السلام عليكم
كيفكم؟؟كيف رمضان معكم؟
المهم ندخل بالموضوع
صحيح عن شو بحكي الموضوع
والله مش عارفة
خلص وين حردتو هلا بحكي
اليوم بدنا نناقش قضية المدارس^^^ما انتو عارفين شغلتنا الشاغل المدارس....
طيب بدي منكم كل واحد يدخل ويحكي عن مدرسته...يعبر عنها...ايش اقرف اشي فيها....ايش احلا اشي فيها...
الموضوع مفتوح للجميع..
ادخل عبر كيف ما بدك..بس بدون احراج اللي مش شاطر بالعربي يفارقنا بريحة طيبة...الله يخليكم ..
بدي منكم موضوع تعبير كويس^^يعني مش تعبير اكم سطر حلوين^^
طيب انا هادا تعبيري..
مدرستي لاتوصف بكلمة او كلمتين..فش احلا من مدرستي^^ايو بدا الكزب^^طيب خلص بدي احكي عن اليوميات اللي بتصير عادة ..
اول شي بتدخل على المدرسة...بتتصبح بوجه المدير المكشر^^شوي وبقوم يضربك^^بعدين بتزور مكتب المدير ^^السبب هو التأخير عن المدرسة ^^..يعني شو رح يصير بس بتتبهدل
"بسيطة"..المهم بعدين بتتدخل على الصف..اول حصة رياضيات^^وطبعا بكونو الطلاب سهرانين طول الليل مأجلين النوم للمدرسة^^..وتبدأ معادلات س ص على المستوى الديكارتي
^^الله يعين^^بعدين باّخر الحصة تاخد اختبار بسيط حتى تشوف المعلمة ازا كنت نايم بالحصة ولا لأ
دايمن بالرياضيات عشان هيك النتيجة دائما لا تزيد ولا تقل عن 2\10^^ما شاء االله اللهم لا حسد^^بعدين تاني حصة تكون نحو .....ويا عيني ما احلا النوم بحصص النحو تلاقي كل الطلاب نايمين....وتمر الحصة بسلام بدون صواريخ ولا رشاشات
...بعدين حصة الانجليزي
...طبعا بحصة الانجليزي تكون نشيط ومصحصح...ومن كتر النشاط الزايد تنسى الحصة وتنتبه لحديث زميلك المشوق...والمعلمة تعطيك ورقة دعوة لزيارة الادارة...وتوقف عند المدير حصة كاملة مع بعض الكلمات الجميلة^^بقصد العكس^^التي توجه اليك من قبل المدير..بعدها تيجي الفسحة..يعني الفرصة او البريك...وتقعد تدردش مع الاصحاب ويمر الوقت بسرعة..(شو مبين زهقتو؟؟)نكمل بإختصار....وتمشي باقي الحصص وانت نعسان وتعبان وما بتصدق الا وجرس الحصة الاخيرة يرن...بعدين تطلع من المدرسة وانت....تسب على المدرسة واللي اخترع المدرسة واللي شارك في بنائها...اما بالنسبة للاشياء الحلوة بمدرستي هادي مش موجودة بتاتا......
بس خلاص.
يلا ورجوني ردودكم واشكو زي ما بدكم..
وكتابه نص نص
المشاركة الأصلية كتبت بواسطة Squall 9
