أرجو المساعده

[samehvan]

إلى كل الأخوه
عندى فيدورا كور 4 وبعد تستيبه مش عارف ادخل على الانترنت ازاى علما بانى اعمل على network وكل الاجهزة الباقيه تعمل على ويندوز واستخدم كارت شبكات و IP خاص بجهازى فكيف يمكننى تعريف كارت الشبكه والاى بى والدخول على النت
وشكرا لكل المساعدين
samehvan@yahoo.com

[فنجال قهوه]

جرب اﻻوامر التالية

# su
# /sbin/ifconfig eth0 up

[NABEELIUMATTACK]

أخي العزيز انا هقولك مجموعه أوامر وفائده كل واحد بس المشكله سهله :

طبعا شغل shell ولازم تكون root تعرف ازاي من ال # أما دي $ يعني يوزر طبعا دي هتلاقيها في البرومبت بتاع الشيل ممكن لو كنت يوزر تبقى روت ازاي su - دي معناها انك عايز تبقى روت بكل صلاحياته اما su بتبقى روت على directory اليوزر .

اول شيء تستعمل الأمر ifconfig طبعا لازم تعرف ايه اللي قدامك وكام interface هو اساسي لازم يكون في lo اللي هو اللوب باك لو كان في interface تاني eth0 مثلا ده معناه ان كرت الشبكه شغال وكمان متصل بالإنترنت طبعا دي مش هتلاقيها لأنك أصلا محطيتش اي ip تعمل ايه عشان تحط بيانات الأيبي نستخدم الأمر الثاني

الي هو netconfig ده بيعمل ايه بيخليك تحط ال ip وال netmask وال gateway وال name server اللي هو ال dns في الويندوز حط بياناتك صح وبعدين... اوك

اكتب service network start خلي بالك الكلمه اللي بالأحمر دي ممكن تغيرها ل stop لإيقاف network service وغير كده عندك status لمعرفة الحاله متصل او لا وعندك كمان restart لعمل اعاره تشغيل لل service طبعا تستعمل الأخيره لو كانت ال service شغاله فعلا وانت عايز تعيد تشغيلها بس اما الأولى للتشغيل لأول مره

بكده أنت ممكن تشغل مواقع على جهازك اللي انت شغال عليه بس لسه معملتش share بين الأجهزه

تعمل ايه موضوع بسيط اوي طبعا تكون مستب الsamba تعرف ازاي في طرق كتير جدا ابسطها طالما انت مبتدأ

اكتب service smb start طبعا انت عرفت ال options بتاعت start المهم كده انت شغلت سيرفيس السامبا ممكن كده تشوف share الأجهزه التانيه بس ازاي

انت لو على ال kde ممكن تكتب في مستعرض ال kde الرأيسي konqueror في شريط العنوان smb:/ هيظهرلك شير الأجهزه التانيه بس إعمل حسابك متنساش توصل كابل الشبكه بين كل الأجهزه

لو كنت في ال gnome هتلاقي على ال desktop فولدر اسمه network تقريبا تخش فيه تلاقيه كاتبلك جواه windows share هو ده شير الويندوز اللي هو السامبا

خلي بالك لو حصل اي تعديل على ما سبق لازم تعمل servise smb restart أو service network restart

في نقطه تانيه مهمه جدا لازم تعرفها هي الزاي تشير انت دي عايزه قعده تانيه كمان شويه هقولك ازاي بأبسط الطرق وكمان من ال kde مش من الshell

[NABEELIUMATTACK]

أخي الكريم انت الوقت عرفت ازاي تشوف شير الأجهزه التانيه أو أتمنى ذلك

الوقت احنا عايزين نعرف ازاي نعمل شير من لينكس للويندوز أو اللينكس على السواء بطريقة السامبا

اولا لازم نغير ال hostname وال Dns search path بس ازاي

بص ياعم ادخل على system settings بعدين اضغط على network configuration بعدين إضغط على dns وفيها غير ال hostname وال Dns search path بعد كده اختار file ثم save

دي أول خطوه بعدين نعمل ايه روح عند اي فولدر واضغط عليه باليمين واضغط على propertes اختار share بعدين اختار configure file sharing

بعد كده

إضغط على add هيفتحلك قايمه تانيه جواها انواع الشير لينكس ولينكس ولا سامبا يستحسن السامبا لأن اللينكس بيشوف ال2 اما الويندوز بيشوف السامبا بس

في عندك فوق مصدر الشير هو ايه اضغط على الصوره اللي على اليمين احدد مكان الشير اللي انت عايز تشيره

تختار بعد كده نوع الشير سامبا ولا nfs - network file sharing بس ده لينكس ولينكس بس

حدد بعد كده على السامبا وشيل العلامه من على ال nfs لو حبيت

حدد بعد كده على ال public وشوف لو عايز تدي للناس حريه الكتابه اختار writable

متنساش تحط اسم الفولدر اللي عايز تشيره في خانه الإسم

بعد كده اختار more samba options هديك هنا اللي يفيدك بس على اساس ان السامبا هتقعد تقول فيها للصبح

في عندك في خانة الإسم حط اسم الفولدر داخل الشير وممكن تحط تعليق تحته في الخانه اللي تحت

علم كمان على ال 4 خانات اللي تحت الا لو كنت عايز تدي صلاحيه الكتابه شيل العلامه من على read only

بعد كده اختار من خانة ال user اختار allow

وفي خانه ال security اختار guest account اختار root في الخانه اللي تحت ممكن تعمل سماح لآيبي او تعمله بلوك مع العلم انك ممكن تقفل شبكه معينه لو كنت متصل بشبكتين من خلال روتر

زي كده 10.0.0. ده معناه انك لغيت الشير عن الشبكه دي لو حطيت الاي بي ده في خانة البلوك

في حاجه بسيطه جدا بمعلوماتي حتى الآن لازم أغرها من الشيل بس معرفش اعيرها من الX

إفتح شيل وأكتب

gedit /etc/samba/smb.conf

او اي ايديتور تاني زي ال vi او xemacs او غيرهم

الفايل ده اللي انت بتلعب فيه من الصبح ده فيه حاجه لازم تتعدل هي ال workgroup & server string

workgroup عند خانه ال

حط اللي انت عايزه وعند خانة ال server string

حط بردو اللي يعجبك

واحفظ الكلام ده بعدين سيف وأخرج

وأكتب service smb restart & service network restart

كده فل اوي

في ملحوظه مهمه جدا : لازم تاخد في بالك اعتبارات مهمه جدا هي :

1 - لازم تاخد بالك من الشير لو كنت بتشير عربي طبعا مش هيقبل الا بشغل تاني خالص بس ريح دماغك وشير فولدر اسمه بالإنجليزي عايز بعد كده اسم الشير للفولدر تخليه عربي اوك بس اسمه مش هيكون مظبوط على الجهاز التاني او خش فايل الكونفيجريشن وعدل عليه بإيدك أحسن

2- المسافات في الكلمه اللي فيها شير ممكن تتحل من ال gui ببساطه ازاي مثال صغير هيبين ده

ممكن تكتب nabeelium attack ازاي ازاي وانت بتشير في الخانه اللي انت بتعرف الشير فيها انت مصدرك ايه حط فيها nabeelium\ attack/ بكده الموضوع اتحل

طبعا اي تغيير عيد تشغيل السيرفس

أرجو ان أكون قد أفدت الجميع بهذا الموضوع فأنا أعددته لتعم الفائده وأي تعليق انا في الخدمه مع ملاحظه اني مشغول جدا في الإمتحانات يعني مش هتلاقيني اونلاين كتير

[NABEELIUMATTACK]

معلش نسيت اقول نقطه تانيه مهمه انت اكيد عارف ان متصفحات الإنترنت في اللينكس غير الويندوز يعني منتاش هتلاقي internet explorer 6 مثلا

في عندك متصفحات كتير في اللينك زي konqueror or mozilla or firefox or netscape or opera or >>>>> للصبح هقعد اقول

على فكره انا بتكلم بالتفصيل الممل اعتقد انك حسيت بده عشان معرفش انت خبرتك باللينكس ايه