Gamestop.com و EBgames.com يفتحون باب حجز الـXbox360 على الشبكة

[Cyber Master]

ارسل اليوم موقع ebgames.com للمشتركين في قائمة مراسلات الموقع وصلة للدخول على قائمة خيارة حجز الجهاز قبل ان يطرحها للعموم على الشبكه
ومثل عادة هالموقع مع كل جهاز جديد سوا بندلات للجهاز مالك خيار غيرها (الا لو كنت موجود في امريكا ممكن تحجز من احد محلاتهم مباشرة الجهاز فقط )
البندل الأول

Xbox 360 Ultimate Bundle
$699.92
This bundle includes:
Xbox 360 Premium System
Xbox 360 Game Console
Wireless Controller
Combination High-Definition Component and Standard A/V Cable
20GB Hard Drive
Ethernet Cable
Headset
Universal Media Remote
Xbox Live Silver
Xbox Live Gold 30-Day Trial
Perfect Dark Zero Limited Edition
Dead or Alive 4
Kameo: Elements of Power
Project Gotham Racing 3
Extra Wireless Controller
Play & Charge Kit (for extra controller)
Rechargeable Battery Pack (for included controller)

Xbox 360 Core Bundle
$599.93
The Xbox 360 Core Bundle includes everything you need to hit the ground running. Plug in the console and controllers and fire up one of the four games included. Then decide what extras you add and when—it's expandable to the full Xbox 360 experience.

This bundle includes:
Xbox 360 Core System
Xbox 360 Game Console
Wired Controller
Composite A/V Cable
Xbox Live Silver
Xbox Live Gold 30-Day Trial
Perfect Dark Zero: Limited Edition
Dead or Alive 4
Kameo: Elements of Power
Project Gotham Racing 3
Extra Wired Controller
Memory Unit (required to save games without hard-drive)

http://www.ebgames.com/ebx/categorie...60/default.asp

وبعد ماحجزة البندل الأول طلع المجموع
Discount -$25.00
One-Day Air Shipping $20.99
Tax $57.76
Total $753.67
مجبر اخاك لابطل احسن لي من نصب المحلات الى عندنا
طبعا هذا بدون حساب قيمت الشحن الى بتاخذها مني ارمكس لما توصله للرياض

[FARES360]

انا رفيج أبوي قاعد بأمريكا وبيرجع من أمريكا شهر 1 أبوي دزاله 400$ .. عشان يشتريلي الجهاز وهو راجع
بس ما لحقت أقوله اي جهاز ابي .. بريميوم ولا كور .. بس طاف المهم xbox360 لوول

[soul_UAE]

اخوي Cyber Master مبروك عليك الجهاز مقدما وانشاء الله تتهنابه.......

بس كم تتوقع تاخذ عليك شركة ارامكس على الشحن ؟؟؟؟؟؟؟؟؟؟؟

لاني ناوي انا بعد اشتري من النت مستقبلا ...........

[Cyber Master]

soul_UAE
الله يبارك فيك اخوي
بالنسبه للتكلفه حقت الشحن صراحه ماقدر احدد لأنها تعتمد على الوزن حق الشحنه والصراحه ماعندي اي رقم تقريبي للوزن حق هالبندل عشان ابني عليه
لاكن اتوقع بشكل عام ماتقل عن 300 ريال ولا تزود عن 500 ريال
وبعدين اسعار الشحن عندنا تختلف عنكم الظاهر
شف الأسعار حقت خدمة شوب ان شيب هنا
http://www.aramex.com/shopandship/Rates.aspx
عاد على حسب الوزن الى تتوقعه للطلبيه احسبها

[سعود]

سؤال يسدح نفسه

مو انت طلبت الجهاز من الموقع وحسب عليك الشحن تقريبا 45

وصار المجموع 735 دولار

فهل راح تدفع غير هالمبلغ ؟؟؟؟


لانه باذن الله راح اطلبه لكن على الله يزيد الراتب

[THE_MATRIX]

جزاك الله خير اخوي ^^..
يالت اخواني واحد يكت لنا طريقة الشراء من الأنترنت بالتفصيل
يعني شو المتطلبات و الطريقة و يعطيك العافية اخوي ..

[boxman88]

السلام عليكم
انا راح اطلب الجهاز من بره بس مو الحين
بنطر لين ماتنزل عروض مميزه ويمكن تخف الأسعار وتنزل الألعاب الحلوه
وذاك الوقت راح اشتريها من بره
لانكم تعرفون النصب الي يصير عندنا اول ماينزل جهاز يديد

[EVIL KNIGHT]

انا ولد خالي بروح امريكا في رمضان وببعت معا الفلوس عشان يجيبلي الجهاز معا لأني بصراحة ما اشجع الشراء من الإنترنيت لأني مرة شريت من النت جهاز اكس بوكس قعد شهرين لما وصل بعدين لما وصل طلع مخترب وحالته حالة عشان كذا انا حرمت شراء اي شي من النت حتى لو كان ايش ما يكون
احسن حل اذا سافر اي احد من الي يصيرونلي اعطي فلوس ووصي علي ابي ويجيبلي إيا بأحسن حالة ولا بعد ايجيبلي معا أغراض زيادة مثل أشرطة ويدين زيادة

[soul_UAE]

طلع الشحن يكلف اكثر من الي توقعته ........

انا اجلت فكرة شراء الجهاز بسبب الالعاب الي بتصدر معاه لانها وبصراحه مش عاجبتني وخاصه بندل المعروض حالي ا....و انشاء الله بس تنزل اللعاب رهيبه مثل غير اوف وور وغيرها انشاء الله بشتريه ......

اخوي THE_MATRIX ........ بالنسبه للشراء من الانترنت ......... فكل الي تحتاجه انك تتوجه لاقرب فرع ارامكس ........ وهم بيشرحون لك طريقة الاشتراك والتكاليف واذا عجبتك الفكره والاسعار اشترك .لانهم يتكفلون بكل شي.... يفتحون لك حساب في البنك مع رصيد 100 دولار ومع صندوق بريد في اميركا للمواقع الي بس تبيع داخل امريكا وصندوق بريد في بريطانيا ....... وكل هذا على مااعتقد يكلف عندنا في الامارات 520 درهم ........ وظيف عليهم رسوم التوصيل عند الشراء من النت .... يعني على حسب الوزن لكل نص كيلو 8 دولار تقريبا واذا انته في جده اعتقد 15 دولا لكل نص كيلو ........و يقل السعر لكل نص كيلو اظافي .......... واذا تحب معلومات اكثر عن ارامكس زور ها الموقع .....

http://www.aramex.com/shopandship/Rates.aspx

واعتقد اكبر فايده للشراء من النت هي شراء الاجهزة الي مظاعفة اسعارها في سوقنا مثل اجهزة الالعاب الجديده يعني في اول شهور الاصدار الي تكون فيها الاسعار مظاعفه:vereymad: ......... وتقدر توفر عند شراء كمبيوتر او قطع جديده للكمبيوتر مثل كروت الشاشه والمعالجات ..........

[THE_MATRIX]

لووووول ..
جوف مكان الأقامة ابوظبي ^^..
بس اخوي وايد غالي >< ..
احسن اشتريها من هني ..

[Cyber Master]

سعود
تكلفت الشحن الى تشوفها هذي حقيت شحن الجهاز من احد محلاتهم بالطياره الى صندوق بريدي في نيويورك
يجي بعد كذا تكلفت نقل الشحنه من صندوق البريد في في نيويورك الى الرياض والى زي ماقلت راح يكلف تقريباً مابين 300 الى 500 ريال لأن الشحنه مهو بسيط وزنها

وعلى فكره ياشباب ترا البندل هذا لو تحسب قيمت القطع الأضافيه الى معه تطلع تكلفته الفعليه حوالي $720 (مدري كم بيصير سعره لوحسبناها بطريقه المحلات الى عندنا ) يعني هو فيه توفير للي يبغى هالأضافات بس مشكلته انه يجبرك على الألعاب الى هم مختارينها وبالسبنه لي قابل اختيارهم ماعدي DOA 4 ماني متحمس لها

لا كن طبعا نتوقع خلال الأيام الجايه تجي عروض اخرى من مواقع ثانيه وللي مهتمين بحجز الجهاز من النت خلكم متابعين موقع امازون ممكن تنزل فيه عروض للجهاز فقط والجهاز ترا عليه حجوزات كبيره يعني ممكن لو تأخرت في الحجز ماتلحق اول الدفعات

[سعود]

لا اجل هونت


خلني اوفر الفلوس لملابس العيد هههههههه

[Cyber Master]

شوفو بندلات Gamestop
http://www.gamestop.com/productmerch.asp?groupid=310
الله يحلل EBgames عنده

[Emirates]

eb games

ما ينفع كريديت كارد او فيزااا ؟؟؟؟

لازم بطاقه من عندهم ؟؟؟؟

[Cyber Master]

Cervantes
لا من يقوله لازم بطاقه من عندهم ؟
ينفع الكرديت كارد سواء ماستر كارد او فيزا وانا استخدم ماستر كارد معهم
بس لاحظ انهم كاتبين تحت
These bundles will ship within the continental U.S. only and cannot be shipped to P.O. or APO boxes
يعني مايشحنونه خارج امريكا لذلك لازم يكون عندك صندوق بريد في امريكا عشان تلطبه منهم