Gitex~

[Angel whisper]

السلام عليكم ..

من عقب ما كلينا ربعنا السعوديين وغيرهم على سالفة جيتكس .. قلت خل احسن افتحلها موضوع منفصل .. نرمس فيه على كيفنا عنه .. خاصة من عقب ما سرتله البارحه ..

المهم ..

انا على بالي انه بنسير المعرض .. فقلت انه ما يحتاي اييب ويايه فلوس او اي شي ..

وعاد تزهبت وجيه وyay لانه يمكن اشوف مدير اخويه في المعرض واحصلي وظيفة من الحين ..

HOWEVER

يوم وصلت الكلية اكتشفت ان الرحلة للسوق مب للمعرض ..

وحسيت جنه axe ضربني على راسي من القهر .. "Honey & Clover ep23 reference"

عاد قلت يلا .. بعد شنسوي .. هاذي هي الدنيا ..

لكن يوم عرفت ان كلاس ربيعتي بيسير المعرض بدال السوق .. وصلت حدي ..

وطرشت مسج حق اخويه اللي يشتغل هناك نصه شتايم ..

وهو رد عليي وهو يضحك .. -__- قهر ..

ووصلنا مركز المعارض في المطار ..

واول ما نزلت .. شفت يمكن ولا 100 ريال متيمعين عند البوابه ..

المعرض يفتح الساعه 11 .. وهم مساكين يايين من وقت .. ومحد مخلنهم يدخلون ><

وقفنا ويا مدرستنا .. واحترقنا في الشمس .. وبدين فشلة .. كنا 17 حرمة واقفين بين هالرياييل ..

فقالت بالطقاق .. وقالت الحقوني ..

تجدمنا ودشينا .. وهذا اللي استوى:
Mr.Security:
I'm sorry Ma'am but you really have to leave.

Ms.Programming:
But why?!
Mr.Security:
No one is allowed here before 11 am

Ms.Programming:
But we are just a few women and we won't do anything .. at least let us stand here! we can't just stand amongst all those men!

Mr.Security:
A no is a no .. Get out of here now

Ms.Programming:
What kind of attitude is this??? have you no respect for others?? I'm telling you that we can't stand there because of men .. and you are telling me to get out??

Mr.Security:
Listen ..

Ms.Programming:
No I'm not going to listen !!! And you know, I'm calling Sheikh Mohammed now and he will know how to deal with you!!
-مدرستنا من عايله معروفه ويعرفون الشيوخ صدق-
and this will be on TV all over the country and everyone will know in what way does the Dubai Airport staff deal with their customers ..!!
شو هالتخلف يعني ؟؟

Mr.Security:
OK OK listen I'm sorry... you don't have to call anyone you can stand here ..

Ms.Programming:
يلا تعالو بنات

وكانو شي حذالنا اولاد من مدرسة ثنويه .. جنهم يوم شافو ان مدرستنا قدرت تدخلنا .. قالو هم مب احسن عنا بعد .. ودشو كم واحد ..
وعقبهم دش مدرسهم وكلم السكيوريتي .. وما رضو يدخلون باقي الاولاد .. فتم هو داخل ويا الاولاد القبليين .. قالو مب طالعين مب طالعين .. شوو بتسوون يعني

وقبل الـ11 بشوي دخلو باقي الاولاد .. ومسكين المدرس يقوللهم .. وين ربعكم؟ يوقولوه ما ندري .. سر دورهم بروحك ..

انا صدق مادري كيف هالمدرسين مستحملين الاولاد .. يعني انا احس مستحيل ادرسهم اذا جيه يعاملوني ..

والاغرب ان المدرس مواطن وشكله شاب مب وايد عود .. يعني قدروه عالاقل .. الحين المدرسين المواطنين ينعدون عاليد .. -_-

ويلست انا اقرقر في الموبايل ويا اخويه وهو يضحك عليي الين ما دشينا ..

عاد انا اول ما دشيت .. سرت سيده قسم الالعاب
والله اسعار الاجهزة عندهم رخيصة .. بس الالعاب غاليه شوي
لقيت Makai Kingdom بـ240 ><
انا ما لقيتها كوبي فقلت بشتريها اصلية .. بس ماشي فايدة .. وايد غالية .. فطلعت ..

عقب سرت عند اللابتوبات في جاكيس -محل الكترونيات معروف في الامارات- وتخبلت على لابتوبات التوشيبا والالجي >< روعة ..

خسارة ان كلية النحس ما تبغي غير Dell T.T

اوف ولا الـiPods .. صدق قايم سوقهم ويا اكسسواراتهم .. بس لاحظت ان النانو اغلى من الـmini
لقيت الـmini بـ700 او 500 ما اذكر .. والنانو بـ900
هذا من غير الاكسسوارات ..
يجننون الـiPod socks ><

وكملت مشي .. درت شوي على محلات الموبايلات .. وشفت الناس طايحة بالنوكيا N90 ..
على الساعه وحده ونص كان هالموبايل out of stock!
مع انه كان غالي -2800 ارخص سعر لقيته له-

اوف ولا شاشات الكمبيوتر .. خبال -__- لقيت شاشات .. صدق تصيح من كثر ما كانت روعة .. في عمري ما شفت شاشات واضحة لهالدرجة ..

والكاميرات .. رخيصة بشكل
يعني كاميرات سوني اوف كان تجنن .. وكانت اسعارها معقولة .. ونفس الشي بالنسبة لكانون ونيكون ..

وقطع الهاردوير في اغلب المحلات كانت متنوعة بشكل خيالي .. وباسعار رهيبة ..

باختصار المعرض كان روعه .. بس صدق الواحد لازم يجهزله مبلغ محترم .. لانه الاشيا اللي يبيعونها ما تتقاوم T.T

بس تعبت وايد وانا امشي .. مع اني ما اشتريت شي ..

ويمكن شفت آسفوه .. او واحد يشبهه .. مادري

[Lezard Valeth]

زين انج ما شريتي Makai Kingdom اصلية , ما تستاهل كوبي وايد عليها , اللعبة اوكي ما قلنا شي بس مستواها اقل من ديسقايا وفانتوم بريف , انا ما لعبتها ما ادري هذا واحد من الربع لعبها 20 ساعة وبعدين ما كملها , تكلمي اكثر عن قسم الالعاب شنو فيه بالظبط وشنو نظامهم ؟ <<< اثرتي اهتمامه

[Angel whisper]

هلا بمدمن 24
معقولة هي اخس عن فانتو بريف؟
مادري كان عايبني البطل .. شكله مستخف مثل لاهارل ><

المهم قسم الالعاب

كانو مسوين عروض خاصة على الاجهزة ..

اذكر اني كاسريتهم على الـDS ووصلت 480 درهم .. وشي DS عليها عرض خاص يتضمن اشيا ثانية بـ600
نفس الكلام بالنسبة للـPSP .. سعرها عادي بـ999 وويا العرض 1000 وشوي ..
وبعد اسعار باقي الاجهزة كانت لابأس بها ..
وكانو يبيعون البلاي ستيشن 1 ب300 وشوي ..

اما عن الالعاب فكانت اسعارها مختلفة .. كانت شي مجموعة باسعار خاصة لجيتكس .. 180 درهم وانته نازل للبلاي ستيشن 2 .. و70 واقل للجيم بوي ادفانس ..

اهم العاب لقيتها كانت YS:AoN .. آرك ذا لاد اليديدة .. ماكاي كينجدوم .. والعاب ثانيه معروفة .. بس كانت كلها من الالعاب اللي فوق الـ200 ..

العاب البي سي كانت كلها بـ150 واقل ..
بغيت اشتري guild wars بس مادري ليش غيرت رايي على آخر لحظة ..

الغريب ان الريال اللي يكلمني كان يحاول يبيعني العاب سخيفة .. من قوم كراش وفانتاستيك 4 ..

الظاهر ان النظرة للـgirl gamers ما بتتغير ابدا -.-

وكانو مسوين قسم لتجربة الاجهزة .. بس لاحظت ان اغلب الالعاب اللي حاطينها FPSs .. من قوم ميست ودوم وهاذيل يعني ..

بس كان حلو قسمهم ومرتب ..

اتوقع شي قسم ثاني في المعرض بس طبعا ما سرت هناك انا .. وحليلي انحبست في السوق ..

[BOOOB_2002]

جوال N90 عندنا بـ 3950 ريال بمعرض سيليوكوم

تشتريلي واحد من هناك

وبعد كان نفسي أشوف الابتوبات والكاميرات ما صورتي شي هناك اقصد ماكان معك كاميرا

[Electro M]

و الله يا مدرستكم قرمة
السيكيورتي الدلخ هذا لا يصير هندي بعد؟

وكملت مشي .. درت شوي على محلات الموبايلات .. وشفت الناس طايحة بالنوكيا N90 ..
على الساعه وحده ونص كان هالموبايل out of stock!
مع انه كان غالي -2800 ارخص سعر لقيته له-

هالجوال تقريبا كاميرته تتفوق بشكل بسيط على السوني اريكسون من ناحية تصوير الفيديو
اما السوني اريكسون يتفوق من ناحية التصوير العادي
و مع ذلك السوني اريكسون ب1400 و هذا ب2800 لمجرد انه موديل جديد
و الله يا نوكيا كل يوم تحمد الله و تشكره على اليوم اللي جت فيه لمنطقة الخليج

[BOOOB_2002]

عماد اي موديل تقصد من سوني اريكسون على فكرة N90 متفوق بعدة امور ..جيل ثالث وفيه شاشتين الشاشة الداخلية 256 الف لون والخارجية 65 الف لون وبعد فيه فلاش للتصوير الليلي وكثير من الميزات..

[Electro M]

الجيل الثالث ما بدا عندنا
اذا احنا تونا نبدأ بالرسايل متعددة الوسائط الجيل الثالث متى بيبدا اجل؟
اتكلم عن k750i شاشته تعرض 262000 و فيه فلاش و رؤية ليلية و بطاريته تجلس 400 ساعة في حالة انتظار و 540 دقيقة كلام متواصل و صغر حجمه بالنسبة لمعظم الجوالات و عرض شاشته 176و طولها 220
يعني عشانه جيل ثالث و كاميرا تتحرك و شاشتين - ما ادري ليش انت بتطالع شاشتين و الا شاشة واحدة؟!-
يصير ضعف السعر؟
لا و اصبر عليه شهر شهرين و بينزل سعره 700 - 900 ريال

[smigle]

يا عمي بلا جيتكس بال ويع قلب و راس

الله يخلي سوق نايف بس

كل المنتوجات المنزليه والعائليه والشبابيه والفيديوجيميه، أحلى بواريك في الشرق الأوسط تلقاها هناك بكل المواصفات وبأحلى الأسعار

وعلى فكره أنا تعرفت هلى واحد ليبي وواحد أيراني في آخر دوره لي في دبي، كلهم يقولون أن الأمدادات الألكترونيه مالت البيوت في بلدانهم كلها من سوق نايف

[BOOOB_2002]

الجيل الثالث ما بدا عندنا
اذا احنا تونا نبدأ بالرسايل متعددة الوسائط الجيل الثالث متى بيبدا اجل؟
اتكلم عن k750i شاشته تعرض 262000 و فيه فلاش و رؤية ليلية و بطاريته تجلس 400 ساعة في حالة انتظار و 540 دقيقة كلام متواصل و صغر حجمه بالنسبة لمعظم الجوالات و عرض شاشته 176و طولها 220
يعني عشانه جيل ثالث و كاميرا تتحرك و شاشتين - ما ادري ليش انت بتطالع شاشتين و الا شاشة واحدة؟!-
يصير ضعف السعر؟
لا و اصبر عليه شهر شهرين و بينزل سعره 700 - 900 ريال

هههههههه انا ماعلي اذا فتحوا الخدمة ولا عمرهم ما فتحوها انا حبيت اوضح لك ليش الجهاز سعره مرتفع شاشتين ملونات وكاميرا 2 ميغا بيكس وراديو وفلاش وذاكرة كبيرة وشكل انيق ... وفعلا سوني اريكسون شركة لا يعلى عليها لكن مع الأسف الدعم الفني لها بالشرط الأوسط وبالخليج تحديدا ضعيف بعكس نوكيا...

على فكرة يقولون انهم جربوا خدمة الجيل الثالث بمنطقة عسير ومدري الصراحة ليه عسير تحديدا

[القــعـقـاع]

This thread is useless without pics.....0__0

شفت يمكن ولا 100 ريال متيمعين عند البوابه

ريال و الا درهم...

[asf4ever]

ويمكن شفت آسفوه .. او واحد يشبهه .. مادري

أنا ما خليت كرن في المعرض ما رحته أكثر من عشر مرات>.>

عن Mr.Security .. فيه إثنينة لابسين بدلة رسمية سودة ونظارة شمسية..تقولون FBI إذا حد كلمه بوديه في داهية

خدمة الجيل الثالث ما أنصحكم تفكرون فيها..كلها غلى×غلى -__-

أنا حصلت فاينل فانتسي 11 النسخة الأمريكية بـ199 وكنت ناوي عليها بس ما أدري من إلي بيدفع كل شهر-__-

نوكيا N90 فاز بجائزة أفضل جهاز ملتميديا في معرض من معارض أوروبا...
أسميني بس تلعوزت من الـmp3 صرت ما أقدر أنطق الكلمة
أقول لربيعي قولهم شو أبي >>>فشيلة-__-

بحاول أسوي موضوع اليوم إن شا الله عن رحلتي..

[Angel whisper]

بوب:

آوتش

هو كان نازل عندنا بـ2800 و3100 اظن ..

ولا ما صورت شي لانه ما عندي كاميرا اساسا غير مالت موبايلي .. وتصويرها مب الين هناك فما تعبت عمري ..

عموما بشيك ويا ربعي واذا حد منهم صور ترى بنشر الصور هني



مادوه:

شو يعني قرمة؟

والسكيوريتي آسيوي .. مادري والله شو الدولة عاد .. بس كان ابيضاني .. مادري عاد من وين ..

على فكرة الاغلبية هني من بدت تستخدم الموبايلات بدت عالنوكيا .. فقامت تتشكى من ان الاريكسون كيبورده صعب .. فخلاص تعودو عالنوكيا وما قامو يغيرون عنه ..

بس اشوف اخويه عنده اريكسون ومرتاح عليه اكثر من اي نوكيا ..

وبعدين معقولة ما بدا عندكم الجيل الثالث؟ غريب ..

عموما احنا بدو عندنا الG3 من السنة اللي طافت بس بعدها الناس ما اهتمت فيها وايد لانه ما نزلت عليها موبايلات وايدة.. بس بدو يشتركون من يوم ما نزل النوكيا 6680



سميقل:

لا تنسى سوق الصنادق بعد ..!

ياخي ما يعيبوني غير الخليجيين اللي يعرفون لهالاماكن .. وناسة هههههه

القعقاع:
ما عندي كاميرا والله ولا كنت بصور ..
ريال ولا درهم؟
not funny~

آسفوه:
انته عندك نوكيا 6230؟
هاذيلا اشكره في ويوههم قلت: شو يتحسبون عمارهم من قوم ايجنت سميث مال الماتريكس ?
متأكد لقيت فاينال بهالسعر؟ لقيتها بـ150 في محل ثاني عيل O.o غريب ..
وبعدين مب لازم تنشر موضوع .. حط سوالفك هني

[asf4ever]

آسفوه:

انته عندك نوكيا 6230؟
هاذيلا اشكره في ويوههم قلت: شو يتحسبون عمارهم من قوم ايجنت سميث مال الماتريكس ?
متأكد لقيت فاينال بهالسعر؟ لقيتها بـ150 في محل ثاني عيل O.o غريب ..
وبعدين مب لازم تنشر موضوع .. حط سوالفك هني

عندي 3100 ملون جديييم هدية من أختي
أنا قعدت أحش فيهم جادميهم هذيلا
أنا قالي النسخة الأوروبية أرخص بس ما عنده
وعن الموضوع ففيه سوالف غير جيتكس
وتصدقين-__-
يمكن أروح جيتكس الحين..
بسير أشوف شو السالفة>.>

[Electro M]

إمرأة قرمة = تطلق على المرأة التي يعتمد عليها
بعدين انا ما قلت ان نوكيا فاشلة
بالعكس اذكى شركة جوال
لانه في بدايتها خلت استراتيجيتها هو سهولة الاستخدام اكثر من الناحية التقنية
و الحين لما كونت قاعدة كبيرة لها
صارت تنزل كل يوم موديل بنفس المواصفات تقريبا مع شوية تعديلات في الشكل و بالسعر الفلاني
مع العلم ان سوني تعتمد حاليا على نفس الشي السهولة و انا مثلك كنت اعتقد ان سوني اريكسون معقد
لكن كلها يومين و انا ناسي شي اسمه نوكيا من بساطة الجهاز

انا اول جوال اشتريته كان نوكيا و استمريت على نوكيا الى ان قررت اخيرا بعد ما زرت مواقع الجوالات للمقارنة من حيث المواصفات اني اترك نوكيا بدون رجعة و اتجه لسوني اريكسون
نوكيا تطلع اجهزة كثيرة
تخليك تتحسف على جهازك
تشتريه اول ما يطلع بالسعر الفلاني
ثم بعد فترة قصيرة نسبيا يطلع جهاز ثاني يخسف بسعر جهازك!

بوب
سوني اريكسون صار ينتشر و حاليا اكسيوم و اتصالات و شركة ثالثة نسيت اسمها صاروا وكلاء للجهاز

[dj_bo0oy]

يا عمي بلا جيتكس بال ويع قلب و راس

الله يخلي سوق نايف بس

هههههههه
صح السانك

الصراحة ماعجبني المعرض هذي السنة وايد العام كان احلى

بس احلى شي هذي السنة كان الربوت من شركة سوني







وهذا فيديو

1

2

< الي يبغي يشغل الفيديو لازم يكون عنده QuickTime >

بس السوق هذا السنة احلى لاني اشتريت شوية اغراض