لكل راغبى الالعاب الاصليه فى "(مصر)" الان virgin فى مصر

[A_Tiger101us]

اكيد طلباتك اوامر ^^
+ انا كنت ناوى اشيله فى خلال يومين بس كنت عاوز اوصلها لاكبر عدد من المصريين اللى ارعفهم و معنديش مكان فى التوقيع ^^

[cizer_shnider]

بتتكلم بجدددددددددددددددددد

بجد والله فيه كل الالعاب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ارجوك ريح قلبي انا باذن الله رايح بكره حشتري بلاوى


بس هل هو محل كبير ومتخصص فعلا في الالعاب الاصلية فقط ؟

[cizer_shnider]

صحيح يا جوفي معلش سؤال

رخيص زي المحل الى قلتلي عليه قبل كده ولا غالي ؟ لانى اشتريت سوات من المكان الى قلتلي عليه وكانت ب 275 جنيه بس فياريت تكون الاسعار هناك كده كويسه

[cizer_shnider]

معلش سؤال كمان استحملنى الله يخليك بس من المفجاه مش عارف ارتب افكاري

دلوقت لعبة هاف لايف 2 بيكون فيها كاونتر استرايك بكل الفيرجنز بتاعتها ولا دي مستقله عنها لازم اشتريها علشان نا عايز العبها اونلاين ياريت تقولي بالظبط وتشرحلي ههل فقط اشتري هاف لايف 2 واعمل ابديت وحتنزل عندي كل اللعب ولا دي لعبة مستقله

[cizer_shnider]

معلش سوري سؤال كمان كالعاده

بعيد عنك مش متعودين على النضافه

انا قررت اجيب هاف لايف 2 ان شاء الله و WOW مع كرت شهرين بس المهم هل الكروت شفتها بنفسك هناك ؟علشان الواحد حتى يجبله كرتين احتياطي وياريت زي ماقلتلك في الرد السابق تقولي هاف لايف 2 معاها الكاونتر بتاعتها ولا لا ضروري جدا علشان الاون لاين

وعموما بالنسبة للعبتين جهازي حيشغلهم عادي كويس مع العلم ان سرعة اتصالي 2 ميجا لوحدي معيش اي حد على شبكة يعنى الحمد لله سريع جداااا لكن المشكلة ان جهازي لسه زي ماهو 1.7 بانتيوم فور والكرت 5200 FX فهل حقدر العب باللعبتين كويس معايا مؤقتا على بال اجيب الجهاز الجديد ان شاء الله ولا لا علشان مارميش فلوس علي الفاضي الله يخليك تجاوبنا على كل الاستفسارات لانى رايح بكره بدري باذن الله اول ماصحي وعايز اشوف الردود قبل مامشي الطريق طويل من المعادي لمدينة نصر والعربية هلكت

[GOFY_K]

السلام عليكم

ما شاء الله كل ديه ردود
شكرا اخى دكتور على الرد الجميل
اخى العزيز سيزر بالنسبه للاسعار هيه للاسف نفس الالسعار يعنى مش هتلاقى لعبه جديده تحت الـ
200
و بالنسبه للمحل فهو محل مش كبير بس ده عملاق و هو محل عالمى او ميجا ستور بس هو مش متخصص فى الجيمز بس لكن فى حاجات كثيره يعنى زى كارفور بس شيل منه اقسام الاغذيه و الصحه

و لو اشتريت هاف لايف 2 هيكون معاها كونتر سترايك سورس بس . لكن لو عايز كونتر 1.6 يكون احسن انك تشترى كونتر كوندشن زيرو و بيكون معاها مجانا كونتر 1.6 و هيه موجوده بردو هناك

و انت اول لما تشترى هاف لايف 2 و تستبها و تسجل برنامج الستيم بتلاقى معاها على طول كونتر سورس.

و بالنسبه لجهازك جيد مع كونتر سورس و لكن يفضل انك تخفض الدقه شويه علشان تلعب كويس.
اما لعبة واو فهو جيد ايضا معها.

و بالنسبه لاتصالك فهو ممتاز فانا املك 1 ميجا و لوحدى بردو و ممتاز جدا معى فمابالك بـ 2 ميجا

اى سؤال انا تحت امركم

[cizer_shnider]

تسلم يا جوفي بس انت مافهتمنيش

انا عارف ستي ستارز والله روحته كتير انت محسسنى انى فلاح ياراجل انا اقصد فيرجن نفسها محلها كبير ولا صغير ومتخصص العاب بس ثانيا بالنسبة للسعر رائع انا ماقلتش غالي لانك قبل كده قلتلي لو تتذكر على شركة فري تك واشتريت منها سوات فور زي ماهو واضح في توقيعي بلعبها اونلاين وكانت رخيصه ب 275 جنيه فلو كل الاسعار هناك كده تبقا رائعه المهم :

يعنى كونديشن زيرو موجوده وهي احسن من كاونتر استرايك سورس صح ؟

اوك دي ان شاء الله اجيبها بس مستني نصيحتك اجيبها ولا اجيب هاف لايف 2 لانى قدامي اساسي اجيب ان شاء الله واو علشان حلعبها باذن الله معاك وتعلمهانى <<< ورطك

ولعبة rome total war يارب تكون موجوده مع النسخه الجديده طبعا غير كروت لعبة واو فقدامي كده لعبة كمان ومش عارف اجيبها هاف لايف 2 ولا كاونتر سترايك ياريت تنصحنى ايه الافضل اونلاين بحكم تجربتك

وعموما ساعات قليلة واروح لانى مش عارف انام بصراحه من الحماس بعد صلاة الجمعة بشوية حروح فياريت ياباشا معلش تحملنى شوية في الاسائلة

[A_Tiger101us]

اجاوبك ياعم

كوندشن زيرو دى لعب فردى انت و فريقك ضد الكومبيوتر
بييجى معاها كاونتر ستريك 1.6 << اللى فى محلات النت لو تعرفها لكن مع تحديثات كتيره
او تشترى هاف لايف 2 بييجى معاها كاونتر سورس ( افضل اصدار من لعبة كاونتر فى نظرى )
عموما لو بتهتم بان جرافيكس اللعبه يكون رهيب خدلك هاف لايف 2 و كاونتر سورس جرافيكسها ولا احلى
اما لو عاوز تلعب اى حاجه فخد كاونتر العاديه 1.6 <<< بكرهها GRRRRRRRRRRR
لعبة روم توتال وور اعتقد الاصدار الجديد لسه منزلش
لكن عموما هى اضافة add on للاصدار القديم على حد علمى
فاشترى الاصدار القديم ( المالتى بلاير رهييييييييييييييييييييييييييييييييييييييييييييييييييييييييييييييييييب << خصوصا لما تلعب ضد واحد مبيعرفش يلعبها P: )
سلاموز

و مبروك ياعم الكالم لعبه دول عقبل ما اجيب واو فى العيد ان شاء الله

[cizer_shnider]

باركووووووووووولي

روحت فيرجن ياجماااعه فظييييييع خرافي لم اري في حياتى معرض ميديا والعاب زيه في حياتى ولاول مرة في مصر انصحكم بالذهاب فورا والاسعار خرافيه لانها الرسميه ومافيهاش اي تجاوز او نصب خطير بمعنى الكلمة

الخبر السئ لم اجد هاف لايف 2 ولا WOW للاسف ولا حتى Rome Total War ولكن وعدونى بانها فعلا في الطريق لانها انتهت بسبب الاقبال الكثير عليها المهم ياجماعه في العاب كثير جدا جدا جدا جدا هناك رائعه تستحق الشراء فعلا بسرعه

عن نفسي اشتريت فقط اليوم lord of the ring battle of middle earth وسعرها بالظبط 284 جنيه ولعبة medal of honor pacifi assult وسعرها مفجأه ب 90 جنيه فقط شئ غريب
وساذهب قريبا لشراء العاب اخري زي جنرالز وباتلفيلد 2 وواو وهاف لايف تو بس يارب تنزل

جوفي تلعب معايا لورد اوف ذا رينج ؟

يلا عايزين مصريين يروحو يشترو بسرعه ويشاركونا عايزين ندخل السيرفرات العالميه

[A_Tiger101us]

زعلتنى و الله بخصوص ان واو مش موجوده اليومين دول
بس باذن الله تكون نزلت على العيد
ييييييييييي مش قادر استنى

[GOFY_K]

السلام عليكم
فعلا هاف لايف 2 و WOW مش موجودين ؟؟ غريبه فعلا ده انا يوم الافتتاح كنت شايف تقريبا صفين كاملين للعبتين دول بالذات معقوله لحقوا يخلصوا بسرعه ديه
واضح ان مصر كلها كانت منتظره المحل ده يفتح
بس هما قالولك ان اللعب فى الطريق ؟ لانى لسه النهارده كنت عايز اشترى كارت WOW تانى
فعلا انت زعلتنى جدا بس انا كنت عايز لعب مش موجوده عندهم قالولى ان ممكن يجبوها من فرع تانىمن الخارج خلال يومين .

و على فكره كونتر سورس هى اروع لعبه FPS على الاطلاق و هى افضل اصدار من كونتر.

اتمنى ان تصل الكروت سريعا جداااااااااااااااااااااااااااااااااااااا

[A_Tiger101us]

خبر سعيد
واحد صاحبى فى السعوديه كنت ساعدته شهر 6 اللى فات فى حاجات ببعض الالعاب و ما شفته من بعدها
مادرى خير اللهم اجعله خير جه يكلمنى امبارح بيقولى انت عنوانك ايه
قلتله ليه السؤال ؟؟
بيقولى اشتريتلك سورس و عاوز ابعتهالك ...........
ارزاق ^^ << اللى يعمل خير فى حد ربنا مبينسهوش ^^
لكن واو باذن الله هشتريها فى العيد
معرفش سمعتو عن لعبة كال ولا لا لكنى مسحتها و مسحت كل الى كان ليه علاقه بيها للابد و بجهز نفسى لواو و بدات اقرا الجايدز بتاعها ^^

[cizer_shnider]

جوفي هما فعلا قالولي حيجيبوها تانى باذن الله وخلي بالك الظاهر في كولكشن جيمز جايه جديد كمان قريب لان الارفف بقربت تخلص على فكره من عندهم وبعد اسبوع باذن الله حروح تانى اجيب شوية جيمز ويارب الاقي واو وهاف لايف علشان حجيب لعب كتير قبل ماتخلص وان شاء الله تلاقي الكروت بس ياريت ياجوفي انا وانت بقا لو حد فينا راح وشاف حاجه يقول للتانى

جوفي استئذنك ممكن الماسنجر ياباشا عايز العب معاك باتل اوف ميدل ايرث ونتفق على الى يروح فيرجن ويلاقي حاجه يقولها للتانى
على فكره لعبة ميدل اوف اونور حلوة والله مش زي الناس ماهي فاكره ورخيصة جدا والسيرفرات طريقة لعبها حلوة اوى برضة يعنى ممكن تشتروها مؤقتا على بال ماترجع هاف لايف 2

وماتنسوش المفجأه قريبا ايدج اوف امباير 3 حتنزل عندهم باذن الله قريب برضه علشان نلعب مع بعض ياشباب

عموما يا جوفي النك نيم بتاعى في لعبة باتل cizer

تايجر بااشا مبروك على اللعبة بس نصيحة ياريت بجد تروح فيرجن حتلاقي العاب كتير ماتتسابش انا شكلي حلغي موضوع جنوط العربيه واروح للمحل ب 5000 جنيه

والله حفلس

يلا شباب ربنا معاكم

[New Horizon]

ربنا يخلي التورنت إلي بنزل منه الألعاب.....

عارفيين أنا عمري ما اشتريت ولا لعبة أصلي لأن الكوبي موجود ولكن للعب على النت فهذا موضوع ثاني
لأني لم ألعب على النت في حياتي "سوى هذه الأيام ألعب HALO على النت عشان مش محتاجة نسخة
أصلية".......

بس يا شباب بالراحة على المحل وشراء الألعاب ومتشتروش عمال على بطال عشان بعض الألعاب
مالهاش داعي انك تشتريها أصلي أو انك تلعبها أساسا.....

على العموم لو لقيتوا Splinter Cell 3 تبقوا تقولولي عشان أشتريها لأني زهقت ونفسي ألعبها....

وشكرا

[A_Tiger101us]

الف شكر ياعم الحج على الاخبار اللى تفرح بجد ^^
و عموما انا ان شاء الله مش هيعدى العيد على قبل ما اكون رحت و جبت واو + اشتراك شهرين او يمكن اكتر
مش هوفر مليم من العديات هههههههههه