بسم الله الرحمن الرحيم
السلام عليكم ورحمة الله وبركاته
الكل بعرف الأنمي له اسلوب خاص في كل شيء ومنها الحياة المدرسية و العلاقات الأجتماعية وحتى بالحب و الأكشن بس ساعات لما نشوف أنمي ونشوف شيء غريب وعجيب ما نتسائل ليش يصير كذا وكذا يعني مثلا مثل موضوع الاخت توكي عن الأنمي والمانجا الشوجو , يعني تحس انه له قوانين خاصة لكل مجال او تفرع خل نكتشفة الأكشن بصورة مصرقعه شوي مع القليل من التسؤلات
مسلسلات الأكشن :
دائما نلاحظ أن هذه المسلسلات أغلبيتها في العصور القديمة اذا كان الأكشن عادي مافيه مميزات يعني على أيام الثورات اليابانية او الاوروبية , وأما البطل واحد من الرحالة او المرتزقة وبالاضافة تلقاه كل مطيح مع الحريم اذا كان رجال كبير .
وتشاهد الأبطال يا نينجا او ساموراي يعني ابطال يابانيين , واذا كان نينجا كل يطقون فيه واذا ساموراي رجال ولا كل الرجال يدافع عن الحق واعدالة , بس ليش يخلون بطل النينجا مستغل وذو مكانه منحطة ؟ وبطل الساموراي هو الاستغلالي وذو مكانه عالية ؟ رغم انهم نفس الشيء في اساطيرهم انهم ابطال ؟!
وندخل في الأكشن الخيالي , أكبر مثال للخراطة في القتال دراقون بول !! يعني تخيل بوكس واحد يطيرك الى الحيطة او الحاجز ويكسرها ويسويها رماد ولا بعد عنده حركة قوية تشق الكواكب شو هذا يا اخي يعني الى هل الدرجة الخيال قوي XD ؟؟ , وبعد يتطور الأخ يصير أقوى عاد لازم تذبح رفيجة او واحد من هله او تذكره بشيء يعور القلب يعني علشان يصير ياهل من السيان الى سوبر سيان جيب له لعبته المفضلة وكسرها جدامة ؟؟!! وهذا ينرفز ساعات وغير عن ذلك قبل لا يتطور يتعصر من قلب علشان يطلع الي فيه من ( ) قوهولما يوصل حق المستوى الاعلى يصير سوبر من قدة وتالي يتسطر مره ثانية ويقوم ويتذكر هله كلهم ويعيد حركة التطور ويبدء يتعصر ...الخ ويرد يتسطر الى ما يستخدم حركة بايخه علشان يغلب الرئيس والاكبر من جي من اول حلقة الى آخر حلقة الرؤساء كلهم يموتون بحركة كرة الارواح يا اخي سواها من اول توفر علينا وقت وطاقة يعني لو بنحسبها منطقيا كل هل الهواش الي يصير والخربطه والتعصر اختصرها بهل الحركة يعني لو حسبنا الاشرار كلهم 5 او 8 ولهم ماتوا بنفس الحركة يعني لو شلنا الحلقات الاضافية كلها وخلينا لما يموتون راح تصير عدد الحلقات اقل من 20 حلقة , وهذا المطلوب XD لا بعد الأجيال تتوالى عيال عيال البطل يطلعون شنو باقي بعد حط العائلة الكريمة كلها XD.
نروح حق نروتو واحد عزوبي آسف قصدي واحد ما عنده اهلالياهل صادته عقده من صغرته الناس كل تكرة بسبب هل الثعلب الي له 9 أذيال ياولد انا اقول من وين جاء ninetals مال بوكيمون XD المهم , هذا الثعلب عنده طاقة رهيبة ما تطلع الا بعد ما ينطق نروتو طق اليهد وتالي بعد ما يطلع الثعلب يصير متوحش وقوي بس نشوفه كل يخسر او ينسحب بس مره الي فاز يوم يتقاتل مع نيجي وهذا القتال كان واسطه اصلا
في ذمتكم شنو هذا ؟ يعني جنه يقولون حق اعيالنه الصغار اذا تبون تصيرون قواي قتلوا ربعكم (حركه)XD.ولا بعد طالعين لنا طلعة بالحلقات السبيشل وغير عن ذلك حلقات الذكريات >< تنرفز يالله تنرفز يتذكر شنو صار له وحق ربعة وحق اعيال ربعه كلهم الى ما يوصل الى آخر حدث يعني شهر لما يكمل وهكذا زيادة حلقات على الفاضي .
نجي حق ون بيس قصته واحد يبي يصير ملك القراصنة انزين وتالي يحصل على كنز الون بيس اوكي انا معاك مو مشكلة بس هذا البطل ياكل فاكهة تخليه يكتسب قوه من خلال اسم الفاكة بس تخليه ما يقدر يسبح في البحر ؟؟؟!!! يايعني ! يعني يصير سوبر مان وما يقدر يسبح وقرصان بعد , البطل يصير مثل المطاط بسبب هل الفاكة والابطال الثانين واحد خشمة صاير مثل المسطره هو غبي بي ذكي سبحان الله شلون تستوي الله اعلم وثانية حرامية بس ملاحة وتقص على الرجاجيل ( ياعيني) , واحد طباخ ومطيح بنات يكسر طوف بقدمة اي تشوف الف تناقظ في كل شخصة . وكل مره تطلع جماعات عندها مقدرات مثل مقدرات البطل بس باختلاف الفاكهة تختلف المقدرات وهذي الفاكة ما تحصل في اي مكان ولي ياكلها مايقدر يسبح من بعدها بس يصير قوي ولكل شرير أغرب من الثاني بس كل يتسطرون عدل من البطل يعني اول واحد من المتحولين وهو قرش البطل لما غلبة ما تععصر بس يدافع عن ربعه وتذكر ربعه وصار قوي وسبحان الله تقول موصلين شاحن يعني كل جمبه في القتال بس الي عاجبني في البطل ان حزت الضرب ضرب ما فيه يمين يسار .
يالله شباب هذا الي قدرت اقوله اليوم
يالله قولوا لنا شنو رايكم بهل الامور التي تم ذكرها مع ذكر اي نقطة نسيتها XD
Angle
رد مع اقتباس
بس لو هذا المسلسل بايخ وما يستاهل كان ما أخذ المركز الأول على مدى أربع أو خمس سنين صح؟وبعدين اليابانيين نفسهم يحبون الأشياء الخياليه سواء كانت أكشن أو غيرها لأنه لو مافيه خيال كان ماتوصلوا للي هم عليه الحين 
المشاركة الأصلية كتبت بواسطة smarty
