(( مجروح **** الاحساس ))
(( مجروح **** الاحساس ))
لو شفتني يازين أضحك مع الناس "=" ماني براحــه لــخافي الروح أدراي
كاتم بلاي اللي بــه القلب منــحاس "=" ماشي بذرى البسمه مع الهم ساري
عايش بدنيا من بــــها عـاش بــلاس "=" والا الــــمحــبه مــالـه الـيوم طــاري
لوشفتني يازين مجروح الاحســاس "=" ضحكي قهر ماني على الذل ضاري
يازين وجدي وجد ابو دباس لـدباس "=" في حالتي ضاقت وسيـع الصحاري
يازين مـالي عـلـم والله بالــونــاس "=" عايف من الـفــرقى بعـدكــم دياري
واشيب عيني مابها أجهار وارماس "=" ذكـراك فــيـني ماذرتـها الـــذواري
من بعدفرقى اللي به الغير لي واس "=" كالــيـل مـظـلم في عـيوني نهاري
عليه كن القلب في وسط محـــمــاس "=" وعليه دمــعـي طــــول الايام جاري
حاولت أدلـه واقـنـع القـلب بالـيـاس "=" لاشـــك قــلبـي مقتـنع بانـتــظاري
يازين دوك الـشيــب مــجــتاح للراس "=" يازين عــشـــت الـذل حتى بقراري
يازيـن كـيـف الــحــر يازيـن يـنـداس "=" وشـلــون تـطــفي لوعة القلب ناري
قلبي عــروقــه يابـن الاجـواد يباس "=" وش حيـلتـي مـاحـد ٍ بي اليوم داري
و سلاااااااااااااااااااااااااااااااام
سلام عليكم
