سؤال يحيرك بخصوص عضو

[Yamato]

Doel

سين سؤال يا دولي الديناصور الصغير ابو خدود مفغوطة على قولة لينا

انت متى بترد الامارات.. انا وانسان نريد نشوفك

[Doel]

سين سؤال يا دولي الديناصور الصغير ابو خدود مفغوطة على قولة لينا

انت متى بترد الامارات.. انا وانسان نريد نشوفك

خدود مفغوطه؟ << مخيلته تروح لشايب عمره 99 سنه ... ويهه ذاب من العمر .. و خدوده ... مفغوطه (على الأقل جيه فهمتها)


متى برد الإمارات ... سؤال وجيه ... انا لو السالفه بيدي أرجع الإمارات الحين و أعزمك انت و انسان و كل شباب المنتدى عللا الغدا في كفتيريا محارة البحر .. بس الدراسه ما تساعد

حاليا في فكرتين ...

1) آخذ أول كورس صيفي و أرجع لمدة شهرين للإمارات ابتداءً من 25/6
2) آخذ الصيف كامل و أرجع الإمارات لمدة اسبوعين في 15/8

بس في كلا الحالتين لازم أتلاقى وياكم ^_^

Doel 'su

[Yamato]

لا لا.. شوف المجلس في اخر صفحة في رد للينا.. محطية صور.. بتعرف قصدي..
انت عمرك ما شفت كرتون عن ديناصور اخضر صغير وشكله اهبل
كان حلو...


بس سالفة رجوعك للامارات... ياااه طويلة خمس شهور.. بس ما عليه.. بنترياك انا وانسان..

سين سؤالين..
توقيعك جميل جدا.. من وين جبته

[Doel]

لا لا.. شوف المجلس في اخر صفحة في رد للينا.. محطية صور.. بتعرف قصدي..
انت عمرك ما شفت كرتون عن ديناصور اخضر صغير وشكله اهبل
كان حلو...


بس سالفة رجوعك للامارات... ياااه طويلة خمس شهور.. بس ما عليه.. بنترياك انا وانسان..

سين سؤالين..
توقيعك جميل جدا.. من وين جبته

ديناصور أخضر ..... قصدك دنفر ولا التنين الصغير ... حدد

شو نسوي ياخي ... نبا نخلص الدراسه بأسرع ما يمكن ... عشان اذا لحقت أسحب لي عالماجستير ... و أرجع أتوظف مهندس و الماجستير ما يسوى فلس

و عن توقيعي ... من وين تتوقع؟ the source of everything cool ..... the internet

تعال ... يالس أقرا موضوع الجات و انتبهت انك فاتتك الطياره ... إذا ما فيها مشكله .. أي شركه و أي حقل؟

Doel 'su

[Yamato]

ديناصور أخضر ..... قصدك دنفر ولا التنين الصغير ... حدد

شو نسوي ياخي ... نبا نخلص الدراسه بأسرع ما يمكن ... عشان اذا لحقت أسحب لي عالماجستير ... و أرجع أتوظف مهندس و الماجستير ما يسوى فلس

و عن توقيعي ... من وين تتوقع؟ the source of everything cool ..... the internet

تعال ... يالس أقرا موضوع الجات و انتبهت انك فاتتك الطياره ... إذا ما فيها مشكله .. أي شركه و أي حقل؟

Doel 'su

ياخي والله كنت اريد اكتبلك انه مش اقصد دنفر.. وايضا مش التنين الصغير اللي كل مرة يصارخ على ابوه انه يريد يكون اطفائي.. ما ادري اسمه الفريدو ولا فريدو

بس اللي اتكلم عنه هو ديناصور صغير.. مش تنين.. في فرق

مش مشكلة.. بس شد حيلك وجيب الA's

وانا في شركة ادما حقل ام الشيف..
والله المسؤول مالي فري كوول هو المدواخ ماله... قاللي سير اتفسح في بوظبي بس خلك موجود على طيارة الساعة وحدة
لو كان البديل ماله موجود.. كان بياكلني.. الله ستر

[Doel]

ياخي والله كنت اريد اكتبلك انه مش اقصد دنفر.. وايضا مش التنين الصغير اللي كل مرة يصارخ على ابوه انه يريد يكون اطفائي.. ما ادري اسمه الفريدو ولا فريدو

بس اللي اتكلم عنه هو ديناصور صغير.. مش تنين.. في فرق

مش مشكلة.. بس شد حيلك وجيب الA's

وانا في شركة ادما حقل ام الشيف..
والله المسؤول مالي فري كوول هو المدواخ ماله... قاللي سير اتفسح في بوظبي بس خلك موجود على طيارة الساعة وحدة
لو كان البديل ماله موجود.. كان بياكلني.. الله ستر

الفريدو .... هممم بعرفوش


ياخي الليي يسمعك يقول الـ A هنه سهله -_-
الأي هنه لازم تدرس 9 ساعات في اليوم عشان تييبها ... غير الويكند (و 9 ساعات بالدقيقه و الثانيه) ... هذا اذا كنت ذكي ... اما اذا كنت عادي أو شوي ذكي ... زيد عليها ولا الله يعينك

هذا اللي تحصله لما تفرح بنسبتك و تروح ثاني أحسن جامعه في تخصصك -_-

عيل ادما هاه؟ ... احمد ربك ان الشيبه انتقل من ام الشيف من زمااااان ... و لا لو هو كان الـ HFO .... الله يعينك

تراني ياينكم أول ما أخلص

Doel

[Yamato]

الفريدو .... هممم بعرفوش


ياخي الليي يسمعك يقول الـ A هنه سهله -_-
الأي هنه لازم تدرس 9 ساعات في اليوم عشان تييبها ... غير الويكند (و 9 ساعات بالدقيقه و الثانيه) ... هذا اذا كنت ذكي ... اما اذا كنت عادي أو شوي ذكي ... زيد عليها ولا الله يعينك

هذا اللي تحصله لما تفرح بنسبتك و تروح ثاني أحسن جامعه في تخصصك -_-

عيل ادما هاه؟ ... احمد ربك ان الشيبه انتقل من ام الشيف من زمااااان ... و لا لو هو كان الـ HFO .... الله يعينك

تراني ياينكم أول ما أخلص

Doel

طيب ومن قال انها سهلة هنا
بالعافية السي -__-


وهاااه..
من هو يمكن اللي قبلي بيعرفوه.. وشو الاتش اف او.. لانهم مغيرين التسميات.. قصدك السايت مانيجر..
وتعال.. حياك بام الشيف..

[Angel whisper]

ما احيد ديناصورات في الرسوم غير دينفر وموكا ..

والحين اغنية كاليميرو داقة في راسي ..

كله منكم يالشواب ..

just to not to be off-topic ..

ياما
ممممم
شو احسن فلم عندك؟
*وحدة صدق ما عندها اسئلة*

[Doel]

طيب ومن قال انها سهلة هنا
بالعافية السي -__-


وهاااه..
من هو يمكن اللي قبلي بيعرفوه.. وشو الاتش اف او.. لانهم مغيرين التسميات.. قصدك السايت مانيجر..
وتعال.. حياك بام الشيف..

ما قلت ان الدراسه في البلاد سهله ... قلت انها أصعب بوايد هنه

HFO مسمى جديم قبل لا يحطون نظام التيمز عندكم تقريبا أعلى منصب في الحقل ... و فوقه مدير الحقل في بوظبي ... أظني الحين واحد اسمه فتحي هو اللي ماسك المنصب ( نو لاست نيمز ... عشان ما يستوي تشهير بالناس)

يمكن أم الشيف ... بس ادما أكيد


و عشان انجل ما تزعل ... روحوا جوفو the usual suspects .... really nice

Doel 'su

[Yamato]

ما احيد ديناصورات في الرسوم غير دينفر وموكا ..

والحين اغنية كاليميرو داقة في راسي ..

كله منكم يالشواب ..

just to not to be off-topic ..

ياما
ممممم
شو احسن فلم عندك؟
*وحدة صدق ما عندها اسئلة*

*كالميروو كالميروو...الديناصور الصغير* <<<< كله منها تلخبط عنده كل شي >.<

احسن فيلم
والل ما ادري ليش اول ما قلتي هالسؤال اجا على بالي فيلم شفته وانا صغير.. عن اب ماتت زوجته واضطر انه يربي اولاده لوحده.. بس الشؤون الاجتماعية اخذتهم عنه وحطوهم في ملجا للايتام... ومرت السنين والعيال كبروا.. وخلال السنين استوت اشياء كثيرة وتشتت شملهم.. بس في الاخير اجتمعوا.. للحين اتذكر مشهد النهاية لما الوالد وابنه الكبير اللي اصيب بعاهة من سوء المعاملة من الملجا اللي عاش فيه والبيوت اللي مر عليها كانوا يتجهون نحو بعض.. كان مؤثر نوعا ما.. حتى اني حاولت بكل قوتي اني امنع نفسي من البكاء خصوصا اني كنت قاعد مع كل اللي في البيت ونطالعه..

كان مشهد رائع ومؤثر..

طيب انا بتوكل الحين..
وقبل ما اطلع سؤال صغير للاثنين الموجودين حاليا..

دولي............. <<<<والله هو.. الحين تذكرته.. وانا اقول ليش اسميك دولي.. اسم الديناصور كان دولي >.<
تحبني؟؟؟ << معليش مستعجل

انجل..
كيف الحال؟؟ <<<< والله كمان مستعجل


السلام عليكم

[Angel whisper]

ابا اشوووفه ~___~
ديناصور .. دولي؟
وانا الحمدلله بخير ..

مادوه:
كيف تقدر توصف شخصيتك؟

[Classic Evil]

المنتدى عللا الغدا في كفتيريا محارة البحر .. Doel 'su

الشقف ماله خرطي !!


==


ياماتو : شو هالدوام اللي تسير فيه بطيارة ؟؟ لا يكون في السمالية ولا السعديات اذكر يروحونها بقارب

[Electro M]

مادوه:
كيف تقدر توصف شخصيتك؟

وش الطاري؟
اصعب سؤال بصراحة ان الواحد يطلب منه وصف شخصيته
لان الشخص يشوف نفسه فيه صفات يمكن يتخيلها
الصحيح انك تسأل شخص يعرف الشخص الي مهتمة في شخصيته
لكن اذا حبيت اصف نفسي في كلمة واحدة فقط فشخصيتي متناقضة
يعني احيانا اكون مرح بقوة و احيانا اكون جاد بقوة
احيانا متفائل بقوة و احيانا متشائم بقوة
احيانا ذكي بقوة و احيانا غبي بقوة
و هلم جرا

[Classic Evil]

عي - مادوه :

هل سبق وتعرضت لموقف محرج مخجل؟ وكيف خرجت منه ؟

طمنا على مشروعك شصار عليه

[Electro M]

عي فيلوه
المواقف المحرجة قليلة في حالاتي
لاني غالبا اسوي لها بلاك اوت
الا اذا كان الحق في صفي و في هالحالة في موقف حصلي في جمارك السعودية على جسر البحرين
و انا راجع من البحرين
انا و اللي معي كنا جايبين شي ممنوع - بعد ما تنتهي السالفة بقول لكم وش هالشي بالضبط عشان اشوف وش راح تتوقعون بعد اللي صلحه لنا الجمركي - من البحرين نبي ندخله للسعودية
و احنا طبعا مبسوطين ولما تعدينا الجمرك البحريني تذكرناه
وكنا تاركينه في المرتبة الخلفية للسيارة
و لما وقفنا للتفتيش السعودي و احنا في السيارة حاولنا نتدارك الامر فخبينا هالشي في مخباة كل واحد منا و تركنا الاكياس مكانها
المهم من حسن حظنا انه في هاليوم بالذات طحنا بحلق جمركي الظاهر المدير مهزؤه قبل شوي فحب يحط حرته فينا
يعني بالعادة ندخل الجمرك و نطلع و كل الي يسوونه يفتحون الشنطة يشوفون معنا عفش و الا لا
لكن هالمرة هالجمرك قرر انه يطلع الحرص كله علينا
و فتح الشنطة و ما لقى معنا عفش راح شال الغطى اللي في الشنطة و جلس يفتش مكان الكفر الاحتياطي - الاستبنة -
ثم للاسف ما لقى شي
راح للسيارة و فتح الدرج اللي قدام الراكب و جلس يحبرش في الاوراق
للاسف ما لقى شي
راح دخل راسه تحت الكراسي الامامية
للاسف ما لقى شي
راح فتح العلبة اللي في المركاة اللي بين السواق و الراكب و جلس يفتش
برضو للاسف ما لقى شي
راح للمرتبة الخلفية
شاف الاكياس مرمية بشكل اعتيادي ما عطاها وجه
راح حاول يحرك المرتبة الخلفية!
قلت له هي انتبه للسيارة
لكنه اصلا للاسف ما لقى شي
اخيرا قرر انه يحبرش في الاكياس
و وجد ضالته و انفرجت اساريره
لقى كرتون الشي الممنوع
راح قال كل واحد يطلع الي في جيوبه
طلعت المحفظة المفاتيح المناديل
ما صدقنا و جا لمس جيوبنا و طلع الشي الممنوع
قال ما تدري ان هذا ممنوع في السعودية؟!
قلنا له اللي نعرفه انه ممنوع بيعه في السعودية لكن الاستعمال الشخصي عادي كل الناس تستخدمه
قال لا ممنوع تدخله للسعودية نهائيا تعالوا الحقوني لهالكابينة
دخلنا كابينة 2×2 متر و سوا تفتيش ذاتي لرفيقي
جا لعندي - وقتها انا طرطعت -
قلت له و الله ما تلمسني!
قال لا ترفع صوتك معك ممنوعات غصب عليك افتشك
قلت له هالممنوعات بيدك الحين هالمذلة ليه!؟
رح سجل علينا محضر و خلصنا ما يبيلها هال****** الزايدة
طبعا بدا الصراخ بيني و بينه و جا عسكري شاف وش القصة و قال لهالدلخ الجمركي خلاص الممنوع معك رح سجل عليهم محضر و انهي الموضوع
و جلس يهدي فينا
المهم الخبل راح للمحضر و لما جينا ندخل لمدير الجمارك مر بجنبي قلت له الله لا يعطيك العافية
طرطعت معاه و بدا يزاعق و عطيته اشكل

الزبدة هنا لازم اقول لكم وش هالشي الممنوع
الشي كان جوال كاميرا اللي وقتها كان ممنوع - و بعدها بشهرين طلع قرار السماح -
و حتى الجوال ما كان لي كان لرفيقي و خويه لكن ارتفع ضغطي بسبب هالدلخ اللي مصدق انه ماسك علينا مخدرات و الا خمر و مسوي زحمة
و حتى اوضح لكم اكثر
بعد ما تفاهمنا مع مدير الجمارك قال و الله لو اقدر كان خليتكم تدخلون فيها بس المشكلة ان هالجمرك - الدلخ اللي فتشنا - سجل عليكم محضر لذا احسن شي اقدر اسويه اني احفظها عندي و تجون بكرا و تاخذونها و تدخلون فيها للبحرين
و هناك عاد تصرفوا فيها يعني بيعوها و الا شي
و فعلا نفذنا نصيحته و رحنا من بكرة و اخذنا الجوالات و شفنا لنا كم فيلم في البحرين و رجعنا والجوالات معنا لا و من زود النكاية خلينا الاكياس في المرتبة الخلفية و دخلنا السعودية و كأن شيئا لم يكن!

اما المشروع فإن شاء الله يوم الاحد بيكون يوم تقييمه و مناقشته
دعواتكم