اول شي السلام عليكم اخوي
و مشكور على الموضوع اللي ببيان انه ديننا الاسلامي دين متعصب للرجال دين متخلف و دين ما بيعطي الواحد ابسط حقوقه و هو انه يكون عنده القدرة عللى انه يقضي حوائجه بنفسه و على انه دين بدعو المرأة ان تكون انسان بليد
ديننا هيك؟؟؟؟؟؟؟؟؟؟؟؟؟؟؟؟
مستحيل ديننا دين التسامح و التيسير و التسهيل على الانسان ديننا ما بفرق بين رجل و مرأة و اعطى لكل فرد حقه
هذا هو الدين الاسلامي مش الدين اللي انت بتتكلم عنه
بعدين يا اخي شو علاقة الحجاب بقيادة السيارة اللي محجبة و ملتزمة بتضل محجبة و متمسكة بحجابها شو مصار و الحجاب ما اله علاقة بالقيادة و ما بمنعها من انها تقود
لانه الدين حلل انه تبين يدين السيدة و وجهها بنيجي احنا بنحرمه
و بعدين اخوي كيف يعني المرأة لما تود بدها تحرم الرجل من القيادة شو يعني بدها الشوارع تسكر من وراها و شو هالنظرة العنصرية جدا لما تقول و تضيق الطرق على الشباب اللي يقودون السيارات و هم احق منها بقيادة السيارة
اكيد انت عارف انه معظم الشباب بكونوا بالسيارات مش عشان يقضوا حاجات بس عشان يلحقوا فلانة و فلانة و هي طالعة من الجامعه و هي مروحة من المدرسة و هي بتستنى السواق و يشحط بالسيارة و يتمشور هو و حابه
هو هلأ انو احق يسوق السيارة سيدة رايحة تقضي زيارة و تروح عند اهلها ولا شاب صايع يلف بالسيارة معلي صوت المسجل اذا ممكن تجاوب على هذا السؤال
انو افضل تركب مع سواق غريب و الله اعلم شو تكون نيته تجاهها و نظرته الها ولا تركب سيارتها معززة مكرمة ما حد اله فيها و ما تخاف تقول الله اعلم هلأ وين يوديني و وين يجيبني هذا اذا غير الطريق و مر من طريق تاني و تضل طول الطريق خايفة انه يكون كزاب و خايفة ياخدها محل تاني
بعدين يا اخوي هلأ صار شراء سيارة للمرأة يهز الاقتصاد القومي تاع السعودية من شراء سيارة لزوجتك ولا لبنتك ولا بدو يهزه لما تشتري لكل ابن من ولادك سيارة و تتجدد كل عام و تكون على الموضة عشان يا روح المام ما يزعل
اذا ممكن تجاوبني اخوي على الاسئلة
و اسفة على العامية
المشاركة الأصلية كتبت بواسطة بو ضاري
