المشاركة الأصلية كتبت بواسطة zulu
بطلوا الحركات ذي ادخل وشوف!!!!!!
انزل
انزل
انزل
انزل
انزل
انزل
انزل
انزل
انزل
تمام
ح احكيلكم من طقطق ل سلام عليكم
اول شي دخلت الفندق- المقابلة في جدة في فندق الشيراتون الكورنيش- المهم رحت لدور الميزانين ورحت قاعة اسمها قاعة الرياض المهم كان فيه واحد سلمت عليه جلست انتظرت شوية دخل اللي بعدي ودخل الثاني وبعده دخل واحد من سنتين ما شفته ولا اسلم عليه وشوف الهروج من اللي هيا-انا عارف انتو تبغو الزبدة بس انا ثرثار اصبروا- المهم دخل واحد من سابك وسلم علينا وقال انتوا بس سبعة قلنا هذا الموجود ايش تسوي قال تفضلو فيه شاي وكيك
-هذا اللي قدروا عليه- قال لاتستحوا ترا هذا دافعين فيه فلوس بس كانو كل الشباب مستحين ماحد يبغا يمد يدو
وبعدين جا واحد شغل فيلم عن سابك انتبهوا للفلم ترا ح يسالونكم فيه عشان كذا حاطين اوراق واقلام قدامكم المهم نص ساعة مدة الفلم واثناء الفلم جابو ورقة فيها التخصصات يمكن 20 تخصص وكلها تخصصات حلوة لاتخافو وبعد كذا قالو لنا مين جا بالترتيب المهم سويناها تمام وبعد كذا قالوا حسب اللستة كل واحد يقدم اوراقه عشان المطابقة ولما خلصو المطابقة بدؤا بالمقابلات المهم كنت ثالث واحد
بدأ الكلام المهم
دخلت الغرفة كان فيه 3 رجال سلمت عليهم ردوا السلام قالولي اجلس جلست وكانت الاسئلة كالتالي
1-كم نسبتك؟
2-كم جبت في القدرات؟
3-كم درجتك في الرام2؟
4-شهادتك الاصلية فين موجودة؟؟ اخ سؤال حشرني لان ملفي في الطب عشان كذا حشرني قاللي ايش تبغا بسابك مدام تبغا طب بس كانت اجابتي دبلوماسية
لان في الاول كنت محتار ما ادري فقلت لنفسي اخش طب و لو كنت في الطب اقدر احول لهندسة بس العكس صعب بس الحين احس اني مايل للهندسة اكثر
5-تكلم عن نفسك بالانجليزي
بعد كذا كل الاسئلة بالانجليزي بالنسبة لي انا مادري يمكن عشاني اتكلم انجليزي كويس
6-هل تفضل العمل الميداني ولا المكتبي
انا افضل انك تقول ميداني لان انا قلت مكتبي وتلبشت قالي اغلب شغل سابك ميداني بعدين قلت له يعني والله يعني انا افضل المكتبي ولكن حتى الميداني بالنسبة لي جيد
7-قد سافرت برة ومتى وفين واشرح قد ماتقدر
8- ايش هواياتك
هذا السؤال تفلسف فيه قد ما تقدر
9-لو قالوك تشتغل في الجبيل او ينبع تروح
طبعا قله ايوا اروح الهند لو تبغوا المهم تدفعوا صح امزح قول اللي تبغا
10-تعرف كم مصانع سابك ومين مديرها امزح
لا ما سألوني كذا ولا تهتموا للفلم ترا ما جا منه شي
وبس هذا كل شي قال ح نرد عليك بعد اسبوع
انتهى الكلام المهم
وسلمت ومشيت ودقيت سلف وعلى البيت وفطرت فطور محترم بدل كيكهم المعفن ونووووووووومة ودوبي قمت وهذا اللي صار
لاتحرمونا من ردودكم واي اسئلة انا جاهز وتحت الخدمة
سلاااااااااااااااااااااام
؟؟؟؟؟؟؟؟؟؟؟؟؟؟؟؟؟؟ (اللي في الجامعة وراتب الوظيفة)
