بعض المعلومات المهمة ودي أنظر رايكم فيها(مهمة جدا)

[Majid Ali]

السلام عليكم ، انا خويكم ماجد (الجديد).......<لا تحسبونن سبيكة (سبيكة=مايدري وش السالفة)لاني توي ادري بها الموقع، تسألون وراه؟ لاني كنت ما اوادي الكلام مع الناس واكره المحادثات لكن يوم شفت هالموقع تغيرت نظرتي 180درجة.>

ارجو ان تقر ون كل شي، معليش ادري انه محاضرة مهب كلمة والا كلمتين لكن لا تفشلونن وردوا علي. زين .

ودي لو تكرمتم اطرح بعض الامور والنقاط اللي ودي تجاوبون عليها كلكم بدون استثناء وبصراحة . مع ذكر الاسباب ان كان هناك اعتراض.

أولا : وراكم اعوذ بالله متحفظين شوي ، وراه ماتقولون اساميكم ،يكفي الاول وخلصنا ! وانا ثاني واحد بعد محمود يقوله (ترى اسمي ماجد تسمعون ) الا رينوا بكيفها < اما اذا كنتم قايلين لبعض وانا ماأدري فهذا شي ثاني.>

ثانيا : اعمار نا علشان الواحد يتكلم بصراحة اكثر ورينوا اولنا وانا الثاني (هه19 سنة وش عندكم، وبأولى كلية بعد < احسن يالقوي>) < اما ان كان نفس الاول فاعذرون>

ثالثا: وراه الواحد مايقول المدينة اللي هو ساكن فيها ويفكنا وش ضارنا حنا ، وانا من المدينة الصحية على مستوى المملكة (من قدنا) واللي ما يعرفه مهب لازم ( اعرف دولك قبل تعرف على ماحولك ) ( كح كح...كح كح << يكح>> فيه غبار كثير don’t you think ) هذا واحد حولي يقول كذا .
واللي من خارج المملكة معذورين !! كذا نعرف وشلون نهرج بصراحة اكثر والا وش رايكم؟!!!

رابعا وليس باخر (( اوووووه متى يقضي ذا )) . شكرا على المعلومات عن FFXI صراحة رهيبة وخيال واشكركم كلكم والمزيد تكفون.
لكن فيه بعض الاشياء حاطن عنده علامة تعجب واستفهام بعد؟! ودي تردون عليهن تكفون.
هل اكيد ماأقدر اشترك بـ FFXI الا بالـ credit card او الـ vesa ؟ لاني سألت بعض البنوك مثل بنك الراجحي ويقولون لازم رصيد 500الف للأولى او راتب 4000 الاف للثانية .وشلون هالحتسي؟!!
وش قصة البرود باوند وش سالفته ووش اخباره؟
بعدين وشلون تقولون نلعب play online وفيه اسطوانة تبي تنشر بالاسواق! وضح لي الله لا يهينك. أواي واحد يقدر يرد علي . وتقولون انها بشهر مارس تبي تصدر النسخة اليابانية ! وشلون يابانية وانتم تقولون انك تقدر تختار بين اليابانية والانجليزية . وسمعت من SQUARESOFT انه تبي تبدا فتح الـ play online في 28 ديسمبر على مااعتقد!!! والتسجيل اللي تقولون عليه هل هو اللي اول ماتدخل الشركة تلقاه REGISTER او غيره ! ( ارجوا اعلامي بذلك للي يعرف ومغبي علينا ، علمونا خلونا اخويا ) . وتراي انا تبهذلت مع الكلام الياباني ودخلت مكان اسمه occ على ما اعتقد وسجلت به وكل شي بالياباني ( الله ماادري وش السالفة) واظنهم قبلون ، لانهم ارسلولي بالـ email ( وبرضوا مادري وييييش السالفه) .....
لاتبخلون علينا بالمعلومات تكفون ..

واخر شي( اخيرا) : ابي اشاوركم ببعض الامور:
هذا راأيي وردوا... احسن قصة ( مهب اللعبة ككل ، بس القصة) FF8 وبعدين 6 ثم 7 ثم9 والباقي ناسيه. اما FFX من شد فهمي وتعمقي بالقصة تأثرت ( والعاقل يفهم )...
طبعا مافيه مجال للمقارنة بين اجزاء FF وغيره من الالعاب ، لكن وش رايكم بكود فيرونيكا ؟ وانا عندي احسن من تومب رايدر بشوي ( معليش يا اخ محمود) ، واحسن جزء بتومب رايدرهو الثاني.!!

واخيرا (طوله الرجال) وش رايكم بالعاب القتال عموما مثل ستريت فايتر و تكن و ديد اور الايف 2 .. وانا احبها بعض الشيء!

لا تطنشونن ، تراي متكلفن على الكلام ، وردوا علي كلكم ، ولا تاخذون كلامي كله جد .لاني اخاف بعضكم يظن شي ثاني، لا بس يعني وشوله التحفظ. ونشوف ردكم انشاءالله. والسلام عليكم..
[IMG]C:\My Documents\My Pictures\ffx09.jpg[/IMG]

[ريـــنــــوا]

بالنسبه للاسم فأنا شخصيا ما أحبذ أني اقوله أحسن رينوا و خلاص..
و العمر ما في مشكله .... و كمان المدينه الي انت منها.


بس صراحه انت Cool لانك تحب FF8 احلىىىى لعبه بالوجود...

[تايدوس إمبرطور ال RPG]

عندي سؤال لعبت FFX باي لغه ??????
و راح اجاوبك على استفساراتك :
بالنسبه للشتراك فيه طريقه ثانيه انك تقدم طلب للشركه مع شيك مرفق لهم على طول او تروح لين عندهم في الشركه و تقدم طلب
بالنسبه للسطوانه الخاصه ببلاي اون لاين ما راح تنشر بالسوق ابد لكن راح يرسلوها لك سكوير مع الطلب حقك علشان تشغل الشبكه (( و اذا كانت راح تنشر بالسوق راح تكون مرفقه مع المودم الخاص بالشبكه ))
و بالنسبه ل FFXI راح تدعم اكثر من لغه في اصدارها الثاني الي هو في منتصف 2002 و راح تمتلك لغتين في اصدارها مارس 2002 (( و هي الانجليزيه و اليابانيه ))
الي سمعته عن فتح باب التسجيل كان التسجيل علشان تجربه البيتا العملاقه للشبكه و اليحن هل الباب سكروه بعد ما اكتمل عدد مقدمين الطلب
و بالنسبه ل OCC هذا منتدى خاص بشبكه سكوير PLAYONLINE

[Majid Ali]

مشكورة على الرد يا اخت رينوا ( واظن الباقين معطينن الخامس ) وبعدين ماتوقعت ان احد منكم يكون بنفس مدينتي < الا ان كان فيه شخص ثاني>
وفيه نقطة ( وحده ولا ثنتين ... لا وحده ) ابي اقوله للجميع:
انا يوم كتبت " الا رينوا" احسب مافيه من الخوات الا رينوا مادريت ان فيه لي خوات ثانيات (لا تشرهون) لاني اول ما دخلت الموقع كان التركيز على رينوا، واعتذر لهذي الغلطة يا خواتي الجديدات ...
واشكرتس على الرد مرة ثانية يا رينوا [IMG]C:\My Documents\My Pictures\12wallpaper.jpg[/IMG]

[Majid Ali]

مشكورة على الرد يا اخت رينوا ( واظن الباقين معطينن الخامس ) وبعدين ماتوقعت ان احد منكم يكون بنفس مدينتي < الا ان كان فيه شخص ثاني>
وفيه نقطة ( وحده ولا ثنتين ... لا وحده ) ابي اقوله للجميع:
انا يوم كتبت " الا رينوا" احسب مافيه من الخوات الا رينوا مادريت ان فيه لي خوات ثانيات (لا تشرهون) لاني اول ما دخلت الموقع كان التركيز على رينوا، واعتذر لهذي الغلطة يا خواتي الجديدات ... واعتذر عن التاخير لان البطاقة قضت.
واشكرتس على الرد مرة ثانية يا رينوا [IMG]C:\My Documents\My Pictures\12wallpaper.jpg[/IMG]

[Majid Ali]

شكرا على الرد ياخويي تيدوس ،
بعدين وشلون تقول باي لغة !! اكيد بالياباني ، ولا عندك الانجليزي وحنا ماندري!!
والطلب اللي تقول عليه ، يعني ارسلهم برسالة والا احول لحساب لهم ، والا احسن شي اروح عندهم واقدم الطلب ( كثرلي منه)
وممكن توضح لي اكثر اذا ماعندك مانع ( بالعربي ابيك تقول لي وشلون العب FFXI بالتفصيل)
وبخصوص المنتدى وشلون ادخله( يعني وشلون اتكلم مع العالم )

بعدين منين لك هالمعلومات ((سؤال محرج )) وشكرا على الرد [IMG]C:\My Documents\My Pictures\ff111-800.jpg[/IMG]

[تايدوس إمبرطور ال RPG]

بالنسبه ل FFX بس كنت حاب اعرف كيف فهمت القصه و هي بالياباني (( على حد علمي ما راح تعرف التفاصيل )) لكن اذا كنت تعرف ياباني هذا موضوع ثاني
و بالنسبه للطلب (( انت ترسلهم الطلب مع شيك بالبريد ))
و بالنسبه ل FFXI راح اكتب مواضيع في هذا المنتدى ان شاء الله عن اللعبه من جميع نواحيها
انا مشارك في ذاك المنتدى بس مشكلته انه القسم الانجليزي هناك صغير
و بالنسبه للمعلومات (( خبره الزمن ))

[Majid Ali]

طبعا انا ما فهمت القصة، لكن فهمت الزبدة( الزبدة والا القشطة)
وما قلتلي وشلون أسجل صح بالمنتدى هذا‍‍‍‍!!

[M7MOOOD]

هلا فيك يا أخ ماجد بينا ...

و أن شاءالله تكون معانا على طوووووووول ...

و الظاهر أنك تعرفني و أنا مادري ( حتى أنك تعرف أني أمووووووووووت في تومب رايدر و متعصب له )

و حياك بينا

[THE_ZODIAC]

حياك الله اخ ماجد

كل يوم تعال

[Majid Ali]

مشكورين يا اخواني على الرد، وانشا الله اني ما انقطع عنكم