الفرق بين بنات العلمي والأدبي !!!

[بنت الشيبه]

الفرق بين بنات علمي وبنات أدبي..

بنات الادبي دايما مبتسمين ومفرفشين وشاقين الحلج من كثر الضحك ...
بنات العلمي دايما مكتئبين وماعندهم وقت يضحكون بس عندهم وقت يصيحون ...

بنات الادبي عادي عندهم يروحون المدرسة والا لا والافضل عندهم طبعا انهم مايروحون
لان مايحتاج احد يفهمهم اللهم يحفظون الكتاب ويروحون يسمعون اللي حفظوه ...

بنات العلمي اذا غابوا يوم عن المدرسه أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات علشان يشرحون لهم مرة ثانية وعلشان يتأكدون انهم حصلوا كل المعلومات ومافاتتهم ولامعلومة ...

بنات الادبي يطلعون من الامتحان وهم شاقين الحلج لان ماتفرق معاهم الدرجات
بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلنا لو في جواب والا نص جواب غلط على طول الدموع تنصب والوجه يصفر...


اذا شفت بنات دببة تأكد انهم بنات الادبي ماوراهم دروس ولا شغل الا الاكل و اذا شفت بنات يكسرون الخاطر عصاقيل شوي ويموتون تأكد طبعا انهم بنات العلمي المساكين دايما يذاكرون لدرجة انهم ينسون ياكلون ...

بنات الادبي وفي حصة الاحتياط يقعدون يلعبون أو يسولفون مع المدرسة أو يعيبون عليها وطبعا طايحيلك حش فيها أو في البنات ...
بنات العلمي في حصة الاحتياط طبعا مايفوتون أي حصة بدون دراسة تلقاهم يدرسون بنفسهم أو يروحون يدورون على مدرسة فاضية وينادونها علشان تفهمهم إذا في شي مو فاهمينه ...

بنات الأدبي دايما تشوفوهم منحاشين من مدرساتهم وقاصين حصصهم ويتمشون في ساحة المدرسة كأنهم على الكورنيش ...
بنات العلمي مانشوفهم في الساحة إلا وقت الفرصة ونادرا طبعا والمدرسات أهما إللي ينحاشون منهم بس لا مفر طبعا للمدرسات .. .

السموحة




kakashi0

[~*~سحابة صيف~*~]

يا حرام عليكِ

مش لهالدرجة بنات الأدبي

اذا شفت بنات دببة تأكد انهم بنات الادبي ماوراهم دروس ولا شغل الا الاكل و اذا شفت بنات يكسرون الخاطر عصاقيل شوي ويموتون تأكد طبعا انهم بنات العلمي المساكين دايما يذاكرون لدرجة انهم ينسون ياكلون ...

طيب أنا كنت أدبي وهيني ضعيفة ليش؟
عالعموم مشكورة على الموضوع

[Sakura A.S]

بنات العلمي دايما مكتئبين وماعندهم وقت يضحكون بس عندهم وقت يصيحون ...

لا لا لا لا

أنا أعترض :vereymad:

أنا كنت من بنات العلمي ما كنا مكتأبين لهذه الدرجة و كان عندنا وقت للضحك و الهبالة



بنات العلمي اذا غابوا يوم عن المدرسه أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات علشان يشرحون لهم مرة ثانية وعلشان يتأكدون انهم حصلوا كل المعلومات ومافاتتهم ولامعلومة ...

يعني كلامك صحيح شوي



بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلنا لو في جواب والا نص جواب غلط على طول الدموع تنصب والوجه يصفر...


ممكن إذا كانت ثالثة ثانوي بس غير كذا و لا همني شيء


بنات العلمي في حصة الاحتياط طبعا مايفوتون أي حصة بدون دراسة تلقاهم يدرسون بنفسهم أو يروحون يدورون على مدرسة فاضية وينادونها علشان تفهمهم إذا في شي مو فاهمينه ...


أحيانا كنا نسويها بس الأغلبية كنا نسولف ونلعب أونوا في الفصل ولا نمثل و نخرج بره الفصل


بنات العلمي مانشوفهم في الساحة إلا وقت الفرصة ونادرا طبعا والمدرسات أهما إللي ينحاشون منهم بس لا مفر طبعا للمدرسات .. .

كنا أخرج في الفسحة و أقضي وقت ممتع جدا ونخرج بين الحصص حياتنا زي حياة أي طالبة في مدرسة

على العموم مشكورة kakashio على الموضوع

سلام

[مستشارة]

ههههههههههههههههه حلوة منج يا كاكاشي ..

فديتنا بناااااااااااات الأدبي نخبل

(( الدببة الطيبوون ))

مشكورة عالموضوع الحلو ..

ونتريا يديدج

[مستشارة]

ههههههههههههههههه حلوة منج يا كاكاشي ..

فديتنا بناااااااااااات الأدبي نخبل

(( الدببة الطيبوون ))

مشكورة عالموضوع الحلو ..

ونتريا يديدج

[بنت الشيبه]

تسلمون حبايبي على مروركم

[haruno-sakura]

خيـــــــبة ....

عنبواااا كلكم أدبي

يعني أنا الوحيدة (( علمي ))

و بما إني علمي .. بعترض على بعض الأشيا ..

نحن ضعاف ... << الضعف حلو (( نسوي ريجيم ))

و نموت من الوناسة يوم نحصل حصص فراغ .. نتيمع كلنا و ندق سوالف و ننسى المذاكرة ...

عالعموم مشكوووورة اختي عالموضوع الحلو .....

و إذا حد زعل من الي كتبته ..

كنت أمزح

[The.Black.heart]

هههههههههههههه
نسيتي وحده
بناات العلمي هم اللي يجيبوون معدل
وبنااات الأدبي معدلاتهم مسكته
هههههههههههههه
مع أحتراماتي

[المكاويه]

بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلنا لو في جواب والا نص جواب غلط على طول الدموع تنصب والوجه يصفر...

و الله صح الكلام
بس مو كله
اما هذي احلى فقره
بجد و الله انا كده كنت
و ياويل تطلع الاجابه غلط
اموووووووووووووووت من البكاء
تقولي الدموع ببلاش
خخخخخخخخخخخ
لو ربع درجه ابكي عليها
لووووووووووووووووول
بس على قول ساكورا و الله لو نلاقي حصه فراغ
نموت من الفرحه
بس طبعا تجي ابله الفيزيا و تاخذها
خخخخخخخخخخخخخخخخخخخخ
مشكوره

[Night Whispere]

مشكوووووووره اختي على الموضوع الحلوووو
بس انا اعترض على بعض الاشياء
انا علمي وعادي نهرب من الحصص في حصة الانجليزي
وقت الفراغ نستانس
اما على سالفة الدرجات لا والله صادقه
والنحف مو بس الادبي حتى احنا العلمي
لا بعد بنات الادبي قصات الشعر والصبغات
ماباقي الا تحط مكياج
بنات العلمي لامين الشعر مهم فاضين
بس احسن مافيه اني علمي

ومشكووره مرره ثانييه

[السنعوسيه]

صبااااااااااح الخير

حلو الموضوع مره وبما انه بنات العلمي ينعدون على الاصابع
انا وحده منهم <<<< طبعا الحين عاطله
اول شي حنا داخلين علمي بالغلط انا وشلتي والبنات الدوافير يسمونا المربع الذهبي <<<< من خفه دمنا
فيه ملاحظته ماذكرتيها عننا
ايام مدرسه الفيزياء " هي مسكينه ماهي طويله حيل وصوتها رايح وطي مايسمعونه الا اللي قدام وهذولا طبعا الدوافير"
كانت لما تجي مانحس فيها وحنا طبعا ورى مسوين موقع للشله
والصوت طبعا مايوصل يبي لها سبيكر لحتى يوصلنا
تجي وتروح وحنا طق حنك ولا نحس وش صار ومرات نحل الواجباات اللي نسيناها
مانحس الا اذا دخلت مدرسه الانقلش الطويله " طولها بحدود المترين "نشوفها مع الشباك وذاك الوقت ندري انه حصه الفيزياء خلصت
بس النكبه اياام الامتحانات << ماعرفت وش المنهج فيه الا لما شريت اشرطه فيديو ومعلمه خاصه ونتجمع الشله مشان نذاكر
وربي انكبنا بس توبه مارح اعودها ثاني مره
ومشكووووووووووره مره ثانيه على الموضع

[ash2001]

هههههههههههههههههه
مشكوووووره عالموضوع الرائع

بس مافيه عن شباب العلمي ؟؟ << توه مخلص علمي

[بنت الشيبه]

مشكوووووووووورين اخواني وخواتي ع المرور الحلوووووووووووووو

ash2001 مبروووووووووووك عليك أخوي عقبال ما تتخرج من الجامعه بتقدير ممتاز

[Pinkoo]

انا بدش علمي.......

[بنت الشيبه]

عافيه على اختي العاقله دشي علمي محد بينفج غيره>>>>>>>>>>>>>> هجوم عليها يا بنات الادبي

هههههههههههههههههههههههههههههههههههههه

مشكوووووووووووووره ع المرور