إلى أعضاء قسم الكرة الأنجليزية

[Nistelrooy]

السلام عليكم يا أعضاء منتدى الرياضه وأخص أعضاء منتدى الكره الأنجليزيه .

أنا فتحت الموضوع هذا لان حال القسم مو عاجبني يعني ( سيء )

وأشوفه من أقل الأقسام نشاطا عشان كذا أبغى منكم أبداء الأراء والوجهات ليتقدم القسم ويصبح من أفضل الأقسام يعني ( أقتراحاتكم من مسابقات أو نشاطات تفيد القسم )

أنتظر منكم الرد وأتمنى تكون الردود مشجعه عشان نرتقي بالقسم للافضل .

والختام بالسلام

=============
ملاحظه :
الموضوع راح يثبت لمدة يومين أو ثلاث وممكن يزيد إذا كان فيه تفاعل .

[Private Jeddawi]

إن شاء الله يكون فيه تعاون بين الجميع كي يُرتقى بهذا القسـم

بالتوفيق

[INTERawee]

السلام عليكم ..

في رايي ان سبب الخمول في القسم .. هو غياب الاعضاء

لاسباب عده .. اهمها فتره الامتحانات للي عنده امتحانات او التحضير للامتحانات

يعني المسأله مسأله وقت .. ويرجع القسم مثل اول واحسن

اما عن المسابقات ..

ماشاء الله قسم الرياضه حاليا فيه مسابقتين .. سوبر ستار الرياضي و مسابقه الروابط

و في بعد مسابقه دوري ابطال المنتدى ..

ان شاء الله اذا خلصنا من هالمسابقات .. نبدا بالتفكير لمسابقات جديده
لكن مافي مانع طرح الافكار الحين .. عشان احنا المراقبين نقدر نفكر فيها و نبدي الترتيبات والتنظيم

عالعموم شكرا صالح على طرح هالموضوع
ما بقا الا ندعو للاعضاء بالتوفيق بالامتحانات والله يسهل عليكم ..

[C.RONALDO]

مشكور نستلروي على فتح الموضوع ..

وانا معاك قسم الدوري الانجليزي نايم هاليومين ..

انا اشوف السبب انه الاختبارات القصيرة كانت بالاسابيع الماضية

و الاختبارات للفترة الثانية باجر السبت ..

وان شاءالله يرجعون أعضائنا مميزين بقسم الكرة الانجليزية

وهم : ( مطلع الشمس ، الساحر البرتغالي ، روني ، متيم ، نستلروي ، دموح ، المشعوذ )

أتمني عودتهم وأعذروني اذا نسيت أحــد ..

----

[Nistelrooy]

مشكورين على أرائكم

وننتظر أراء بقية الأعضاء ...

[C.RONALDO]

اوكى نستلروي ننتظر بقية الاعضاء ..

[:: Snake ::]

ياخي كيف تشرق الشمس في غياب نورها ؟؟؟؟؟

ترا مدري اش قاعد اقول

كل المشكلة اني انا ماني موجود

والمنتدى كله نايم في غيابي
>>>>>>>>كبر راسه

خخخخخخخخخخخخخخ
اول مرة اشوف واحد ماكل في نفسه مقلب وينصب على نفسه...





لا من جد تبغى الصراحة ؟؟؟؟؟
غياب التناااااااافس


يعني انا ملاحظ ان كل واحد فيكم حاط ريشة على راسه ومسويلي فيها مؤدب

طلع الادب الحين ها

الله يرحم ايام زمان

[الهدوء المزعج]

انا من رايي المتواضع ان الخمول ناتج عن خمول الروابط للاندية الانجليزيه ..

[C.RONALDO]

انا من رايي المتواضع ان الخمول ناتج عن خمول الروابط للاندية الانجليزيه ..

انا اؤيد اخوي سلطان ...

[جونينيو]

الخمول مؤقت بسبب الحج و الامتحانات
ورا يرجع قوي مثل البووووووووم

[Mudarreb]

مشكور اخوي نستلروي
وانا اقولكم الاقتراح انه الروابط موب شغاله وانا اذكرلكم الروابط النايمة بصراحة

اولهم تشيلسي نايمة نايمة بطريقة موب طبيعية صراحة مافي احد يشارك فيها انا بتكفل تشيلسي
ثانيهم ليفيربول هذي الايام بدأت تتنشط بس برضو يبغالها نشاط كبير
ثالثهم ارسنال قليل الاخبار
ومانشستر ممتازة ولكن يبيلها نشاط شوي وتصير من الاوائل
وانا اقولكم الاعضاء الي ينفعون يجيبون الاخبار للروابط

تشيلسي خلني اتكفلها (مدرب_برشلونة)
ليفيربول انا اشوف الي اكثر واحد يشارك لاني ما اتابع هذي الرابطة
الارسنال متيم
مانشستر هناك اثنين (روني) c,ronaldo

وارجو انكم استفدتوا

وشكرا

[Cavite Fighter]

السلام عليكم
معـــروف السبب, وهو الخمول من قبل الروابط..
لذا أنصح بوضع رؤساء جدد لجميع الروابط, وأنا من ناحيتي سأقوم بالعمل في رابطة الأرسينال, وهذا
طبعاً بعد اذنك اخوي نيستلروي وانا جاهز لإستلام الرئاسه ..

[Cavite Fighter]

راح أضع بإذن الله أخبار في القسم .. في حالة وجودي ..
واعتذر من الرئاسه ..

[C.RONALDO]

بالتوفيق لك كيفت ..