السلام عليكم
وكالعاده لازم اطل عليكم بموضوع يديد وسالفه يديده ...
ادري سوالفي ما تخلص ..لكني احب اتشاركوني باللي يستوي وياي من بلاوي في حياتي الواقعيه خخخ
على العموم بدخل في الموضوع
يمكن محد يعرف اني مريض بفقر الدم ودايما ماتكون عندي مراجعات بالعياده اللي اروح لها .. واليوم سلمكم الله .. محد يقولي اليوم الجمعه وكلهم امسكرين... تراها عياده خاصه .. المهم بعد ماسوولي فحص دم ... وانا انتظر زقرني <ناداني> الدكتور وكان وياي ابوي <<< لصقه خخخ ... تم يخربط اشوي وجان يقول حق الوالد
الدكتور: تعال حصلنا كحول بدمووه <<< تراه سوداني
الوالد المسكين جحظت عيونه واشوفه ماسك العقال...
وانا المسكين خايف واقطع بالكلام
واقوله : هدي اللعب هدي اللعب كل شي بالتفاهم يصير .. اكيد السالفه فيها ان ...
ابوي: تشرب من وراي وانا واثق منك واخرتها اتسود ويهي
انا: والله اني مااشرب .. يمكن اشرب بس مب اللي في بالك <<< فاضي ..
الحمدلله في هاي اللحظه ادخل الدكتور سالني : شو شربت اليوم ؟؟؟
انا : والله ما شربت والله ماشربت <<< علق الشريط
الدكتور : يابن الحلال انا اقصد شو شربت من مشروبات يعني ماي ولا عصير ولا غازات .. قول
انا : اممم قبل لا اييكم بشوي كنت اشرب رد بول وانا في اليوم اشرب يمكن خمس قواطي رد بول << مدمن رد بول
الدكتور : ايوااا .... لا تكثر وايد من الرد بول في اليوم الواحد ..
ابوي ... اهااا .. جذي السالفه ... طلعت ريال
انا ::vereymad: :vereymad:
الخلاصه ... سبحان الله شوفو تاثير الرد بول
انا ما كنت اتوقع انه خطير ...
اذكر واحد عبيط يقولي اذا كنت تبغي تسكر ما يحتاج ادور على عزكم الله خمر .. كان يقولي في عدة طرق بس محد يجربها
ّDon't try it at home
حط 3 حبات بندول في كوب بيبسي وخله يذوب واشربه بعد فتره << انا ما اعرف شو النتيجه لكن انتو جربو وخبروني
او اشتر مشروب باور هورس وحطه في الشمس ساعتين تقريبا وبعدين اشربه
او اشتري صمغ اوهو من المكتبه واستنشقه
اتصدقون اني شكيت فيه ... هذا اكيد منحرف
خلاص قولو وياي لا لرد بول .. لا لرد بول
اخر شي ابغي اسال اهل العلم والمعرفه .. هل الرد بول واللي على شاكلته حرام؟؟؟
لانه مثل ما تعرفون ..ما اسكر كثيره فقليله حرام
تشاااو
؟
الله يعينك مثلي .. ><: