الرجاء المساعده متاهة Tomb of Winkown King ... ف ف 8

[زيــل]

اهلين شباب وصبايا...

كيف الحال إنشاء الله بخير
يا شباب في المهمه الأول في لعبة فاينل فانتسي الثامن
لما تروح لمكان اسمه Tomb of Unkown King

انا تهت بالمتاهه صرااحه ما ادري وش اسوي .. زين اني حفظت قبل لا ادخلها

المهم قعدت امشيء واخربط واخر مره رحت جدام ضهر لي نفس الصخره مكتوب عليها كلام ما ينقرها وآخر شيء مكتوب طريقة الخروج وخرجت من المتاهه اللحين السؤال هو:

كيف اعدي المتاهه هاذي؟؟

السؤال الثاني:
متى القى وحش الأستعداء اليكساندر؟؟

[ريـــنــــوا]

أنت لازم تكون أشتريت علامه X من الحارس على الخريطه عشان تعرف أنت وين.
أول شيء خذ الرقم الي على السيف و أكتبه أفتح الخريطه و روح جهة اليمين للغرفه أقصى يمين المتاهه و حارب أحد البرذارز و بعدين روح للغرفه الي في الشمال و فك السد و بعدين روح للغرفه الي باليسار و حرك الرافعه و بعدين روح للغرفه الي في وسط المتاهه و أحفظ قبل ما تروح لها و استعد للبرذرز.

الكساندر تأخذه في نهايه الشريط الثاني من ايدا.

[زيــل]

ما فهمت شيء!!

لاكن انا خذت الX ورحت لمنطقة Tomb Of King Unkown ... وراح احاول اسوي اللي قلتيه لي!!

[شتاينر]

بالنسبة لهذه المتاهه لازم تشتري الخريطة من الجندي الي موجود في المدينة , بعدين بتروح على المقبرة ورح تلاقي انه هذه الخريطة فيها 4مناطق رئيسية ( في أقصى اليمين و أقصى اليسار والاعلى وفي المنتصف ) اول شيء روح على المنطقة في اليمين ورح تواجه الأخ الأول وبعد ما تهزمه روح على المنطقة الي في اليسار وحرك الدولاب وبعدين روح الى المنتصف من خلال الجسر ورح تواجه الاخوين معا ... هذا كل شي

[ريـــنــــوا]

كيف ما فهمت ؟؟


أنت حاول بس..

[زيــل]

مشكور فهمت من شتاينر ... ومشكورة يا رينوا انتي الثانيه اللحين فهمت منك .. راح اسويها اللحين ...

[شتاينر]

عفوا ... اطلب أي طلب ... انا مستعد ( عندي الحل الكامل )
نسيت أقول انك وانت بتمشي في المقبرة رح تصادق كلمة سر , احفظها ولما تنهي مهمتك في هذه المقبرة أعطي الكلمة للجندي ......

[زيــل]

لا شوووووكرااااااً ماعندي شيء ثاني لسه الجايات اكثر من هذه لما تيجي اعرف من اسئل!!

[ريـــنــــوا]

عفوا و اسفه انك ما فهمت مني ( اسلوبي غلط ).
الحمدلله ان شتاينر ساعدك و فهمت منه....

[سانشي كودو]

عفوأ يا أخت رينوا مو لازم يشتري الxوأنا حا أقولك كيف روح يميمن يمين ثم إرجع بعد ما تخلص المهمة في الغرفة وروح كمان يمين يمين وإفعل ذلك في كل الغرف

[ريـــنــــوا]

أعرف أنه مو مهم بس هي تسهل عليك المهمه.
أنا سويتها بالعلامه و من غير العلامه بس بالعلامه أسهل.

[سانشي كودو]

لكن إستخدامها سيؤدي إلى إهدار المزيد من النقود الي تفيدك في ركوب القطارات إلخ....

[شتاينر]

وليش كل هاد الطمع كلهم كم ألف بس ... بسيطة

[زيــل]

شوكراً عديت هالمرحله وخلصت الدسك الأول اللحين انا بالدسك الثاني

ويا رينوا انا فهمت منك لاكن مش عدل فهمت منك تقريباً 75% وبعدين جا شتاينر وثبتها وسارت 100% ولاكن ما ابيك تزعلين !!

[ريـــنــــوا]

لا ما زعلت ولا شيء... ليش أزعل أصلا.

يله بسرعه خلص الشريط الثاني لان الثالث أحلى شريط باللعبه.