بسم الله الرحمن الرحيم
[CENTER]
أخوانى الكرام .. لسة مخلص دلوقتى لعبة Doom 3 - Resurrection of Evil ... وهو الجزء الثانى من لعبة دووم 3 الشهيرة
وعايز أقول لكم أن اللى ملعبش الجزء الأخير ده ... يبقى ملعبش دووم 3 خالص
التجديدات فى الجزء الجديد جميلة جداً ... أضافوا 3 أسلحة جديدة ... أول سلاح أعتقد أنهم أخذوا فكرته من HALF LIFE 2 وهو سلاح مضاد الجاذبية .. ويمكنك السلاح الجديد من أن تعيد على المخلوقات المريخية ما يقذفونة عليك من النيران أو الأشعة الزرقاء المميته ... و أيضاً هناك سلاح جديد ولذيذ جداً وهو مقتبس من لعبة MAX PYNE وهو أنه يمكنك أن تبطىء الوقت فى أى لحظة ( SLOW TIME ) وبالتالى فى حالة هجوم الكائنات عليك بعدد كبير ( وهذا يحصل كثيراً ) يمكنك أن تبطىء الوقت لمدة معينة وتتحرك فيه أنت بسرعة كبيرة جداً ... و ألذ شىء هو عندما تعمل على إبطاء الوقت فى لحظة ما يكون أى كائن بيضربك ... وتجده بيضرب على مكانك و أنت واقف جنبة.. لأنك بتكون أسرع منه 4 مرات على الأقل :5shocking ... وهذه الحركة بتعملها بمخ غريب بيكون معاك من أول اللعبة وحتى النهاية .... والسلاح الثالث هو SHOOT GUN جديد وقوى جداً تكفى ضربة واحده منه فى رأس أى وحش وتجدة سلم نمر على طول ...
الجزء الجديد فى مجملة ألذ بكثير من الجزء القديم ومراحلة أمتع جداً ( مع أنهم 9 مراحل بس ) لكنهم ممتعين ... ولن تمل ( الله يرحم أيام الجزء الأول كنت هفرقع علشان اللعبة تخلص .. وكل ما أقول خلاص هخلاصها ألاقيهم بدأوا سلسة مراحل بغرف جديدة .. مش عارف بيجيبوها منين :5headache ... بجد انا كنت بشد فى شعرى منها ) ... لكن هناك المشكلة الأزلية فى DOOM 3 وهى أنه مفيش سلاح بكشاف... وبالتالى تجد نفسك فى أماكن مظلمة ( كثير .. إن ماكنش على طول ) ويهجم عليك وحوووووووش ... مش وحش واحد تقوم تتكهرب وتتسرع ويركبك عفريت و تجرى و أنت بتنقل مابين الكشاف والأسلحة .. وتجيب سلاح ماينفعش ..تقوم تغيرة وتجيب سلاح ثانيى بسرعه طبعاً تقوم تلاقى إيدك ... تغيرة يطلعلك المسدس الكحيان اللى معاك - مش شايف له فائدة - وطبعاً كل ده و أنت بتجرى وتبقى دايس على الشيفت وعمال بتدور على أرقام الأسلحة ( هما 9 أسلحة ) بالأضافة لأيدك ( اللى انا مش شايف لها أى لزمة
... أضعف وحش فيكى يا DOOM 3 ممكن يمصمصك و انت بتحاربة بأيدك
)
اللعبة جميلة جداً و أنصح كل من لم يلعبها بأن يقدم ويلعب هذا الجزء الجميل ... والنهاية هذه المرة صحيحية ومش سيبنها نهاية مفتوحة ... والوحش هينتهى تماماً ( مش عارف هيعملوا جزء جديد إزاى ويرجعوه تانى : )
سيمر على مدارمراحل اللعبة 3 وحوش قبل الوحش الكبير ... وكل وحش له طريقة فى القتل تحتاج الى ذكاء اللاعب فى المقام الأول وليس على قوة الأسلحة... وستكون سعيد جداً بقتل كل واحد فيهم
أنا على إستعداد لأفيد أى واحد فيكم فى أى مرحلة تقف معاة ... و أنصحكم أن لا تستعملوا الشيت إلا فى لحظات اليأس ( Hopeless moment )... لأنك بالشيت هتحرق اللعبة عليك .. ([COLOR=#0000FF] أنا وبكل صراحة إستخدمته فى المرحلة الأخيرة لأنهم بصراحة كانوا بيستهبلوا فيها جداً جداً جداً ... بجد إستعبطوا فيها كمان مش إستهبلوا بس - أقعد فى مرحلة واحده 4 أيام علشان أخلصها وفى الأخر معرفش : - وكل شويه أقول ياود هتعرف تخلصها لوحدك يقوم وحش حقير يموتنى .. أقول المرة الجاية أموتة ..أقوم أموته يطلعلى مكانه 6 :5cold: أموتهم يجبولى مكانهم 6 أشكال ثانية : ( أنت عارف علشان متملش التنويع مطلوب
منتظر ردودكم
و السلام عليكم ورحمة الله وبركاته
