مقابلات مع المبدعين!!!

[سانوسوكى]

السلام عليكم
انا كان عندى طلب صغير
ان اى ضيف نقابله ياريت يجيبلنا مجموعه من رسوماته و يشرح شويه عن اسلوبه
بحيث الموضوع يكون ترفيهى و كمان مفيد
و شكرا

[88_Shadow]

كم مرة تدخلين المطبخ ؟؟
و شو الطبخة الي تظبطينها ؟
و شو الي نفسج تطبخينها ؟
و شو الي بعمرج ما ظبطيها ؟
خخ عن تطبخيني ^^

[88_Shadow]

هذه رسمه لج لونتها من شهر يمكن

اتمنى ان الالوان تعيبج ^^

[orange road]

نجاوب على اسئلة شادو ^_^

كم مرة تدخلين المطبخ ؟؟
ما ادخله وايد.. مب شاطرة في الطبخ.. وما احب اطبخ الصراحة

و شو الطبخة الي تظبطينها ؟
الكيكات بأنواعها والسويتات السهلة اللي ما يبيلها فرن مثل التشيز كايك.. غير البيض والبيض مع طماط البيض مع المشروم

و شو الي نفسج تطبخينها ؟
خاطري اتعلم اطبخ أكل صيني @_@

و شو الي بعمرج ما ظبطيها ؟
باقي الأكلات

خخ عن تطبخيني ^^لا مب طابختج.. بس باتدرب عليج بالمجبوس

بالنسبة حق التلوين ^_^ مشكورة على التلوين
والصراحة الألوان حلوة لكنج ما ضبطتي العين.. كان لازم تخلين مساحات ملونة ومساحات بيضا
والشعر كان لازم تخلين فيه لمعات =_=
بس الباقي حلو ^^

[::.SnOw.::]

السلام عليكم...

أختنا العزيزة

اورنج..............................

أولا كيفك؟

و ثانيا.. سؤال يمكن في أحد سألك قبلي
لكن ودي أسألك بنفسي

..

انتي اول ما سجلتي بالمنتدى... من كان .. قددوتك.. من الأعضاء؟

وسؤال ثاني...ممكن تذكرين المميزات الي جعلتك مميزة لهدرجة........بين الأعضاء

و أخيييرا و ما اطول علييكم.... من تتوقعين ... أحد من الأعضاء.. الي يشابهك تماما في تصرفاته
وتتوقعين له مستقبل باهر .. مثل مستقبلك؟


ثانكس........... .. و آسفه على التطويلة

[orange road]

السلام عليكم
انا كان عندى طلب صغير
ان اى ضيف نقابله ياريت يجيبلنا مجموعه من رسوماته و يشرح شويه عن اسلوبه
بحيث الموضوع يكون ترفيهى و كمان مفيد
و شكرا

اقتراحك حلو أخوي ^_^
بالنسبة حق رسومي تلقى وصلة الجاليري مالي في التوقيع مع وصلة حق درس التلوين اليتيم اللي حطيته في المنتدى..

[orange road]

السلام عليكم...

أختنا العزيزة

اورنج..............................

أولا كيفك؟

وعليكم السلام ^^ الحمدلله بخير

و ثانيا.. سؤال يمكن في أحد سألك قبلي
لكن ودي أسألك بنفسي

..

انتي اول ما سجلتي بالمنتدى... من كان .. قددوتك.. من الأعضاء؟

الصراحة.. انا عرفت عن المنتدى من رانزي ومن فطوم ^^ وكان اللي جفت رسومه وشجعني اني ادخل المنتدى شاهين..
لما جفت رسومه حسيته بيكون منافس ممتاز.. خصوصا ان ما كان عندي فكرة ان ممكن القى خليجيين يرسمون ويحبون المانجا


وسؤال ثاني...ممكن تذكرين المميزات الي جعلتك مميزة لهدرجة........بين الأعضاء

والله ما ادري.. الأعضاء هم اللي حكموا بهالتميز.. هالسؤال لازم تسئلينه حد غيري ^_^ مب انا

و أخيييرا و ما اطول علييكم.... من تتوقعين ... أحد من الأعضاء.. الي يشابهك تماما في تصرفاته
وتتوقعين له مستقبل باهر .. مثل مستقبلك؟

شاهين @@ بس شاهين سبقنا خلاص.. احنا وراه نزحف...
ما باقي الا مجلته بس تجوف النور ان شاءالله
بس أتمنى التوفيق حق الكل ^^


ثانكس........... .. و آسفه على التطويلة

العفو حبيبتي ^_^ وعادي ما فيها ازعاج ولا شي.. لكن سوري اني ما جاوبت عدل على اسئلتج =_=

[Lenalee Lee]

السلام عليكم ورحمة الله وبركاته
كيف الحال؟؟؟

ماشاء الله مافاضل أسئلة أنا أسئلها ×_______×

طيب أسأل أنا عن نفسي..

أختي العزيزة أورانج رود.. ^_^

كنتي إنتي أول وحدة ترد في موضوع الجاليري أول مافتحته تذكري؟؟؟

إيش كان انطباعك عني وعن شخصيتي ورسماتي..؟؟؟

وإيش النصائح اللي تنصحيني بها كأخت كبيرة لي؟؟ ^_^


مع تحياتي..
Ms.Rose

[orange road]

الله يقطع ابليسك يا ديك.. حولت الموضوع قصاص

*ماذا تعني لك هذه الكلمات...:
--الحياه : مسرحية كبيرة نأدي دورنا فيها ونطلع.. يا نكون نجوم.. يا نكون كومبارس
--الصفاء : =_= وينه؟
--الأمل : لولا فسحة الأمل ما كان هناك حياة @@
--السعاده : شي صعب المنال... علشان تحس بحلاوته
--الكمبيوتر : جهاز لا يمكن الاستغناء عنه
--الأطفال : أحباب الله.. لكن لا تبلوشني فيهم من الحين @@
--الزوجة : طبعا باحطها على انها الزوج.. الله ييبه ان شاءالله ^^
--الاخت : خواتي حبايبي ^ ^ الحياة بدونهم ما تسوى.. معاي في الضيق والفرح
--الصديق : تلقى صديق واحد حقيقي احسن من مليون شخص تعرفه
--الاكل : احب اتمتع فيه ^^ نعمة من نعم الله
--النوم : ضرورة من ضرورات الحياة @@ ووقت الأحلام
--الغروب : نهاية يوم
--الشروق : بداية يوم (بعد شتبوني اقول؟؟ )
--البحر : غداااااااااااار
--القرآن الكريم : كتاب الله اللي يهدي النفوس ويهديها



*هل تقرأ القرآن ؟
اي الحمدلله اقراه

*متى آخر مرة قرأت فيها القرآن؟
ممم.. الاسبوع اللي فات تقريبا =_= هاليومين ماقريت منه

*شنو شعورك وقت تقرأ القرآن؟
ما ادري.. ما اعرف اوصف شعوري... بس كل مرة اقراه احس اني افهم شي يديد فيه.. خصوصا اذا كان مر علي في هالاسبوع مثلا تفسير اية معينة..
احس حلو اني افهمه اكثر يوم عن يوم واربط القصص القرآنية مع بعضها البعض...

*هل تقرأ القرآن بالتجويد؟او عادي؟
يعتمد.. اذا كنت ابي اختمه بسرعة اضطر اني اقراه عادي.. لكن لما اقعد اقرا منه في الايام العادية اجود


* كم معدلك السنة؟
هههههههه الحمدلله مخلصة

* ما هي الاخطار التي تهدد شباب وبنات اليوم في نظرك؟
مممم كل شي صراحة صاير خطر هاليومين =_= لكن أحس اكثر شي هو رفاق السوء اللي يخربون الزين من شبابنا وبناتنا

* كم تستطيع الصبر من يوم على :
-- نقص الماء او انعدامه واضطرار لجلبه من بعيد؟
ولا يوم @@

-- انعدام الكهرباء؟
نو وااااااااي @@ لما يقطعون عنا الكهربا اروح بيت خالتي او عمتي لحد ما ترد.. أو أقضي الوقت الافح بالشمعة حق نيكي من الدريشة وهي ترد علي من دريشتها مثل المخابيل..

-- انعدام خطوط الهاتف؟
هاي عادي.. اقدر اصبر عليها لكن مب اكثر من اسبوع

-- بدون مكيف في جور حار ( مثل وقت الصيف)؟ كم يوم تصبر؟؟
ولا يوم طبعا.. الحر ما ينطاق.. وما اقدر انام بدونه @_@

* عادي تاكل أكل بايت بس ما اخترب؟؟ ونفس الشي بالنسبة للخبز اليابس؟
أعقد عادي.. وايد آكل أكل بايت اذا كنت مضطرة..

* لو خيرت بين فتاتين و انت في عمر الزواج واحدة ذكية و مثقفة و كلامها عذب و فاقدة الجمال و بين فتاة على نياتها و ليست ذكية و لا مثقفة و لكن رائعة الجمال من تختار بينهما فقط؟
طيب باحول الكلام على رجل.. طبعا بيكون المثقف.. لان الحلو بدون ثقافة@@ ولا يعرف يتكلم باجوفه بعدين غبي وتافه وباحتقره..
لكن المثقف.. يمكن ما احسه حلو من البداية لكن مع الوقت والكلام باحس اني اجوفه بنظرة ثانية

* عضو تحسه غامض؟؟
ما ادري ما اعرف الاعضاء عدل

* عضوة في المنتدى تمنيت لو انها كانت اختك؟؟
مممم ^^ وايد.. اغلب شلة الدوكي.. ولينير.. وريبي وغيرهم...

* شنو ترتيبك بين اخوانك؟
انا الأولى

* طبعاً أجمل الذكريات هي ذكريات البدايات حدثنا عن بدايتك مع منتدى شباب البحرين؟
انزين هالسؤال مب لي.. =_= ديك بدون تدقيق.. خبط لزق على طول

* يقولون الرجل اذا يصيح تطيح شخصيته انت شنو رايك؟
لا ما اعتقد.. شدعوة؟؟ يعني ما عنده قلب ولا مشاعر؟؟؟ لكن عاد مب على كل شي.. يعني على الشي الجايد يصيح عادي.. لكن اذا على كل صغيرة وكبيرة.. شفرق عني @@

* اوصف نفسك بثلاث كلمات؟
قلبي طيب ^^ مرحة ... ما ازعل بسرعة (ما ادري ليش غصب الا يبوني ازعل )
كل هاي ويخافون مني.. ما ادري ليش

* ضع صح اما العبارة الخاطئة وخطأ امام العبارة الصحيحة << مو كأن العكس
- سنفور كول انسان انعزالي. خطأ
- سنفور كول يحب اخواته اكثر من اخوانه. خطأ
- سنفور كول يجلس كثيرا على النت. خطأ
- سنفور كول يحب تأجيل الأعمال. خطأ
- الأطفال يحبون سنفور كول لأنه لطيف معهم. صح

ترى جاوبت بالمعكوس مثل ما طلبت

[orange road]

تكملة القصاص.. قصدي اسئلة ديكو (انا شنو اللي خلاني انسطل واقول اي.. كان المفروض احط في بالي ديكو انه في المنتدى)

* ابيك توصف لي يوم متعب بالنسبة لك؟
مممممم.. ثلاث حصص تدريس.. وتكون المدرسة الثانية غايبة فآخذ الحصتين اللي لها وتصير خمس حصص يعني اليوم بطوله.. غير هاي مناوبة في البريك الأول واجتماع في البريك الثاني..
ارد البيت القى ان لازم اروح موعد الدكتور العصر لأنه بيسافر وما بيرد الا على الشهر الياي.. وبعدين اكتشف ان لازم اروح المول اشتري شي ناقصني ضروري @@ وما اقدر انام الا متأخر لأن في ناس يايين ولازم نقعد معاهم..

* هل تعرضت للخيانة .. وشنو كانت ردة فعلك؟
وايد... ما اسوي شي.. ما ارد على اللي خانوني.. واقطهم وراي..
شباسوي بعد =_=

* لو كنت شمعة لمن ستحترق؟
مب محترقة الا علشان نفسي بس... ما في حد يستاهل

* تحب البرامج الثقافية او العلمية او الفكاهية او غيرها؟
احب الفكاهية والعلمية والثقافية ^^ واجوف المسلسلات وكل شي تقريبا.. اهم شي انه يونس ويفيد بطريقة حلوة..

* ما رأيك بعبارة ( الغايه تبرر الوسيله)؟ من وجهة نظرك الشخصيه؟
بالنسبة لي اوكي امشي على هالكلام.. لكن مب اني اخون مبادئي..

* شرايك بفيل مشوي على الفحم؟
اذا باكله ديكو احسن.. ما عندي مانع لكن لازم ياكله كله

* هل تفضل التنطط البيردوغراطيني أو التنطط الميروشاقيناتي ؟
أفضل التنطط الميتوكندري احسن

* لو في المستقبل تزوجت بتترك المنتدى؟
ما أظن.. ليش أتركه؟؟ لا هو عيب ولا هو حرام

* تخاف من المقابر؟
اي =_= ما جربت اروح لكن ما احب اروح بعد...


الحين أسئلة النمل ... وشاسوي في النمل؟؟؟

* كم نملة صادفت اليوم في طريقك؟
اللي ما دستهم والا اللي دستهم؟؟؟

* متى بالضبط النمل ياكلون الأكل اللي يجمعونه؟
لما ييعون

* للحين ما بحثت لي عن طول بيضة النملة؟
طولها خمسة سم نملي

* النمل يمرضون؟ شلون يشفون ؟
يروحون الاسبيتار يطقهم الدختر ابرة

* النمل يغمضون عيونهم؟ انزين شلون يغمضونها ؟؟
تنزل الجفن اللي فوق على اللي تحت.. وتصكها.. لكن ما ادري اذا كان عندها جفن من الأساس والا لا

* النمل ينامون؟ وين ينامون ؟ شلون ينامون؟
اي ينامون... كل وحدة اخر اليوم بعد التعب تدخل حجرتها وتنام.. ما جفتوا فيلم بجز لايف؟؟

* ممكن تاخذني بجولة لبيت النمل؟
لا تعب.. بادور لك مرشد سياحي ثاني

[orange road]

اسئلة إملاء الفراغ :

املئي الفراغ الأتي بالمناسب :
1-اكره في شخصيتك ......... ممم طيبة قلبي
2- اكره في شخصية المرأه ......... التفاهة اللي عايشين فيها اغلب بنات هالجيل
3- اكره في شخصية الرجل ......... التسلط والبخل
4- افضل برنامج تيلفزيون .......... برامج طارق سويدان ^^
5- الساعه الأن .......... 11 في الليل
6- احب الاسماء الىّ ...........(ذكر) يوسف ^^ ..........(انثى) خلود
7- تموت المشاعر اذا ............ما لقت من يسقيها
8- اخر موضوع بالمنتدى أعجبك ............. هالموضوع لاني فيه الحين
9- تتمنى عودة العضو دارك سول............العضوه ............... لوجين وينج

هل حدث أن ؟
1- أحببت: اي
2- خالفت القانون: اي ^^ في الجامعة.. زورت وايد اوراق علشان تدخل لي مواد معينة..
3- هربت من المنزل: لا ما سويتها ولا مرة
4- عانيت من طوارئ طبية: وايد وانا صغيرة لكن الحين الحمدلله
5- كذبت: احيانا..
6- ارتديت ملابس الجنس الآخر: ولا مرة
7- جربت خليط أكل أو مشروب خاص ومقزز: ما اجري الشي المقزز.. اجرب اكل يديد لكن مب اللي يلوع الجبد
8- فزت بشيء عن طريق الحظ، وماذا: عن طريق الحظ لا ولا مرة.. انا مقرودة.. لكن في مسابقات رسم فزت فيها

هل تؤمن بـ.....
1- الحب من النظرة الأولى: لا
2- أشباح: لا.. لكن اكيد هم ينانوة والناس يسمونهم اشباح.. هني انا أؤمن بالجن
3- مخلوقات فضائية: نهي
4- السحر: أكيد ومذكور في القرآن الكريم
5- أبراج الحظ: لا.. بس تسلية وشي حلو حق الرسم
6- قوة المال: اي.. المال يصنع المعجزات
7- بنفسك: ساعات وساعات

أيهما أفضل....
1- المكيف أم النوافذ المفتوحة في السيارة: المكيف
2- قلم حبر أم رصاص: حبر
3- شوكولاتة أو فانيلا: شوكولاته
4- كوكا كولا أم بيبسي: بيبسي
5- حليب أبيض أم بالشوكولاتة: أبيض
6- الطول أم القصر: الطول
7- الأسود أم الأبيض: الأسود
8- قهوة أم شاي: الشاي
9- الطفولة أم الشباب: الشباب

(يللا حد يحلل شخصيتي من هالأجوبة )

متى كانت آخر مرة
1- بكيت: من كم يوم
2- وصلتك رسالة بريدية: من سنيييييييييين الحين كله على الايميل
3- قلت "أحبك": مممممم كل يوم حق امي وابوي ^^
4- اشتريت شيئا لنفسك: الاسبوع اللي فات في التنزيلات مالت البي اتش اس
5-اشتريت شيئا لغيرك: مممم بعد الاسبوع اللي فات في نفس التنزيلات
6- طبخت: ما اتذكر..

خلاص تعبت.. باكمل بكرة ان شاءالله

[الملاك الأبيض]

هلا والله أختي orange road ... السلام عليكم ورحة الله وبركاته
شكله ديك مغرقنج بالأسإلة ... الله يعينج ... وأن شكلي بغرقج بعد
لوووول ... انزين ... شو أحسن أنواع الورق اللي تحبين ترسمين عليه
..... كيف بدأتي تعلم الفوتوشوب
..... شو تحبين المارس ولا الجالاكسي

[DeeK MantooF]

**ميت ضحك**


ههههههههههههههههههههههههههههههههههههههههههههههههههههههههههههههههههههههههههههههه




خخخخخخخخخخخخخخخخخخخخخخخخخخخخخخخخخخخخخ

عاد عادي,,, كلنا اكلناها قص ولصق بدون تدقيق,, تحملي



صبري صبري ان الصبر مفتاح الفرج

المرة الجاية بأدقق لك لما اسوي كوبي وبيست

كم خلود عندنا خخخخخخخخخخخخخخخخخخخخخخخخخخخخخخخخخخخخخخ

[orange road]

هلا والله أختي orange road ... السلام عليكم ورحة الله وبركاته
شكله ديك مغرقنج بالأسإلة ... الله يعينج ... وأن شكلي بغرقج بعد

إي والله جفت شسوى فيني @_@
حاسته ينتقم مني بس ما ادري من شنو

لوووول ... انزين ... شو أحسن أنواع الورق اللي تحبين ترسمين عليه

حلو السؤال ^^
أكثر ورق أحب ارسم عليه هو ورق الدفاتر الكورية ماركة morning glory
هالدفاتر تييك بيضا سادة وما فيها خطوط وعندي منها بالكميات ^^ اشتري واخش منهم @@ الخوف لا يخلصون يوم من المكتبات وما القى منهم...
لكن احيانا ارسم على ورق التصوير العادي..

..... كيف بدأتي تعلم الفوتوشوب

تصدق اني قبل ما كنت ادري شي عن هالبرنامج @@ ولا ادري ان الرسوم ممكن تتلون عن طريقه..
كان عندي على الكومبيوتر فتحته مرة ولا عرفت استعمل اي شي فيه وتخرعت وسكرته على طول..
بعدين لما بديت استعمل النت كنت اجوف رسوم الناس الملونة واتعجب شلون ملونينها.. بعدين عرفت انها عن طريق الفوتوشوب..
بديت أدور دروس له على الانترنت لكن ما تعلمت عدل.. يعني محاولاتي كانت تلوع الجبد الله لا يراويك اياها *_*
بعدين طلبت من الوالد انه يطلب من صديقه الرسام يعلمني على الفوتوشوب.. ووافق ^^ فكنا انا وفطوم نروح له عدة مرات في الاسبوع وكان يعطينا دروس بسيطة..
شوي شوي.. تعلمنا الاساسيات معاه وبعدين بديت اكمل بروحي وانزل دروس وافكار من النت واتعلم عليها لحد ما وصلت مستواي الحين فيه.. وللحين اتعلم عليه ^^

..... شو تحبين المارس ولا الجالاكسي

أحب المارس @_@ بس من حلويات المارس اموت على السنكرز.. أحلى شي عندهم ^_^
واحب الجالاكسي بس اللي بالكاراميل (هاي المفضل عندي اشتري منه بالكارتون وعلى طول يخلص في البيت)

ديكو

صبري صبري ان الصبر مفتاح الفرج

المرة الجاية بأدقق لك لما اسوي كوبي وبيست

كم خلود عندنا خخخخخخخخخخخخخخخخخخخخخخخخخخخخخخخخخخخخخخ

نجوف =_= الله يعييني على الاسئلة.. اليوم ان شاءالله في الليل لما ارد البيت باكمل الأجوبة..
لازم اخلصهم اليوم

[orange road]

ما ؟؟
1- هو أعز وأهم ما تملك

أهم ما أملك ^^ مجموعتي الأنيمي والمانجا ولاب توبي @@

2- هو أحسن ما حدث لك هذا الصباح:

ممممممم ممكن أقول اني خلصت من التقارير المدرسية اللي كانت مطلوبة مني..
شي ثاني @@ ياتني مدرسة اللغة العربية اليوم تقول لي انها كانت تبي تاخذ حصة صف مني اليوم لكن البنات احتجوا عليها وقالوا لها ان مادة التربية الفنية هي المادة الوحيدة اللي ينطرونها من اسبوع لين اسبوع وما يبون حد ياخذهم منها.. صج فرحت ^^ حسيتهم صج يحبون حصتي..

3- هو أول ما فكرت به عندما استيقظت هذا الصباح:

وين كيرا قطوتي @@ ما كانت نايمة معاي البارحة

4- هو أكثر ما تذكره عن السنة الماضية:

وفاة زوج عمتي الله يرحمه -_-

5- هو أسوأ شعور في العالم:

لما حد يتخلى عنك =_=

6- هو أروع شعور في العالم:

لين توصلني طلبية المانجا والأنيمي واقعد ابطلهم وارتبهم في المكتبة @@ هالشعور أحلى حتى من وقت قراية المانجا نفسها

7- هي الجهة التي تنام عليها:

أنام على اليسار

8- هي سيارتك الحلم:

ما في سيارة حلم.. اي سيارة دفع رباعي ومجكنمة تكفيني ^_^

9- أكثر ما يثير أعصابك:

الغباء

10- الذي يبكيك:

القهر ووفاة حد عزيز علي -_-

11- الذي يضحكك:

تعليقات طرزون

12- أتفه سؤال اضطررت أن تجاوبه:

أبلة الموناليزا ماتت والا للحين @@ (سؤال غبي من بنت عندي في المدرسة)

13- هو حلمك الكبير:

مجلتي الخاصة

14اطرف موقف حصل لك :

كنت مسافرة البحرين بالسيارة *_* ولما وصلت الحدود مالت قطر اكتشفت ان جوازي منتهي تاريخه من يومين بس


المفضل من....؟؟
1- الأقرباء:

أختي طرزون

2- البرامج التلفازية:

مسلسل فريندز

3- الشامبو:

هيربل بالفواكه @@

4- الكتب:

قصصي المانجا @@

5- المجلات:

مجلة كل الأسرة

6- المشروب:

ميلك شايك بالفراولة وماونتن ديو

7- الأرقام :

5

8- الصوت:

خرير الماي والدلافين

9- الرائحة:

التفاح والقرفة

10- نوع العمل في عطلة الأسبوع:

ولاشي.. تلفزيون ورسم ونت

11- العلكة/اللبان:

انديكاي بالأناناس (بس ماعادوا ييبونه عندنا ما ادري ليش *_*)

12- الأفلام:

INTERVIEW WITH THE VAMPIRE اللي حق توم كروز وبراد بت ^^

13- المسرحيات:

آه يا درب الزلق

14- المدن:

بيروت

15- الألوان:

الوردي والأزرق الفاتح الرمادي والبني المحروق