طبعا قبل ما ابدى انتم عارفين ان اسهل ما على الواحد انه يترك اي منتدى هو مشترك فيه. يحذف وصلته من كمبيوتره وانتهينا. وش الي يخليه يتعنى ويكتب موضوع عنه وهو ناوي يتركه، سببين. اولا لأنه مهتم بالمنتدى نفسه. وثانيا والأهم عشان الناس اللي فيه.
الشغلة ما يبغالها تحليل نفسي من قانون او تصحيح من ننتندو او حتى تحرير من فاس. الشغلة يبغالها اهتمام. فعل ما هو كلام. يبغالها وقفة صادقة من الجميع.
لما يصل الأمر ان الي يكتب موضوع يقعد يشحت الأعضاء ردود، يعني فيه شي غلط. لما يكتب العضو موضوع جاد ومهم وتعب فيه عشان يفيد الأعضاء والردود اكثرها عن مواضيع جانبية خارج الموضوع او اعضاء يسولفون مع بعض بدون اعتبار للي تعب في الموضوع، يعني فيه شي غلط. لما كل شوي ينسحب واحد من الأعضاء وبدون ذكر اسباب, يعني فيه شي غلط., لما تكثر المواضيع المكررة بالخطء ولا يوجد من يحذفها او يهتم بمظهر المنتدى، يعني فيه شي غلط. لما يكون فيه 100 زائر للموضوع وردين فقط، يعني فيه شي غلط. لما نبتدي نقرى سب وشتم وكلام يستحي الواحد يقوله ويلقى من يشجعه والادارة تتفرج، يعني فيه شي غلط. واكبر غلط.
كيف تطلبون بعد هذا من الجميع المشاركة والتفاعل؟ كيف تريدون من العضو ان يواصل مستواه وهو مرتاح؟ كيف نشتاق اصلا الى المنتدى؟
هل انتهى الزمن الي الواحد اول ما ينتهي من التزاماته يجي المنتدى عشان ينفس عن نفسة؟ هل يجد الأعضاء ما يبحثون عنه هنا؟ لا اعتقد. على الأقل لا اجده انا.
انا ما دخلت المنتدى عشان اقرى شتائم. ما كتبت عشان اشحت ردود. ما اشتركت عشان اتركه بالسرعة هذي.
بس خلاص. يأست. يأست ان حاله ينصلح. وتعبت روحي. وابغى ارتاح.
فاليهزء من يريد، وليضحك من يشاء فلم اعد اهتم. ولن اهتم بعد الآن. يمكن صعبه علي. بس تعبت.
وقفه فقط. لا نطلب فلوس. او نطلب مجهود خارق. او نطلب المستحيل. فقط وقفه. وقفه بسيطة, مع بعض التشجيع. والنتيجه، مذهلة.
- وقفه من الأعضاء: مشاركة, ابداء راي, ردود, تفاعل, والأهم .... إهتمام.
- وقفه من الأدارة: اهتمام، اهتمام، اهتمام، ثم .... ادارة.
والمطلوب ...... لا شيء.
لماذا ......... لأن كل واحد يعرف المطلوب منه.
انا آسف قانون، انا آسف ننتندو، انا آسف محمود، احمد، asf، رايق، T&K، بوشي، والجميع، والجميع، والجميع, لأني خذلتكم. نعم قانون. احساسك صحيح وانت كنت عارف. انتهت ايامي هنا. الآن.
قد اعود. ولاكن اذا عدت فهو لأجلكم فقط. اصدقائي الذين لم ارهم. ولم اسمع صوتهم. ولم يكن بيننا اي مصلحة. فقط صداقة.
سابتعد لفترة فلا تردوا على موضوعي. فلن اقراه. ولن ارد. ابدا.
هل انتهي الموضوع ....... نعم.
اخوكم ..... الدر
