ممكن تقول لي اين بالله عليكم عاجل

[nintendaoy]

السلام عليكم
يا اخواني لي شهور ابحث عن ناروتو 4 وماني محصلها
ممكن اعرف اي محل يبيعها في السعودية (جدة) وعنوانه ماعندي غير 3 ايام في جدة و مسافر

[nintendaoy]

سمعت بمحل جيم تراك و جيم ماستر بس ايش عنوانهم في جدة

[MAN 89]

السلام عليكم

جيم ماستر: غرب دوار السفن إلي في شارع حراء، أمام محل ركن الجمبري وقبل المحطة.
جيم تراك: في فندق في خط المدنة قبل الدانوب الجديد اسه فندق جدة أوركيد من عنده اتجه غرب حتلاقي صيدلية النهدي وبعدها حتلاقي جيم تراك.

[nintendaoy]

مشكور اخي العزيز على الاهتمام وبارك الله فيك كفيت ووفيت

وعلى فكرة ناجي الشخصية المفضلة لدي في ناروتو 3 رغم انه لايختفي واذا بعد عنك الخصم لازم تجري له خصوصا 2 ضد 2 بس اللعب به ممتع.
وانشالله نلقي مرادي في واحد من المحلين

[MAN 89]

مشكور اخي العزيز على الاهتمام وبارك الله فيك كفيت ووفيت

لا شكر على واجب

وعلى فكرة ناجي الشخصية المفضلة لدي في ناروتو 3

أنا نيجي الشخصية المفضلة عندي في 3و4 ولو نزلوا أجزاء إلين 100 ^_^

رغم انه لايختفي

بالنسبة لي الاختفاء حركة ممتازة ضد المبتدئين لكن ضد الفاهمين في اللعبة كويس بالنسبة لهم الاختفاء ولا شي، وبما أنك تحب نيجي حقلك على حاجة، لو اختفى إيتاشي أو أورو أو أي أحد اضغط تحت+X

واذا بعد عنك الخصم لازم تجري له خصوصا 2 ضد 2

صح بس انت لا تعطي لخصمك فرصة يبعد

بس اللعب به ممتع

صدقت

وانشالله نلقي مرادي في واحد من المحلين

إن شاء الله

مع السلامة

[nintendaoy]

السلام عليكم
اخوي محمد دوار السفن الي الغرب بيرفع الي الكرنيش وبعيد عن شارع حراء ولا في واحد ثاني في شارع حراء!!!
واذا في رقم تلفون لاحد المحلات تنحل مشكلتي
شكرا على التعاون

[MAN 89]

في دوار في حراء اسمه دوار السفن، يقع شرق شارع حراء ون واي one way
المهم إذا تبغى الرقم أنا عندي رقم جيم ماستر فقط
جيم ماستر: 6058936 أو 6556240

[nintendaoy]

اخي العزيز بارك الله فيك
وصلت لمحل جيم تراك بس ما لقيت ناروتو 4 الاصلية قال انها خلصت وما راح يجيب منها ثاني !!!
بس عنده كوبي ب 15 ريال
اشتريتها مع كابتن ماجد و بليش بس المشكلة اني ما عندي جهاز معدل ولهذا اشتريت الجهازالمعدل ب 700 ريال.....
هل انضحك عليا ؟؟ ولا هذا هو السعر
وهل جيم ماستر يجيب العاب ياباني اصلية مثل ناروتو 4 اصلية ولا حتى هو كوبي بس؟وهل هو قريب من سوق حراء الدولي ولا انا في عالم ثاني ؟
مع احر تحياتي

[ألمستشار]

اخوي nintendaoy بالنسبة للجهاز المعدل اعتقد السعر كويس بس ايش العرض اللي جا مع الجهاز
يعني ايش اعطوك من قطع مع الجهاز مثل الالعاب واليدات ووو...الخ لانه هنا يفرق السعر من محل لمحل
من ناحية جيم ماستر يفضل الاتصال عليهم واسألهم عشان تعرف بخصوص الالعاب اصلي ولا كوبي بس
والمحل قريب من سوق حراء بس اعكس انت الشارع وامشي من تحت الكوبري
وبتلاقي مستوصف النزهه وبتلاقي مقابل المستوصف بالجهه الثانيه
تمنياتي لك بالتوفيق

[MAN 89]

اخي العزيز بارك الله فيك

آمين وفيك

وصلت لمحل جيم تراك بس ما لقيت ناروتو 4 الاصلية قال انها خلصت وما راح يجيب منها ثاني !!!
بس عنده كوبي ب 15 ريال

أنا ما كنت أدري إنك تبغى أصلي ، خلاص الكوبي مو بطال ^^

اشتريتها مع كابتن ماجد و بليش بس المشكلة اني ما عندي جهاز معدل ولهذا اشتريت الجهازالمعدل ب 700 ريال.....
هل انضحك عليا ؟؟ ولا هذا هو السعر

مبرووووووووووووووك، بس والله ما عندي أي علم عن الأسعار.

وهل جيم ماستر يجيب العاب ياباني اصلية مثل ناروتو 4 اصلية ولا حتى هو كوبي بس؟وهل هو قريب من سوق حراء الدولي ولا انا في عالم ثاني ؟

طبعا قريب من سوق حراء، شوف في اشارة جنب السوق تحت كبري المدينة، اتجه من عندها للشرق وخليك ماشي قدام إلين يجيك دوار لف وارجع من عنده وحتلاقي جيم ماستر عن يمينك، وان شاء الله تلاقيه ^_^.

تحياتي