هل اشتري الـxbox360 من اليابان ؟

[zxz999]

السلام عليكم


يقال ان في اليابان الـxbox360 ارخص ,,,, هل هذا الكلام صحيح ؟



وهل سأواجه مشاكل في الحصول على العاب في الامارات تعمل على النظام الياباني ؟




....

[wsxcvb]

سلام عليكم


تبي تاخذ راي اخذ الجهاز امريكي يعني من المصنع الام

لان يكون اضمن واقةى اشوي

وسلام

[khalid_dew]

السلام عليكم.....
انا ارسلت ايميل عن هذا الموضوع لميكروسوفت وسالتهم لاني انا عندي جهاز ياباني...فاذا رحت السعودية كيف اجيب الالعاب؟ ردوا قالوا انه اذا رحت السعودية روح لفرع ميكروسوفت واعطيهم الجهاز الياباني ويفرمطوا الجهاز يخلوه يشغل NTSC وهي الالعاب الامريكية.....من جهة السعر فهو ارخص خاصة اذا جبته من اليابان مباشرة لان البريمم هناك واللي انا اشتريته سعره 299 دولار.....اذا اردت رد ميكروسوفت اعطيني ايميلك وابعتلك الرسالة.....

[THE_MATRIX]

كلامك صحيح عزيزي خالد ..

لكن انصح انكم تروحون قبل لا تشترون الجهاز .. تروحون لفرع مايكروسوفت عندكم
وتسألونهم احسن .. ولو يقدرون جيبو الجهاز و عدلوة عندهم ^_^ ..

لكن افضل تروحون لهم قبل ما تشترون الجهاز لأنه اضمن

[khalid_dew]

صحيح تاكد قبل ما تشتريه.....انا عندي ياباني والعابه 90% انجليزي

[zxz999]

لا استطيع التاكد من فرع microsoft في الامارات ,, انا في اليابان حاليا


هل اشتري الجهاز الان ؟؟


وهل ستعمل اللعاب بنظام NTSC على الجهاز ؟؟


وهل ساواجه مشاكل في تركيب المودشيب مستقبلا ؟؟





..

[khalid_dew]

يا اخي مثل ما انت عارف انه في العاب محدودة في دول معينة..وفي العاب تعمل في كل مكان.....مثلا call of duty 2 تشتغل على اي جهاز عكس FIFa 2006 . لو اشتريت الجهاز من اليابان الجهاز راح يشغل NTSC-J وليس NTSC ولكن ان كان فرع الامارات يغيروا الجهاز فانا اقترح اشتريه او حتى يمكن تغيره في اليابان....اما السؤال عن قطعة تشغيل النسخ فان اشتغلت على الامريكي اذا راح تشتغل على الياباني.....

[rubso]

لا تشتري الجهاز الياباني نصيحة
حتى لو كان ارخص
يستطيع تشغيل "بعض" الالعاب الامريكية وليست كلها
اشتر الجهاز الامريكي من برا عن طريق ebay ارخص
ومعه كل اللي تحبه .. او اشتره من بلادكم بالسعودية سعره رخص
لا تقرب بجانب الياباني

[xnnx]

او اشتره من بلادكم بالسعودية سعره رخص

وين رخيص الله يرحم والدينك
احنى عندنا بالمدينة مافي غير محل واحد يبيعة عشان كذا مستغل الوضع وصالخ ضهورنا بالسعر
تصدق انة تعدى حاجز ال5000 ريال والله لو انقز باقرب طيارة على اليبان واشترية من هناك يمكن مايكلفني زي كذا
انا افكر اطلع اليابان بعد المغرب واشتري الجهاز وانزل السعودية قبل الفجر

[THE_MATRIX]

اخوي انت من الأمارات صح ..؟
خلاص يوم توصل الأمارات ارسلي رسالة خاصة و اتصرف معاك ..
اعرف محل يبيعها بـ 2000 درهم ( امريكية + برايمر )
تطلبه من عنده و يجيبها لك خلال اسبوع تقريباً و المحل جابها لي وانا بستلمها ويوم الأحد ..
المحل في دبي عند سوق الجملة اسم المحل كوكب الألعاب ..

سعر خيالي مارح تحصلة في اي دوله في العالم ..
لأنه يسوي طلبيه من مصنع مايكروسوفت نفسه .. وما انصحك بالباباني ..

[zxz999]

الف شكر للجميع


--

شو مشكلة الياباني ؟


وليش تنصحوني ان ما اشتريه ؟





....

[خالد 333]

السبب بكل بساطة هو عدم وجود الألعاب الي تشتغل على الجهاز الياباني يعني نظام الأشرطة يختلف

[الهـــــوى N الغايب]

السلام عليكم.
اول شي شباب ماودي والله احبط اللي شرا منكم الأكس بوكس360 , انا ما ادري ليش متحمسين كيذا طيب كان صبرتوا شوي إلين تعرفون كل شي عن الجهاز بعدين اشتروة .
_______________________________________________________

عموماً هناك مقابلات اكدت وجود مشاكل بالأكس بوكس 360 وتوقعات بعض المصنعين ومهندسين الأجهزة بفشل الأكس بوكس 360 في نهاية الأمر .

________________________________________________________

كل اللي ابية منكم - فحص Hard Driver وإظهار تفاصيلة . لأنة في مساكين تعرضوا لمشاكل سيئة في الجهاز وخاصة الدرايف .
في النهاية البلاستيشن 3 اعتقد هو من سيأخذ لقب الملك .
بالتوفيق.

[THE_MATRIX]

بالتأكيد الـ PS3

لكن اخوي ياليت لو تجيب لنا كلام موثوق منه من موقع رسمي او شيء ..
الجهاز اول ما نزل كانت فيه مشاكل و شي طبيعيي وفي كل جهاز جديد تسير هذي المشاكل ..
ولكن الأن الأجزة الجديدة يعني الدفعات الجديدية من الـ XBOX 360 مافي ولا وحدة فيها مشاكل
وانا متأكد 100% ..

وعندي اصدقاء وايد اشترو الجهاز مافي اي مشاكل لأن الجهاز من الدفعة الجديدة ..

[الهـــــوى N الغايب]

هلا فيك ذا مايتركس كلامك صحيح وانا اتأكدت عن طريق مصادر كثيرة ان الدفعة الأولي كان فيها مشاكل واما بالنسبة لدفعة الحالية ممتازة 100% . وهذا شي يطمن .
وإنشاء الله اخوي اقدر اجيب كل تفاصيل الأجهزة وزي منت عارف الأختبارات دوبها بدأت والله يعين .
++++++++++++++++++++++++
+++++++++++++++++++++++++++++++++++
بالتوفيق إنشاء الله