Pets Tales ~

[Yamato]

السلام عليكم..

موضوع قديد.. نايس ايديا انجل..

بالنسبة لي فتاريخي مع الحيوانات لا باس به اقدر يعني اقول اني مثلكم لي تجارب معاهم.. الرغبة في حب السيطرة على مخلوق.. هاع هاع هاع -_-

اللي مروا تحت ايدي من الحيوانات للان.. قطط (وهذا كان عند الكل) عصافير وقنافذ وسلاحف..

القطط.. نهايتهم كلها ماساوية للاسف..
مثلا مرة وجدت قطوة صغيرة.. في البيت.. تميت فترة ارعاها بس الوالدة ما رضت وغصبتني اني اطردها برع البيت.. فانا ببراءة الاطفال وديتها وخليتها برع البيت جنب الجدار.. وبعد عدة ايام.. شفتها مرة ثانية.. بس بعد ما عذبوها عيال الفريج.. اظني قلت سالفة هالقطو من قبل.. وما يحتاج اني اقول شو كانت حالته.. بالطبع ماتت بعد فترة من العذاب المسكينة T_T
وقطوة ثانية تميت ارعاها فترة ايضا.. الى ان اختفت فجاة.. وبعد فترة حصلتها ميتة جدام بيتنا.. كما يبدو انه سيارة دعمتها وماتت T_T
اضافة الى القطاوة اللي موجودين حاليا.. بس ما جربت اني اتقرب منهم وايد.. i dont want to get hurt emotionaly T_T
يا حليلي بس..

العصافير.. وايضا كلهم نهاياتهم حزينة...
كنا نمسكهم في الحوش.. ونظل نرعاهم فترة بس يموتون.. ما ادري ليش.. يمكن عدم الخبرة في التعامل معاهم..

القنافذ.. اللي ياكل لا يقرا هالمقطع ^__^!
والله انهم حلوين وسريعين جدا.. كان عندنا ثنتين منهم.. احيانا كنا نعطيهم رويد.. فشو كان يستوي.. كانوا يرجعون الاكل.. ويقعدون ياكلونه مرة ثانية -__-
بس الحمدلله ما شهدت نهايتهم.. يعني بعد فترة شلهم الوالد وما ادري وين وداهم..

السلاحف..
كانا اول حيوانين اشتريهم في حياتي علشان ارعاهم.. وللاسف خليتهم في البيت علشان يرعونهم هناك.. لاني وقتها كنت بالجامعة.. وعيال اختي الصغار كانوا موجودين.. الكبير فيهم ما رحم السلاحف.. قتلهم T_T
بس ناوي اعيد الكرة.. وهالمرة بضمن سلامتهم..

وكان عندنا ارانب..
الوالد جابهم من عند شخص ثاني.. تمو فترة عندنا.. بعدها الوالد اخذ واحد منهم لمزرعة.. والثاني تم في البيت. الى ان مرض ومات للاسف..

اما الدجاج والديكة.. حدث ولا حرج.. كانت عندنا حظيرة لهم في البيت.. او حظيرتين نقول.. الاولى يوم كنت ياهل.. ووقتها الديكة كانت مسالمة..
بس في الثانية وهذي سووها اول ما دشيت الجامعة اذا ما خانتني الذاكرة.. الديك اللي كان موجود كان يزيغ.. ما نقدر نقترب من اي دجاج او فرخ.. كان يلاحقنا -__-

واتذكر كان في متوه في بيت جيران عمي.. كان يتكلم.. واكثر كلمة كان يرددها هي متوه.. ^^
كنا نحطي حب علشان ياكل..
افكر اشتريلي وحدة خصوصا انها تعمر..

وطرانكس عالموضوع الخفيف يا انجل ساما..

[Snake Eyes]

انا كان اول حيوان دخل البيت هو السمك بس وطبعا هلكت امهم اكل الين ما ماتوا
وتاني حيوان يخش البيت هم السلاحف ههه وكان لكل واحد فينا سلحفة يعني كانوا 5 سلاحف انا حقتي كانت اصغر واحدة وحقت اخوي هي الدووبة وكانت متوحشة المهم قعدوا عندنا يمكن اشهر بس و قاموا يتضاربوا وسار قتل وماتوا اتنين من الطفش وحقتي انقلبت وماتت المهم نهاية مأسوية
قبل كم شهر جابت اختي سلحفتين المهم هالمرة احنا كبار المهم جو عيال خالي ومافي الا لعب بالسلحفة ويمسكوها من فوق ويرموها فوق العشر مرات المهم صحينا اليوم اللي بعده لقينها ميتة
البسس ما لي قصص كتيرة معاهم بس اكتر شي اني دعسهم بالسيارة دايما

[Mada Mada Dane]

ماعندنا تاريخ حافل بالحيوانات >_<

سلاحف اختي -- ضاعوا بالحديقه

قطوه -- كنا حليوين معاها , بعدين زهقت منها وصرت اطيرها من ذيلها وهاجرتنا .

قطوه 2 -- سرقناها من بيت اهلي , حطيناها بالحوش على بالنا بتجلس , باول لحظه ... نقزت فوق السور .. واحنا نطالع !؟؟ ... مياو مياو تعال ... وفانش ... اختفت للأبد ... ولما سالوا وين راحت القطوة ... الجواب ماندري >_< من جد وين راحت ... مانقدر نفتن على ابوي هو الي سارقها >.>


هذا الي اتذكره بس >_<

سلام

[hussien-11]

أنا لي الصراحة بعض القصص و لكن لن أذكرها ... أنا الان أحب الحيوانات الأليفة و لا أريد أن أذكر بعض الماسي التي فعلتها بهذه الكائنات اللطيفة ..

شكرا انجيلوه ..

[Pentium]

أنا لي الصراحة بعض القصص و لكن لن أذكرها ... أنا الان أحب الحيوانات الأليفة و لا أريد أن أذكر بعض الماسي التي فعلتها بهذه الكائنات اللطيفة ..

شكرا انجيلوه ..

ههههههههههه ....شكلك كنت عامل مجازر ....

[Lunar Poet]

لول بالنسبة للحيوانات اللي أنا ربيتها كانو واجد بكتب منهم اللي أذكره

قطاوة -- أكثر الحيوانات اللي ربيتها .. أذكر كانت عندنا قطوة كنا نتسابق معاها ..
و مرة زوج احتي جاب لنا قطاوة صغااااار لقاهم تحت سيارته .. اختي قالت له يجيبهم عندنا و احنا توهقنا فيهم >.> .. بس ما طولو عندنا ..
و مصير كل القطاوة اللي كانو عندنا الشارع .. الحمد لله ولا وحدة ماتت عندنا ^_^

سلاحف -- مرة وحدة شرينا سلاحف .. استانسنا عليهم حيل .. بس كنا صغار وقتها .. كنا 24 ساعة وياهم @.@ ..
باقي السلاحف اللي صارو عندنا كلهم من مزرعة عمّي .. ما يتمّون عندنا الا كم يوم بعدين نرجعهم المزرعة -__-

عصافير بأنواعهم -- صار عندنا كناريات ( جمع كناري ) ، حساسين ، بلابيل ، طيور حُب ( شريت مرّة جوز مع طير الحسّون ، مرة كنت رايح المسجد في صلاة الظهر .. بعد ما رجعت شفت طير حب ثاني * بس ملوّن بألوان صناعية * واقف على قفصهم من برا ! قربت منه .. خفت يعضني بس قلت مب خايف .. بحاول أمسكه .. مديت يديني له بسرعة و مسكته ! .. بعدين ربيته مع الطيرين الثانيين ^_^ .. بس آخر شي عمي خذهم -___- ) و كان عندنا بعد نوع من الطيور مادري شاسمه ( اللي يكون حجمهم صغير و منقارهم كبير شوي ) .. اممم هذا اللي أذكرهم ..

أرانب -- مرتين شريناهم .. و كل مرة نشتري جوز ..

كتاكيت ( صيصان ) -- أذكر أكثر كتكوت كنت أحبه كان لونه أسود و أصفر ^^ .. كان صغيير و كيوت ^.^ .. كان هو أصغر كتكوت شريناه .. بس للأسف عمره كان قصير -___-

بط -- شريناهم صغار .. كنا دايماً نلعب معاهم و نخليهم يسبحون ...

دجاج -- مرة وحدة شرينا دجاج .. وقتها كان عندنا قطوة ، و الدجاج كانو 4 - 6 .. كان العراك بين الدجاج و القطوة مستمر >.> .. الدجاج ما قصرو في القطوة -____-

طيور السمّن \ السمان -- أكثر من مرة شرينهام ^^ .. كنا لازم نشتري 4 ^^ .. واحد منهم لي و الباقي لاخواني أذكر مرة شرينا كتاكيت في فترة كان عندنا سمّن .. اهتمينا بالكتاكيت أكثر من السمن ، و كنا دايماً نلعب معاهم و أهملنا السّمن .. بعدين اختفو ما ندري وين راحو للحين @_@..



امممم هذي الحيوانات اللي أذكرها .. و ان شاء الله هالمرة ناوي على حيوانات ما جربت أربيها بنفسي من قبل ..

[hussien-11]

ههههههههههه ....شكلك كنت عامل مجازر ....

للأسف كنت أعمل مجازر بالقطط و كنت أكرهها ، لكن الان بحبها ..

أذكرمرة ربيت صيصان ، الصوص صغير الديك و الدجاجة

لكن كنت أحبهم وقتها !!

و مرة أخذتهم لعند دار خالتي ، قام تعارك الصوص اللي عندي مع الديك اللي عندهم

و النتيجة ؟

صوصي صار جسمه بدون شعر

بعدين ذبحناه .. و أكلناه

[كابتن السفينة]

اللي عيبتني هي -----خدامتكم زليخه اللي في المطبخ....حمود هذا مجنون يصور بجا مال قطوه.

ههههههههههه.. الحين لاحظت..

بس للأسف عمره كان قصير -___-

حسبت بتقول اخذهم عمك..

و ان شاء الله هالمرة ناوي على حيوانات ما جربت أربيها بنفسي من قبل ..

وانا نفس الشئ.. ان شاء الله بربي تنين الماء (مدري ويش اسمه بالانجلزي)..
لكن مدري وين احصله.. اعتقد لازم اطلبه من الخارج.. -__-


بالمناسبة..

لاحظت كثير منكم يسئ معاملة الحيوانات.. (= >m< =).. <--- مخلي نفسه من جمعية الرفق بالحيوان..
تراه الحيوانات تحس وفيها روح يا جماعة.. <--- معلومة جديدة..

[MeMoirs]

ههههههههه ..


أنجل يحليلك تحبين الحيوانات ..


مدري ليش أتخيلك مثل الميرا الي في تايني تون ..


على طاري البسس والقطوات .. اليوم أنا محلمة فيها ..


أحب أطاردها بس اربيها او المسها لايمكن ..


لي عودة ..

[Lunar Poet]

حسبت بتقول اخذهم عمك..

لوووول تراه مو عم واحد

وانا نفس الشئ.. ان شاء الله بربي تنين الماء (مدري ويش اسمه بالانجلزي)..

شنو هذا ؟

[كابتن السفينة]

شنو هذا ؟

هذي سحلية كيوت.. ^.^
وهي تعتبر من الحيوانات الاليفة.. لكنها تكبر كثير و احيانا يصير حجمها تقريبا اقل بشوي من حجم كلب..

بغيت احط صورة لها.. المشكلة نسيت اسمها بالانجليزي..
جربت اكتب water dragon بجوجل.. طلعت سحالي ثانية.. -.-

[Pentium]

Water Dragon؟؟؟ اسمه يوحي بأنه شي Boss من Final Fantasy

[couita]

شكرا شكرا شكرا

[Lunar Poet]

شكرا شكرا شكرا

تزويد مشاركات ؟
تصدق ذكرتني بموضوع " السيد مشكور و علاقته بالسيد قرقور " P:

[gojah]

شكرا اينجل وسبر على الموضوع مره حلو

بس الصراحه عجبني رد كربي ولا معتقل جونتانامو
ما اقول غير الله يعينهم عليها وخصوصا البان كيك اقصد الكتاكيت مساااااااااااكين (الله يرحمهم)

وعن نفسي انا
كان عندي سلحفتين
اخذت وحده منهم وحطيتها على راس اخوي وهو نايم واخذها وفضخها في الجدار ومسكينه تكسرت قعدت داخل المُدرعه، صدفتها (مدري وش اسمها) لكم يوم متعقده
واخرتها طلعتهم يتمشون راحو لعند كيس البصل و ضاعوا داخله