<+|[ موضوع الطلبات]|+>

[سوليدس سنيك]

السلام عليكم..

كيف حالكم..

المهم

---

هذا موضوع للطلبات ..

اي واحد يبي يطلب اي شيء عن التعديل يجي هنا ^^

مثلاً

تطلب

مستلزمات تعديل ( اجنحه ، جنوط ، استكرات ، زوائد ، ....،....،....إلخ )

واي درس عن التعديل اسئلني واجيب لك الدرس ان شاء الله..

وان شاء الله اجاوبكم على كل شيء ^_^

-----

واعذروني اذا ماقدرت انفذ بعض الطلبات

والله يوفق الجميع..

[dj_fatman_uae]

هلا اخوي كيف الحال وش علومك بغيت اسألك عندي صورة سياره طيب وواحد من الكفرات لاف حيث ربع الكفر بالداخل كيف اقدر احط جنط جديد ويصير نفس الشكل الصورة مرفقه والله يخليك قولي كيف

[Dr.MoDmEn]

اجتهاد رااااائع اخوي سوليسد

ماشاء الله عليك عضو مبدع بمنتدى التعديل

وان شاء الله اذا كان عندي طلب اي قطع راح أرجع لك ^^


اخوك مدمن تعديل

[MooN Shehab]

ممكن ياسيد سوليدس




تسوي لي درس الشرايح عالمبات


ودرس كيف نولعهم باليل



واكون شاكر لك شكر شديد

[سوليدس سنيك]

اخوي dj_fatman_uaе

1- افتح صورة السيارة وركب الجنط عادي..

2- سو اللي بالصورة بالضبط

3- اضغط على color أو بالعربي (لون) بعدين حدد مثل بالصورة وامسح ^_^

4- بعد ماتمسح ..روح واضغط على normal او (عادي) بالعربي...يعني مثل اللي بالصورة

5- وبكذا انتهى الدرس النتيجة : ( طبعا الجنوط اللي ورا سهل تركبها )

اتمنى اعجبك الدرس

مدمن تعديل

شكرا على ردك وتشجيعك واي طلب تعال هنا

Scare Face

مافهمت طلبك الأول ( لمبات شرائح )

وطلبك الثاني شلون اللمبات تولع وتطفئ الحين اسوي لك درس

[ronaldinho dxb]

والله تسلم اخوي سوليدس سنيك
بس بغيت درس متقن عن كيفيه وضع الغبار ( انا اعرف كيف اخلي الجنط يدور ) بس مب عارف كيف احط الغبار

و الله ودي ارشحك لانك تستاهل لكن مب راضي يرد يكتب لي نفس الشي

[ronaldinho dxb]

و اخيرا قدرت ارشحك
لكن بالغلط دقيت سيده enter و تم الترشيح بدون اسم فاعرف اني انا اللي رشحتك

اخواني اي واحد تنطلع له هذي الرساله لازم يرشه عضو اخر عسب يرد يرشح هذا العضو يعني ما يستوي ارشح نفس العضو ورا بعض

ممكن ساعات لازم اترشح اكثر من عضو عسب اترد اترشح هالعضو في موضوع اخر

[سوليدس سنيك]

اخخخخخخخخخخخ تعبت
هههههههههههههه
Scare Face
قلت لك مافهمت الطلب الاول بس الثاني سويته

1- افتح الصورة وسوي نسخه للشريحه


2- اشتغل على اي وحده تبي من النسختين..وطبعًا لاحظ كل شيء حوله مربع احمر وسو مثله


3- سو مثل اللي بالصورة ( اضغط على الفرشاة ولون احمر حجم65 )


4- بعد ما تلون اللمبات الخلفيه روح لبرنامج الايميج ريدي


5- بعد فتح برنامج الآيميج ريدي ( انتبه لعلامة العين اللي تجي جنب النسخ حطها عالنسخه اللي تشتغل عليها ) واضغط على علامة الورقتين تلقى حولها مربع بالصورة


6- بعد ماتضغط عالزر الصغير..راح تصير حركتين..خل كل شيء مثل اللي بالصورة ( يعني علامة العين خلها عالشريحه اللي انت تشتغل عليها )


7- في الـ Animation في الصورة الاولى الصغيره تلقى تحتها كلمه ( 0sec ) وجنبها سهم صغير اضغط عليه وسو مثل اللي بالصورة


8- لاحظ انك بتكون تشتغل على الشريحة الثانيه يعني غير علامة العين وحطها عند الشريحه الثانيه


9- سو مثل ماسويت بالشريحه الاولى بعدين اضغط على زر play مثل اللي بالصورة حوله مربع احمر


10- وخلاص بتصير تشتغل ( الحين سو مثل اللي بالصورة بالضبط )


11 - سمها اللي تبغى ^^




النتيجة النهائية :


وطبعا مو لازم الوقت يكون 0.5 انت وكيفك حدد
اتمنى اعجبك الدرس

---

ملاحظة ياشباب..
ترا كل الدروس والله مانقلتها من منتدى ثاني..كلها انا مسويها من نفسي والله..

[سوليدس سنيك]

رونالدينو
والله الغبار ماعرف اسويه اسف صراحه
انا اللي اسوي اني انقل الغبارمن صورة ثانيه
واجلس امسح فيه لين يزبط













هذي كم صورة فيهم غبار
اتمنى اني قدرت اسوي لك طلبك
وطبعا لاتنسى
لما تبي تمسح ..امسح بالفرشاة الناعمة مثل اللي بالصورة



ومره ثانيه اقول..
ان شاء الله قدرت اخدمك ..والله لو اعرف ماراح اقصر معك..

واي طلب ثاني انا حاضر..

بالتوفيق..

[dj_fatman_uae]

كفيت ووفيت ومشكور

[ronaldinho dxb]

تسلم و الله

[maxs]

مشكوور الغالي .......


وان شاء الله نخدمك بالأفراح

[Best Mada]

والله انك مبدع

تسلم عالموضوع وانشاء الله اذا ابغا اي شي بسالك والله انا كان عندي سؤال بس جاوبته انت قبل لا اسالك
مشكوووووور عالموضوع ثاني وجهودك الي ما تنسى.
وعلى فكرة تم الترشييييح...

[dj_fatman_uae]

[QUOTE=سوليدس سنيك][center]
5- بعد فتح برنامج الآيميج ريدي ( انتبه لعلامة العين اللي تجي جنب النسخ حطها عالنسخه اللي تشتغل عليها ) واضغط على علامة الورقتين تلقى حولها مربع بالصورة


كيف تطلع القائمه المستطيله إلي تحت الصورة على اليسار

[a zanbil]

مشكور يالغالي ومنك نستفيد

والف شكر على الشرح ومجهود تشكر عليه يالغالي

تحياتي