تحذير هام : شباب عصابة في الأمارات مشابهه للعصابة القديمة لتطعيم الأيدز

[THE_MATRIX]

السلام عليكم ورحمة الله وبركاتة


شباب خبر مهم جداً وخاصتاً في الأمارات ..
توجد عصابة في الأمارات ..

تقول بأنهم جماعة من وزارة الصحة ويطعمون اصحاب البيت ..
يطعمونهم بمخدر لين ما يتخدرون اصحاب البيت كله و يسرقون البيت ..

و المشكلة انهم مالهم سيارة او باص معين


شباب الخبر إلى الأن موب مؤكد 100% ..
وان شاء الله تكون اشاعة .. لأني سمعته من اخوي يشتغل في الإعلام
ويقولون إلى الأن الخبر ما انتشر و ننتظر و نشوف

والله يستر

[Super Shadow]

و عليكم السلام و رحمة الله و بركاته

حاس أنها اشاعة قوية -_-

عموما مشكور على التحذير^^

[NsaN]

المرة الي طافت بعد اظني السالفة كانت جذب..

احيدهم اليهال عندنا كانوا عايشين حالة رعب..هههههههههههههههه..
عاد ما يدرون شو الايدز..بس خايفين من سالفة ان حد غريب بعطيهم ابرة (Which I 2 Find It Scary )

مشكور عالخبر..و ان شاء الله يكون اشاعة..

[Arnegrim]

اعتقد ان الخبر إشاعة
هم قالوا نفس الكلام من فترة و طلعت السالفة خرابيط تبدأ بمسج..
سمعتهم بعد من كمن يوم يقولون ان شي أطباء من الوزارة يمرون على البيوت عشان يعطونهم أبر ضد إنفلونزا الطيور بس الأبر في الأساس تنقل المرض للأنسان
مادري ليش الإشاعات تنتشر عدنا بهاذي السرعة العجيبة -_-
إن شاء الله يكون الخبر إشاعة ^^
ما بيعطونا إجازة عاد

[Prince]

مشكوووور على الخبر

بس اظن ان المرة اللي طافت قالوا نفس الكلام ولا بين شي

واظن انها اشاعات لاثارة الفوضى في الامارات الحبيبة

[Son_OF_Liberty]

حتى الامارات الشقيقه فيها هالشائعات

توقعت السعوديه لحالها فيها هذا النوع

عالعموم الخبر واضح انه اشاعه والدليل انهم ينومونهم ويسرقون الي بمنازلهم

[FARES360]

المرة الي طافت بعد اظني السالفة كانت جذب..

احيدهم اليهال عندنا كانوا عايشين حالة رعب..هههههههههههههههه..
عاد ما يدرون شو الايدز..بس خايفين من سالفة ان حد غريب بعطيهم ابرة (Which I 2 Find It Scary )

مشكور عالخبر..و ان شاء الله يكون اشاعة..

اليوم رحت حق سحب الدم .. ابوي قالي بس نغزه صغيره بالصبع ...قتله أكييد؟
ولا رحت وشفت الناس تسحب بالأبره على حجم انبوبه
جان قلت حق أٌبوي ههههههه شلون يبا .. الناس زحمه خلها تولي الفحص ونتايجه
جان اطلع ولا سويت شي

[Best Star]

انشاء الله تكون اشاعه مب تخافون

[Pr.Game]

يا كثر الإشاعات هذي الأيام ..
أولاً الكبار مالهم تطعيم .. لأن التطعيم اللي في البيت يكون للأطفال ضد مرض شلل الأطفال وغيره ..
وانفلونزا الطيور ماله تطعيم .. ما وجدوا عقار فعال له لحد الآن ..
يعني السالفة واضح من أصلها إنها إشاعة ..
والمخدر عشان تخدر جسم بالكامل لازم تدرس حالته ولا راح يموت الرجال بسبب جرعة زائدة في التخدير ..
شكلهم عصابة أخصائيي تخدير XD
انتبهوا من الإشاعات بس .. ..

[THE_MATRIX]

والمخدر عشان تخدر جسم بالكامل لازم تدرس حالته ولا راح يموت الرجال بسبب جرعة زائدة في التخدير ..

صحيح ^_^..

[Arnegrim]

جنه الخبر طلع إشاعة
قريت اليوم في الجريدة شي جيه..
ما قريت الخبر كامل لكني العنوان و كمن سطر >.>

[smigle]

الخبر أكيد اشاعه

وأشاعه سخيفه بعد

وتراها المره اللي طافت وصلت عندنا في قطر...

شي يضحك الصراحه ...يعني ليش الواحد مايفكر بالمنطق، لو قلنا ان هاشي صج صار في بيت واحد بس، أكيد السالفه بتاخذ منحنى اكبر من مسجات التليفونات والمنتديات، وأكيد ان الشرطه يتعطي تحذيرات والكلام بينكتب في الجرايد، وبيحطون عن الأسره المنكوبه، وحتى في التلفزيون.

بس احنا الشعب الخليجي عندنا هوس الأشاعت والبلاوي.

[Angel whisper]

mmm paranoia ..

كالعاده اشاعه~