أقول شباب، مب كأننا ما جاوبنا على أسألة يزيد.
وأحب أقول نقطه أختنا اللي كتبت الموضوع هي من فئة القططيات....اااه قصدي من فئة الدراما كوينز (Drama Queen) هذا المصطلح يلقب به الناس اللي يحبون ويستمتعون أنهم يلعبون دور الضحايا وأنهم دائماً المخدوعين والمسااااكييين (والله انهم سكاااااكين)
أبتدي
المشاركة الأصلية كتبت بواسطة Y a z e e d
ما يهمني الآن هو .. هل في فعلاً فتيات يؤمنَّ بهذه النظرية ؟
هو هو هووووو أكيد وهنالك المزيد يا يزيد
ومش بس البنات حتى الشباب يا أبو الشباب
أولاً لا تنسى تأثير المسلسلات الخليجيه اللي ترفع الظغغغغغغغط أنا ما يرتفع ظغطي ألا لما أشوف أهلي قاعدين جدام التلفزيون ويشوفون المسلسل ومن يبتدي خذ طراق على سب على صياح لا وما ننسى الموسيقى الكئيبه طووووووو طوووو طييييييي طووووو .
ترى للأسف في ناس عندها القابليه في التأثر بهالأشياء خاصةً لما تكون زايده عن حدها، أذكر رمظان اللي فات كنت أسمع عن بنات يتابعون 5 أو 8 مسلسلات مره وحده
لا وخذ الأسامي بس
جرح الزمن
دنيا القوي
وما أدري شنو بعد، بالله عليك أنا بس أحفظ لي أسمين منهم وتصيبني كئآبه لمدة شهرين.
الله يرحم أيام لامسلسلات القديمه
درب الزلق
درس خصوصي
التائهه
على الدنيا السلام
يا أخي صج فيها حزن بس في نفس الوقت تضحك فيها من كل قلبك
مسلسلاتنا الحين تتكون من المقادير التاليه
1- أب مهمل (رجل أعمال وعنده بي أم) ويصبح على زوجته ويمسيها بكفين (كفين يعني علقتين أو قلمين أو سطارين...اللي تحبه)وغالبا ما يكون يخطط للزوجه الثانيه
2- زوجه مسكينه طوفه هبيطه والكل قاص عليها
3- أبن رايح فيها، شعر آخر قصة يخرع بأسم الله (مدمن مخدرااات)
4- بنت رومانسيه ومغرووووومه من هامة الباروكه إلى أخمص كعبين الجوتي (لا ننسى أن فارس أحلامها صديق أخوها، ولاعب فيها لعبه)
5- جده مكسوره محد معطيها ويه (هذا الدور أصبح حكراً على الممثله البحرينيه ما أدي شنهو أسمها اللي مثلت نفس الدور في كل الدول الخليجيه وعلى بالها أنها تضبط كل اللهجات، ما تدري أن الدال البحريني صار ماركتها المسجلة)
6- زوجة أب شريره (المكياج مقتبس من الساحرة مالت فلم سنو وايت من ديزني)
وما ننسى النهايه
واحد أو الكل لازم يموتون (المهم أن العائله تتجمع للمره الأولى) وخذ صياح و زعيق و
واااع يبااااااه يمااااااه واااا
ااي لا تموتوووووون أبي فلوووووووس
بالله عليك لما تتابع خمس مسلسلات من هالنوع مره وحده ما تتوقع بيصيدك هبوط في القولون؟؟؟
المهم السؤال اللي بعده
المشاركة الأصلية كتبت بواسطة Y a z e e d
خلونا صريحين .. هل مرّ بكِ - لمن تؤمن - موقف دفعك إلى تبني الفكرة هذي ؟
لا.... بس ترى في سوالف وقصص أسمعها من بيوت قراب منا تصير عندهم هالبلاوي وحتى أكثر والله، بس الواحد ما ينسى أن الدنيا بكبرها عباره عن أختبار والبلاء وارد، يعني لو أنا بعد بلاوي الناس وأشيل همها ما راح أعيش أصلا.
المشاركة الأصلية كتبت بواسطة Y a z e e d
هل فيه فعلاً شباب بالتفكير هذا ؟ وش دورنا تجاههم ؟
ألا أكثر والله، أنا مروا علي شباب من نوعية هالزاحفه مدام ثعبانه، اللي يظحكني أني كنت أعرف واحد وااااايد على باله أنه مستر روميو، وكل ما يدش في علاقه على باله أنه مقطع البنت وأنها مييته عليه، في ألأخير يطلع هو المسكين وهي السكين قطعته وما خلت منه شي (الهدايا والجوالات وال وال)
دورنا تجاههم؟؟؟؟ أنا نصحته لين مليت وعموماً ما نفع وهو طلع بنظرية أن كل البنات ثعابين وهو الحين متوهق في مسألة الزواج ومب قادر يوثق في أحد.
نصيحه ثانيه: نقضي على كل المسلسلات الخليجيه و كل المخرجين والممثلين ونستبدلها بأفتح يا سمسم
المشاركة الأصلية كتبت بواسطة Y a z e e d
- تعليق حرّ على كتابة هذه الإنسانة ..
I already did in my first reply
,
(ناقصات عقل ودين))
شكلها حاقدة على كل وحدة لها معرفة بذكر كائناً ما كان ..
hehe most of'em .. but i guess, night clubs will fix your problem guys, don't you think ? i mean their will be no cheating at least ! everything will be directly ..