My First Date !

[Arnegrim]

السلام عليكم ورحمة الله وبركاته ^^
شخباركم يا أعضاء و عضوات ^^
هذا الموضوع بيكون عن لقائي الأول بعضو من المنتدى ^^
العضو هو Marche من منتدى الأنمي ^______________^
تدور احداث القصة عندما قام مارش بإضافتي إلى الماسنجر فيلسنا نسولف و نتكلم و في يوم من الأيام قال مارش شي عجيب...
شو رايك نلتقي ببعض؟!
طبعا الفكرة كانت صعبة شوي..
كيف نلتقي و هو في دبي و انا في الشارجة ._.؟
هذا كان في إجازة الربيع أي بعد إمتحانات نصف العام الدراسي ^^
للأسف الشديد ما قدرت ألتقي به في الإجازة لأنه كان ساير في رحلة مال معسكر مادري ملتقى و بدأ العام الدراسي الجديد...
أرني ليش ما نطلع مع بعض ؟
متى تبانا نطلع >.>؟
شو رايك بيوم الأربعاء؟
اوكي ^^
.............................................
في يوم الأربعاء رجعت من المدرسة و فتحت المسن و حصلته...
أرنجريم بتطلع اليوم؟
ما أقدر ._.
ليش ما تقدر؟
محد بيوديني..
انزين خل أي حد يوديك :vereymad:
بشوف...
............................................
الساعة 5:00 العصر
اتصل بي مارش و كلمتة و قالي انه يبى يطلع معاي صحارى لأنه ما يدل الميجا مول و هو المكان الى المفروض نسيرلة من الأول..
طبعا كنت ما اقدر اروح لأن محد بيوديني بس قلت بجرب حظي و بسئل اخوي
تعجبت منه يوم قالي انه بيوديني
اتصلت بمارش و قلتلة اني بروح لصحارى و طبعا كنا فرحانين ^___^
سئلني مارش: أرني كيف بعرفك ._.؟
طبعا سئلني شو بلبس يوم بطلع و قلتلة اني بلبس كندورة و ما بتعصم و كان المسكين يبى يلبس بنطلون و قميص لكن ما كان عندي بناطلين و قمصان نفس الناس و قلتلة اني بلبس كندورة و هو نفس الشي..
تعدلت و خذت معاي 6 بطاقات مال الألعاب و طلعت و قبل ما أطلع اتصلي مارش:
هلا ارني وينك احين؟
ها..ايوة انا احين في الطريق بوصل عقب شوي ^.^
انزين ترا شي زحمة و يمكن أتأخر ^^
اوكي ^^
ووصلت صحارى ..

Toys r us

اكيد تعرفون هذا المحل

بالضبط هو المحل الى يبيع وايد ألعاب ^^
هناك حصلت جهاز DS و يلست اطالعة و فوجئت بحرمة هناك:
قالتلي انت شو تحب اكثر الـDS ولا PSP?
تفاجأت طبعا و قلتلها DS....Nintendo DS و رن الموبايل فجأة..
مارش: هلا ارني تراني وصلت^^
ارني: انزين انت وين احين؟
مارش: مادري ._. انا تحت
أرني: انزين تدل تويزأر أس؟
مارش: لا
أرني: انزين انت وين احين؟
مارش: انا احين عند الرسبشن
أرني: انزين ترياني هناك و انا بروحلك بس وين بالضبط؟
مارش: انا عند السيارة ^.^ ( شي سيارة هناك )

الرسبشن

كنت امشي هناك على أساس اني اشوف واحد طويل شكله شرير نفس الى في الصورة الى عطاني إياها و انا كنت اكلمه و فجأة قالي شي و سكر الخط في ويهي...

ما عرفت شو قالي بالضبط لكني عرفت انه شافني و شفت واحد طويل يتقدم نوحي عرفت انه المدعو مارش و سلمت عليه و كان طيب ^^
شكله كان يدل على انه طيب مب شرير و كان طويل و نحيف و ما عندة لحية XD
قلنا خلنا نتمشى شوي و نروح للسينما..

In The Cinema

رحنا هناك على أساس نشوف فيلم Chronicles of Narnia و للأسف كان عرضه منتهي و كنت بشوف Underworld لكنه كان بادي وفاتنا العرض

طلعنا من السينما و رحنا للمكتبة على أساس نحصل مانجا او قصص ناخذها..
مارش: أرني هاذي هي المكتبة الى كلمتني عنها؟
أرني: هيه هي و شي وايد كتب حلوة بتعجبك بس انا اخاف من الحرمة الى هناك الى مصبغة شعرها بأسود و النص الثاني بأصفر
مارش: ليش؟
أرني: لأني دائما اجلب المجلات و هي تعدل من وراي و هذا يتكرر في اليوم على الأقل 3 مرات و استمر لمدة سنتين ._.
مارش: انزين انت شو تحب تقرأ من المجلات؟
أرني: انا اقرأ مجلات الألعاب الأنكليزية مثل Play Magazine و EGM ^^
مارش: Play Magazine حلوة؟
أرني: هى حلوة و فيها وايد اشياء مثل تقارير عن أنميات و ألعاب و أفلام بس ما حصلتها غير مرة وحدة و اشتريتها فورا ^^
مارش: انت تقرأ روايات مصرية للجيب؟
أرني: اتخبل عليها XD
لحظة .. هاذي القصه عودة شوي
هاذي من السلسله نفسها؟
مارش: لا هاذي قصة بروحها وفيها اكثر من جزء
ما لاحظت ان مكتوب عليها كوكتيل؟
ارني: اها وانا اقول ليش غاليه ~_~ بس شكلها كشخه هي

وطلعنا من المكتبه وسرنا نتعشى من برجر كينج

Burger King

هناك طلبتلي عشا ومارش كان يبا يدفع وانا ما كنت اباه يدفع

فعطيت الحرمه هناك 100 وهو عطاها 20
وما عرفت من عند منو تاخذ
فخذت ال100 وفي نفس الوقت حط مارش ال20 ماله .. فطالعت مارش بنظرات مرعبه لدرجة انه خفنا من انها بتضربنا
خذت العشا وخذله مارش من ماكدونالدز وسرنا ناكل وحشينا شوي في اعضاء المنتدى كلهم
وقلنا خل نسير عند النت .. وبغينا ندخل المنتدى من هناك
بس ما لقينا غير كرسي واحد وتمينا نتضارب على منو بييلس عليه
بغيت مارش ييلس لانه الاكبر بس في النهايه قلنا خل ناخذ دورة ونرد
وعقب ما درنا وردينا ما لقينا ولا كرسي فاضي
بس لقينا مجموعة شباب متجمعين على كمبيوتر واحد ويطالعون الماسنجر
مب داشين .. بس يطالعونه
جان ناخذ كرسيين منهم لانهم ما كانو يالسين مول
ودشينا المنتدى وكم ويب سايت وظهرنا
وشفنا واحد مودر ماسنجره شغال جان نبنده له لان احنا شباب طيبين

وعقب ظهرنا ودرنا على كم محل وخليته يشتري كوكيز غصب وهو نصحني اشتري تشيتوز الحار
واشترينا ايس كريم بعد وهالمره هو دفع والهندي مستانس مسمي مارشوه ارباب لانه ينبان اكبر مني

الانطباعات:
مارش ولد طيب يونس وكنت اتحسبه قرقعه من الصور وحشرته اللي يسويها في الماسنجر بس طلع عالعكس هادي
واستانست وياه وان شاء الله اظهر وياه مره ثانيه

وان شاء الله ويا آسفوه بعد ^_____^

[الموهوب]

السلام عليكم

خخخخخخخخخخخخخ سرد عجيب لقصة حياتك اليوم XD

ارنجريم يكتب موضوع .. مب معقوله ...

ماشاء الله هالأيام المابلات زايدة حبتين . من هنا ارجنريم ومارشي وهناك غريب ودراكنس وبالأمس ياماتو وانسان ..

الله يديمها
---
اللي استغربه نازي مود ما استقعدت لك (القاموس لايدعم هذه الكلمة) ... اللي يبي يترجم حيّاه الله

او اقول اشتغل اشتغل (القاموس) : استقعدت لك اي نشبت لك اي قالت لك مافيه روحه
---

هناك حصلت جهاز DS و يلست اطالعة و فوجئت بحرمة هناك:
قالتلي انت شو تحب اكثر الـDS ولا PSP?
تفاجأت طبعا و قلتلها DS....Nintendo DS

= = =

---
مارشي مارشي مارشي .. اعتقد قد شفت له مره موضوع هنا
---
الله يديمها من معرفه ^_^

الموهوب ,,,

[Ultralest]

حظك والله كان نفسي اقابله انا كمان
اني وي

شكله كان يدل على انه طيب مب شرير و كان طويل و نحيف و ما عندة لحية XD

ههههههههههههههههههه فضيحة علنية مارشي

[FARES360]

and i thought the topic is about GF & BF...
.that is seen too much latly in our arab country's sadly

[7_Dark Soul]

كويس...مقابلة جديدة....

ليش ما تقدر؟
محد بيوديني..
انزين خل أي حد يوديك :vereymad:
بشوف...

لا تقول ذي الجملة.....فطرت قلبي من الالم T___T

تذكرني بمعناة الماضي....

In The Cinema

هععععع...مسكت عليك غلطة....شبكت السينما في قصة المكتبة>>>>يبقى دم العروبة في عروقي

مشكور على الموضوع و ان شاء الله تستمر ذي العلاقة دوم

[فـ؛ـاfasterسـ؛تـ؛ـر]

هههههههههههه
قصه صارت لي بعضو من اعضاء المنتدى المعروفين
لو اقول اسمه كان عرفتوه

[Mada Mada Dane]

You know, for a moment I thought that you were a gay

لول, الله يدومها من معزه

[احلامو ادوماتو]

O.O

موضوعوووون بحاجتن لفصفصه O.O

p.s. : سهران ، فلا تشرهون T-T و أسألوا موهوبيان عني عندما أسهر T-T

طبعا سئلني شو بلبس يوم بطلع و قلتلة اني بلبس كندورة و ما بتعصم و كان المسكين يبى يلبس بنطلون و قميص لكن ما كان عندي بناطلين و قمصان نفس الناس و قلتلة اني بلبس كندورة و هو نفس الشي..

ياخي كان المفروض تسوون نفس الفيلم الاجنبي ذاك ، يوم انها البطلة تحط حاجه غريبه على فستانها مثل شكل الفراشه ، و البطل يحط على راسه طربوش فستقي ×___× <<<<فستقي هذا لون يشبه المشمش ×___×

اكيد تعرفون هذا المحل

بالضبط هو المحل الى يبيع وايد ألعاب ^^

واحد عمره 15 و الثاني عمره 17 ، وين بتلتقون يعني O.o ما فيه احتمال ثاني غير الملاهي <<<يعلمكم انه كبير ×___×

حرام لو كنت معكم T-T كان قشيت الي بالمحل كل ابوه T-T <<<<مو قبل وشي كنا كبار O.o

مارش: هلا ارني تراني وصلت^^
ارني: انزين انت وين احين؟
مارش: مادري ._. انا تحت
أرني: انزين تدل تويزأر أس؟
مارش: لا

بلشه ذا قحطه O.o ياخي لو اني منك كان خليته يضيع شوي ^^

شكله كان يدل على انه طيب مب شرير و كان طويل و نحيف و ما عندة لحية XD
قلنا خلنا نتمشى شوي و نروح للسينما..

خخخخخخخخخخخخخ أهم شي ما عنده لحية XD

أقوله يستخدم زيت حشيش مو طايعني o.O <<<وش يبي على الصبح ×____×

رحنا هناك على أساس نشوف فيلم Chronicles of Narnia و للأسف كان عرضه منتهي و كنت بشوف Underworld لكنه كان بادي وفاتنا العرض

خخخخخخخخخخخ قحطه و بارني اجتمعوا ، أكيد نحس

طيب مو انت شايف نارينا و مكلمني عنه >.> ولا تبي تشوفه مع قحطه و تخرب عليه o.O

لو كانت ذي نيتك ، تعجبني

خذت العشا وخذله مارش من ماكدونالدز وسرنا ناكل وحشينا شوي في اعضاء المنتدى كلهم

كنت اعاطس ذاك اليوم O.o وش قلتوا عني T-T

وشفنا واحد مودر ماسنجره شغال جان نبنده له لان احنا شباب طيبين

لا والله ، طيبين قلب ^ــــــــــ^ والله لو انه انا كان ما افكه الا اشوف كل شي في إيميله >.>

ما شاء الله عليكم ، تعتبرون قدوة للانسان الرزين ^ــــــــ^ <<<احد يسوي له ايقاف او يشوف له صرفه >.<

مارش ولد طيب يونس وكنت اتحسبه قرقعه من الصور وحشرته اللي يسويها في الماسنجر بس طلع عالعكس هادي
واستانست وياه وان شاء الله اظهر وياه مره ثانيه

لا هو شيء متوقع ، الولد توووووووو كيوووووووت و انا اكلمه احس اني بأمووووت ×____×

بالنسبة للعصفور أو Baka -chawn فالمقابلة بعد اللايسنس ولا قبله O.o <<<لازم يفتح الجروح القديمه ^ــــــــــــ^

=-=-=-=-=-=-=-=-=-=-=-=-=-=-=-=-

ينطيك العافيه بااااااااااااااارني و بانتظار مقابلتك مع أسف ^ــــــــ^

لكن ما قرينا انطباعات مارشي O.o

قوله يترك خباله على الماسنجر و يعطينا انطباعاته ^ــــــــــ^

[meyrin]

هاااااااااي ارنجريم >>سرقت اللفظ من الاعضاء
شحالك ؟؟؟ان شاء الله بخير وبصحة
الصراحة كان اللقاء رائع ومشوق ومليان مغامرات
والله اتمنى التقي برفيقاتي بالمنتدى
دايما انسولف على الماسنجر ونتخيل بعضنا على اساس شخصيات من الانمي (ساكورا,ليدي ,ساندي)
انت الاولاد تقدروا تعملوا كل شي بس احنه البنات المظلومات
اكثر فقرة عجبتني وااااااااايد هي الفقرة بال
Burger King

هناك طلبتلي عشا ومارش كان يبا يدفع وانا ما كنت اباه يدفع

فعطيت الحرمه هناك 100 وهو عطاها 20
وما عرفت من عند منو تاخذ
فخذت ال100 وفي نفس الوقت حط مارش ال20 ماله .. فطالعت مارش بنظرات مرعبه لدرجة انه خفنا من انها بتضربنا

ههههههههههههههههههههه

خذت العشا وخذله مارش من ماكدونالدز وسرنا ناكل وحشينا شوي في اعضاء المنتدى كلهم

اتكلمتوا علي بسوء :mad22: >>>هم يعرفوج علشان يتكلموا عليج بسوء

وقلنا خل نسير عند النت .. وبغينا ندخل المنتدى من هناك

يووووووووووه شو هذي البرودة شوي خلوا في المقابلة اثارة اكثر
شو اتسوا بالمنتدى سولفوا مع بعضكم اكثر واكثر

بس ما لقينا غير كرسي واحد وتمينا نتضارب على منو بييلس عليه

هههههههههه خلي مارج يقعد لان هو الزائر

بغيت مارش ييلس لانه الاكبر بس في النهايه قلنا خل ناخذ دورة ونرد

اي والنعم منكم

وعقب ما درنا وردينا ما لقينا ولا كرسي فاضي

تستاهلو لان المثل بيقول (قليل باقي خير من كثير منقطع )

الانطباعات:
مارش ولد طيب يونس وكنت اتحسبه قرقعه من الصور وحشرته اللي يسويها في الماسنجر بس طلع عالعكس هادي
واستانست وياه وان شاء الله اظهر وياه مره ثانيه

ان شاء الله تستانسون اكثر واكثر

شكرا اخوي ارنجريم لاني استانست وايد
وان شاء الله يوم اشوف رفيقتي face to face
يارب

[asf4ever]

إنت لشو قاص على العالم ومطلع marche جنه ملاك

بالنسبة للعصفور أو Baka -chawn فالمقابلة بعد اللايسنس ولا قبله O.o <<<لازم يفتح الجروح القديمه ^ــــــــــــ^

لا..قبل الليسن.. مالت علي.. بسير أنتحر><

وان شاء الله ويا آسفوه بعد ^_____^

إنتوا تحلمون تعرفون عن My date with him
بتكون بيني وبينهproud5:

[Y a z e e d]

Date: An engagement to go out socially with another person, often out of romantic interest.
* Lexico Dictionary

ههههه ، أمذح @.@
لقاء جميل، وعقبال ما يجتمعون كل آل منتدى في The Ultimate Date

قابلت مجموعة صراحةً من المنتدى @.@
Mada Mada Dane
Trapped Inside
Rushin_911
Da S.O.S.
NAF ( ولو انو ما يعتبر لقاء صراحةً )

و .. بس @.@
وفيه كثيرين في بالي أقابلهم
بس ، مشاريع

[Pika-Chu]

وعليكم السلام ورحمه الله وبركاته
هلا ارني شحالك
لحقت مارج لين صحارى عشان اللي بالي بالك
جتلته ولا بعدك ؟

طويل و نحيف و ما عندة لحية

هههههههههههههههههه
الله يعينك مارج T_T
فضحوك في المنتدى بكبره

.. فطالعت مارش بنظرات مرعبه لدرجة انه خفنا من انها بتضربنا

حسافه ما ضربتكم

مارش ولد طيب

r u sure ?

[Guy.Thing]

Nice story but u should say ur first meeting

Ur first date would be with a person who have a romantic interest
FYI

[Anime Girl]

هاي (^.^)\
Yooo Arne<<< اختصار ارنجريم XD

هذا الموضوع بيكون عن لقائي الأول بعضو من المنتدى ^^
العضو هو Marche من منتدى الأنمي ^______________^

ونااسه ياخي ..
حلو الواحد يقابل زميل له خصوصاً اا كان بالمنتدى
تعرفه اكثر ويطلع على اصوله
وتطلع فضايحه بعد XD

ودشينا المنتدى وكم ويب سايت وظهرنا
وشفنا واحد مودر ماسنجره شغال جان نبنده له لان احنا شباب طيبين

ياحليلكم طيبين والله
متأكدين انكم بندتوه .. قبل لاتنسخون الايميلات اللي فيها كلها ؟!! * تطالعكم بنظرة شك * <.<
*j/k*

الانطباعات:
مارش ولد طيب يونس وكنت اتحسبه قرقعه من الصور وحشرته اللي يسويها في الماسنجر بس طلع عالعكس هادي
واستانست وياه وان شاء الله اظهر وياه مره ثانيه

ان شاءالله ^_^
لكن ماتوقعت مارشي كذا ابــداً
فضحته يابني XD
يالله الفال لما تطلع مع باقي الاعضاء
ملاحظة : ماصورتوا شيء بطلعتكم؟؟؟!! <<< افهموها ياحلوين XD
وكل واحد يحط لنا صورة الثاني
اوكــي طولتها عليكم
وطلعتكم الصراحه تونس (^+^)v
الفال لي ان شاء الله ^o^ <<< نفسها تطلع مع بنات المنتدى
ثانكس على مغامراتكم الحلوة ارني
وكثروا من طلعاتكم
(^+^)\

[Marche]

نعم نعم

هذا الموضوع بيكون عن لقائي الأول بعضو من المنتدى ^^
العضو هو Marche من منتدى الأنمي ^______________^

و نعم العضو XD

في يوم من الأيام قال مارش شي عجيب...
شو رايك نلتقي ببعض؟!

شو فيها ؟

طبعا الفكرة كانت صعبة شوي..
كيف نلتقي و هو في دبي و انا في الشارجة ._.؟

يالله عاد جنك تقول أمريكا و أستراليا >.>

هذا كان في إجازة الربيع أي بعد إمتحانات نصف العام الدراسي ^^
للأسف الشديد ما قدرت ألتقي به في الإجازة لأنه كان ساير في رحلة مال معسكر مادري ملتقى و بدأ العام الدراسي الجديد...

لا تذكرني بيوم ضاع مبايلي T-T

طبعا سئلني شو بلبس يوم بطلع و قلتلة اني بلبس كندورة و ما بتعصم و كان المسكين يبى يلبس بنطلون و قميص لكن ما كان عندي بناطلين و قمصان نفس الناس و قلتلة اني بلبس كندورة و هو نفس الشي..

كنت أبغي يكون شكلي زلمة , بس بعد اللي شفته زين إني تميت على الكندورة

كنت امشي هناك على أساس اني اشوف واحد طويل شكله شرير نفس الى في الصورة الى عطاني إياها و انا كنت اكلمه و فجأة قالي شي و سكر الخط في ويهي...

شو تبغيني أسوي يوم شفت شكلك ؟

شكله كان يدل على انه طيب مب شرير و كان طويل و نحيف و ما عندة لحية XD

ردينا على اللحية T-T؟

فخذت ال100 وفي نفس الوقت حط مارش ال20 ماله .. فطالعت مارش بنظرات مرعبه لدرجة انه خفنا من انها بتضربنا

تأدبت والله العظيم T-T

وحشينا شوي في اعضاء المنتدى كلهم

روحك مب أنا >.>

بس ما لقينا غير كرسي واحد وتمينا نتضارب على منو بييلس عليه
بغيت مارش ييلس لانه الاكبر بس في النهايه قلنا خل ناخذ دورة ونرد
وعقب ما درنا وردينا ما لقينا ولا كرسي فاضي

اخرط انته بس, خليتني أيلس على الأرض و انته يالس على الكرسي

وعقب ظهرنا ودرنا على كم محل وخليته يشتري كوكيز غصب

هددني بالضرب كنت لازم آخذه T-T

مارش ولد طيب يونس وكنت اتحسبه قرقعه من الصور وحشرته اللي يسويها في الماسنجر بس طلع عالعكس هادي
واستانست وياه وان شاء الله اظهر وياه مره ثانيه

أنا قرقعة ؟
الإنطباعات :
أرني ولد ملحي و شكله يزيغ ._.