وصلت القطع من أمازون.آرائكم يا شباب

[Marvix]

أخيرا وصلت القطع من أمازون بعد ما طلبتها يمكن من اسبوعين.ووصلت على دفعتين لأني حطيت بعضهم شحن عادي من أمازون بالغلط
رحت شريتلي كيس بنفس اليوم و جمعته عندي بالبيت والحين قعد اكتب الموضوع من الجهاز الجديد

وهذي مواصفات الجهاز :

المعالج : Amd Ahtlon 64 X2 4400+ Processor

المذر : ASUS A8N-SLI Premium nForce 4 Socket 939 Motherboard

الرام : OCZ EL Platinum Dual Channel 2048MB PC3200 DDR 400MHz Memory (2 x 1024MB)

كرت الشاشه : BFG Geforce 7800GT Oc 256MB Pcie

الباور سبلاي : Antec High Efficiency 550W Psu

هارد : Maxtor L01R250 250GB 7200RPM, 16MB, U133

الكيس : Antec Performance I P180 Silver هذي شريتها من الكويت عشان الوزن والشحن

الكيس عقدتني بالتركيب و انجرحت مدري جم مره و انا احط البراغي.لأنه الباور من تحت.بس بصراحه الكيس عجييب.حراراة المعالج باللود ما توصل 40 .وفيها دكت فوق كرت الشاشه اذا شفتوا الصور.تقدر تركب في مروحه 80مم تاخذ او تعطي هوا فوق كروت الشاشه والكيس مالها صوت كلش لأنه المراوح كبيره (ماتدور وايد) و اقدر اتحكم بسرعتها.

ودي اجرب ال 3dmark بس ما اعرف اي نسخه اجرب و من وين احملها.
شرايكم بالجهاز ؟

[Gentleman]

مبروك على الكمبيوتر اولا :: فرحه لا توصف نفس الشعور لما وصلت طلبيتي خخخخخخ

شنو تبي اقول عن الجهاز مشاله كامل والكامل الله

كل شي سريع فيه .. على ما اعتقد ما راح تغير فيه شي لمده سنتين او يمكن ثلاث واربع بعد .....

وسامحني عن الثري دي مارك لاني ما اعرف عنه اي شي ....

بس عندي سؤال :: شنو كانت مواصفات جهازك القديم ... وهل الفرق كبير بينهم ..؟؟ وجم سعره مع التوصيل او بدون ( ما يفرق ) ومن وين شريت الكيس ... من حولي ؟؟؟ وبجم

خخخخخ ذبحتك بالاسئله

وشكرا ..

[BIG-M]

القطع ممتازة ومبروك عليها ... و ان شاء الله ماراح تحتاج لتغير جهازك لفترة طويلة .. حتى لو بدأ التقطيع بالمستقبل .. ببساطة تضيف كرت اخر و تفعل SLI

[Marvix]

يبارك فيك جنتل مان . اي والله استانست وخصوصا لما اشتغل.لأني قعدت بمكن 5 ساعات وأنا اركبه ولا راضي يشتغل .حتى اني عجزت و تركته لثاني يوم.بعدين طلع في 3 وصلات لازم تتركب على المذربورد من الباور سبلاي عشان تشتغل
واكيد في فرق كبير بين هذا الجهاز و القديم.القديم عندي من 5 سنوات بس لما شريته هم كان توب و عشان جذي طول معاي. كان +2000 amd XP هذا الـ32 بت . وبصراحه كان المرحوم الافضل ايامها الله يرحمه .
قبل كان fps في كاونتر سورس ما يوصل 50 و كله على LOW .الحين يوصل مرات 150 و كله High معا 4XAA .اللعبه صارت غير الحين .
سعره من دون التوصيل للقطع اللي ذكرتها من دون الكيس 460 دينار كويتي.والتوصيل طلع رخيص من أرامكس.كل القطع كلفوا علي 36 دينار بس.
ملاحظه : asus 7800gt يسوا 190 دينار بحولي.وانا الكرت اللي خذيته احسن منه و طلع علي بأقل من 100 دينار
الكيس خذيته من حولي .محل ألفا بيتا بمجمع ولاء.خذيته بـ60 دينار .بس انصحك فيه اذا تبي كيس.

BIG-M كلامك صح أخوي.انشالله بيقعد معي فتره طويله قبل لا أحتاج لتحديثه.ويومها كرت ال 7800جيتي بيكون بـ 29 دينار

[randy moss]

مبروك أخي مارفيكس على الكمبيوتر وتتهنى فيه ان شاء الله

لكن ودي لوتعلمني اشلون طلبت من أمازون وهم مايوصلون الكويت؟

وشكراُ

[Gentleman]

يبارك فيك جنتل مان . اي والله استانست وخصوصا لما اشتغل.لأني قعدت بمكن 5 ساعات وأنا اركبه ولا راضي يشتغل .حتى اني عجزت و تركته لثاني يوم.بعدين طلع في 3 وصلات لازم تتركب على المذربورد من الباور سبلاي عشان تشتغل
واكيد في فرق كبير بين هذا الجهاز و القديم.القديم عندي من 5 سنوات بس لما شريته هم كان توب و عشان جذي طول معاي. كان +2000 amd XP هذا الـ32 بت . وبصراحه كان المرحوم الافضل ايامها الله يرحمه .
قبل كان fps في كاونتر سورس ما يوصل 50 و كله على LOW .الحين يوصل مرات 150 و كله High معا 4XAA .اللعبه صارت غير الحين .
سعره من دون التوصيل للقطع اللي ذكرتها من دون الكيس 460 دينار كويتي.والتوصيل طلع رخيص من أرامكس.كل القطع كلفوا علي 36 دينار بس.
ملاحظه : asus 7800gt يسوا 190 دينار بحولي.وانا الكرت اللي خذيته احسن منه و طلع علي بأقل من 100 دينار
الكيس خذيته من حولي .محل ألفا بيتا بمجمع ولاء.خذيته بـ60 دينار .بس انصحك فيه اذا تبي كيس.

والله ودي اغير الكيس الي عندي الي صارله على الاقل 4 سنين .... بس المشكله انه مريحني ولا في اي مشكله عشان اغيره ....... بس مو جنه 60 دينار على كيس وايد

والصراحه كرت الشاشه فرق من 190 الى 100 او اقل بقليل .....

نفس الشي حصل معاي لما شريت من امازون كرت 6800GT من قبل تقريبا 6 شهور ..

شريته ب 89 دينار ( ولكن من دون وايرات الTV وهذا احسن عشان السعر يقل واصلا انا ما احتاجهم ) ..... ولما سألت عنه بالكويت قالولي ب 140 دينار ....

تتهنى بالجهاز يا رب ......

وشكرا ..

[Marvix]

أخور راندي.لازم تشترك بخدمة أرامكس اللي بالكويت عشان تشحن اللي تشتريه من أمازون لصندوق البريد مالهم بأميركا.اقرا هذي الصفحة وانت تعرف كل شي :
http://www.aramex.com/shopship.asp

عادي اخوي جنتل مان. مادام الجهاز مواصفاته زينه فيبيلا كيس سنع عشان تضمن الحراره و هالسوالف.
عاد شفت كيس مال gigabyte بحولي ومعه التبريد بالماء.بس غالي. 110 دينار

[Q8iBoy]

الف مبروك اخوي على الجهاز .. صخر ماشاءالله

بس بسئلك بخصوص الكيس جم راح يكلفك لو طلبته من برا ؟ (سعر الشحن)

لأني شيكت على المواقع (غير newegg) لقيت سعر الكيس بحدود 35 دينار ... يعني تكاليف الشحن راح تطلع عليك أكثر من 15 دينار !؟

[daewoo7]

الف مبروك على الجهاز الاكثير من رائع و عقبال الي لسه ما محصلين

[daewoo7]

الف مبروك يا اخوي و عقبال اخواني الي لسه ما عندهم ان شاء الله الجميع يحصل كمبيوترات بمواصفات عاليه

[Marvix]

يبارك فيكم اخواني.اي بيطلع الوزن جذي و اكثر.لأنه الكيس هذا تاور.كبير شوي.ووزنخ مو اقل من 7 ولا8 كيلو بالصندوق اذا مو اكثر.

[heartfox]

مبروك اخوي على الجهاز بس ييألك عن ارامكس يحاسبون على الكيلوا بالشحن وكم الكيلوا عندهم وشنو الطريقة انا من الكويت لاني بسراحة ابي اشترى العاب من النت بس مو عارف

[Gentleman]

مبروك اخوي على الجهاز بس ييألك عن ارامكس يحاسبون على الكيلوا بالشحن وكم الكيلوا عندهم وشنو الطريقة انا من الكويت لاني بسراحة ابي اشترى العاب من النت بس مو عارف

اسمحلي اجاوبك نيابه عن مارفكس ...

اخوي ارامكس يحاسبون على اول نصف كيلو بدينارين ونص .. وبعدين يحسبون على النص كيلو دينار ونص تقريبا ... يعني تدفع دينارين ونص اول مره فقط ...

اذا تبي طريقه التسجيل ... اول شي تدفع مبلغ فتح صندوق بأمريكا وبريطانيا بمبلغ نسيته والله بس جنه 7دنانير ونص او تقريبا حواليه ... بعدين راح يعطونك رقم صندوقك اهناك ... وراح يعطونك المعلومات الي اذا تبي تطلب من اي موقع ( امازون مثلا ) شنو لازم اتسوي ...

الطريقه سهله انا رحت لمحلهم وماخذيت 10 دقايق الى ربع ساعه حتى عرفت كل شي ...

اذا تبي مكانهم انت بس قولي

وشكرا ..

[Digerati]

السلام عليكم و رحمة الله و بركاته

ألف ألف مبروك أخي Marvix على جهاز الجديد

الصراحة الجهاز ممتاز من جميع المواصفات و شيء جميل أن تركبه بيدك

موفق و انشاءالله تتهنى به

[Marvix]

يبارك فيك أخوي ديغارتي . اي والله شي حلو تحس انك اللي مركب الجهاز قطعه قطعه.وهذا اول جهاز اركبه بأيدي