تلايص من نوع آخر !
أظن كان عندي أيام زمان نرجسية زايدة !
كنت أكتب اسم كل موضوع كنت أنزله أو في كل نهاية رد ( السماء الذهبية ) هههه الاسم أصلا مدري كيف جاه كنت توي أقدر اربط كلمتين انجليزيتين مع بعض ..
مرة كتبت موضوع ( السماء الذهبية )
وهو نبذة عن شخصيات كونان .. فكانت أحدالتعليقات :
golden_sky
والله ما عرفنالك؟؟؟!
انت كاتب بالموضوع السماء الذهبية(اسمك) والموضوع الأساسي كونان؟؟!
ايش؟؟؟؟؟؟؟؟؟؟؟؟؟؟
كونان يقربلك او هو شخصيتك السرية!؟؟؟؟؟؟!
هههه
تعليق آخر ..
المهم مشكور على هذا الموضوع ولا دخلته الا متأخر بسبب عنوانه(السماء الذهبيه)؟؟؟؟؟؟؟؟ وما ادري ايش المعنا منه..
--
هذا حديث دار بيني وبين شخص الله يسامحه >_< أيامها كنت مرابط في منتدى ميتل جير ، كان يقول تقدر تلعب بسنيك في مقطع رايدن ( الجزء الثاني طبعاً ) !!
كنت متحمس أعرف الحركة وأضفته في المسنجر .. وقالي طريقة طويللللة وفي النهاية نزل موضوع يقول ( تم التهكير على عضويتي ولا تستطيع أن تلعب بسنيك في مقطع رايدن )
ومن يومها وأنا ما أطب منتدى البلاي خير شر
هذا حوار دار بيني وبينه في المسنجر ( وضعته كموضوع قديما ! )
- GS : من فين جبت الميوزيك حق عرض ميتل جير البداية ؟
**** : هايدو كوجياما ارسلي هو ( ههه وأنا أهبل صدقته !!! )
GS: عندك ايميله ؟
**** : ايه خذوا
وبالفعل أضفته ، لكن ....
بعد فترة سالته
GS : ياهو مافي ايميل زي كده
**** : هايدو كوجياما مسوي خدعة عشان محد يضيفه هو رح يضيفك بعد يومين ..
تخيلوا مشي هذا الكلام علي ههه والله كنت متلايص ودايخ لآخر درجة !
سبحان الله .. وأنا أناظر ردودي أقول هذا مو أنا >_< مختلف كلياً عن شخصي الحالي !
خاصة الأخلاق .. غير عن أول ، كنت دايم أتشاحن وأسب !
الآن .. ابعد عن الشر وأغني له ~^-^~
بأذكر موقف حصل لي من فترة مهي بعيدة ، أختم بيه .. ماله علاقة بالموضوع ، لكن بصراحة كان كورس أخلاق بالنسبة لي .!.
يوم وأنا راجع من الجامعة واحد سقط علي ( دخل عرض
) وكان حادث لولا الله !!!
عاد أنا أنواع السب .. ما فيه سبة ما قلتها !
وشاء الله إن تكون فيه إشارة حمراء وزحمة ..
بالصدفة .. أناظر من المرايا الجانبية ، ألقى واحد كور ( أسود
) -الي سقط علي- ينزل ويتجه لي !
وقتها كنت بأبكي >_< أنا أشتم لا إراديا ، تفريغ غضب مثل ما يقولوا لكن ما أقدر أسب وهو أمامي! كل شيء إلا المواجهة !
فكرت في كل شي وهو يتوجه لي .. فكرت إني أترك السيارة وأهرب ، فكرت إني أمسك الجوال وأقوله كنت بأسب واحد أكلمه ، فكرت إني أدافع عن نفسي بعصاية لكن ما فيه ، فكرت إني أطلع الرصيف فكرت فكرت فكرت .. فكرت في 200 طريقة لكن عاجز أسوي أي شي ( شكاماروا على غفلة >_> ) ..أطرافي تجمدت
في النهاية قلت أفتح النافذة لكي ما يكسرها .. تخف الأضرار
!
لكن الحمد لله طلع الكور واحد عجوز مثل مورجان فريمان وكل الي فعله إنه نصحني ..
ومن يومها وأنا أحاول أبعد عن السب والمشاكل ..
فين هذا الموقف عني قبل كم سنة
يالله ، نعوض في الجاي >_>
ههه أدري الموضوع ملخبط ومو مفهوم ( موضوع متلايص
)
لكن فلة الواحد يتذكر أيام تلايصه .. وناسة
وهيا لا تجحدوني طلعت أغلب فضايحي والآن دوركم
والمواضيع القديمة من قائمة الاشتراكات موجودة يعني ما فيه عذر
here 
سلام
<< شو السالفه
المشاركة الأصلية كتبت بواسطة leopard
