المتزوجات وما ادراك ما المتزوجات
اهلا بكل شخص حاب يقرى موضوعي واوعدكم اني اتركم تفكرون بعد هذا الموضوع0
حبيت اطرح هنا بعض الملاحظات الشخصية اللي اصبحت علامة فارقة في ذهني عن المتزوجات
للاسف المتزوجات يحملون افكار سلبية وهدامة في بعض الاحيان عن الزواج بمعنى اوضح يكرهونك
في الزواج فالمرأة دائما تذكر الامور السلبية عن الزواج وبخاصة لغير المتزوجات مثلا "وش فيك
مستعجلة على الغثاء الزواج وجع راس " ولما تحب انها تشرح لك اكثر تبتدي السالفة المتكررة زوجي
ما يفهم زوجي لاهي عني وعن عيالي زوجي بس اسم زوج انا احس اني مسؤولة عن كل شي الطبخ
العيال البيت ما يفهمني كلة مجلس بالاستراحات ما يبغاني اطلع يرفض يمشينا000الخ ممكن وحدة
تتمادى وتنصحك بالعنوسة لانها تعتقد انا افضل من زواج فاشل 0 طبعا هي بلا قصد تهيئك نفسيا انك
تدخل الزواج كأنك داخل حرب المنتصر فيها سعيد والمهزوم تعيس وللأسف للبنت اللي ادراكها محدود
تصبح تجربة هذي او هذيك مقياس للزواج عندها وانا اشوف ان كل انسان يعيش التجربة اللي هو
ساعد في تكوينها يعني ما فية مهزوم ومنتصر لكن فية شخص مو فاهم الثاني او مو معاه على الخط
بصراحة الرجل مخلوق بسيط ومتطلباتة بسيطة مثل الطفل المرأة لما تتزوج تبي مصباح ينفذ طلباتها
والرجل يبي انسانة من صنع خيالة اقرب للمرأة الخارقة لازم تهتم بأموره العاطفية والاجتماعية
والمنزلية ويمكن حسب ما اتعود عند امة يبغى زواج بلا مسؤليات بينما العاقل يدرك ان الامور لما
تكون موزونة تصبح الحياة جميلة وممتعة وترى مو عيب اذا ساعدت زوجتك في بعض الامور مثلا لما
تكون في المطبخ ممكن ترتب غرفة نومكم او تلعب الاطفال حلو لما تدخل معاها المطبخ"لا تسوي شي
بس سولف معاها" حلو انك تشكرها "الله يعطيك العافية تنسي الوحدة نفسها" ساهم انت الرجل في ان
يكون حديث زوجتك عن الزواج مفعم بالحب والامتنان على النعمه اللي هي عايشة فيها وترى السالفة
ياخواني عمر مش مسألة مؤقتة وإذا ما حاولت تغير في حياتك راح تكون طول عمرك كذا 0ويا اخواني
الرجال ترى الحياة مو كلها ربعك 0ترى اكبر سبب للخيانة الزوجية انشغال الرجل عن بيتة واهله "لا
تقول شينة ما احد بيعطيها وجة" ترى لولا اختلاف الاذواق لا بارت السلع ولاختي الزوجة انتي اولا
زوجة وبعدين ام وزوجك هو اكبر ابنائك والاولى بالاهتمام والملائكة تلعنك لو زعلتي زوجك مو عيالك
والرسول لولا الشرك كان امرنا نسجد لهم 0كلمية افهمية وحاولي تتحملين عيوبة انتي بعد مو كاملة
واعدية على طلعة لحالكم لا تتكلمين فيها عن البيت والاولاد بل عن سعادتك معة حتى لو تبالغين قولي
لة انا ما راح القى مثلك توصي بأمورة وطلباتة لا يجي وانت لاهية عنة خلي البيت الجنة اللي يرتاح
فيها مو الجحيم اللي يهرب منة وبعدين لا تذكرين امورة السلبية بل تذكري الايجابيات ولا تعقدين الحياة
امام اللي ما اتزوجت تمني لها التوفيق وتذكري ان اصابع اليد مو سوا واسفة على الاطالة
"وانصحكم تقرون الرجال من المريخ والنساء من الزهرة""i have got a woman" stevie wonder
