاهاهاهاهاهاااااااي ...
هيرو الطيب : شنو هذا ؟؟؟
هيرو الشرير : انت مع ويهك .. شاايف اختك جااهزه و ما تعفس هدومهاا ؟؟؟
هيرو الطيب : لااع انا ما احب اخرب عليها ...
هيرو الشرير : لاااااااع رووح خرب عليها .. يلااااااا طس ...
و يرووح هيروو عند اخته .. ويطقها و و ويعفس هدوومها ...
اخت هيرو : يبااااااااااااااااااااااااااااااااااااا ..
ابو هيرو : شسالفه ؟؟
اخت هيرو : يبا عفس هيرو هدوومي ...
هيرو : والله مااااااالي شغل ...
ابو هيرو : هيييييييييييييييييييييرووووووووووووووووووو !!!
هيروو : واااااااااااااااااااااااااااااااااااااااااي ...
ويشووت ابو هيرو هيرو شووته ودااه غرفته ...
و يلبس هيرو هدوومه و يرووح حق الريووق ...
هيروو : يمااااااااااااا ..
ام هيروو : هلا بولد امه ..
هيروو : سويييييييلي كباااااااااب >> وحش وحش ...
ام هيروو : اقوول .. اقلب ويهك .. وطس رووح المدرسه ..
هيروو : هااع هااع ...
ويطلع هيرو بره البيت .. بس مثل العااده ينسى كتبه .. و يطلع ابووه وراه و يحذف الكتب على راااس هيرو .. ويرووح يقعد على الرصيف ينطر كووووووماار ...
_________________
** بيت مشااكس **
ام مشااكس : يما مشااكس يلا قووم ...
مشااكس : ماما .. انا تعباان .. رااسي يعورني .. بطني يعورني .. ضروسي تعورني .. ريلي تعورني >> اشكره ما يبي يرووح المدرسه ...
ام مشااكس : اوكي .. حبيبي تغط عدل عن البرد ...
مشااكس : (( داخل قلبه : نياهاهاهاهاهاهاهااااي مشت عليها ))
ام مشااكس : مشاااااااااااااااااااااااااااااااااكسوووه .. مو علي هالحركااات قوووم و لا اشلعك من اذوونك ..
مشااكس : وااااااااي .. انشالله .. اوكييييييي ...
ويقووم مشااكس واهو يتحلطم ( يتذمر ) .. ويرووح ينطر الدوور على ما يخلصوون اخواانه .. خلصوا دخل غسل و راح بدل هدوومه ...
مشااكس : ويييييين هدوومي ...
البشكااره : مساكش .. انت هدووم في غسل ...
مشااكس : رووحي ييبي الهدووم لا ادفنج الحين ...
البشكااره : يلااااااااااااااا روهي لا يسوي قرقر كتير ...
مشااكس : انزيييييييين لا تزفين ...
ويلبس مشااكس لبس مخاالف ... ويرووح يتريق مع اهله ... ويطلع بره ينطر الباااص >> طبعا نااسي نص كتب موااده ...
طلع بره البيت .. ولا يشووف الوانيت ( بيك اب ) .. جاان يرووح ورا بالصندووق و يحط رااسه و يناام >> الصندووق صاار غرفة نوووم ...
_______________
** بيت انتراوي **
انتراوي ولد فريي (( FRee )) ... قااعد للحين يتاابع فيلم بالتلفزيوون ...
ابو انترااوي : هلوو مااي ساان (( My SoN )) ... تبي ترووح المدرسه ولا لا ...
انترااوي : نوووو ... بشووف الفيلم بعدين برووح المدرسه ...
ابو انترااوي : اوكي ... تيك كير ...
انترااوي : اووكي ثانكيوو داااااد ...
يا زينهم لا عواار رااس و لا ازعااج ...
______________
** بيت سوونك **
ام سوونك : يماا سوونك حبيبي .. يلا قووم ...
سوونك : ماااااااابي ...
ام سوونك : يلا حبيبي .. قووم روح غسل و تريق ...
سوونك : مااااااااااااااااااااااااااااااااااااااابي ...
ام سوونك : سوووووووووووووووووووووووووووووووووونك يلااا قووووووووووووم " تصرخ في اذنه " ...
سوونك : انشااااااااااالله ... >> من كثر الخرعه طاااح من الفراااش على ويهه ...
قاام سوونك رااح الحماام ...
ام سوونك : سووونك .. سووونك .. وراك اخوانك بيدخلوون الحماااااام ...
سوونك : ...........
ام سوونك : سوونك ؟؟؟
سوونك : ........... >>> ناايم بالحمااام ...
ام سوونك : سوووووووووووووووووووونك " مع الطق على الباب " ....
سوونك : يماااااااااااااااااااي " طاح بالبااانيو " ...
ويقوووم سوونك ويطلع من الحمااام ... و يبدل هدوومه ... ويطلع من دوون ريووق ... ويمشي .. بس واهو ناايم >> اخرتها بطيح على ويهه ...
________________
** بيت كيرا **
كيرا للحين سهراان .. بس مو على التلفزيوون ولا على النت .. سااهر على التلفووووون ...
كيراا : هلا حبيبتي .. بترووحين المدرسه ولا لا ...
ابو كيراا : كييييراااااا ...
كيراا : واااي و الله مو انا >> شنو اللي مو انته ؟؟
ابو كيراا : منو تكلم ؟؟؟؟
كيراا : اكلم ... اكلم صااحبي بالمدرسه ...
و يحط كيرا التلفوون بالغلط على سبيكر ...
البنت اللي بالتلفون : كيرا عمري .. منو هالوحش اللي يصرخ يمك ؟؟
ابو كيراا : شنوووو .. تكلم بنت ؟؟ وتقوولي اكلم صااحبي .. ومنو الوحش .. ما تكــــــــــلم ؟؟؟
كيراا : لااا لااااااا لاااااااااا هذا صااحبي صووته نااعم .. >> انعم صووت من ربعه نفس صووت البعير ...
ابو كيراا : وكااااااااااااااااااااااااااا >> حركة جاكي شاان ...
طقه وحده من ابو كيراا كسرت التلفوون .. وطقه ثاانيه لزقت كيراا بكبت ( دولاب ) الملاابس ...
بدل كيراا هدوومه ورااح تريق .. توست وجبن وكااتشب >> خووش ريووق ...
وطلع بره ينطر كووومار الهندي ...
______________
طلعت انا من البيت انطر كوومار الكحياان .. ولا اشوووف ابو هيروو يحذف الكتب على رااسه >> كل يووم اشووف هالمشهد ...
انا : هيييييييييييروووووووووو ...
هيروو : هلااااع ...
انا : تعاال عند بيتنا ننطر الباص ..
هيروو : يلا كااني يااااااي ..
انا : هيروو حليت وااجب العربي ؟؟؟
هيروو : ليش استااذ العربي عطاانا وااجب ؟؟ >> ناايم بالعسل ...
شوي ولا سوونك طالع من البيت ..يمشي واهو ناايم .. طبعااا كلها خطوتين جاان يطيح على ويهه >> ويهه و الارض وااحد ...
هيروو وانا : سوووووووووونك ...
سوونك : هاااااااااااااااااااااووه ( يتثااوب ) ...
انا : سوونك بسرعه حليت وااجب العربي و لا لا ...
سوونك : ليش اليووم عندنا عربي ؟؟؟ >> اقوول مالت عليكم مادري ليش تداومون ...
هيرو : شباااااااااااب وين مشااكس .. العاده يطلع بسرعه ...
انا : مادري .. كا كيراا توه طاالع من بيتهم ...
كيراا طلع تلفوونه الاحتيااطي وقاعد يكلم صااحبته >> هم صاحبته الاحتياطيه ..
هيروو : هااااع .. هذا ما يسكر التلفووون حتى من صباح الله خير ..
سوونك : كيرا تعاال هني ..
كيراا : ادق عليج بعد شوي حبيبتي >> لصااحبته ...
يلاا الحين ياااي ...
انا : كيراا بسك البنت بتناام ..
كيراا : لاا .. هذيج نامت .. هاذي توها قااعده من النووم ...
هيروو : بعرف انت شلوون ايوولك البناات ... >> محتر منه ...
كيراا : هاذي سر المهنه >> اقوول ويهك بس ...
سوونك : شباااااااب وين مشااكس .. بيي البااص و مشاكس مو موجود ...
انا وهيروو : ما ندري عنه ؟؟؟
كيراا : انا ادري ..!!
سوونك : ؟؟؟؟ وينه ؟؟؟؟
كيراا : انا اعرف ويين رااح .. تعالوا ...
ونرووح عند بيت مشااكس .. ويرووح كيرا عند الواانيت واحنا وراه ...
كيراا : شوووفوا صندوق الوانيت ..
انا : هههههه يحليله طلع الحبيب مسوي الصندووق فندق ..
كيراا : شراايكم .. خووش مكان ؟؟؟
هيروو : هااع .. احنا نطلع ننطر البااص و اهو حضرته شخييير بالواانيت ...
سوونك : يلا قعدووه لا ايي كوومار و ينحااش عنا ...
هيروو : لااااااع .. شباب لا تقعدوونه .. انا عندي فكره ...
رااح هيرو عند الزبااله .. و صااد عتوي ( قطو اسود ) .. و يابه عند الواانيت .. ويحذف هيرو القطوو بالصندووق عند مشااكس ...
القطو : مياااااااااااااااااااااااااو ...
مشااكس : واااااااااااااااااي شنووو هذاااااااا ؟؟؟
القطو : مييييييييييييييييييييييييياااااااااو >> يعني انت شكووو ...
و ينحااش مشاكس و يطمر من الواانيت و يطيح على رااسه بالارض ... قاام شافنا قاعدين نضحك عليييه ...
ويعصب مشااكس ... ويمسكنا كلنا و يطقناا .. ونقعد انتهاااوش بنص الطريييج .. قلبنا الشاارع حلبة ملااكمه ...
و باااابو قااعد بره البقاااله يضحك علينا و يتحمد الله ...
بعد 5 دقاايق من الهواش و الدمار اللي خلفنااه .. وصل كوومار يعل ويهه ينسحك بالقاار ..
وقاام يدق هرناات .. بعد ما ازعج الفريج بالهرناات .. اخيرا استوعبنا انه الباص وصل .. طبعا صاار طق على منو اول وااحد يركب >> اخرتها زفنا كوومار الهندي ..
_________
ركبنا البااص بعد معاناة ...
هيروو : هلااع صديق .. ليش ماا يحط دهن في شعر ماال انتا ؟؟؟
كوومار : انا جييين .. هازا دهن خلاااس ..
انا : اقوول كوومار حط غنيه حلو لا يفرك انته رااس في شاارع >> شوي و اطقه ...
كوومار : انا امس يشتري عبدالله رويشد >> اخاف رويشد الهندي ..
الشباب : كووووووووول كووومار ...
كيراا : يلا حط شريييييط ...
انا : شبااب درستوا لامتحاان اليووم ؟؟
هيروو : اي امتحاان ؟؟
سوونك : ليش اي مااده الامتحاان ؟؟
مشااكس : اليووم ماكو دواام >> الشبااب كووووووووول ...
انا : اليووم في امتحاان علووم !!
كيراا : ليش احنا مااخذين علووم >> الله يغربلك حتى ما تعرف شنو مااخذ موااد ...
هيروو : كوووومار شنو اول سااعه علينا ؟؟؟
كوومار : يمكن فيه طبخ كنس غسل >> اقوول اقلب ويهك ..
كوومار مزحفنا .. دايس 50 كم .. شكله بااجر يووصل المدرسه ...
مشااكس : شباااب ملل ... ودي بأكشن ...
هيرو : شلوون اكشن ؟؟؟
انا : لا يكوون تبي !!!
مشااكس : نياهاهاهاهاهاهاهااااااااي ...
سوونك : شنو بتسوون ؟؟؟
مشااكس : كووومار .. قوم شوي ...
كوومار : انته سنو يبي ...
مشااكس : قووم بسووق !!!
كوومار : لا ماكو سووق !!
مشااكس : اقووول قم بس قم .. اذلف لا اكفخك الحين ..
كوومار : لاا ما يسير ...
انا : كوومار يمدحوون الكرسي الاخير ..
ويااخذ مشااكس البااص .. ويقلب البااص فيراري .. لا قوول قلبها لمبورجيني ..
و مشااكس يسووق البااص مر يمه بااص بناات ...
سوونك : شباااب باص بناات يمنا ...
هيروو : هااع هااع ويييييين ؟؟؟
مشااكس : بناات .. الويل لهم .. ان ما قلبتهم بالباااص ...
انا : شباااب ثقلوووا .. لا تصيرون خفااف >> للحين الولد ثقيل ...
هيروو : بنااااااااااات هااااااع بناااااااااااات ... (( ويهه لزق بالدريشه )) ...
انا : هيروو اثقل ..
مشااكس : هذا ويهي اذا وصلووا البناات المدرسه ..
كوومار : لااااا لا يسوي مشكل ..
و فتح هيروو الدريشه و نصه بره البااص .. ويأشر للبنااات مثل الخبل .. ومشااكس يحد بااص البناات و انا اطالع البناات بس بثقل ... وسوونك يطالع ويوزع قبلاته عليهم ... و كيرا يكلم صااحبته ...>> الشبااااب كوووول .. طل بعيني كوووول ...
1 .. 2 .. 3 ... بووووووووووووووووووووووووووووووم ...
و من دون المتوقع انفجررررررر تاير ( اطار ) السياااره ... ويصفط مشااكس البااص فووق الرصييف ... و ننزل من الباااص و نخلي كوومار يسوي التاااير ... و نرووح المدرسه مشي ... بس عقب ما دخلنا بقااله و بقنا جم حلااااو و هندي البقاله لحق هيروو بالعصااة ... وصلنا المدرسه متأخريييين ...
يتبع ...
و للبقيه تكمله في الجزء الثاااني ...
المشاركة الأصلية كتبت بواسطة ToUaReG
وداعاً أيها الأستاذ 
