بسم الله الرحمن الرحيم..
بعد التجربه اثبت ان we9 افضل دوري ياباني نزل حتى الان...
وطبعا اول ما شغلت اللعبه رحت اشوف طاقات الاعبيين (نشوف الفضايح)
الحراس:
افضل حارس بالشريط هو بوفون والغريب ان تولدو نفس طاقته الي كانت بالشريط الي طاف
واما كان فطاقته نزلت بشكل كبيير..
المدافعيين:
بصراحه تعجبت من طاقة تييري لاعب تشيلسي وايد كانت ضعيفه والشريط الي طاف كان اقوى.. وتورام ومالديني فيردناند قووهم ..وصامويل نقصوا طاقته ونستا نفس الشريط الي طاف..وزامبروتا اللياقه عنده 96...
الوسط:
من اقوى الاعبيين جييرارد وتوتي رغم ان توتي منقصيين طاقته ولامبارد (لاتغركم طاقته الضعيفه) والصراحه تسديداته خياليه يمكن حطيت فيه اكثر من اربع اقوال كلها تشوت على القول..وكذلك رونالدو لاعب مانشستر رغم ان سرعته 83 الا انه من ناحية المراوغه خيالي..وبارك لاعب المان لياقته 97 والنجوم عنده يمكن 6 نجمات او اكثر..
وكذلك زافي لاعب البرشه تصليحاته بالمقاس ...وبيرلو طاقته زادت بشكل خيالي ..
وكاكا صارت طاقته مميزه...وكذلك فييرون..وعنكم بعد كامورينيسي لاعب اليوفي مميز..
الهجوم:
اقوى مهاجم باللعبه هنري وما يحتاج اتكلم عنه اخليه لكم وشباب عندكم ايتو مو طبيعي
سرعه وبودي وباور بس ما كو تركيز عنده..واما مهاجمي الريال فحدث ولا حرج..
واولهم رونالدو الي نقصت طاقته بشكل رهييب.. واوين ماعدا راوول..
وادريانو مو طبيعي وريكوبا نفس الطاقه وكذلك فييري ما نقصوه الا شويه..
وعنكم رووني لاعب المان زودوا طاقته والنجوم عنده ماشاءالله اكثر من 8 نجمات..
وبعد عنكم كاسانو عليه تسحيبات مو طبيعيه 95 ..اما دلبييرو طاقته زفت...وجيلاردينو اصبح مهاجم خطيير ومميز وكذلك شفسنكو...
بشكل عام:
اليوفي والبرشه وتشيلسي زادو طاقاتهم بشكل كبيير والريال نقصوا طاقاتهم حتى من كاسياس الى رونالدو...(الله يعين مشجعي الريال)
طريقة اللعب:
في البدايه اول ما تلعب اللعب تحسه ثقيل وبطيء ولكن مع مرور الوقت راح تتعود عليه..
وفي نفس اليوم...
التمريرات اصبحت اكثر واقعيه ...وكذلك سهولة التسجيل من الركلات الركنيه...اذا رفعتها بلاعب مميز..
التسديدات اصبحت اكثر صعوبه..
المراوغات اصبحت جميله جدا...
شباب صارلي موقف مضحك ان لاعبيين دعموا (تصادموا)ببعض والا يطيحون
واكتشفت عيب باللعبه لما تسدد بالضربات الحره(الفولات) تلاحظ ان الحارس متقدم..فسهل انك تقول..
وكذلك صارلي موقف عجيب انا لعبت بالمان ضد الارسنال ولما خلص الشوط الاول قالولي
ان لاعبي سكولز تعور من نفسه..
المعلق غييروه وصار بايخ..:vereymad:
اكتشقت لاعب في منخب اسبانيا اسمه دي لابينا التمريرات عنده 99 وطاقته ملغمه وايد..
وعندكم جونينو لاعب ليون الفاولات عنده 99..
اكتشفت ان فيه مراكز جديده للاعبيين مثل st لرووني وكاسانو و wb لأشلي كوول
رونالدينو اصبح له طريقه مميزه في تسديد الفاولات وضربات الجزاء..
وتوتي ولامبارد كذلك لهم طريقتهم الخاصه في تسديد الفاولات..
وسامحونا على الاطاله وكل واحد يشارك ويتناقش معانا ويعطينا رايه..
والي حاب يسأل حياه الله..
